2005 年 2 月 9 日 星期三 【晴】

11/2/2005 fri 12:35pm

尋日都係好晏起身呀，之後就對住部電腦唱左陣歌歌啊~2點幾就出去阿婆度呀，又係我地第一個出到去，悶啊~之後又玩下pair牌，我地3姊妹同公公一齊玩啦，玩左一陣舅父仔黎左呀，之後佢同舅母仔教我地玩左一個新既pair牌玩意，又係叫做穚牌呀，不過唔係學校玩開o個種，真係勁好玩呀，哈哈~~~之後玩到食dinner呀，叫左兩個盆菜食，飽飽啊~~~之後又好悶啊，又繼續玩穚牌呀，仲同埋羲羲，4舅父同4舅母一齊玩呀，哈哈~~~太好玩啊~~~之後就玩到返home lu~

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

11/2/2005 fri 5:30PM

頭先寫漏左d野~

尋日係去左旺角叔公度先再去阿婆度架~去到叔公度又見到婷婷啊~~~好可愛啊^0^~*仲同佢照左d相啊~~~前日年初一好失策啊~冇帶相機去影相啊~哈~

去到阿婆度，諗住又可以同d可愛既表弟影下相架，但係一個都冇黎到呀，因為安安年初一就去左婆婆度lu，咁年初二就唔再去啦，不過遲d佢地會黎我地home拜年啊，呵呵~~~而諾諾因為病左唔黎得呀，佢發燒啊>.<，希望佢快d好番啊~~~

咁尋晚返到home就11點幾，之後我地睇埋錄左既《大長今》先訓覺覺~~~

>>February 11, 2005 at 9:41:54 AM GMT+8

2005 年 2 月 8 日 星期二 【晴】

9/2/2005 wed 11:34pm

嘩~~~今日大年初一，我12點先起身呀！傻架!!!本來10點幾醒左架，之後又訓返喎~呵~

今日出左去阿人屋企拜年呀，2點幾出到去，都幾悶啊~~~不過有BB玩啦，阿B成日都笑，哈哈~~~好得意啊~~~~~~~仲笑得好甜~~~~~~~~~~哈哈~~~

之後謙謙(我表弟)都黎左啦~我地就一齊玩pair牌啦，又玩飛行棋，又玩麻雀呀，不過我地唔係打牌啦，我地諗到一樣新既玩法，真係笑死我~~~不過勁好玩啊~~~哈哈哈！

之後就6點幾返坐車車返home啦，肚餓死我呀~~~食左好多飯飯同菜菜~~~宜家我一日好似要食好多餐呀，每隔3-4 hrs就會肚餓，仲準時過鬧鐘~哈哈~~~一肚餓我就咩都唔想做，咩都諗唔到，好似冇晒energy咁，哈哈~~~~~之後就會食好多好多野~~~跟住我就好似返生咁啊~~~哈哈哈~~

今日係新一年既開始，希望大家今年學業進步~靈命成長~勤讀經~勤靈修~出入平安~一家和睦共處~朋友關係更好~~~f.7既就入到好既大學!!!!!!!

TO: kimkim~
你都要為你既前途努力呀，主會保守你的~~~祝你心想事成啊!!!~*

TO: eva & idol~~~孖女~
我都祝你新年快樂~~~日日都咁happpppppy~*呵呵~

TO: 瑞華媽媽~~~
哈哈~~~你呢個女食極都唔肥~~~呵呵~*
今日我有逗利是呀~不過未逗你o個封啊~~~嘻嘻~*

>>February 9, 2005 at 3:58:42 PM GMT+8

2005 年 2 月 7 日 星期一 【晴】

8/2/2005 tue 9:12pm

今朝又係咁呀，又係起唔到身去自修室呀，好慘！唉..................

11點起身同尋日一樣o係度睇電視，今日《美味天王》大結局啦，太好了，之後就做下pure，之後食完lunch就去左圖書館自修室啊，唉...做左好少咋，d differentiation既數好似外星文字呀！搞到我都唔想睇，睇個marking睇到我眼都跌出黎咁制呀，唉............好慘>.<

之後5點圖書館close啦，就o係條街度行行下，唔知點解入左去屈臣氏喎，仲買左好多朱古力，食死我啦~哈~之後又入埋麥當當買左枝雪糕食喎，一邊食一邊行返home，好正啊~~~呵呵~~~咩都順晒啦^^

返到home，洗下白白，睇下電視，之後就同家姐一齊研究外星文字呀，家姐咁耐冇睇外星文字，但係仲記得喎，好勁勁啊~~~我要得到佢既真傳至得，要睇多d外星文字啊~^^

之後就睇下電視~同下電腦咁啦~

聽日同後日係初一初二，要去逗下利是啊~哈哈~所以呢兩日會罷工~哈哈~~~

>>February 8, 2005 at 2:17:16 PM GMT+8

2005 年 2 月 6 日 星期日 【晴】

7/2/2005 mon 9:23pm

今朝都係起唔到身，我已經醒醒地架喇，但係都冇力量起身呀>.<，之後搞搞下就到左10點lu，唉......有冇人可以剷到我起身呀？！！！救命！我唔可以咁呀！

之後起左身，對住d pure但係隻眼係睇緊電視《美味天王》，就咁就睇左2個鐘。

之後就返學校呀，要補phy呀，我1點左右返到去，冇遲到啦，因為阿sir仲遲過我地所有人=.=，之後就連續補，補到5點，一個break都冇，變態架！我一開始都好留心聽佢講架，都明架，但係時間實在太長啦，搞到之後又唔知佢講乜呀，最好笑既係佢話「我地都講左好耐，時間都唔係好夠，咁我就講下d唔考既野啦」。佢講得真係好好笑囉，成班都即刻勁無奈咁既樣，明知唔夠時間，仲話唔教in-syl野，要教out-syl唔考既野，佢真係好有問題!!!之後就教到5點喇，差d聽書聽到暴斃...

之後諗住去自修室架，但係到最後都係冇去呀，好肚餓呀，返左home勁食野，屋企乜都畀我呢個大食積食晒~哈哈~~~

之後就訓左一陣覺覺，食飽飽就眼訓啦，又上左咁耐堂，要充下電呀，再之後就溫左陣hltam既phy notes啦，ok la~再再之後就食飯、睇電視呀~

仲有呀~~~真係唔該阿ball尋日同我執左部電腦呀，尋晚實在太驚啦，如果唔見左部腦，我賠唔起呀，真係嚇死呀！thankyou ball ball !!!~~~~~仲有都要多謝idol~佢留完言我都定左d~thankyou too~

TO: Tracy
我幾時做左你細妹呀？哈哈~~~唔係你係我細妹咩？

TO: ^^
呢位人兄...你咪扮晒好清楚了解我咁囉~
其實我都估到你係邊個，冇100%肯定都有99%肯定囉，精精地就同我自首！

>>February 7, 2005 at 3:44:45 PM GMT+8

2005 年 2 月 5 日 星期六 【晴】

6/2/2005 sun 9:35pm

又講返尋晚，尋晚無啦啦有人話我懶喎，其實佢都係一半講笑咁啦，但係當時我即刻係好反感，仲即刻唔想同佢講野，我發覺「懶」已成為我一個死穴，一咁講我我就即刻黑面囉，其實我知道我唔係勤力，都算係懶掛，但係呢個問題我知，我比任何一個人清楚，我覺得我唔需要人地話我知，同埋我都改緊啦，我唔想人地o係我呢個缺點度踩多兩腳，其實叫我勤力d，你估我唔知咩，成日講埋d重重覆覆既野，好反感，好厭......

講返今日，今日我禁ppt，不過冇返到祈禱會，因為起唔到身呀，仲要9點3先返到去，用左5分鐘就set好部機，我幾驚set唔切，好彩張電腦桌一早o係度，thankyou幫我拎桌o個個人呀(不過我唔知係邊個啊^^)。

大獲!!!我突然記得我今日唔記得左執電腦!!!!!!!!!!!!!!我驚呀！！！會唔會有人幫我執左架？？？會唔會架？好驚呀！冇人咁點算呀？部電腦仲o係hall到，會唔會畀人偷左架！死啦!!!好鬼驚!!!!!!!!

咁今日講道講守安息日，都好有反省呀，我每個week返教會既動機係咩呢，要成日問自己呢個問題，我覺得我返教會係可以畀我有時候去思想神，因為我平日已經冇靈修架喇，返教會呢個時間係好好咁畀我反省我既信仰生活，又可以同下d弟兄姊妹交通一下，又係一個地方畀我遠離我煩瑣既生活枷鎖，同埋返教會都成為一個習慣了~

咁之後就係hh時間，我地組學整壽司呀，我地整左好多飯，我地都懶得切，成條食，哈哈~~~食到好飽呀，食左好多飯呀，又有好多菜喎，仲要煮兩次飯呀~幾多~整壽司幾好玩丫~哈哈~~~不過自己o係home都唔會整啦，d料好貴，又唔可以整好少份量喎，so好難自己整呀~咁我地整整下，都整到3點呀，真係食到飽晒~我地有空閒時間既時候，就玩下遊戲呀~goooood~

之後3點幾返到home呀，覺覺豬到食飯~之後睇電視...宜家都算係睇緊...反斗奇兵..同埋打日記呀~

>>February 6, 2005 at 2:49:52 PM GMT+8

2005 年 2 月 4 日 星期五 【晴】

5/2/2005 sat 10:43pm

講返尋晚，尋晚又同某人icq啦，我估唔到佢會咁講野=.=
講真...聽到我想鬧佢\./

講返今日，今日都好遲先起身，一起身就hea hea下咁啦，又諗返起某人同我講d野，真係好想鬧佢！簡直阻住我溫書添啦，真係好黑人憎呀！

o係home成日諗起佢講d野，頂唔順就落左去自修室溫書呀，計左d數，不過都計得好慢下，唉，但係想快又好似唔係好做到喎，之後4點返左教會做ppt，聽日我禁ppt呀，做到6點啦，一邊做一邊聽詩歌~好正啊~~~之後返番去自修室，計左一題之後就去左麥當當食野，好餓啊~食完再入返去做數，做左少少，眼訓喎，訓左成粒鐘=.=，之後就返左home喇=.=，睇電視=.=，睇到宜家=.=，之後online打日記=.=，實在...太曳喇！！！

不過今日又認多左個阿哥呀~~~哈哈~~~又多一個阿哥~~~好開心啊~

TO:^^
其實我可能估到你係邊個...不過你唔講...咁我都唔想估...

>>February 5, 2005 at 3:16:13 PM GMT+8

2005 年 2 月 3 日 星期四 【晴】

5/2/2005 sat 12:32am

今日係新年前最後一日返學啦，即係考mock啦，太好了~~~

今日勁遲返學呀，咁岩今日捉人喎，我打鐘先入去，其實日日都差唔多，不過今日係超遲，太悲啦，都幾樣衰，不過唔鬼理佢啦，佢(袁達宗)知道我地係f.7就畀我地即刻入，都唔會再有下次啦~^^

今日考中英listening喎，中文都ok既，英文又去死啦，抄大獲呀！10分啦！唉...不過佢都唔exam-oriented既，唔鬼理佢啦~

今日小息既時候好好笑呀，我地(wing.芮.月.珠.我)圍住increasing rate傾計喎，o係度講韓國d靚女喎，rate真係好好笑囉，佢同wing真係好有研究，我就咩都唔識啦，佢地講d人名出黎，我都唔知係乜水，哈哈~另外話唔話喎，rate其實份人都幾搞笑啊，佢隻搞笑我都唔知點形容，佢又好似好假咁喎，不過我知道佢係好好戲的！嘩哈哈！

咁之後放學返黎就睇左星期三同星期四套黃飛鴻，錄左啊~哈~之後又用左一陣電腦啦，用到我勁悶，都係第一次覺得個電腦係咁悶啊~之後就走左去訓左一個鐘頭覺呀，跟住就要去補futfut呀，我都好晏先起身，唔到最後一秒都唔起身，真係好眼訓啊，到最後真係遲左到~哈~~~

宜家發覺遲到真係會慣性架！我唔想有呢個壞習慣！要即刻改至得呀，唔係慣左就真係死喇！

仲有今日個博頭同頸都好痛呀，可能係做卷個頭既位置問題，or個姿態問題，唉...都唔知之後點捱呀！！！

TO:^^
我會小心啊~~~不過我都唔係「又病」啦~哈~
仲有~你係邊個呀？~~~~

>>February 4, 2005 at 5:11:37 PM GMT+8

2005 年 2 月 2 日 星期三 【晴】

3/2/2005 thu 5:00pm

今日考ue呀，首先作左篇文，差d唔夠時間，今日份份paper都唔係好夠，趕到我丫...今日篇文都ok既，不過實唔會高分，好似d小學生既文咁啊~哈~不過都叫做好架喇，平時作o個d係rubbish啦，仲要係過晒時喎，今次可以作到咁都ok架喇，不過我寫左2頁都冇呀，見d同學都去到第3頁架，我諗我有480掛，馬虎地數過下咁啦.....

個小息又畀人玩呀，我交左同學錄d相啦，佢地話我同肥甄條褲一樣呀=.=，好慘啊......其實係一樣色je，之後d同學就猛咁講lu，跟住我都唔理lu，閃人啦，離開是非之地~就去左洗手間喇~~

之後就考section c啦，唔夠時間，不過係意料中事啊，不過我又係做得慢d既，hea hea下咁...所以個summary cloze就只係做左3分1=.=

之後就係lunch，去左大家樂啊~~~之後我地勁串wing同a君呀，真係唔好意思，我都知咁玩唔係咁好，因為我都成日畀人咁玩，都知唔係咁好受，但係我又串左喎，sorry啊，以後都係唔好咁玩lu~

之後就係考section e呀，其實一收到份卷我就覺得熟口熟面，點知做既時候，我真係做過架！！！做過task 2 and 3，不過都做左好耐，都唔係好記得d ans，最衰尋日做下d futfut exercise啦，咁我就拎晒d分啦~哈~不過我知道我做過就好似仲大壓力呀，好緊張呀，做過都唔岩起碼一半就死畀我睇啦，總之就勁緊張呀！好彩task 1未做過啊，咁就做得輕鬆d，不過都唔夠時間做，最後o個5分鐘隻手極速寫野，手都斷呀！咁頭先岩岩都返黎睇左個ans，task 1 d pt都好似唔係岩得太多，而2 and 3就ok啦~不過第2次做係要咁上下啦~

咁頭先一返黎就睇左尋晚套《大長今》呀，好好睇啊~~~呵呵~~~

係啦~今日帶左副新眼鏡仔返去呀，heehee~我副眼鏡受到好評~~~呵呵~~~好開心啊~~~~!!!!!^0^

一陣要去補phy lu，都好耐冇溫phy lu~唔知一陣識唔識呢~

TO: kim~你成日講d野都好深啊~但係又好有道理喎^v^

請問^^係邊個黎架？~新一代神秘人？

>>February 3, 2005 at 9:22:21 AM GMT+8

2005 年 2 月 1 日 星期二 【晴】

2/2/2005 wed 4:49pm

今晚要去婆婆度食團年飯呀，所以宜家打左個日記先啦，今晚都唔會再online啦~

今日係第一日考mock呀，都唔知自己考成點，自覺好似寫野寫到離左題咁，不過都唔理喇，估黎都好似冇咩用，不如唔理lu...

仲有放學去拎左眼鏡呀~~~係迷彩既綠，好似打野戰o個d呢~聽日d同學見到會點呢~可能佢地都唔會發覺我換左，因為都係綠色~哈~

聽日考ue，section B C E，好似alevel咁，一日考晒，希望體力可以支持到呀~仲有心理質素都好緊要，今日成日做卷做到想"訂"野，仲有個工程成日o係度嘈住晒，搞到都唔係咁專心，仲有又一時時會諗其他野，真係=.=，希望聽日專心d！！！

今日睇到我另一個日記21/1/05有一個留言，我想講~我真係好想入大學，不過其實我都唔知入黎做咩，或者我覺得入大學係一條最平坦既路，我宜家都唔知我既未來係點發展，但係我相信入大學係對我最好同最為有利既一條路，所以都係入大學啦~哈~

TO: kim~
thankyou啊~我一直都知你好支持我的啊^^

P.S.仲有不如我交代返神秘人係邊個啦~其實我估中都係我-6呀，哈哈！因為我都係隨意問下，我都冇諗過會係佢，佢就係近在咫尺，同我住埋一齊既............(燈.燈.燈.燈!!!).......我家姐~嘩哈哈！

>>February 2, 2005 at 9:09:45 AM GMT+8

2005 年 1 月 31 日 星期一 【晴】

1/2/2005 tue 11:17pm

今朝又好晏先起身呀，朝頭早我都好想用埋黎溫書架，但係無奈真係起唔到身呀，唔通要放把刀仔o係床頭至得？哈~咁今朝11點幾至起身，起左身又o係度睇電視喎=.=《美味天王》仲有一套李嘉欣既《花月佳人》(唔知有冇記錯個名)，睇左兩個鐘，幾咁無聊啊=.=

到左2點，我就落左去樓下既自修室呀，首先做《唐山》呀，做左2個幾鐘，終於完成了~~~之後做section c，唉...又唔多好呀，做得差，唔滿意，我想大叫架喇，不過我梗係冇做啦，之後都頂唔住，要出去行下，唔係我實屈死呀，就去左麥當當食左個applepie同朱古力奶昔，充左電就好番好多呀，之後入返去自修室，都係唔想做野住，就睇雜誌呀，哈~~~好好睇~我又o係度睇mp3機，宜家o個d真係好靚啊~搞到我心思思又想買啊~不過冇錢啦~~~考完alevel之後打工買返部勁d既mp3先~哈哈~~~

今日早d訓啊~聽日第一日考mock！中化實用文、閱理、文化專題！！！打敗中化！！

>>February 1, 2005 at 3:30:54 PM GMT+8

愛上ＮｅｗＳ 廣告 讀者留言 |  路人留言   | 哈~唔知點解想恭喜你買到部新手機 >>October 6, 2006 at 1:50:02 PM GMT+8 組長,多多指教!!! >>September 25, 2006 at 9:42:32 AM GMT+8 哈～ <br>咁下次的ｉｄｅａ　 >>September 16, 2006 at 10:46:27 AM GMT+8 今晚TVB有側田唱歌WO~~ < >>September 9, 2006 at 1:15:40 PM GMT+8 你睇o左醫生未呀?? <br>要 >>September 8, 2006 at 4:36:35 PM GMT+8 嘩~多謝你掛住我呀!! <br> >>September 6, 2006 at 4:15:37 PM GMT+8 傻ga,,,無lala同news >>September 6, 2006 at 4:48:16 AM GMT+8 有咩事唔開心呀? >>September 3, 2006 at 4:25:06 PM GMT+8 勁呀~佩儀~ <br>你個聯絡人 >>September 2, 2006 at 1:41:30 AM GMT+8 嘩~ <br>呢個camp d野 >>August 31, 2006 at 12:59:34 PM GMT+8 都話神一定看顧你家啦, yo, >>August 31, 2006 at 12:31:24 PM GMT+8 返包裝?咩黎嫁?? <br>個師 >>August 26, 2006 at 2:23:34 PM GMT+8 喂!!ar姨!!>v< <br> >>August 19, 2006 at 4:07:04 PM GMT+8 e你而家做緊兩返工呀? >>August 18, 2006 at 6:04:36 PM GMT+8 嘩!份工唔係我架~我都係魚蛋介紹 >>August 15, 2006 at 3:32:21 PM GMT+8 i got my money t >>August 10, 2006 at 2:46:47 PM GMT+8 佩儀, 神真係會有祝福家!! >>August 2, 2006 at 1:57:04 PM GMT+8 ................ >>August 1, 2006 at 2:16:49 AM GMT+8 真係唔睇你個板 <br>唔知你又 >>July 31, 2006 at 7:23:41 AM GMT+8 hot 多 lee call 咩 >>July 30, 2006 at 10:49:02 AM GMT+8 唉~好同意你講o個句.... < >>July 29, 2006 at 11:59:27 AM GMT+8 嘩 你做野個邊咁正既 可以飲d特 >>July 28, 2006 at 2:23:39 PM GMT+8 你都幾好呀, 同事好真係好好多呀 >>July 28, 2006 at 1:47:10 PM GMT+8 又有新工作啦, 一切順利呀!!! >>July 27, 2006 at 12:30:21 PM GMT+8 我琴日見到你呀^^ >>July 22, 2006 at 6:19:55 AM GMT+8 哈~你sale 野都有一手呢~勁 >>July 20, 2006 at 2:16:37 PM GMT+8 好野!有工做啦~恭喜喎! <br >>July 18, 2006 at 2:20:59 PM GMT+8 HAHA~ <br>你high >>July 17, 2006 at 2:24:35 PM GMT+8 你係書展度做呀??? 我聽日可能 >>July 16, 2006 at 5:30:04 PM GMT+8 打錯字, 係順利!!!! >>July 13, 2006 at 8:36:47 AM GMT+8 似乎幾順便喎, thx god! >>July 12, 2006 at 6:27:35 AM GMT+8 梗係知啦, 我d"飲歌"呀!! >>July 11, 2006 at 3:11:10 AM GMT+8 ............嚇親我. >>July 11, 2006 at 2:48:39 AM GMT+8 真係幾開心咁喎!!!! >>July 7, 2006 at 2:27:52 AM GMT+8 過去的A-LEVEL是曾經帶給我 >>July 1, 2006 at 7:16:35 PM GMT+8 你要撐住呀! 神必定會帶領!! >>June 30, 2006 at 5:35:17 AM GMT+8 好耐都冇見啦!!唔知你記唔記得我 >>June 29, 2006 at 2:09:52 AM GMT+8 多謝你覆我的貼ar~ <br>好 >>June 28, 2006 at 1:16:14 PM GMT+8 你不可以死的，因為rainbow >>June 27, 2006 at 2:26:40 AM GMT+8 你都被貼了！！！　呵呵！！！　詳 >>June 24, 2006 at 11:06:52 AM GMT+8 你被貼了！！！　詳情看我日記！！ >>June 24, 2006 at 5:02:41 AM GMT+8 小心d呀~ <br>如果真係叫你 >>June 19, 2006 at 5:25:47 AM GMT+8 唔好咁灰心啦. <br>我支持你 >>May 30, 2006 at 4:54:37 PM GMT+8 我都係呢個花香型呀, yeah! >>May 29, 2006 at 8:06:40 AM GMT+8 nono......係睇你個樣. >>May 20, 2006 at 11:32:33 PM GMT+8 haha....你第一次落機鋪? >>May 20, 2006 at 2:22:08 AM GMT+8 星期一就完喇 <br>你好快d諗 >>May 13, 2006 at 9:34:41 AM GMT+8 我要轉工!! >>May 6, 2006 at 3:33:44 PM GMT+8 我都有睇向世界出發呀, 呢個星期 >>May 6, 2006 at 4:31:59 AM GMT+8 考完試就唔好諗啦, 要盡情去玩先 >>May 4, 2006 at 11:02:53 AM GMT+8

人氣: 48446

Design & Scripting by ShowHappy.Net