2005 年 1 月 7 日 星期五 【晴】

尋晚竟然唔想訓... 可能係因為太唔開心吧... 之後，同阿民傾電話... 嘩~~~ 我地一傾就傾到凌晨五點喇... 我諗唔係我俾阿媽鬧，都唔會咁快收線住~ 呢個世界真係好細~~~ 原來我地曾經做過半年同學仔~ 只係o係隔離班~~~ 哈~ 第一次有人話我轉數高咋~~~ 嘻~~~

then 今日訓到好晏先起到身... 對眼有 d 腫添... 唉......

聽日開始要溫書喇~~~

YEAH~~~ 藍奕邦攞到唱作人銅獎~~~ 好開心呀~~~ 我支持你呀~~~

>>January 8, 2005 at 2:59:35 PM GMT+8

2005 年 1 月 6 日 星期四 【晴】

今日好唔開心.... 由朝早開始做野一直都唔順........... 出門口返學都走返屋企攞野幾次.... 但仲係漏野...... 直到返屋企... 已經去到極度唔開心程度..... 而呢篇日記仲係喊住嚟野..............(都唔明點解嬲人要自己o係度喊)

唔知點解... 個個都覺得我會 social... 但其實我係完全唔識ga... 當我對住一班人.... 我真係會完全唔識點去應對...... 而且我好怕 d 咁o既場面..... 我會怕自己做錯野... 講錯野... 咁會失禮個fd.... 今日咁o既情況.... 我真係覺得好無奈... 我真係想其他人當我透明...... 個個都會話 "成班都唔識，咪攪我".... 但我今日就被逼做左 d 大家都唔願意做o既野... 但 "己所不欲，勿施於人" 呀...

仲有，每次約好個時間都會遲到... 咁就唔好應承人啦... (我知你忙... 但唔可以永遠都用嚟做理由...) 遲半個鐘又半個鐘.... 咁會係失望再失望... 我都唔係奉旨要等ga... 而且今日等唔係問題...... 只要唔使去做一 d 我唔想做o既野就得.... 但你都係唔明.........

其實今日真係有諗過返屋企就算... 套戲都唔係特別想睇 (但唔知點解，我話想睇o個 d，好多時都冇人同我睇... 想睇套 "termianl"就要等到出碟)... 都係為左等你地先咁夜先睇... 但早知一早就同阿珊睇就算... 咁仲可以早 d 返屋企休息... 趕左幾日功課其實真係好累...

今日仲因為唔開心而亂食野... 食左蝦... 結果都係會胃痛...

>>January 7, 2005 at 5:59:26 PM GMT+8

2005 年 1 月 5 日 星期三 【晴】

又咁夜先打日記添~~~ 因為又要做功課... d 功課好似做極都做唔完咁...

今日返去本來係諗住聽人 present ga~ 但點知因為就快要考試，所以全部改晒 topic，then 今日上左一個鐘就走得喇~ 放左學，本來想去問阿 sir 搵返份功課，但阿 sir 唔o係度呀~ 咁算啦~~~ 功課~~~ 我地有緣再見啦~~~~~~

之後，我就返左元朗喇~~~ 但因為早左，咁我就一個人o係元朗行喇~ 但今日買支水大支左，個袋真係重左好多~ 行左一陣就覺得個膊頭有 d 痛喇........ 唉......... 真係老喇.....

then 終於等到阿峰喇~ 食完 lunch 之後，我地去左睇野~ 跟住o既係阿峰所講，我今日o既日記 :
我地食完飯，就向 headphone 進發喇，但行左兩步就到左~ (佢癡ga...)

去到自修室，好多人呀~ 原來 d 中學生就快考試喇~ 之後，人渣明都嚟左 (真係唔可以叫 "明明" ?)~

返到屋企又開始做功課喇~ 今日要做英文.... 唔想做呀.......

p.s.1. 又眼眉跳喇~
p.s.2. 今日角色: 社工 + 幼稚園教師

>>January 6, 2005 at 4:43:36 PM GMT+8

2005 年 1 月 4 日 星期二 【晴】

嘩~~~ 咁夜先寫到日記添~~~ 因為今日好多野做呀~~~ yeah~~~ 終於都做完喇~~~ 用左幾日嚟做個 web site..... er...... 我諗都見得下人o既............ 仲做好份英文 and powerpoint~~~ 勁呀~~~ but 好累呀~~~~~~~~~~

今日都係返兩堂就走~~~ 但今日一心諗住返去做個 web........... 但係我竟然 zip 錯左個 file........... then 開唔到................ 唉.................... 咁我都唔知返去做乜喇~~~ 咁就唯有行行企企咁~~~

上完兩堂，就去左食飯~~~ 食完就返屋企喇~~~ 返到屋企又係做功課........... 我o既生活真苦悶................ then 我o既技術支援終於都返嚟喇~~~ 太好喇~~~~~~~ 但最後 d 野都係我做的.............. 我只係被點住嚟做.................. 唉.............................

好累呀~~~ 要訓lu~~~ =.="

>>January 5, 2005 at 4:50:18 PM GMT+8

2005 年 1 月 3 日 星期一 【晴】

2005 年第一日返學~~~ 只係上一堂~~~ 點知... 份英文有問題... then 要再做過.... 唉......... 之後，就返屋企喇~~~ 走o既時候，見到 Danny~~~ 咁我同小來就要問下阿 sir 野喇~~~ 但阿 sir 實在太多 fans 喇~~~ 問o個少少野都有好多人同阿 sir 打招呼~~~ 哈~~~~~~

返到屋企，就要做電腦功課~~~ 仲未做完.... 唉~~~~~~~~ 仲要有 d 野唔識做，咁聽日要問下阿 sir 喇~~~ 但做做下.... 好眼訓呀.... 咁就走左去訓喇~~~ 哈~~~

我今日仲嘗試用阿珊o既手信---鐵筷子嚟食飯~~~ 嘩~~~ 我覺得好難用呀~~~

>>January 4, 2005 at 2:04:40 PM GMT+8

2005 年 1 月 2 日 星期日 【晴】

呢兩日都係好努力咁做份電腦功課~~~ 但有 d 野都係要等細佬返嚟先做到...... 唉..... 快 d 返嚟呀.... help~~~

除左做功課，今日就係補習喇~~~ 之後，就冇做過其他野喇~

聽日就要返學喇~ 都唔知起唔起到身..................

>>January 3, 2005 at 12:20:33 PM GMT+8

2005 年 1 月 1 日 星期六 【乍雨乍晴】

尋晚發左個惡夢....... 如果現實真係咁.... 咁我應該點做...??? 發完個夢就醒左.... 好唔開心呀.... 想喊添.................

起身之後，就睇左一陣電視，then 就開始做電腦份功課~ 好煩呀~ 我細佬仲幫我裝左個中文版o既 flash，我唔識用呀~~~ 唉...................

>>January 2, 2005 at 11:11:17 AM GMT+8

2004 年 12 月 31 日 星期五 【乍雨乍晴】

2005年o既第一日~~~ 我係訓到唔想起身ga~~~ 但都係要起身呢~~~ then 就同左屋企人去飲茶~~~ 好耐未試過咁齊人喇~~~ 飲完茶，就同屋企人去元朗行，睇中左件褸... but 竟然冇碼.... 哼~~~ 我要瘦!!! 我要著到細碼!!! 之後，仲買左部相機~~~ yeah~~~

之後，就去左買野今晚打邊爐喇~~~ 我地去到街市~~~ 發現香港人真係癲ga~~~ 超多人，仲要死逼先買到肥牛~~~ 好恐怖呀~~~

新一年，新開始，又要定下 d 目標 and 許下願先~~~
1) 要努力讀書，最好可以讀埋個 degree 啦~~~
2) 畢業後，希望快 d 搵到野做~~~
3) 實踐我話一年要去一次旅行o既計劃~~~ (大家都要儲錢啊~~~)
4) 希望今年冇咁多病痛..... 舊年成日都病.............. 我要身體健康!!!
5) 戒晒 d 壞習慣，戒丟壞脾氣 (唔再任性 and 惡死... 都幾難...)
6) 有 d 野要攪清楚!!! (唔好再問我係咪關你事喇，係關你呀!!!)
7) 要瘦!!! 一定要瘦!!! 要有恆心!!! 努力!!! 加油!!!
8) 希望大家都可以開開心心~~~

嘩~~~ 原來我都幾貪心喎~~~ 但好多都係事在人為啫~~~

>>January 1, 2005 at 2:11:51 PM GMT+8

2004 年 12 月 30 日 星期四 【乍雨乍晴】

又到左每年o既最後一日~~~ byebye 喇~~~ 2004~~~

今日約左阿峰 and 阿珊上山頂~~~ 我真係咁大個女先第一次上山頂~~~ (我依家先發現自己唔係一個香港人...) then 我就同阿峰出去搵埋阿珊一齊上去喇~~~ (呢程我地搭巴士出去) 出到去我地就搵上山頂o既纜車站~~~ 我地行經香港公園o既時候，我地見到好多新人o係度影相~~~ 好羨慕啊~~~ 我有人要就好喇........... (唉... 好灰呀... 都係算啦...) 之後，我地o係公園迷路呀~~~ 咁我地就問人路喇 (知喇~ 路在口邊丫ma)~~~

去到纜車站，我地就o係度睇 d 套票~~~ 但我地覺得 d 套票唔係咁啱我地~ 咁我地就買左來回車票，咁我地就上山喇~~~ 嘩~~~ 好驚呀~~~ 好高呀~~~ 但又好快到喎~~~

上到山頂~~~ 好凍呀~~~ 於是，我又要扮我o既 bear bear 熊喇 (其實我都唔知自己邊度似... 不過冇所謂啦...)~~~ 咁我地就好快咁影左 d 影，then 就走返入去喇~~~ 之後，我地又唔知做乜，走左出去麥記露天o既地方坐~~~ 超凍呀~~~ 到底係邊個話要出去坐ga??? then 我地去左蠟像館~~~ 嘩~~~ 同成龍影竟然要俾錢!!! 咁我地唔影喇!!! then 我地就同左好多人影喇~~~ yeah~~~ 不過如果有奇洛o既就好喇~~~ 我一定會攬住佢嚟影啫~~~~~ 嘻~~~ >///< 睇完蠟像館，我地就落山喇~~~ 到最後，我地都係冇影到o個部貼紙影機......

落到山~~~ 我地又做左一個創舉~~~ 就係行路過銅鑼灣喇~~~ 我地去到就搵埋智成~~~ then 就去左食飯喇~~~ 食完飯，我地就去左工展會~~~ 但好凍呀~~~ 凍死我喇~~~ 阿峰 nd 智成仲o係度食乳酪，傻ga~~~ 行完工展會，我地就去左行宜家家俬~~~ 但佢地兩個食緊野入唔到去呀~ 咁我同阿珊就自己行住先啦~~~ 我地仲o係度坐左陣，抖下先行~~~ 好舒服啊~~~ then 我發現佢地兩個係住家男人嚟ga~~~ 智成都幾鍾意睇家庭用品~~~ 果然係有巨蟹座o既特徵~~~ 不過金牛座係一個吝嗇財主，但點解你隻手咁多"喇" ga??? 不過我都唔似一個山羊座... 我唔係一個工作狂，亦都唔穩重......... 哈................

之後，我地本來諗住去時代廣場~~~ but..... 已經有好多人喇~~~ 我地入唔到去~~~ then 就o係附近行左幾個圈喇~~~ 我地最後o係一個商場入面倒數~~~ 倒數完我地就坎喇~~~ 本來諗住返去會搭西鐵，咁出嚟o個時先會要阿峰搭巴士，點知返嚟我地都係搭左巴士，er... 唔好扭計啦~~~ 至多我地下次搭返西鐵啦~~~ 之後，我地返左元朗食糖水~~~ 我地o係 B 仔度食~~~ 我地坐o係入面，望住出面 d 人o係度一路凍一路食~~~ 智成就o係度話外面 d 人真係凍喇~~~ 好似想撩交打咁~~~ 食完糖水就返屋企喇~~~ 返屋企又要搭的士~~~ 嘩~~~ 個司機仲要超級亡命飛車~~~ 好驚呀~~~~~ 就係咁就以極速返左屋企喇~~~~~~~~~

>>January 1, 2005 at 2:15:54 PM GMT+8

2004 年 12 月 29 日 星期三 【晴】

依然係好凍呀~~~~~~~~~~~~ 所以今日都係o係張床度碌到成十二點先起身~~~~~~~ 好舒服啊~~~~~~~

之後，就o係屋企發呆~~~ 仲睇晒成本書添~~~ 兩個作者真係好好笑~~~ 真係同我好似~~~~ always 都會發癲~~~ 嘻~~~~~~ 但份電腦功課完全未做過............... er................ 點算好呢...........???

世界上有好多野，當自己以為捉得緊o既時候........... 其實根本冇捉緊過............... (慨嘆)

>>December 30, 2004 at 1:11:53 PM GMT+8