2004 年 10 月 27 日 星期三 【晴】

27/10/2004 wed 11:48pm

今日個人唔知點解好支力呀，尋晚都唔係好夜訓je~都係12點幾，都唔知點解今日會咁支力呀~咁今日其實都係只係得phy堂真係烚左陣，chem都ok既~

咁今日放學要聽一個talk，係一個廢的talk，係講統計的，由政府統計署的人黎講架，我地都冇咩心機聽啦，一時時都自己傾下計咁，哈哈~好似好衰咁...~

咁聽完個talk之後(5:00pm)就返home啦，之後睇埋《封神榜》就去左寶湖的自修室，差唔多去到都7點喇，天都黑晒，幾恐怖~搞到我都唔想去咁呀，但係都有去到啦~^^v，去到既時候竟然冇位呀，原來有一個o係門口架，咁我諗住行入d睇下有冇第二個位呀，點知冇喎，再去返門口個位就冇左喇>.<，幾驚~冇位唔知去邊好...之後原來樹蛙隔離個位冇人的，哈哈~咁我就同佢坐呀~我都係第一次同佢坐，我同佢今年第三年一班，但係都唔係好熟咋，好似成班係佢同我講過最少野o個個，哈哈~可算是係最唔熟那個了~~~我不嬲都覺得佢幾搞笑架，今日佢做左樣野我覺得佢好勁啊~

件事係咁既......就係佢無啦啦離開坐位出左去，我都諗佢係去toilet or傾電話，點知佢好耐都仲未返，咁我又諗佢會唔會出左去食dinner呢，咁之後我唔理啦，做返自己野，之後我都想去toilet呀，就去啦，行去toilet的途中，見到一個類似樹蛙既人o係度打排球，好搞笑~不過我睇得唔清楚，同埋佢背住左我，我唔sure係咪佢啦，而佢又同緊兩個boy打 排球，而o個兩個boy我好似唔識的，我覺得好奇怪啊~之後去完toilet啦，點知打排球d人唔見晒喎，幾恐怖，好似撞鬼咁...=.=，之後返番去自修室，我就見到樹蛙坐返o係度啦，佢就同我講佢頭先去左打ball，原來o個個真係佢啦，好左唔係撞鬼je~哈哈~~~之後講講下我就問佢o個兩個boy係邊個啦，佢話「我唔識架」，哈哈哈~~~笑死我~~~好勁呀佢，咁我又問咁你點同佢地打呀，佢就話「我行埋去同o個兩個男仔講『我又想打呀，可唔可以同我一齊打呀？』」之後佢地就一齊打喇，我覺得佢非常勁啊~~~我一定做唔到呀，我希望我有一日可以咁主動啊~~~

咁我就溫chem溫到9點45左右就走左喇，樹蛙仲遲過我~咁返到home食完飯就白白啦，then就睇左陣電視就寫日記~online啦~宜家要訓覺lu~聽日要test chem呀，加油!!!

>>October 27, 2004 at 4:13:47 PM GMT+8

2004 年 10 月 25 日 星期一 【晴】

26/10/2004 tue 11:20pm

今日都幾眼訓呀，不過都ok啦，上chem堂都ok既...but phy就唔得喇，勁釣魚啊！>.<放左學返home，一陣之後就落左樓下自修室，未落去之前好肚痛，我又諗住唔落去之際，最後都係落左，哈~

今日阿婆黎左我地屋企，哈~佢叫我讀好d書，入大學，仲同我講話我實入到，哈~我都想~

咁今日o係自修室訓著左，好似係第一次真係訓著而冇知覺，仲要係......流埋口水o係d notes上面，嘩哈哈！不過梗係冇人見到啦，因為冇人坐我對面~~今日係溫chem，溫左好少咋，太過份，溫得咁慢，好煩啊！k.kwong notes做乜咁長架？！>.<

>>October 26, 2004 at 3:32:10 PM GMT+8

2004 年 10 月 25 日 星期一 【晴】

25/10/2004 mon 11:49pm

頭先溫chem既section 2，溫書我想打人，勁炆！係一d好簡單既野，但係我諗極都唔明，o個d E.A.既energy d正負號搞到我都唔知係咩，溫到我丫......聽日要問返wing係咩先得呀！唔係我會煩到打人啦！

係啦~我今日報左詩歌歌唱比賽喇^^v，參選既歌曲係「只因有你令我一生也是美」，我一個人上去唱呀，好大膽呀！係一次突破既機會同挑戰啊！偉會同我司琴or司他呀，佢d音樂詣藝好高架！哈哈~~~首歌本來係男仔唱的，係G調，不過女仔就太高了，so我要降key，哈哈~宜家係F調啊，不過偉話最後個副歌升key呀，唱返G調啊，要加加練習啊！

大家想聽下首歌的話就入下面條link啦~
http://www.angelfire.com/crazy3/plaster/jesus.mp3

>>October 25, 2004 at 4:15:50 PM GMT+8

2004 年 10 月 23 日 星期六 【晴】

24/10/2004 sun 9:16pm

尋晚睇完怪獸公司呀，就同王子傾icq傾到1點幾呀，哈哈~傾左兩個幾鐘呀，勁~~~哈哈~~~傾到我幾咁開心~~~呵呵~~~不過要有代價啦，就係今朝好似仲發緊夢咁，冇咩精神啦，仲有就係有兩眼皮，唔鐘意呀!!!兩眼皮搞到我個樣好似未訓醒咁，不過事實上真係未訓醒，哈哈~~~

今日tine姐返左黎分享呀，見到tine姐的堅強同勇氣，真係感到神的力量係幾咁強勁，讓神的力量繼續撐住tine姐呀，仲有就係要繼續o係禱告中紀念tine姐啊~~~

之後就係hh啦，今日有個迦聖既老師黎講「靈命更新」呢個題目，我覺得佢講得好好啊~~~大家都有drop到notes，好有得著啊~~~仲有，呢個miss同其他一d既人唔同，講d野一d都唔抽象，而係好實際同具體，非常好~~~咁先可以有機會行到佢所講既野啊~~~畀心機啊~加油~在靈命上更上一層樓!!!

之後返完教會就返home做功課啦，不過都係發夢多，今日好多野諗，都唔算係無聊野掛，其中一樣諗既野係考完alevel我會做d乜，咁長既假，有咩可以做呢？不過宜家諗呢個問題好似有d問題，會唔會過早呢？宜家應該咁都唔諗，猛咁讀書至岩......唔知呀.......好似好快就alevel喇，點算呀？....我又諗我repeat又要放多一年時間o係alevel，我又唔想，我唔想對住宜家呢d變態野，快d上到大學離開宜家既受既折磨，但係又怕自己上唔到大學喎，心理好矛盾，唔知想點，不過....宜家都冇咩可以決定，就係得一個目標，就係上大學！！！就算到考完真係要repeat的話.....就....到時先算吧.............對嗎？

>>October 24, 2004 at 1:34:48 PM GMT+8

2004 年 10 月 22 日 星期五 【晴】

23/10/2004 sat 10:11pm

今朝我12點先起身呀，之後就溫左一陣phy，因為今日要出去考個phy mechanic既mock，一開頭以為係hltam出架，點知今日先知唔係喎，係司徒出的，(司徒曾經係hltam既學生)，聽講呢個司徒出過alevel既卷架，佢出既卷真係好變態呀，好難架！仲有我都好似冇咁溫書就去左考，so我得好低分咋。今次test畀我知道，我一dd計數都ok，不過錯得最多係個unit，仲有就係explanation d題目唔識寫，中文都識解架，不過英文唔係好表達到呀，so又扣左d分，physics我要加油呀！！！physics我要B架！！！

>>October 23, 2004 at 2:29:57 PM GMT+8

2004 年 10 月 21 日 星期四 【晴】

22/10/2004 fri 11:45pm

今日成日都o係home呀，做功課...hea下咁，不過我冇溫過書，宜家覺得.....好唔掂呀，因為聽日hltam有個mock畀我地做，畀左$100架，but我冇讀過書，oh..no...聽日溫啦.....唉......今日都做左好少功課咋...中文都未郁過呀，唔想做呀，中化d功課好煩，宜家仲有中化兩樣功課同埋chem lab report未做，煩呀!!!!!!!!!!

今日好覺得我......入唔到大學.....要repeat.....唉..........我都唔想咁諗..........但係........唉..............我又冇畀心機讀書........又未做過d pp..........好多野都未溫..............好多野都唔識........宜家d test又唔係成績好................好唔開心..........諗深一層........覺得自己入唔到大學............>.<

>>October 22, 2004 at 3:53:32 PM GMT+8

2004 年 10 月 20 日 星期三 【晴】

21/10/2004 thu 10:35pm

頭先我好db呀！補完習返黎，10:00啦，之後去左大家樂買我既晚餐返home食，我都唔係第一次叫外賣架，但係我冇畀到o個張飛個counter呀，就坐o係度等，等左5-7分鐘，我就覺得唔對路啦，咁就先去問counter個人，原來張飛係要畀佢架，等我咁87仲坐o係度等，成個87咁!!!好db呀!!!!!!!!!勁爆樣衰!!!!!!>.< o個時勁想o係地下挖個"lone"塞個頭入去呀！！！太過db啦！我一邊返home一邊都忍唔住要話自己87呀！！！其實o個個counter人都見我坐o係度，又冇畀野佢，佢都覺得奇怪呀，之後佢畀個外賣我既時候，佢都教我點樣賣外賣呀，太傻仔啦！我係話我呀！.....................

另外講返今日d正常既野，今日要做chem，做左好耐，做到4點幾呀，因為要等個result，等到我地頸都長晒，不過我地都係o係度傾計，傾左勁耐，我地係傾學校那個詩歌比賽呀，我話我想參加呀，之後就講下music同邊首歌好，到宜家仲未有決定呀，宜家都唔知我係咪真係參加，或者會同wing合唱，or自己solo，大膽呀~不過我都唔係第一次上台唱歌，上一次(同時係第1次)係form5，流行曲比賽，勁大膽，一個人唱~哈哈~~~宜家仲好記得上台既feel feel，哈哈~~~講返正題，我地都係仲未揀好歌，我地又想揀首好聽既、新d既、岩女仔唱既、都ok易唱的、仲有要係廣東話既，不過宜家仲未搵到啊.....大家有冇d歌歌介紹下畀我呀？~個詩歌比賽monday截止呀，要快d揀至得喇~~~

仲有~heehee~話時話~~~今日都係我生日~~~就係舊曆既生日~~~^^v記住~係重陽節前一天~~~九月初八~~~哈哈~~~

p.s.好開心~~~我個日記又多一個人睇喇~~~^^v thank you manyin~^0^

>>October 21, 2004 at 2:55:16 PM GMT+8

2004 年 10 月 19 日 星期二 【晴】

20/10/2004 wed 10:45pm

今日我又o係學校發癲啦，其實今個禮拜成日都發，因為呢幾日都有好多功課交，搞到我心理都唔平衡，成日發神經，今日做ue listening既pp，我得好低分呀，我覺得我listening會u呀！唉.............做完得咁低分，真係.......唉.........丟臉........>.<

不過今日都有d驚喜，就係上次pure份卷有雙位數字既分數，哈哈~~~真係surprising呀~~~

星期一有6樣功課交，痴痴地的...=.=，呢排我覺得自己心理好暴力，成日都想打人，怕有一日忍唔住，周街打人就死喇.......

P.S. 好彩都有一個人睇我個日記je~~~thank you ar ball~
不過仲有冇其他人呀？heehee~(睇下我幾貪心~)

>>October 20, 2004 at 2:53:24 PM GMT+8

2004 年 10 月 18 日 星期一 【晴】

19/10/2004 tue 11:33pm

今日放學返黎就做chem既功課，可惜唔識做，之後就走左去訓覺，then訓左個幾鐘就走身繼續做，同埋食飯啦，之後d chem都係唔識做，就做星期四既ethics既present啦，做到宜家，做個ppt，我負責回教既部份，宜家知道咩係回教啦，不過都有好多野唔明呀，不過呢個教我覺得有好多contradiction，都唔知點解呢個教都會有咁多人信=.=，奇怪......

p.s. 其實我呢個日記有冇人睇既呢？ ?.?"""

>>October 19, 2004 at 3:39:47 PM GMT+8

2004 年 10 月 17 日 星期日 【晴】

18/10/2004 mon 11:44pm (發洩既日記!!!)

好炆呀，我由6點左右開始做數，做到宜家先做完，又唔識做喎，我真係好炆呀!!!對住d數真係好想死!!!好想喊!!!好想打人!!!好想踢野!!!好想大叫!!!我就黎發癲啦!!!再係咁，我點考pure呀!?!?!?!我真係唔想對住d數呀，次次都係咁喎，都唔知係我d數真係cheap左，定係我個腦真係唔識轉，搞到唔識點計題數，真係其實我EQ低，搞到我咁樣對住d數發脾氣，我真係覺得對住d數好慘呀!!!我真係寧願溫chem同phy，d pure我都唔知點解我會諗唔到既，真係好失敗呀，我好慶呀!!!

仲有，我今日交d功課都未做完呀，頭先計d數係應該今日交架，我都冇啦，又冇做到phy lab report喎，我真係死得啦，仲有星期三又有好多功課交喎，星期四仲衰，要present倫理，煩!!!present畀校長聽呀!!!點死呀？！唔可以馬虎啦！真係好想死呀！不過我唔會！我咁辛苦黎到呢個時候，我死咪正87!!!我至唔做呢d 87仔！仲有呀，星期六有個phy既mock，我都未溫書呀！唉！去死罷！！！

>>October 18, 2004 at 3:55:18 PM GMT+8

愛上ＮｅｗＳ 廣告 讀者留言 |  路人留言   | 哈~唔知點解想恭喜你買到部新手機 >>October 6, 2006 at 1:50:02 PM GMT+8 組長,多多指教!!! >>September 25, 2006 at 9:42:32 AM GMT+8 哈～ <br>咁下次的ｉｄｅａ　 >>September 16, 2006 at 10:46:27 AM GMT+8 今晚TVB有側田唱歌WO~~ < >>September 9, 2006 at 1:15:40 PM GMT+8 你睇o左醫生未呀?? <br>要 >>September 8, 2006 at 4:36:35 PM GMT+8 嘩~多謝你掛住我呀!! <br> >>September 6, 2006 at 4:15:37 PM GMT+8 傻ga,,,無lala同news >>September 6, 2006 at 4:48:16 AM GMT+8 有咩事唔開心呀? >>September 3, 2006 at 4:25:06 PM GMT+8 勁呀~佩儀~ <br>你個聯絡人 >>September 2, 2006 at 1:41:30 AM GMT+8 嘩~ <br>呢個camp d野 >>August 31, 2006 at 12:59:34 PM GMT+8 都話神一定看顧你家啦, yo, >>August 31, 2006 at 12:31:24 PM GMT+8 返包裝?咩黎嫁?? <br>個師 >>August 26, 2006 at 2:23:34 PM GMT+8 喂!!ar姨!!>v< <br> >>August 19, 2006 at 4:07:04 PM GMT+8 e你而家做緊兩返工呀? >>August 18, 2006 at 6:04:36 PM GMT+8 嘩!份工唔係我架~我都係魚蛋介紹 >>August 15, 2006 at 3:32:21 PM GMT+8 i got my money t >>August 10, 2006 at 2:46:47 PM GMT+8 佩儀, 神真係會有祝福家!! >>August 2, 2006 at 1:57:04 PM GMT+8 ................ >>August 1, 2006 at 2:16:49 AM GMT+8 真係唔睇你個板 <br>唔知你又 >>July 31, 2006 at 7:23:41 AM GMT+8 hot 多 lee call 咩 >>July 30, 2006 at 10:49:02 AM GMT+8 唉~好同意你講o個句.... < >>July 29, 2006 at 11:59:27 AM GMT+8 嘩 你做野個邊咁正既 可以飲d特 >>July 28, 2006 at 2:23:39 PM GMT+8 你都幾好呀, 同事好真係好好多呀 >>July 28, 2006 at 1:47:10 PM GMT+8 又有新工作啦, 一切順利呀!!! >>July 27, 2006 at 12:30:21 PM GMT+8 我琴日見到你呀^^ >>July 22, 2006 at 6:19:55 AM GMT+8 哈~你sale 野都有一手呢~勁 >>July 20, 2006 at 2:16:37 PM GMT+8 好野!有工做啦~恭喜喎! <br >>July 18, 2006 at 2:20:59 PM GMT+8 HAHA~ <br>你high >>July 17, 2006 at 2:24:35 PM GMT+8 你係書展度做呀??? 我聽日可能 >>July 16, 2006 at 5:30:04 PM GMT+8 打錯字, 係順利!!!! >>July 13, 2006 at 8:36:47 AM GMT+8 似乎幾順便喎, thx god! >>July 12, 2006 at 6:27:35 AM GMT+8 梗係知啦, 我d"飲歌"呀!! >>July 11, 2006 at 3:11:10 AM GMT+8 ............嚇親我. >>July 11, 2006 at 2:48:39 AM GMT+8 真係幾開心咁喎!!!! >>July 7, 2006 at 2:27:52 AM GMT+8 過去的A-LEVEL是曾經帶給我 >>July 1, 2006 at 7:16:35 PM GMT+8 你要撐住呀! 神必定會帶領!! >>June 30, 2006 at 5:35:17 AM GMT+8 好耐都冇見啦!!唔知你記唔記得我 >>June 29, 2006 at 2:09:52 AM GMT+8 多謝你覆我的貼ar~ <br>好 >>June 28, 2006 at 1:16:14 PM GMT+8 你不可以死的，因為rainbow >>June 27, 2006 at 2:26:40 AM GMT+8 你都被貼了！！！　呵呵！！！　詳 >>June 24, 2006 at 11:06:52 AM GMT+8 你被貼了！！！　詳情看我日記！！ >>June 24, 2006 at 5:02:41 AM GMT+8 小心d呀~ <br>如果真係叫你 >>June 19, 2006 at 5:25:47 AM GMT+8 唔好咁灰心啦. <br>我支持你 >>May 30, 2006 at 4:54:37 PM GMT+8 我都係呢個花香型呀, yeah! >>May 29, 2006 at 8:06:40 AM GMT+8 nono......係睇你個樣. >>May 20, 2006 at 11:32:33 PM GMT+8 haha....你第一次落機鋪? >>May 20, 2006 at 2:22:08 AM GMT+8 星期一就完喇 <br>你好快d諗 >>May 13, 2006 at 9:34:41 AM GMT+8 我要轉工!! >>May 6, 2006 at 3:33:44 PM GMT+8 我都有睇向世界出發呀, 呢個星期 >>May 6, 2006 at 4:31:59 AM GMT+8 考完試就唔好諗啦, 要盡情去玩先 >>May 4, 2006 at 11:02:53 AM GMT+8

人氣: 48445

Design & Scripting by ShowHappy.Net