2005 年 1 月 30 日 星期日 【晴】

31/1/2005 mon 9:54pm

今日唔駛返學呀，聽日都唔駛，後日就開始考mock喇，咁快就考既，我...不得喎，唉...雖然係考中英文only，放完個農曆年假先再考phy chem pure，不過都係唔想考住呀>.<

講返尋晚，尋晚我同一個唔識既男仔icq，原來佢係信占星架喎，咁我聽到之後我就覺得真係好無稽囉，加上我心情又唔多好，就係咁問佢佢做咩信，佢真係好似唔知點解信架喎，佢話準就信喎，我覺得佢好無知囉，佢話太陽同冥王星成60度，而屬呢個星相既人會有努力不懈既精神同有自毀既傾向=.=，真係好無稽囉，咁都關事架咩？=.=非常無奈，佢又有時挑戰返我喎，好在我都冇失禮神je^^，不過仲有家姐幫手同佢講，因為佢真係......太無知了...

另外...某君呢幾日咁樣，我覺得佢已經影響左我，心情時好時壞，唉...又令到我成日諗o個d野，我覺得就快窒息，我唔想諗，我要專心讀書呀，我真係唔想repeat呀！！！唔要呀！

咁今日lunch同校長食飯，我地一行7人(wing.芮.偉.威.月.珠.我)都係特登返去呀，其實同校長都冇咩野講，問我地有咩建議，同埋我地點形容自己呢7年，我話我平淡，唔突出，容易被人遺忘既一群，咁我冇講錯呀，的確係咁~哈~食完lunch就同佢地上去library同埋mmlc燒碟，之後我地又o係度講某君同我d野，問下佢地既意見同講下一個男仔係點諗野，哈~好搞笑啊~~~

之後就去左公共自修室呀，諗住做唐山架，但係好眼訓呀，成日訓，唔想做咁款，真係好唔開心呀，都話過要刀仔吉大脾架啦，都仲係要咁，爭氣d好冇呀！？！？真係好煩呀本唐山，好想快d做完，自己又唔肯做喎，咁算點je？我都唔知我想點呀，repeat就死畀我睇呀！之後執左d野唔做就諗住走返屋企架，之後唔知點解又死死地氣咁拎左d ue section c出黎做喎，做左2個matching，唔知係我英文差定係冇心機做，差唔多錯晒，有病囉！！！勁唔開心！勁想打自己！之後就真係返home食飯啦，心情唔多好又發下脾氣咁，忍唔住氣又鬧左我細妹，真係sorry呀，唉.....我EQ真係好低呀......

>>January 31, 2005 at 3:26:33 PM GMT+8

2005 年 1 月 29 日 星期六 【晴】

30/1/2005 sun 7:23pm

今日係主日，返教會呀，我覺得今日唔好，唔好係在於我今日對神既態度，同人既態度，我相信今日係我返教會以黎個格最衰既一日，我點解會咁？我相信係因為有好多事情好似o係度煩緊我。

第一，我好支力，但係尋晚都唔係太夜訓，1點，但真係好支力，好眼訓，我都唔明點解會咁。

第二，為著星期五的事？我唔知呢個係咪其中一個原因，但係其實呢件事我清楚我既諗法，我係已經有決定，呢件事會否帶畀我一d情緒上既影響，我唔係好知，心...好似好亂，但係對呢件事好清楚，好似好矛盾咁>.<，但係我真係唔知，呢件事我又對人分享過，又好似冇咩問題，不過有時有d片段o係腦度閃過既時候，心情都唔知點形容，我真係唔明我既心係真係點睇呢件事...唔明...唔明...

第三，學業又影響緊我？壓力？就快mock同alevel，呢個係原因麼？

我又諗起，我今日既表現係咪又係唔認真，係懶散？我知道今日個格真係好衰，但係我已經盡量做好d，我冇靜左o係度，因為根本冇地方同時間容許我停下來，我想搵人聽下我講野，不過就只得mui願意聽我既分享，仲有每次我想講既野都唔可以講完，就有另一樣野做，我真係好唔開心，畀野cut住cut住咁講，我唔鐘意，查經既時候又要查經，其實我今日真係唔係好想講野，但係好似唔容許，問問題，又要答，又感到好似畀人串畀人窒，我真係唔鐘意呢種感覺，返教會我想得到既感覺唔係咁，我想起碼係開開心心，有人可以畀我分享，有人可以了解我，有人可以同我一齊解決信仰既問題，呢個都係最大既問題，我自己信仰一定係扎根唔深，我好軟弱，但係好似冇人了解同明白，我對我既信仰好認真，無奈唔知點解我既信仰一塌糊塗，又唔靈修，又唔讀經，仲有只係間中有祈禱，咁既信仰生活我好唔滿意，我好唔鐘意我咁，好似知道個問題o係邊，但係又唔去改，咁即係算點呀？！想改點解會咁困難，明知咁樣係對自己既生命係唔好，改左會好既時候，點解仲唔去改？！我究竟係諗緊咩呀？其實呢個問題都唔係宜家先浮現，但係呢個咁既時期都過左好耐，宜家仲係咁，仲係咁！！！唉...好想去逃避，有時真係有諗過完全放棄我既信仰，但係神冇放棄我，令我繼續有能量去面對宜家咁既境況，我真係好想改，求神幫助我，我能力真係唔夠，好軟弱，無力，求神引領我.......

宜家我既前路真係好似黑晒，我睇唔到，我唔知我可以向邊個方向行，我真係唔知........真係唔知......唔知........

>>January 30, 2005 at 12:25:00 PM GMT+8

2005 年 1 月 28 日 星期五 【晴】

29/1/2005 sat 9:34pm

今朝一起身，就溫左oral呀，因為2點要返學校ue oral mock test呀，真係都唔知點解呢個世界係咁岩架，我同肥甄一group，真係咁岩....好驚呀！！！oral都ok既~

完左oral test，同佢傾一陣，其實都好耐下...(下省300字)事情是否就此完結.....

咁之後我係約左我家姐o係昌運度買眼鏡呀，我揀左一副green架，有d白色點，好似打野戰d色咁，但係好似又係green咁，上次o個副都係，今次呢副都係粗框架，不過得上面一半有框，其實有諗過冇框架，但係真係睇唔慣呀，好似冇帶眼鏡咁，帶開粗框，冇帶框就係好怪怪啊，下次再換眼鏡先再試下冇框啦~~~下個week拎既大家就可以睇到啦~哈~仲有啦，今日我o係度問個視光師，部機點操作呀~哈~~~因為我都有諗過讀poly既視光呀，咁咪問下佢囉，哈哈~~~不過最衰有人入黎啦，咁佢要招呼d客呀，咁又冇得問呀，如果唔係，我會又問佢係咪poly既學生，問佢呢間野係咪佢開呀，問佢搵到幾多錢(哈~不過呢題好似直左少少~)但係都冇時間問啊~下次有機先再問先~哈哈~~~

返到home就開始用電腦用到宜家，咩都冇做過，就係寫日記~好似好浪費時間，但係...我相信我之後唔會寫咁多啦，因為以後既日子就係溫書讀書，讀書溫書，自修室生活...冇咩特別~

係咁啦

>>January 29, 2005 at 2:46:50 PM GMT+8

2005 年 1 月 27 日 星期四 【晴】

29/1/2005 sat 5:42pm

尋日發生既事係何奇多呀！！！last day真係last day！係好唔同呀！

首先尋日第一堂係chem堂，不嬲chem都教完書幾日，我地都唔係上堂呀，係多數落去library溫書，不過我地last day，梗係發顛勁影相啦，都影左好多呀一堂，之後我地成班7B真係好變態呀，o係d f.5既班度大叫，講「你地要畀心機！」，真係好顛呀！

之後係英文堂，我地一開始就乖乖地咁做listening94pp，不過我地都係起哄左一陣先會咁乖做啦，做完又發顛咁影相lu，真係好正呀好開心呀！

之後小息就搵左阿哥影相啦~~~阿哥仲送左一份禮物畀我呀，哈哈~~佢叫我返到home先睇啊~~~我好乖乖架~真係返到home先睇呀！之後又同濱影啦！佢個87仔！

之後就係pure堂呀，又係影相堂！好好好happy呀！之後就去左bio lab影相呀，我有同skeleton影相呀，佢係我bf啦，一陣你就知點解呀。我地影完一輪相之後，就o係bio lab玩game呀，一開頭玩左叫1.2.3...既game，我唔知叫咩名啊，之後輸左要o係桌度行catwalk呀!!!笑死！樹蛙同曉理輸左呀，佢地行得好搞笑，同好核突呀！哈哈哈！之後就玩「唔係嘛，咁鬼易！」好不幸地，我輸左呀！！！好慘！！！懲罰係要同o個隻咁既skeleton kiss呀!!!!!!!!!!!!!!!!我既初吻就咁畀左隻咁既野！！！哈哈！！！仲要係佢係哨牙，n年冇刷牙(咁kiss之前梗係有抹好啦)，仲有就係佢矮過我呀，d同學叫我畀d感情，真係......佢咁矮...=.=哈哈~

之後就係lunch啦，lunch我地成班去左金濤度食呀，我地仲有pure既王伯同我地一齊食呀，不過我好大頭蝦呀，竟然開完locker唔記得左拎返條key呀，但係我地成班已經去左金濤喇，真係好驚呀，因為我部mp3、電話、同銀包都o係裡面呀，食野既時候，肥甄坐我隔壁(因為d同學囉)，之後佢就知道左我冇拎key呀，佢就跑左返學校同我拎返呀，我真係好多謝佢呀，感激不盡！！！咁我地就食左全「包」宴呀，都係廣囉，佢叫咁多包=.=，食死fucky同學(人名黎架)呀！哈哈~~~食完就係王伯畀錢呀！多謝王伯呀！太好啦~~~唔駛$$$~哈哈哈！

之後就係中化堂，我地o係canteen度玩呀，首先係d同學仔講下feeling，之後就係玩呀，我地又玩織網呀，織左個好大既，畀彭圞訓，之後我地拋佢上半空啊，不過唔係太高~玩完就落堂啊，就要上phy，真悲呀，要聽書要上堂呀，佢都教唔切書呀，真係..=.=又唔畀我地影相啦，又話最後畀5分鐘我地影喎，到最後都冇，真係=.="無奈囉！

放學去左canteen影左陣相，就去左music rm呀，都好耐冇入過去喇，自從f.4開始都冇音樂堂啦~咁今次既團契係f.7惜別會呀，咁大家同學都有好多野講呀，佢地都喊晒，但係我同wing都冇喊過，一時時會有d感動，不過只是想喊，而冇喊~~~哈~我知道我同佢地係冇乜經歷呀，同d老師都係，感情同了解都唔係好深，所以都冇乜特別大既感受呀。不過呢一班比起f.5o個班，一定係深入好多啊^^呢年幾都好開心~~~

o係個惜別會裡面，仲發生左一件從未發生既事，就係有人同我講「我好想同你一齊入科大呀！」我成為左女主角.....好驚嚇...好尷尬...(下省700幾字)

之後bbq，我都唔知點，尋日我不斷咁思想佢係咪講緊我心諗o個d，我唔知佢真正想點既時候，我同wing傾左好耐，又有d唔開心，同埋間中d同學都黎問我有咩感覺，又問下我有咩反應咁，不過我真係.........咁之後我就勁同wing傾計呀，除左傾佢之外，就傾左一d個人既問題咁啦，好似星期三o係麥當當度傾計咁，都好好傾啊~~~

bbq完之後，我地就去左流浪，o係富善體育館樓上既地方玩同傾計，我都冇玩到呀，o係度同wing同釗傾計，又係傾感情事，其實我呢班同學仔都好少傾呢d事，多數都係講學業既事情，都係今次發生d咁既事，先同同學仔傾咁多呢d野，不過傾落先知釗都可算係一個expert呀，可能佢經驗多呀，哈~佢真係畀左個新啟發我呀，我一直都覺得我既男朋友，我雖然成日話我如果好鐘意佢，我唔會介意佢矮過我，但係尋日經釗一講，我都覺得，如果我男朋友真係幾好，對得一個係矮過我既咁耐，我..真係會介意，釗咁講(佢有親身經歷)，真係畀我幻想到我係真好介意我既男朋友矮過我，就算我係點愛佢，或者係會好愛佢但係對得多，我可能真係會嫌棄佢...不過我唔知將來既事情係點發生，到左真係既時候再先算啦~宜家都唔會諗呢d野啊！

咁我地傾計傾到10點幾，之後就去左rainbows度食糖水呀，成20人o係度一齊食糖水，真係勁~一齊食好似大家庭咁啊~~~哈~~~食完就返屋企lu，都12點lu~

8:49pm

>>January 29, 2005 at 2:50:52 PM GMT+8

2005 年 1 月 27 日 星期四 【晴】

29/1/2005 fri 12:51am

今日係last day~相信我既日記會勁長，同埋...今日真係發生好多事，有好多開心既、有回憶既、驚嚇既、意外既、真心既........好多好多.......

所以...我決定我今日既日記唔打住~因為好支力呀，趕住訓覺，仲有聽日要考ue oral mock exam >.< !!!

12:53am

>>January 28, 2005 at 4:53:53 PM GMT+8

2005 年 1 月 26 日 星期三 【晴】

27/1/2005 thu 11:48pm

今日都又好似有咩特別野發生咁，不過今日已經影左d相呀，今日又o係chem lab影相，好好玩呀，見廣同曉理o係個chem lab度跑，幾好危險同搞笑，哈哈！我地影左幾幅就去返library啦，我地之後就o係library影相，又拎d勁厚既字典o係度影，真係好好玩啊！影左一堂，之後就真係溫書啦，計pure呀又，之後就食lunch lu...

lunch後係3堂phy呀！簡直係虐待！我今日聽佢講書，因為hltam教得好慢，mock到hltam都未教完呀，so要聽下尹sir講書，但係好可惜，真係好眼訓，勁烚...真係...唉....無奈...，跟住一落堂就閃呀，真係好眼訓...

之後返到home洗左個頭，洗完個頭想去訓，但係個頭濕到咁...就冇得訓呀，幾慘，咁我就拎左本《唐山大地震》出黎睇，我都未睇過，但係...聽日係要交report呀，我都唔理佢喇，下個星期先交，宜家叫我做，不如叫我去死更實際(講下笑咋^^)。

仲有就係聽日係last day呀！要影好多相！聽日放學後團契有惜別會呀，之後我地7B有bbq呀，聽日要玩得好開心呀！顛！！！

P.S.瑞華~你見識過阿女d魔術喇？點解我未既？唔制呀！
係呀~個bg有4個架~~~4個都係pool黎架~~~
神秘人...我今日又問多個呀...佢又話唔係...
請問你係邊度黎架？係教會？同學？朋友？定係咩呀？
畀d tips我啦~~~嘻嘻~

>>January 27, 2005 at 4:40:24 PM GMT+8

2005 年 1 月 25 日 星期二 【晴】

26/1/2005 wed 11:10pm

今日有d開心..有d唔開心呀，唔開心係在於今日中化堂，今日中化堂miss pang送d禮物畀我地，又同我地講返d勉勵or....，不過聽完佢講我，我真係有d唔開心囉！佢今日又再一次話我懶散，佢已經係第3次咁講我，畀我心裡面問左一個問題，「我係咪真係一個咁懶散既人？」聽完彭圞咁講，我諗左一陣，之後我發覺咁諗都唔係好掂，我就問我身邊既月月啦，一講就講左3堂！講左好多既個人問題，咁傾完我了解左自己又多左啊~~~

其實我係一個好自我保護既人，尤其係說話方面，例如我會講「我呢句說話好廢呀」，其實係唔想人地咁講，我自己先咁講先，仲有好多既例子，都係唔想畀人話，唔想畀人指摘先咁講。仲有就係....我都係一個好介意人地點睇既一個人，雖然係話比以前好左，但係...都好似仲係有好大改善既空間，宜家既狀況都係唔係咁令我滿意，我有好多做既事，都畀呢樣野影響到，影響到我既生活，仲搞到我宜家畀人話我懶散，我想講...我唔係一個懶散既人，我覺得我唔可以用懶散去形容，我演講講到咁，唔係因為我態度懶散，我覺得我盡左力，我好認真咁去準備左，但係竟然畀彭圞話我好懶散，仲要強調左好多次，好似我畀佢既印象就係得呢樣「懶散」，懶散=我！講真，我真係好不甘畀佢咁形容，我唔認同我係一個懶散既人，同埋，佢都唔係好熟我，咁又會知道我做事既態度係點？impossible la！就憑我出去演講就話我係一個懶散既人，容許我講一句「有冇搞錯！」佢叫我認真d，我真係想講，我宜家好唔認真咩？！我好知道我自己做緊咩，但係我覺得佢真係有冇搞錯，成日咁話我，佢又唔認識了解我，我真係唔知佢憑咩咁講，仲有就係佢都唔知話我邊方面懶散，係學業？做人態度？定係其他，佢只係話我「懶散」，都唔知佢想講咩！聽到幾次佢咁話我之後，宜家真係好唔開心，同埋好介意，佢講之前叫人唔好介意喎，叫左就真係唔介意咩？仲要o係全班面前重複又重複，想我唔正視呢個問題都唔得啦！一句講晒，我覺得我唔係咁囉！我既問題唔係在於懶散，而係我介意人點睇我，呢個先至係重點！u know!!!

今日補習，我同wing同師父一齊補~哈哈~補完習之後，我同wing去左食埋dinner先返home，去左大中麥當當呀，我同佢傾到10點幾，麥當當都要打烊啦，迫住要走人，唔係講一晚都講唔完，我地今日既話題都講左好多呀，有我地個人既，又有人地既，真係講左咁耐都係講唔完啊！

oh...寫寫下就咁夜喇...仲icq緊...=.=快d白白去訓覺先

P.S.神秘人...我唔知你係邊個呀，我估左兩個人，佢地都話唔係...
你係邊個呀？？？(迷茫中...)

阿女~~~等阿媽學返兩招同你較量下先~哈~

>>January 26, 2005 at 4:40:29 PM GMT+8

2005 年 1 月 24 日 星期一 【晴】

25/1/2005 tue 9:05pm

今日lunch之後o個3堂係chem呀，係要做lab呀，我地今日係最後一個lab喇，我地做得好快，因為都係titration，太easy啦，我地做左一堂幾就做完，之後就發顛咁係咁影相呀，真係好開心呀，我都影左少少啦^^，今日終於可以拎件lab coat返home lu，件野冇洗過，1年幾都冇洗過，哈哈~~~dirty呀！~

今日係sasa生日呀，我地買左cake同佢慶祝，仲畫左card畀佢呀，我地係最後一堂既時候同佢慶祝呀，我地好似d FBI咁，好秘密~哈~聽完c雅講解完一陣既程序之後，我地就action啦，去左教員室，c雅叫sasa出黎，我地就即刻唱生日歌啦，哈哈~~佢好感動啊~之後我地去左canteen食cake同傾下計咁，之後佢地一對對同sasa獻吻~*，有廣同紫婷~*，家偉同板板~*，釗同阿盈~*，隔左一陣，我同肥甄又畀人擺上table呀，經過掙扎之後，畀死timtim捉住=.="，彭圞又話要煲下水，真係...無奈啊...=.=，咁就就範了...不過我同佢地一對對係唔同的，佢地係一齊kiss sasa既面面，而我同肥甄就係...肥甄錫sasa~sasa錫我啊~*哈哈~~~我第一次畀老師錫~呵呵~~~

放學我地走左去玩中國瑤瑤同轉碟，哈哈~~~玩左好耐，轉碟就ok，but中國瑤瑤都唔係好識啊，我地玩到5點，玩左好耐，真係估唔到呢個咁既玩意可以玩到我成身汗呀，熱到死啊~~~

之後就返番去library做左少少lab report呀，6點幾返到home lu~
仲有就係今日唔見豐澤呀，佢又話今日早d返黎既......??

>>January 25, 2005 at 1:26:30 PM GMT+8

2005 年 1 月 23 日 星期日 【晴】

24/1/2005 mon 8:23pm

今日都係咁啦，上堂又唔係上堂，都係溫書堂咁，ue做listening，仲係咁差.......今日大多數時間都係計pure，呢幾日都係啦，宜家溫書重點係pure呀！放學留左o係學校做數，因為返到home好難做野，咁就o係學校計多陣數先返home啦，計到4點幾，見到卓澤峰返左黎喎，同佢傾左陣計到5點3，library今日5點3就close呀，迫住我要走...慘...不過見到卓之後，我係咁同佢傾計都冇再計數lu，我同佢一開頭講phy，不過好db，我有d好db既數都計錯，好有問題，係小學既數(分數)...=.="""，咁都計錯...一定係有病...=.=之後我同佢又講魔術，記得上次見面既時候佢教左我幾個magic架，但係宜家唔記得晒lu~哈~~~今日佢教我玩銀仔~教左一陣畀人趕啦，就返home喇，佢話聽日早d返救恩，教我magic~哈哈~

P.S.神秘人~我都有d估到你係邊個~~~根據你留言既時間同語氣~你係唔係......

>>January 24, 2005 at 12:32:45 PM GMT+8

2005 年 1 月 22 日 星期六 【晴】

23/1/2005 sun 11:01pm

今日connie姐既講道簡直係當頭棒喝呀，叫人唔好太為著世上既事物(學業)太操勞，應以神既工(傳福音...)為最重要既，因為神既事才是永遠的。「人若賺得全世界，賠上了自己的生命，有甚麼益處呢？」(太16:26)呢句經文好有反省。仲有就係神既呢個應許，「耶穌說：「我就是生命的糧，到我這裡來的，必定不餓；信我的，永遠不渴。」」(約6:35)畀我諗返起camp度個講員話，「我咩都冇，但係我冇既時候，我問我爸爸拎，佢就會畀我，我爸爸咩都有。」呢d都畀我有好大既鼓勵呀~

今日發生既事，其餘既都唔係好記得了...

諗到...就係今日返校牧室溫pure，計左好少做咋，唔想做又走左去同阿女玩，玩左好多IQ題，我畀佢地話我冇IQ=.=，真係好無奈，不過最後我發威，問左一題佢地個個都唔識既，嘩哈哈^^v，幾咁醒~

之後溫到5點幾就返home，仲食左好多野添，化悲憤為食量!!!

頭先白白既時候，諗起...我成日話我好慘，係因為讀書咁辛苦而覺得好慘，突然腦中閃起一d好窮既小朋友，冇得讀書，咁諗起之後，覺得自己好慚愧，同埋...自己都唔係好慘je...，心諗：我起碼有神會帶領我既前路，我宜家最怕係咩，就係入唔到大學，但係...我諗我入唔到，都係我自己既結果，又或者入大學唔係對我最好既，神有更好既事情預備畀我，我呢排就係諗住入唔到大學好似就要死咁，但係...又好似唔係，唔入大學，最多咪下年做repeater，做自修生，又或者去讀ive.展翅，又再或者出黎做野囉，唔駛死掛，不過宜家我諗我好清楚我宜家要做d咩，就係要盡全力去讀書，雖知道我唔知呢個付出有冇回報，但係我宜家可以做既，就係得呢樣，同埋禱告神，我相信神係會畀一條最好既路我行的，有時真係要學下順服神，好多時都會有好大既掙扎，但係都要順服，因為人係有限，只有神先知咩係對我最好，所以講到最尾，都係o個句，「盡力讀書呀！」，其餘既事都唔到我去理，所以沮喪同憂慮都係冇用的，不如積極面對呢個殘酷既alevel，同埋呢個人生啦！

咁既心態令我個心舒服好多了...

P.S.神秘人，你是誰呀？
瑞華...係呀...個背景唔知去左邊，可能係因為救恩書院個網有問題...
不過呢個背景同我個腦一樣...一片空白...

>>January 23, 2005 at 4:01:32 PM GMT+8

愛上ＮｅｗＳ 廣告 讀者留言 |  路人留言   | 哈~唔知點解想恭喜你買到部新手機 >>October 6, 2006 at 1:50:02 PM GMT+8 組長,多多指教!!! >>September 25, 2006 at 9:42:32 AM GMT+8 哈～ <br>咁下次的ｉｄｅａ　 >>September 16, 2006 at 10:46:27 AM GMT+8 今晚TVB有側田唱歌WO~~ < >>September 9, 2006 at 1:15:40 PM GMT+8 你睇o左醫生未呀?? <br>要 >>September 8, 2006 at 4:36:35 PM GMT+8 嘩~多謝你掛住我呀!! <br> >>September 6, 2006 at 4:15:37 PM GMT+8 傻ga,,,無lala同news >>September 6, 2006 at 4:48:16 AM GMT+8 有咩事唔開心呀? >>September 3, 2006 at 4:25:06 PM GMT+8 勁呀~佩儀~ <br>你個聯絡人 >>September 2, 2006 at 1:41:30 AM GMT+8 嘩~ <br>呢個camp d野 >>August 31, 2006 at 12:59:34 PM GMT+8 都話神一定看顧你家啦, yo, >>August 31, 2006 at 12:31:24 PM GMT+8 返包裝?咩黎嫁?? <br>個師 >>August 26, 2006 at 2:23:34 PM GMT+8 喂!!ar姨!!>v< <br> >>August 19, 2006 at 4:07:04 PM GMT+8 e你而家做緊兩返工呀? >>August 18, 2006 at 6:04:36 PM GMT+8 嘩!份工唔係我架~我都係魚蛋介紹 >>August 15, 2006 at 3:32:21 PM GMT+8 i got my money t >>August 10, 2006 at 2:46:47 PM GMT+8 佩儀, 神真係會有祝福家!! >>August 2, 2006 at 1:57:04 PM GMT+8 ................ >>August 1, 2006 at 2:16:49 AM GMT+8 真係唔睇你個板 <br>唔知你又 >>July 31, 2006 at 7:23:41 AM GMT+8 hot 多 lee call 咩 >>July 30, 2006 at 10:49:02 AM GMT+8 唉~好同意你講o個句.... < >>July 29, 2006 at 11:59:27 AM GMT+8 嘩 你做野個邊咁正既 可以飲d特 >>July 28, 2006 at 2:23:39 PM GMT+8 你都幾好呀, 同事好真係好好多呀 >>July 28, 2006 at 1:47:10 PM GMT+8 又有新工作啦, 一切順利呀!!! >>July 27, 2006 at 12:30:21 PM GMT+8 我琴日見到你呀^^ >>July 22, 2006 at 6:19:55 AM GMT+8 哈~你sale 野都有一手呢~勁 >>July 20, 2006 at 2:16:37 PM GMT+8 好野!有工做啦~恭喜喎! <br >>July 18, 2006 at 2:20:59 PM GMT+8 HAHA~ <br>你high >>July 17, 2006 at 2:24:35 PM GMT+8 你係書展度做呀??? 我聽日可能 >>July 16, 2006 at 5:30:04 PM GMT+8 打錯字, 係順利!!!! >>July 13, 2006 at 8:36:47 AM GMT+8 似乎幾順便喎, thx god! >>July 12, 2006 at 6:27:35 AM GMT+8 梗係知啦, 我d"飲歌"呀!! >>July 11, 2006 at 3:11:10 AM GMT+8 ............嚇親我. >>July 11, 2006 at 2:48:39 AM GMT+8 真係幾開心咁喎!!!! >>July 7, 2006 at 2:27:52 AM GMT+8 過去的A-LEVEL是曾經帶給我 >>July 1, 2006 at 7:16:35 PM GMT+8 你要撐住呀! 神必定會帶領!! >>June 30, 2006 at 5:35:17 AM GMT+8 好耐都冇見啦!!唔知你記唔記得我 >>June 29, 2006 at 2:09:52 AM GMT+8 多謝你覆我的貼ar~ <br>好 >>June 28, 2006 at 1:16:14 PM GMT+8 你不可以死的，因為rainbow >>June 27, 2006 at 2:26:40 AM GMT+8 你都被貼了！！！　呵呵！！！　詳 >>June 24, 2006 at 11:06:52 AM GMT+8 你被貼了！！！　詳情看我日記！！ >>June 24, 2006 at 5:02:41 AM GMT+8 小心d呀~ <br>如果真係叫你 >>June 19, 2006 at 5:25:47 AM GMT+8 唔好咁灰心啦. <br>我支持你 >>May 30, 2006 at 4:54:37 PM GMT+8 我都係呢個花香型呀, yeah! >>May 29, 2006 at 8:06:40 AM GMT+8 nono......係睇你個樣. >>May 20, 2006 at 11:32:33 PM GMT+8 haha....你第一次落機鋪? >>May 20, 2006 at 2:22:08 AM GMT+8 星期一就完喇 <br>你好快d諗 >>May 13, 2006 at 9:34:41 AM GMT+8 我要轉工!! >>May 6, 2006 at 3:33:44 PM GMT+8 我都有睇向世界出發呀, 呢個星期 >>May 6, 2006 at 4:31:59 AM GMT+8 考完試就唔好諗啦, 要盡情去玩先 >>May 4, 2006 at 11:02:53 AM GMT+8

人氣: 48445

Design & Scripting by ShowHappy.Net