2004 年 12 月 22 日 星期三 【晴】

23/12/2004 thu 12:34pm

死喇！我整壞左部新電腦呀！！！死啦！！！尋晚嚇到我就喊咁制！！

我尋晚就係用部腦做過以下既野：

首先我尋晚9點左右既時候，我就dl左realplayerplus(又好似係realplayer10,其實我都唔係好知佢係咩，總之係realplayer既東西，我係o係realplayer既官方網頁度dl的)，之後install左個realplayer啦，但係用唔到,run唔到，咁我就uninstall左個realplayer喇。

咁之後我再試下用返我未dl呢個realplayer之前既realoneplayer(好耐之前dl既)，但係都run唔到喎，咁我就索性delete埋個realoneplayer，再去realplayer既官方網頁再dl過啦，點知再dl，都係用唔到喎，咁我就用"系統還原"還原返尋日既下午1點，之後我都唔記得有冇再試下用返個realoneplayer用唔用得喇...

再之後我又搞第二樣野喎，就係dl個realproducer，但係dl左，唔識用，搞左一大輪，又delete左，之後我都唔記得左做咩喇，我又用"系統還原"還原去尋晚既9:30，之後就再去唔到windows喇...............

就係咁......我都唔知做咩會去唔到windows..

我尋晚諗...係咪"系統還原"有問題.......
因為我第一次係還原去尋日下午1點，第二次還原去晚上9:30...
係咪呢度出現問題？？？！

記得喇...我仲install左windows xp sp2呀！！！關唔關事！！！

好煩好煩！！！

今朝話畀媽咪知......幾咁驚！好彩媽咪都係話左幾句，真係嚇死我呀！

宜家我真係唔知點算，連安全模式都入唔到！

唉！我....部機仲冇做backup的，如果要format....就...去死吧！

有冇人可以救命呀！！！？

12:43pm

>>December 23, 2004 at 5:04:28 AM GMT+8

2004 年 12 月 19 日 星期日 【晴】

20/12/2004 mon 09:46pm

尋日唔得閒，冇寫到日記..

尋朝返左教會，prepare禮物畀jesus~，下個week送，我地組做drama，笑爆咀啊~~~哈哈~
又係時候又顯出我既傻婆本色，嘩哈哈！
之後返左home，4:00開始唱歌唱到10:00，ok的啊~but....
我又record左我唱既歌，好似唱k咁~好high~

今日朝早返學好似有d心跳既跡象，好驚，好彩冇真係發作...
今日上堂都ok喎~哈哈~chem.ue.pure.chin.phy......
pure堂好勁~有做數，仲做得好開心~哈~
中化堂，今日我地帶討論，大家本先都話搞mini concert的，但係miss好似好認真咁，咁就我地都係要帶討論。一開始，好正經咁討論啦，之後阿旺(即係曉理同學)成日o係度串我bor~笑死我~串串下，阿旺就講左句「不如你唱番首歌啦睇下值唔值得買」(我地本來討論既題目係應否立法禁止網上dl音樂」，之後miss就興起就話搞mini concert，笑死我，不過又正合我地意喎~哈哈~~~之後就o係度唱個人d歌了~~~之後就差唔多落堂，d同學仔叫我唱，but我冇bg music，佢地叫我清唱，哈哈~之後就唱左了~哈哈~~~but唱得不太好...

放學就捉住偉，唔畀佢走，教我唱歌，佢講左我有好多改善既地方，即係我唱得唔好呀.....>.<其實有d不太開心的，不過我要面對呀，我想入決賽啊...之後練到聲都沙埋....oh......>.<悲....之後就要唱喇，今日係個人流行曲歌唱比賽，等左好耐，其實係我遲左dd，之後就要等好耐了，到我入去唱，都唔緊張，可以習慣了，之後唱完，其實我都唔係我知我自己唱成點，因為個咪好大聲，都唔知自己唱乜咁制，不過佢地o係出面聽話幾好啊~好過以前練既時候啊~~~~不過真係失察，唔記得左錄入mp3呀，真真真失察......>.<

唱完，就去左補習，去到沙田仲有時間，就去買左聖誕禮物，聯歡exchange的，不過我買完份野，真係好鐘意呀~~~係我好鐘意~~~哈哈~~~~~~~~~~!!!!!!!

補習好眼訓，又跟唔到，不好狀態呀，之後補完習返home，食飯~

一陣仲要溫chem，聽日test，but..睇黎都會考得唔好........

10:05pm

>>December 20, 2004 at 2:06:15 PM GMT+8

2004 年 12 月 17 日 星期五 【晴】

18/12/2004 sat 7:53pm

今日我10點幾先起身，食左塊包包同洗個頭頭就去左自修室，係新開o個個呀，一去到要排隊搭𨋢=.="，仲要等好耐=.=，之後見到浩宜，佢叫我行樓梯呀，原來可以行樓梯的，我都唔知...=.=，之後行上去，係5樓呀，行到我索晒氣呀，支力死~之後就開始溫書，ok罷，不過好眼訓，一唔想做野既時候，就走入圖書館睇下書，聽下歌，幾好啊~

之後就去補習，今日補習好難頂，好眼訓，唔知佢講乜...>.<

唉.............心情又不太好了.......好多野做...........好煩呀！

>>December 18, 2004 at 12:09:25 PM GMT+8

2004 年 12 月 16 日 星期四 【晴】

17/12/2004 fri 9:33pm

今日我好好好好好好好好好好好好好好好開心，今日發生好多事~

今朝返學唔駛排隊，咁就上去課室呀，之後釗同耆英就練唱喎，唱唱下，就變左唱k，開埋個projector出黎，之後d同學就叫我同肥甄出去唱，畀人擺左上枱，一開始都冇出去唱呀，群眾壓力下，就出左去唱lu，好驚呀~~~我唔係驚o係同學面前唱歌，而係佢地叫我地對望，真係好驚呀！肥甄深情既目光望住我，我.......避......哈哈~~，人地冇心理準備嘛，好驚架，佢隻電眼真係令到我好唔自然，哈哈~~~驚驚驚啊~~~

另外今日有空閒時間就同wing同芮練合唱歌，要再加緊練習啊~~~要再練呀~~~威都話ok啊，即係好聽啦，哈哈~~~仲有多謝我地既唱曲監製、編曲、指導既周公，周公其實係偉啦，點解叫佢係周公，就係因為我地講o個首歌係周杰倫作架，咁我地就話佢姓周啦，而佢又似阿伯喎，咁就叫佢做周公喇，真係好笑~~~哈哈~~~我地呢個唱曲指導成日畀人用左架，哈哈~~~因為偉實在太勁了~~~有強勁既音樂知識~~~勁!!!

而我地都唱到好high呀，放學又唱，哈哈~~~我地唱到5點~哈哈~~~宜家係我地成班都咁high~呢個7B日日都唱歌的~哈哈~~~我地咁多個都好有幾會入決賽架~~~哈哈哈~~~

5點先走呀，之後就勁快行返home呀，再去補習，遲左少少~~~哈~

之後去左新o個個圖書館，今日先開架咋，好正呀！

首先我都係第1次去大埔綜合大樓架咋，去到點知迷左路喎，勁傻仔~~~之後入到去圖書館，真係好大好正呀！好興奮!!!首先我地去左兒童圖書館，真係好靚呀，多左好多設施，仲有好多sofa同chair，好靚，又坐得好舒服，我將所有既sofa都坐過呀，真係好爽~~~之後就去左成人圖書館，睇到一部自動借書既機喎，就研究點用啦，就o係個成日圖書館度是旦拎左本書去試，研究左好耐呀，15min左右先識用，之後我就用左自己張證借左本叫做「經典常談」，我都唔知係咩書黎的，哈哈~~~之後又入左去閱讀室、電腦資訊室、多媒體o個度，o個度有好多電腦架，仲有d唔知咩黎既機，研究左好耐都唔識用，哈哈~~~真係好靚架~~~又大喎~~~去到勁興奮，好似大鄉理出城咁架，真係好正~~~~哈哈~~~我地參觀到8點，8點圖書館都close lu~之後就去自修室，個自修室大左啊~~~d桌又好大，又獨立，好有私人空間feel，又有位放bag，真係好正~~~~~~~~~~!!!新既真係唔同d~~~呵呵呵~~~我地都8點20先走，因為坐下同用下佢地位啊~~~哈哈~~ok~好feel呀！之後臨走仲去埋個toilet，今次既參觀就非常完整喇~~~哈哈~~~

返到home，仲好興奮，不停咁講畀屋企人聽，好highhigh~~~講極都講唔完~哈哈~~~

就係咁啦~~~聽日去下自修室先~~~咁靚靚~~~宜家個自修室遠左呀，不過都係遠左少少je，以前都要行15min，宜家要行20-25min，都ok既~聽日再去~~~heehee~

>>December 17, 2004 at 3:23:47 PM GMT+8

2004 年 12 月 15 日 星期三 【晴】

16/12/2004 thu 4:58pm

尋日冇寫到日記呀，因為要做lab report同補習，所以冇時間online喇......

呢個星期變態架，因為呢個week補習次數創新高啦，要補5日呀，星期二至六，一日一場，傻架!!!!!!!!!!!!!!!!!!!!!!!!!!!!!!!!!!!!!!!!!宜家只係過左兩日，希望頂得住啊~

尋日放學又同肥甄去練歌，唱得ok bor~嘻嘻~~~

今日同wing同芮練歌，我地今日夾左好多和音同二部，都ok架~~~呵呵~~~

入決賽!!!嘻嘻~~~

p.s.多謝文彥既鼓勵，我宜家冇事喇，我唔會放棄~我唔會氣餒~a"a

>>December 16, 2004 at 9:04:39 AM GMT+8

2004 年 12 月 13 日 星期一 【晴】

14/12/2004 6:26pm

唔開心呀！！！

我又變返以前既我.......唉......冇可能架......點會咁架？！今日放學做中化oral，小組討論我又唔出聲喇，但係我都唔係冇野講的，係唔可以主動出擊，好似冇位比我插咁，都只怪我唔主動，又怕喎，唔講開，我就唔講，唉.......越唔講，個心就越抗拒講野，到最後，時間一路咁過，我就冇講過野喇.......我都好無奈，唔想咁，但係又偏偏做左出黎喎.....

唉.......問題出於邊度？

第一，今次有個無形既壓力，係我既問題，搞到我唔係好敢講野。

第二，個人問題，反應慢，以後我一有意見就拿拿淋插咀講，唔好畀人地講，仲有就係主動d啦，係唔係都er左先，咁就係我既turn啦，仲有就係唔理係唔係廢話，都講！！！我成日覺得我自己講既野有d離題既時候，我就諗好耐先會講，又或者係唔講，咁係唔好的！要改！其實可能都冇乜所謂，廢話其實唔係我覺得係唔係，就算係又如何je，好過冇講野啦，仲有如果係廢話既話，d人都會唔記得你講咩啦，唔好驚啦！係咪先？

第三，心理質素問題，點解我唔講開就唔講呢，我個心係咁諗的：我覺得我唔講開，就好似冇貢獻咁，之後就開始覺得自己唔屬於呢組，佢地又傾到興起咁，我又唔係，仲之好似將自己同佢地分隔開咁，如果我再講野，我就有一種好奇怪既感覺，係咩感覺？就好似係搭訕既感覺咁，奇奇怪怪咁，呢種感覺令到我更加抗拒講野，個心又諗，橫掂我都唔講，就唔講囉，有d放棄既feel，擺明係頹，擺明係唔講，但係其實個心o係度抗戰咁，怪自己，做咩唔講野，唉......咁有咩解決方法，其實我應該點諗野？其實我知道d同學見我唔講野，都有d signal畀我，佢地d眼同我講「你做咩唔講野呀？」，我就梗係回避佢地既目光啦。即係我想講，其實佢地都鼓勵緊我講野，只係我個人既問題，其實如果我講野，可能佢地會更加開心，唉....不過我冇做到，我過唔到我自己o個關，點會咁架？！我又退步喇......唉......

完左個討論，我勁唔開心，完全係情緒達至低點，唉........一邊行返home，我行得勁勁慢，因為好唔開心，一邊諗野，o係林村河既時候，想大叫，不過我冇大叫啦，只係半叫咁，人地應該係聽唔到的，我仲想搵個人畀我打，不過梗係冇呢個人啦，唉...................返到home，就繼續半叫，吼！！！

>>December 14, 2004 at 11:04:39 AM GMT+8

2004 年 12 月 12 日 星期日 【晴】

13/12/2004 mon 11:54pm

今日都冇咩發生，不過今日係day1啦，中化堂要即席演講，都唔知好彩定唔好彩，今日抽中左我，我講既題目係「地下鐵」，我好似o係度講地下鐵遊記一樣，因為咁岩前兩日出過去銅鑼灣食飯，咁就有機會坐mtr啦，又發生左d好少發生o係我身上既事情喎，咁咪順勢講左出黎囉，其實都幾無聊~不過幾好笑咁~同學仔都有笑下~哈哈~不過...真係好無聊...返到home已經諗到呢個題目就講，有咩可以發揮，不過即席係咁架啦，就係o個時諗到咩就講咩，所以都冇咩有冇所謂，我都傻慣了~哈哈~

放學去左唱左歌，record左，比上次好~哈~

返到home，hea左好耐，悲......咩都冇做過.....大獲啦，聽日既pure又要死，test vector..vecter space同埋3d，oh....my god~>.<

仲有今日phy test啊~m.c.錯左2題only，不過個個都係咁，都話呢課easy呀，不過有好大滿足感~

12:02am

>>December 13, 2004 at 4:02:33 PM GMT+8

2004 年 12 月 11 日 星期六 【晴】

12/12/2004 sun 10:19pm

今朝返教會，原本今日係輪到我禁ppt既，因為家欣尋日返左去整ppt，so今日唔駛禁，下次再到返我~咁今日我都好遲先起身，都差唔多8:45呀，因為尋日好夜先訓，仲埋去完街街好支力啊。咁今日雖然唔駛我禁ppt，但係我今日做左招持呀，connie姐8:55先叫我返，咁我差唔多9:15返到去，都算快啊~~~呵呵~~~我都好耐冇做招待喇，今日好開心又可以做，happy~~~

咁hh查經啦，都幾happy呀，哈~不過有d提醒啦，就係我今個week係冇做過靈修，唉......心同行動唔一致，我心都想做既，但係就係冇o個份既決心同堅持去做，我既靈命就好似急劇衰退，>.<救命...............希望我今個week可以做3次靈修.........或者睇3篇詩篇......

之後返home就用電腦用到好耐，練下歌咁，突然覺得自己唱歌好難聽，唉...勁冇信心，d信心死晒，聽返自己詩歌歌唱比賽個mp3，我就覺得自己唔識唱歌的，好似唱歌唱到讀書咁，冇音咁制，真係好難聽，不過之後發洩左一陣就冇咁頹喇，其實係上台有d緊張，仲有就係有d冇心機唱，宜家聽20世紀少年聽到好厭，聽到好想嘔呀，真係.......希望我下個星期既時候，可以係我發揮得最好既時候啦.....

>>December 12, 2004 at 2:34:41 PM GMT+8

2004 年 12 月 10 日 星期五 【晴】

12/12/2004 sat 12:44am

今日11點先起身呀，差唔多個個星期六都係11點先起身，咁都係星期六先可以容許我咁晏起身呀~咁起身之後又搞左陣野，之後先再溫書~

今日做左個中化閱理，ok啦，好似做英文prac skills一樣既skill去做，好勁勁~

之後溫phy，溫a.c.啦，都ok呀~~~好似識咁~~~heehee~

之後5點幾就出左去銅鑼灣飲宴~食得好飽飽~我地仲行左time square既city super~好大呀裡面~行極都行唔完~~~d野仲好靚靚架~~~仲有好多公仔~~~my favour~~~哈哈~~~我地食完12點幾先返到home呀，then洗埋白白~就寫日記lu~之後就係訓覺lu~

>>December 11, 2004 at 5:04:27 PM GMT+8

2004 年 12 月 9 日 星期四 【晴】

10/12/2004 fri 10:28pm

今日上堂既時間好似特別長咁，幾可怕呀！

今日班會有今年最後一次既活動，但係我冇參加到呀，因為時間問題，但我都好想去的...補完習打個電話畀阿盈，好驚訝咁聽到曉理同學炒車，去緊e院，好驚，唔知佢宜家有冇事呢，擔心中...

講返前兩日，心情唔多好呀，因為聽到有些人既說話好唔岩聽，其實係兩句說話，「我不嬲都覺得你唱歌唔圓架喎」，第二句係「你唔入大學，我都要入呀。你都入唔到大學架啦」。我聽完之後勁唔開心，咁我梗係冇做到出塊面度啦，不過我話你知，我好hurt！我從來覺得我自己唱歌唔算差，畀佢咁講完，我都冇晒信心，畀人咁踩法，我真係......仲有，佢自己又唱得好好咩，有冇用過個腦講野架，邊有人咁講野，我唔敢話我自己唱得圓，我當日講「oh..sorry...我呢句唱得唔係咁圓」咁你駛唔駛咁回應我，你有冇諗過我既感受呢？我真係覺得好過份！又或者你覺得我講呢d野好似小事化大咁，但係...我只係知我有咩既感受...宜家要發洩下！

而第二句更加想叫佢食屎，唔好意思...講野粗左d...不過真係好慶...不過又多得佢呢句，我呢幾日都冇再練唱歌，讀多左書，不過，又係o個句啦，你駛唔駛咁講野呀？！都知你不嬲都串，都知你係咁，但係有d野我係頂唔住的，唔好挑戰我既底線好冇！？搞到我今日都好串咁串返你...我唔想咁的......我唔鐘意串人...做朋友既...其實最憎係互窒...

其實o係呢件事中，我有好多問題想問？

如果受到別人負面既批評，我個心應該點諗呢？

如果見到別人有做得不夠好既地方，應該用咩方法話佢知？即係用咩婉轉既方法講畀佢知，而可以令佢更易接受呢？

如果人地係特登串你，咁應該用咩方法回應同對負呢？

>>December 10, 2004 at 2:55:00 PM GMT+8

愛上ＮｅｗＳ 廣告 讀者留言 |  路人留言   | 哈~唔知點解想恭喜你買到部新手機 >>October 6, 2006 at 1:50:02 PM GMT+8 組長,多多指教!!! >>September 25, 2006 at 9:42:32 AM GMT+8 哈～ <br>咁下次的ｉｄｅａ　 >>September 16, 2006 at 10:46:27 AM GMT+8 今晚TVB有側田唱歌WO~~ < >>September 9, 2006 at 1:15:40 PM GMT+8 你睇o左醫生未呀?? <br>要 >>September 8, 2006 at 4:36:35 PM GMT+8 嘩~多謝你掛住我呀!! <br> >>September 6, 2006 at 4:15:37 PM GMT+8 傻ga,,,無lala同news >>September 6, 2006 at 4:48:16 AM GMT+8 有咩事唔開心呀? >>September 3, 2006 at 4:25:06 PM GMT+8 勁呀~佩儀~ <br>你個聯絡人 >>September 2, 2006 at 1:41:30 AM GMT+8 嘩~ <br>呢個camp d野 >>August 31, 2006 at 12:59:34 PM GMT+8 都話神一定看顧你家啦, yo, >>August 31, 2006 at 12:31:24 PM GMT+8 返包裝?咩黎嫁?? <br>個師 >>August 26, 2006 at 2:23:34 PM GMT+8 喂!!ar姨!!>v< <br> >>August 19, 2006 at 4:07:04 PM GMT+8 e你而家做緊兩返工呀? >>August 18, 2006 at 6:04:36 PM GMT+8 嘩!份工唔係我架~我都係魚蛋介紹 >>August 15, 2006 at 3:32:21 PM GMT+8 i got my money t >>August 10, 2006 at 2:46:47 PM GMT+8 佩儀, 神真係會有祝福家!! >>August 2, 2006 at 1:57:04 PM GMT+8 ................ >>August 1, 2006 at 2:16:49 AM GMT+8 真係唔睇你個板 <br>唔知你又 >>July 31, 2006 at 7:23:41 AM GMT+8 hot 多 lee call 咩 >>July 30, 2006 at 10:49:02 AM GMT+8 唉~好同意你講o個句.... < >>July 29, 2006 at 11:59:27 AM GMT+8 嘩 你做野個邊咁正既 可以飲d特 >>July 28, 2006 at 2:23:39 PM GMT+8 你都幾好呀, 同事好真係好好多呀 >>July 28, 2006 at 1:47:10 PM GMT+8 又有新工作啦, 一切順利呀!!! >>July 27, 2006 at 12:30:21 PM GMT+8 我琴日見到你呀^^ >>July 22, 2006 at 6:19:55 AM GMT+8 哈~你sale 野都有一手呢~勁 >>July 20, 2006 at 2:16:37 PM GMT+8 好野!有工做啦~恭喜喎! <br >>July 18, 2006 at 2:20:59 PM GMT+8 HAHA~ <br>你high >>July 17, 2006 at 2:24:35 PM GMT+8 你係書展度做呀??? 我聽日可能 >>July 16, 2006 at 5:30:04 PM GMT+8 打錯字, 係順利!!!! >>July 13, 2006 at 8:36:47 AM GMT+8 似乎幾順便喎, thx god! >>July 12, 2006 at 6:27:35 AM GMT+8 梗係知啦, 我d"飲歌"呀!! >>July 11, 2006 at 3:11:10 AM GMT+8 ............嚇親我. >>July 11, 2006 at 2:48:39 AM GMT+8 真係幾開心咁喎!!!! >>July 7, 2006 at 2:27:52 AM GMT+8 過去的A-LEVEL是曾經帶給我 >>July 1, 2006 at 7:16:35 PM GMT+8 你要撐住呀! 神必定會帶領!! >>June 30, 2006 at 5:35:17 AM GMT+8 好耐都冇見啦!!唔知你記唔記得我 >>June 29, 2006 at 2:09:52 AM GMT+8 多謝你覆我的貼ar~ <br>好 >>June 28, 2006 at 1:16:14 PM GMT+8 你不可以死的，因為rainbow >>June 27, 2006 at 2:26:40 AM GMT+8 你都被貼了！！！　呵呵！！！　詳 >>June 24, 2006 at 11:06:52 AM GMT+8 你被貼了！！！　詳情看我日記！！ >>June 24, 2006 at 5:02:41 AM GMT+8 小心d呀~ <br>如果真係叫你 >>June 19, 2006 at 5:25:47 AM GMT+8 唔好咁灰心啦. <br>我支持你 >>May 30, 2006 at 4:54:37 PM GMT+8 我都係呢個花香型呀, yeah! >>May 29, 2006 at 8:06:40 AM GMT+8 nono......係睇你個樣. >>May 20, 2006 at 11:32:33 PM GMT+8 haha....你第一次落機鋪? >>May 20, 2006 at 2:22:08 AM GMT+8 星期一就完喇 <br>你好快d諗 >>May 13, 2006 at 9:34:41 AM GMT+8 我要轉工!! >>May 6, 2006 at 3:33:44 PM GMT+8 我都有睇向世界出發呀, 呢個星期 >>May 6, 2006 at 4:31:59 AM GMT+8 考完試就唔好諗啦, 要盡情去玩先 >>May 4, 2006 at 11:02:53 AM GMT+8

人氣: 48445

Design & Scripting by ShowHappy.Net