2004 年 12 月 18 日 星期六 【晴】

今日一早就醒左~~~ then o係度睇雜誌，等細佬起身去食 lunch~~~

食完 lunch，就要開始做功課喇~~~ 就係咁，就做左一日喇~~~ 但仲未做完................... 好多野做呀!!! 想死呀!!!

>>December 19, 2004 at 2:02:57 PM GMT+8

2004 年 12 月 17 日 星期五 【晴】

今日攪到咁夜先寫到日記~~~ 因為趕緊功課呢~~~ 好多野做呀~~~~~~~~~~~

今日一早起身就去左睇戲~~~ 我都已經早左 d 到ga 喇~~~ 諗住 pizza 輝已經到左，點知嚟到o既時候，淨係見到阿峰一個~~~ 原來 pizza 輝遲到~~~ 原來 pizza 輝係信唔過ga~~~ so 見到阿峰o既時候，佢係好似想打人咁~~~ 哈~~~~~ 我都算係咁喇掛，早左到~~~ 不過你都有進步~~~ 竟然冇遲到喎~~~~~~~~~ 好叻呀~~~~~

我地今日睇o既係 " 12 瞞徒 "，but 套戲就真係唔係咁好睇~~~ 係一套笑片~~~~~ 我地睇完之後，就去左食 lunch~~~ 但一路食，pizza 輝個樣都係好頹~~~ 我諗係因為佢俾阿峰厄左出嚟睇戲~~~ 哈~~~ 食完之後，我地就走喇~~~ 我就返左屋企陪細佬~~~ 你又冇叫我出嚟溫書~~~ 我乜都冇準備ga~~~ 下次要一早講定呀~~~

返到屋企，我就同阿爸 and 細佬睇碟~~~ 睇左好耐之前已經想睇o既 " the terminal "~~~ 好好睇呀~~~ 套戲上o個時已經想睇...... but 冇人理我.............. 慘...................... 點解永遠都係我陪人睇................ 就冇人陪我睇o既呢...??? 可憐............................. 我係一個冇人要................... 又冇人理o既人啊......................................

睇完之後，我又昏迷左~~~ 自從由廣州返嚟之後，就好似訓極都唔夠咁~~~ 成日都好眼訓，好累咁~~~ 唉.......................

>>December 18, 2004 at 5:36:42 PM GMT+8

2004 年 12 月 16 日 星期四 【晴】

今日晏晝唔使上電腦堂~~~ yeah~~~ then 放學就名 michelle 去左食米線~~~ 我地真係食到上左癮喇~~~ 第日唔係o係度返工，冇得食咁點算???

食完就返左屋企昏迷~~~ 好好訓呀~~~ but 中途阿馬打過嚟~~~ 但我實在太眼訓喇~~~ 完全唔知自己講緊乜~~~

太過份喇!!! 話有電話入，叫我等陣!!! 點知就唔記得左我o既存在!!! 哼!!! 憤怒!!!

又係你問我乜事，點知你仲激動過我......... 咪咁啦....... 唔好鬧我呀......................... 只要我冷靜返就冇事ga喇~~~

then 細佬返左嚟~~~ yeah~~~ 五隻熊仔都齊晒喇~~~

>>December 17, 2004 at 1:04:15 PM GMT+8

2004 年 12 月 15 日 星期三 【晴】

今日一早就返學........... 好好眼訓................. 完全唔知自己做緊乜....................... then 只知台灣個 trip 攪得成............. but 應該唔去喇.................... 之後，仲話英文要留低，話我地上次做o既 mind map 錯左，要講返，but 阿 sir 好似係浪費時間多 d............. then 唔理佢就走喇~~~

之後，就又係返左元朗搵阿峰喇~~~ 我真係覺得阿峰今日有 d 唔妥，咁多野講，但千祈唔好講 "taken" 個結局我知呀~ 我會打人ga~~~

走o既時候，去左買 " the terminal"，仲買左 " big fish" 添~~~~~ 終於都等到佢平喇~~~ yeah~~~~~

返到屋企，竟然話個細路唔嚟補習............... 早知唔咁早返屋企啦..............................

>>December 16, 2004 at 1:53:24 PM GMT+8

2004 年 12 月 14 日 星期二 【晴】

呢幾日去左廣州、南沙考察團~ so 依家要寫返三日o既日記~~~

2004年12月13日 (星期一)

以下係我當日半夜所寫o既日記:

依家係凌晨兩點三十八分，好辛苦啊~~~ 本來諗住早 d 訓，因為聽日 6:30am 就 morning call，佢隔離房玩得好開心，每當我一訓著就聽到佢地高興o既笑聲......... then 就訓唔到喇............ oh............ >"<

至於今日o既行程都幾悶... 總結今日嚟講，就唔係咁開心.............. er.............. 全日都係搭車........... 塞車.............. then 食飯..................

我地一早 8:00am 就o係上水火車站集合，我一早就到左喇，then 第一個見到o既就係 willi，之後， talkie 都到喇~ 咁我地等埋 michelle 就一齊去左麥記買早餐~~~ 但我只係買左個薯餅，因為我仲有一袋光酥餅o係袋~~~ 哈~~~ but 就俾人渣明話喇~ 佢話 "一早就食 d 咁野，好油喎!" oh......... 但我鍾意呀~~~~~ 之後， jojo 遲到，咁我地就o係度等佢喇~~~ 之後，我地就一齊搭火車過羅湖喇~~~ 之後，我地搭巴士去廣州~~~

一嚟到廣州就係食 lunch，then 就有時間去行下街~~~ 我地o係個商場度見到有 izzue、2% 添~~~ 之後，就o係吉之島買左 d 零食，then 就要搭車去經濟發展局喇~~~ 但去到之後，我就發覺今次呢個 trip 揀錯學生去喇!!! 唉................... 冇眼睇................ 就咁就樣衰左幾日.....................

之後o既行程就係去美博城喇~~~ 嘩~~~ 真係超悶呀~~~ 人影都冇隻~~~ 仲要 "名牌香水，特價 $10"~~~ 問你敢唔敢用~~~ but 最有趣o既係一班美容髮型學院o既學生o係度走嚟走去~~~ 仲個個都係金毛，一路跑，一路叫 "下午好"，勁好笑~~~

睇完之後，又去食飯喇~~~ 食完就返酒店~~~~ 之後，就去左行街，我覺得條街有 d 似台灣o既西門町，但 michelle 就話似東門~ er....... 行左一陣，我地就搭的士去左北京南路太平沙食宵夜.... 但食o既係青口、蠔........... 全部我都唔食得.................. then 我、小 win、tommy and 小來就走先~~~ 返到去都過左要點名o既 10:30pm 喇~~~ 咁就要搵返 amy 點名喇~~~

之後，當然係沖涼啦~~~ 因為太累o既關係，冇過到隔離房玩............... 但都係訓唔到............... 無奈....................... =.="

今日仲頭痛添................ 但呢個可惡o既人渣明............ 竟然仲打我個頭!!! 太過份喇!!!

2004年12月14日 (星期二)

6:30am morning call............. 好眼訓呀.................... 食完早餐又開始我地o既行程喇~~~ 今日去左三個地方，但我最鍾意o既就係睇 HONDA 間廠喇~~~ 睇住一架車點樣造出嚟~~~ 都幾好睇~~~ 哈~~~~~ 而且呢間廠係唯一一間所有工人都有野做緊o既一間廠~~~ 仲有紀念品添呀~~~ good~~~

今日 d 人繼續失禮人................. 仲要...... 唉........................

食完 dinner 之後，我地就返酒店喇~~~ then 佢地就去左做按摩，但我、小 win and tommy 唔去~~~ so 我地就去左行下~~~ 我地兜左好大個圈呀~~~ 差 d 迷路添~~~ 好驚呀~~~ 我地仲經詔一班流浪漢、幾個我地覺得有危險o既人，仲行過一條冇人o既隨道~~~ 好好驚呀~~~ then 我地千山萬水先行到去麥記，小 win 話要試o個個香港冇o既野 (唔記得叫乜名)~~~ 咁我就要左個開心樂園餐~~~ 為o既係隻公仔~~~ 哈~~~ 仲要請埋 tommy 食，咁就可以多一隻喇~~~ 我地要o既係 "恐龍麥樂雞"，真係恐龍型ga~~~ 我仲同盒野影相添~~~~~ then 見到 d 包好平，咁就每人買多左個包喇~~~ 勁呀~~~ 我地食左咁多野~~~~~

買完我地就返左酒店喇~~~ then 就睇電視 and 沖涼喇~~~ 之後，佢地都返到嚟喇~~~ 咁我地就過左 tommy 佢地間房度玩~~~ 我地玩左啤牌式o既 uno、killer and 話事啤~~~ 玩 killer 真係好辛苦~~~ 聲都沙埋~~~ 仲要做晒演添~~~ 玩話事啤就要成日諗罰乜野好~~~ 但最後諗到o個個未罰到就唔玩喇~~~ 好彩最後都叫到 tommy 俾我地影返張相啫~~~

玩完之後，返到房就訓左喇~~~ 勁好訓~~~

2004年12月15日 (星期三)

今日都係 6:30am morning call~~~ 超超眼訓呀............. 對眼好痛................. 個樣超殘........................

我地食完早餐就搭車去南沙喇~~~ 去到南沙，果然係一個字------僻......... 要發展真係需要唔少時間~~~ 我地睇左物流中心 and 貨櫃碼頭~~~ 睇完之後，我地就食 lunch 喇~~~ 食 lunch o個度又幾靚喎~~~ then 食完仲可以o係o個度影下相~~~ 小 win d 相好爆呀~~~~~ 我鍾意~~~ 因為係我影o既~~~~~ 之後，就搭車返深圳喇~~~ 就係咁，我地o既行程就完喇~~~

返嚟諗住搵埋人渣明一齊搭返元朗~~~ 點知問佢，佢就只係話要去洗手間，唉.................. then 再搵佢，佢竟然唔聽電話!!! 但又俾我見到佢喎~~~ then 最終都係一齊搭返嚟ga~~~

返到屋企，超累呀~~~ 要休息返下~~~

>>December 15, 2004 at 2:18:25 PM GMT+8

2004 年 12 月 11 日 星期六 【晴】

今日起身一陣，個細路就話過嚟補習喇~~~ 但我仲未食野喎~~~~ 超肚餓，then 我係唔理佢，繼續食ga~~~ 哈~~~~~ 之後，就同小來傾左一陣 ICQ~~~ 跟住就開始執野喇~~~ 要收拾行裝，準備聽日去玩呢~~~ yeah~~~ 終於都等到喇~~~ 之後，就出左街食飯~~~ 就係咁，又用左一日喇~~~~~

>>December 12, 2004 at 1:30:28 PM GMT+8

2004 年 12 月 10 日 星期五 【晴】

起身之後，都係冇咩好做~~~ then 都係睇下電視，搵下野食咁~~~ 無聊左一輪，又夠鐘補習喇~~~ 唉...................... 本來都好精神ga，但經過兩個半鐘o既精神折磨............... 已經變左係折磨喇................... 真係人都散埋......................... 成個人呆晒............................. 呢個小朋友都幾難教.............. 要諗多 d 新方法至得~~~

之後，就返左阿婆度食 dinner 喇............ 唉............. 又俾人問拍拖未.............................. 唉............................................

叔屋企o既時候，又俾o個兩隻衰狗吠!!! 哼!!! 我真係覺得每日返屋企都有生命威脅.................... 都唔知做乜，真係日日都要吠人!!! 以前隻黑狗都唔會吠我地o既................ 自從呢隻死黃狗嚟左之後，就兩隻一齊吠人!!! 癡線ga!!! 尋日返學o既時候，隻黃狗仲想跳出嚟吠我 ( 我諗佢係想咬我多 d...) then 撞左埋鐵絲網........................ 真係癡線ga!!! 攪到我每日行過都爆晒粗!!! %*xya%*zfs%& 邊度有人養狗養到放晒出街ga!!! 頂!!! 又想爆粗添!!!

尋日仲唔記得記低同小 Win 去左朗豪坊，睇下我講o個個 sales 哥哥係咪小 Win 見到o個個~~~ but 唔係o個個呀~~~ 我上次係陪阿珊去買野 ( but 唔係朗豪坊o個間 )，o個個 sales 哥哥真係好可愛ga~~~

睇 monday o既時候，突然見到有奇洛o既出現!!! 嘩~~~~~~~~~~~~ 佢真係點睇都係咁靚仔啊~~~~~~~~~~~~~~~~~~~~~ 嘻~~~~~~~~~~~~~~~~~~ 佢有套戲三月會上呢~~~~~~~~~~ 但依家為左佢要練好 d 英文先~~~ 先要攞佢張 poster~~~ 仲睇到 "超人特工隊" 呢~~~ 呢套我都好想睇呀~~~ 但要成二月先上.............. 又要等~~~

追女仔

作曲/編曲/監製:陳輝陽@好好笑
詞:林夕

G 為何還自卑口袋真的有點乾
為何凡是我想分賬吃飯便有汗
C 不要誤會平治寶馬便能做我蜜糖
何妨 陪我互享便當

*G 無人敢追我 常常家裡坐
求你仗義出手求助
誰醜得過想愛未愛
是藐我未能合襯麼
為何都不敢追我 為何都怯懦
C 情去到極限甚麼也衝破
連談情也得衡量過
莫非 你實在未看起我

G 明明憑絕色心地可使我風魔
男孩 難道要長得美才能墮愛河
C 好老實 平凡樣子注定難敵過帥哥
可惜愛上了帥哥 不會易過

CG 說到底 願相親相愛才能拍得過
你以為 是鬥美再格鬥財勢麼

repeat*

C 為何還偽稱親得彷彿我哥哥
傻人 其實你天生太善良便帶傻
G 可笑是 仍然害羞碰面嚴重到要躲
CG 恕我太惡死 儘快追我

>>December 11, 2004 at 4:37:06 PM GMT+8

2004 年 12 月 9 日 星期四 【颳風】

今日上完 international marketing 就去左同 Sharon 慶祝生日~~~ 生日快樂呀~~~~~ 我地去左酒樓食 lunch~~~ but 點解生日會去酒樓o既??? 仲要係食學生餐添~~~ 今日連 Miu Miu 都有嚟~~~ 好耐冇見喇~~~ 由於我地食到太飽喇~ 就連個蛋糕都冇食到，我地直接俾左 Sharon 攞左返屋企呢~~~

你地呀!!! 你地呀!!! o係度危言聳聽!!! 製造謠言!!!

之後，我就走左電腦堂~~~ 同小 Win 去左行街~~~ yeah~~~ 我地儲夠糧去南沙喇~~~ 我地真係好似走難咁添~~~ 但有得去玩，好開心啊~~~~~~ 今日仲同小 Win 傾主唔主動o既問題~~~ 我地都覺得，會俾佢知，but 就唔會講到出口~~~ 哈~~~ 我會覺得，會做o既都做左，如果佢都係鍾意o既，佢都要做返 d 野吧~ 如果佢仲係冇乜表示，唔緊唔緊咁o既，咁唯有放棄吧~~~ 雖然唔知咁樣啱唔啱，但我都仲係好堅持!!!

行完就返屋企喇~~~ 哈~~~~~ 等巴士真係要以伯伯為單位嚟計~~~ 好驚呀~~~~~~~~ >///<

想織多條頸巾添~~~ 想織條間色的~~~ but...... 仲未諗到要乜野色.................... 想鮮色 d，但唔要太誇............

返到屋企就要補習~~~ 每日嘔咁多血............ 就死ga喇................. 命不久矣...................

又眼眉跳......... 又想點呀...???

>>December 10, 2004 at 3:19:59 PM GMT+8

2004 年 12 月 8 日 星期三 【颳風】

今日要 test CI，份卷都 ok 啦~~~ 因為今日淨係返去 test，而我地又要等埋 B 班一齊 test，唔知點解，我總係覺得自己寫錯時間咁..... 成朝都有 d 不安.............. 好彩我冇寫錯啫~~~

test 完之後，行出課室，攞個電話一睇，有成三個未接來電，原來係我細佬、阿馬 and 阿峰~~~ 咁我梗係覆佢地電話啦~~~ 細佬又幫我換左隻熊仔喇~~~ yeah~~~ then 就返左元朗搵阿峰喇~~~

你唔好咁啦~~~ 唉............. 我又點會覺得你煩呢~~~ 快 d 笑下啦~~~ ( 難道今朝咁不安就係因為咁... )

今日個細路又罰留堂...... 唉.................

>>December 9, 2004 at 2:01:52 PM GMT+8

2004 年 12 月 7 日 星期二 【颳風】

天氣突然轉涼........攪到有 d 唔舒服添.......... 弊喇.............. 要快 d 好返先得喇~~~ 仲要去玩啊~~~~~ 我等左咁耐~~~~~~~~

今日上電腦堂，教o個個 flash 做唔到添.... then 我就放棄左喇~~~ 阿 sir 仲話要用 Twins o既相先做到喎~~~ 但我係鍾意用奇洛o既相呀~~~~~ 咁唔知份功課做個賣 Twins 產品o既 website 會唔會高分 d 呢...??? 之後，有一枱人o係度打機，but 最抵死o既都係連阿 sir 都睇埋一份~~~ 真係與民同樂~~~ 哈~~~~~ 我同 Michelle 仲問阿 sir，有冇一 d 好似佢咁o既男子可以介紹俾我地~~~ 嘻~~~ 但阿 sir 竟然話 "我law"，但我地係要未婚ga喎~~~ then 阿 sir 都話有一個~ 哈~~~~~ 阿 sir 真係好好笑~~~~~ 都幾好玩~~~~~ 呵~~~

then 食 lunch 都係o係華興 and 星仔記之間作選擇，今日係去左華興ga~~~ 仲食左乾炒牛河~~~ 嘻~~~ Tommy o個碟就超少牛肉，but 我o個碟就有好多呢~~~ 呵~~~ 呵~~~~~ 為左唔想 Tommy 妒忌，我好盡力咁食晒 d 牛ga~~~~~

食完就上 IBE 喇~~~ 中途仲要幫人做問卷..... 份問卷好長呀~~~ d 問題都幾悶下，d 問題仲出得有 d 問題添......... 做完問題，Michelle、小 Win and me 就出左去攞件畢業 "莆" 嚟照相，影o既時候仲有幾個人行過..... 我地都已經走到去好僻o既地方ga喇喎............ 跟住我就去攞返張畢業證書喇~~~ 過左期幾日，今日終於攞到喇~~~~~ yeah~~~ 之後，返左入課室，but一坐低就想訓，then 等佢放 break 就走喇~~~ 返到屋企訓左一陣，又要開始補習喇~~~

tomorrow 要 test CI ，but 條數我都係唔識做呀......

尋日淨係記得o個條頸巾，唔記得左問下年紀大 d o個條添~~~ ( 大叫 ) wei~~~ 你又點呀??? 成年冇見喇~~~ 有冇掛住我呢??? 有冇再 "發" 呀??? 唔好再 "發" 喇... 你太高喇.... 如果有人蝦你，就咬佢啦~~~ 知ma??? ( 思覺再度發作~ )

>>December 8, 2004 at 1:34:00 PM GMT+8