2004 年 12 月 28 日 星期二 【晴】

今日一早起身就出街喇 (其實都唔早喇)~ then 就出左尖咀~~~ 去左 CEO 唱 k~~~ 不過今日把聲真係唔多妥...

唱完就行路去左旺角~~~ o係尖咀o既時候覺得好凍ga~~~ 但行到去旺角就覺得暖左好多~~~ 差好多呀~~~ 跟住就去左朗豪坊~~~

之後，我地等到 eddy 嚟喇~ then 就去左食 dinner 喇~~~

嘩.... 今日俾人撞... 俾人打..... 俾人搣....... 好痛呀............ >"<

多謝阿珊o既手信呀~~~~ ^.^ 仲有 eddy o個份~~~ 哈~~~ 差 d 唔記得添~~~

>>December 29, 2004 at 5:10:49 PM GMT+8

2004 年 12 月 27 日 星期一 【晴】

嘩~~~ 好凍呀~~~ 好凍呀~~~~~~~ 凍到人都彊左~~~ 一晚就凍左咁多~~~ 好驚呀~~~~~~ >"<

就因為咁凍，所以唔想起身~~~ o係張床度碌嚟碌去~~~ 碌下碌下咁又一個鐘~~~ 真係好暖~~~ 好舒服啊~~~~~~~~ 但最後都係要起身ga~~~ then 就同細佬出左去食 lunch，隨便幫阿媽交電費~~~ 食完細佬就走喇~~~ then 就自己一個去買左d野就返屋企喇~~~ 返屋企o既時候........ 好凍呀....... d風吹埋嚟....... 又好似抖唔到氣咁.............. 唉................. 又想凍，又怕凍o既我................. 真矛盾................

今日阿媽去左旅行，so 夜晚就得返我同阿爸兩個人~~~ then 都係出去食吧~~~ 得兩個人食，就唔好要我煮喇~~~ 我超懶~~~~~~~~

本來諗住今個假期要做功課............ 但點知................ 份功課郁都冇郁過...................... 點算...???

>>December 28, 2004 at 1:44:56 PM GMT+8

2004 年 12 月 26 日 星期日 【晴】

嘩~~~ 今日訓到成十二點先起身~~~ 好好訓啊~~~~~~

之後，就同細佬出左去食 lunch~~~ then 細佬就約左人 bbq~ 咁我就自己返屋企啦~~~ 返到嚟，睇左之前冇睇到o既 "taken"~~~ 睇完呢集，仲睇埋最後o個兩集添~~~ 我終於都睇埋個結局喇~~~ 唔使再驚阿峰講結局喇~~~ 哈~~~

呢兩日仲睇左之前買o既o個本書~ 哈~~~ 我覺得o個兩個作者都同我幾似~~~ 所以都睇得幾開心~~~ 笑死我~~~

就係咁~ 我就好悠閒咁過左一日喇~~~

p.s. 呢兩日勁眼眉跳~~~ 又唔知想點~~~

>>December 27, 2004 at 3:35:25 PM GMT+8

2004 年 12 月 25 日 星期六 【晴】

好累啊~~~~~~~~~~~~~~ 仲病左添..........................

所以今日都冇咩做過~~~ 都係同屋企人出去食 lunch~~~ then 同小朋友補習~~~ 跟住就好似行屍走肉咁喇~~~ 哈~~~~~

跟住o既兩日都冇街去~~~ 可以休息下喇~~~~~ =.="

>>December 26, 2004 at 12:48:34 PM GMT+8

2004 年 12 月 24 日 星期五 【晴】

今日一早又出左去~~~ 但好憤怒呀~~~ 阿馬約左我又冇出現~~~ then 我就自己一個人去左 neway 攞房先~~~ 嘩~~~ 一個人o係間 k 房度............ 好寂寞呀.............. 再加上我超累.................. 好辛苦呀!!! 之後，我一個人o係度唱~~~ 好彩一陣雪豔 and 阿旋都到咋~~~ 之後，阿馬都到喇~~~ then 我地唱到兩點，我地仲同 Boy'z 影相添~~~

之後，我地做左一個創舉~~~ 我地o係元朗行左成四個幾鐘 (中途o既時候，櫻雅都出現喇)~~~ 勁呀~~~~~ then 我地六點幾就去左 pizza hut 食 dinner~~~ but 我地一坐就坐左成兩個鐘~~~ 真係去飲茶都唔使咁耐!!! 但唔係我地死都唔肯走，而係 d 野遲遲都唔嚟!!! 真係應該學 "菠蘿油王子" 咁~
我: 個pizza，好耐喎，再唔嚟，取消啦
侍應: 我幫你，跟下啦
我: 跟跟跟，跟條命，再唔嚟，取消啦
今日真係等到火都嚟~~~ then 好彩俾我搵到一個似樣o既侍應，佢真係幫到我地~~~ 真係咁先係ga ma~~~

食完就返屋企喇~~~ 櫻雅都不斷話我個樣好殘呢，其實你地係拖住我條屍行左一日呢，我唱 k o個時已經o係 k 房度訓著左............... 今日真係有 d 唔舒服，流鼻水呀.................... 好似想病咁................ 都係休息多 d 喇~~~

>>December 25, 2004 at 3:53:13 PM GMT+8

2004 年 12 月 23 日 星期四 【晴】

平安夜~~~ 又到平安夜喇~~~

本來今日約左小 win and 小來~ but 小來臨時唔得閒，我又搵唔到小 win~ then 就約左阿峰 and eddy 喇~~~

到左差唔多時間，就出門口喇~~~ 但點知........ 一個遲........ 兩個都遲..................... 唉.................. 咁我唯有一個人o係度自己週圍行啦............. 仲幾自暴自棄添!!! 唔開心呀!!! 之後，行左去 city super~~~ 睇到一本都搵左幾耐下o既書~~~ 但都已經出到第八本喇~~~ 雖然冇錢，但我都係買左本書呀~~~ 就當係送俾自己o既聖誕禮物啦~~~~~

then o個兩隻野終於都到喇~~~ 咁我地就開始週圍行喇~~~ 我地先行左入九龍公園~~~ 嘩~~~ 我地竟然行公園呀~~~ then 就行返出彌敦道喇~~~ 其實我地行嚟行去都係o個幾條街~~~ 但 d 馬路封晒~~~ 我覺得好似o係度遊行咁~~~~~ 哈~~~ 我仲見到奇洛新戲o既 poster 呀~~~ 嘻~~~~~~~~ 超高興~~~~~~~ 但....... 做乜唔俾人睇喎!!!

但我真係估唔到，我地會咁堅持~~~ 真係o係度等華仔~~~ 哈~~~ 我今日亦真正地體會到，生得高真係有好處~~~ 以我咁o既身高............... 真係乜都睇唔到........... 不過好彩最後都睇到華仔，雖然佢只係得粒米咁大 and 都有好多人頭遮住我............. o係呢個時候，我再次感受到細個o個時行花市o既感受~~~ 真係好焗呀................ 好辛苦................... 雖然係辛苦，但今夜都係開心o既~~~ 嘻~~~~~~~~~~

睇完就返屋企喇~~~ 對腳已經好累........... 好似唔屬於自己o既咁~~~ 我地仲做左個錯誤o既決定，我地唔應該去等 269B............ 等我地仲行左咁遠添~~~ 但就因為行咁遠，我先知原來你會大難臨頭各自飛ga ( 呢句我一定會記住 )~~~ 哼~~~ 冇人性ga~~~ 之前你話累，就叫人揹你，但到我累，你就話留低我條屍o係的士................. 唉................. 真係無言以對.........................

我地最後都係搭西鐵返去~~~ 返到屋企都成三點喇~~~ 好累呀~~~ tomorrow 仲要出街................

>>December 25, 2004 at 3:26:38 PM GMT+8

2004 年 12 月 22 日 星期三 【晴】

本來今日要補課，英文唔補 lu~~~ then 就同 eddy 去左睇戲~~~ d 公仔雖然唔靚，but 個故事都ok喎~~~ 有 d 位都幾好笑~~~ 哈~~~~~ 睇完就去左搵阿峰食 tea~~~ 好肚餓呀~~~~~ 你地兩個真係唔理我悶到發霉........................... 食完就返屋企喇~~~~

去海洋公園??? 都好喎~~~ but 依家又好窮喎.......................... >"<

我呢個聯絡..... 又要繼續打電話........... 要去玩都咁辛苦....................

>>December 23, 2004 at 12:41:55 PM GMT+8

2004 年 12 月 21 日 星期二 【晴】

其實有諗過今日唔返學，但最後都返左去呢~~~ 但都只係上左電腦堂就走喇~~~ 上電腦堂o個時都只係o係度做功課~~~ 都冇聽過阿 sir 講野.... then 連阿 sir 都放棄我同 michelle 喇~~~ 哈~~~~~

上完堂就同佢地去左食 lunch~~~ 食完 lunch 就返屋企喇~~~ 返到屋企又訓到死左咁................................ =.="

>>December 22, 2004 at 1:17:07 PM GMT+8

2004 年 12 月 20 日 星期一 【晴】

今日好多功課要交呀~~~ 一日就交晒 d 功課~~~ yeah~~~

唔知幾時開始，我做左聯絡~~~ 要搵人去玩，總係要我去搵人~~~ 今日就唔知打左幾多個電話去搵人喇~~~ 話左得o個 d，唔好呃我呀~~~ 你地都知我唔係咁好脾氣ga啦~~~

>>December 21, 2004 at 3:18:34 PM GMT+8

2004 年 12 月 19 日 星期日 【晴】

本來星期一唔使返學，但今日 IBE 講o既考試 "範圍" 喎~~~ 咁就梗係要返啦~~~ then 今日就返左學喇~~~ but 遲到喎~~~ 哈~~~~~ 放左學，就同小 win 出左旺角，真係唔知點解今日咁多人ga~~~ 好迫呀~~~~~~ 行左一陣就返屋企喇~~~ 上到巴士又再昏迷左...................... 但訓醒o既時候，一望出去個天竟然已經黑晒~~~ 嘩~~~ 我訓左好耐嗎??? 冬天真係黑得快啊~~~ but 同時我覺得有 d 迷失..... 唔知自己o係邊，到底自己做緊乜.......... 點解 d 野做極都做唔完......... 點解呢排咁累............... 好多問題呀..................... 呢排仲唔係咁開心............................... 唉......................... >"<

落左車，就行返屋企喇~~~ 嘩~~~ 凍左好多呀~~~ 行到返嚟，又遇到o個隻癲狗喇!!! 嘩~~~ 隻癲狗今日好癲呀!!! 真係好想咬我咁!!! 但我係想殺左佢law!!! 我唔想每日都覺得生命受到威脅!!! 好驚呀!!!

食完飯，又開始做功課喇...... 真係好多野做................... 但我終於都做完喇~~~ yeah~~~ then 開始諗下電腦個 web site and 準備下個大考喇~~~ 要考好 d ~~~

做完仲可以睇電視~~~ 林峯唔好死呀!!! no!!!

就快就到聖誕~ 如果有男朋友仔陪我過就好喇..................... 唉................................ 冇人要o既得............... 真寂寞.................................

>>December 20, 2004 at 1:58:27 PM GMT+8