2005 年 1 月 27 日 星期四 【雷雨】

今日又係一早起身就同阿媽去睇醫生~ 但尋晚都係訓得唔好... 之後，又係返左屋企發呆... 就悶死喇... 但睇到雜誌，奇洛就嚟喇~ 真係唯一得呢樣野令我開心d...

今朝陪阿媽去睇跌打，o個度有一個師傅仔，佢都幾得意，但佢都幾天真~~~ 以佢咁講，應該冇女子會嫁佢呢~~~ 哈~~~~~

呢兩日都唔係咁開心... 唉...... 好啦~ 係時候真係要實踐個決定喇~ 都決定左成幾個月，but 都係做唔到... (我就係鍾意自己做晒d決定... 咁點丫~! 鬼叫你咁死蠢呀~~~ 超級任性o既我，都係冇得改ga喇~)

如果要將班人整一個關係圖，都真係幾複雜... er... 真係唔識畫...

我要去睇 "超人特工隊" and 我至愛o既奇洛!!! 奇洛~ 我等緊你嚟ga~~~ >///<

呀~~~! 啱啱又整親隻手"爭"... 好痛呀...... 眼淚都標埋........ 但佢又冇得好... 醫生話佢跌得好傷... 唔會好呢.... >"< 不過呢兩日都有 d 腰痛... 都唔知係咪風濕.... 因為我間中都會痛下...... 真係老喇.........

山羊座
純真而樸實的山羊座不會輕易投入任何感情。做事謹慎的他們，對愛情同樣認真，是個絕對不會欺騙或傷害對方，是個嚴守本份，不會越軌的好情人，戀愛持久力可說是無人能及。然而有時過於實際，以致感情生活過於平淡而不自知，造成感情昇華的一大障礙，學習享受生活，對你的愛情發展有所幫助。

>>January 28, 2005 at 4:15:41 PM GMT+8

2005 年 1 月 26 日 星期三 【陰】

今日一早起身就同左阿媽去睇醫生~ 但好眼訓呀.... 因為尋晚訓得唔係咁好...

之後，返到屋企就開始發呆喇... 但好彩仲有奇洛陪我咋~ milk 個封面唔錯~~~ 好靚仔呀~~~ 我仲同佢對望左好耐添~~~ 嘻~~~ >///<

本來有野想同你講ga... 不過你咁忙... 又唔得閒理我喇... 咁算啦...

>>January 27, 2005 at 12:50:49 PM GMT+8

2005 年 1 月 25 日 星期二 【晴】

尋晚同阿文傾電話傾到三點幾，then 今朝就訓到成點先起身~~~ 但一起身阿媽就打電話返嚟喇，原來佢跌親隻腳，就係咁，我呢個假期就多左好多野要做喇~ 唉... 真唔小心呀......

阿珊仲話我知，今期 "milk" 又有奇洛呀~~~ 嘩~~~~~~ 咁聽日就要去買喇~~~~~~~~~ >///<

>>January 26, 2005 at 2:02:47 PM GMT+8

2005 年 1 月 24 日 星期一 【晴】

今日一早就陪阿爸阿媽飲茶~ 都好耐冇去飲茶喇~

之後，就同阿媽去左買野~ 仲去左買旅遊保險，就係咁，一坐就o係銀行坐左成個鐘~~~ then 就去買野喇~ 不過新年都仲有野要買呀~~~

>>January 25, 2005 at 1:20:58 PM GMT+8

2005 年 1 月 23 日 星期日 【晴】

放假真係好悶呀....... 我想返學呀~~~

冇野好做，於是我又攞返本 "違文西密碼" 嚟睇喇~ 今個假期都應該睇得完喇~~~

今日仲知道下個 sme. o既時間表~ off 星期四 and 五~ 有咁多時間，應該要搵下野做喇~~~

>>January 24, 2005 at 1:08:33 PM GMT+8

2005 年 1 月 22 日 星期六 【晴】

放假真係好悠閒~ 今日起身就同細佬出去食野~ then 就買左幾套戲~ 咁呢幾日都總算有 d 野睇下喇~ 聽日就要睇下個時間表，希望冇改過啦~

>>January 23, 2005 at 1:49:01 PM GMT+8

2005 年 1 月 21 日 星期五 【晴】

尋晚同阿文傾 icq 傾到成四點幾，so 今日訓到成兩點先起身~~~ 哈~~~ 好好訓呀~~~ 嘻~~~~~~ 起身之後都冇乜野好做~ then 就o係度睇下雜誌~ 好悠閒啊~~~ 仲o係度睇下尋日買o既o個本書~ 好好笑呀~

唔舒服添..... 病左.................... ~"~

>>January 22, 2005 at 2:32:35 PM GMT+8

2005 年 1 月 20 日 星期四 【晴】

今日係最後一日考試，仲約左小win食 lunch~ o係返學校o既時候，遇到明明，佢仲問我攸乜咁早返學，er.... 好似佢仲早過我喎...... 係咪應該我問佢先啱呢...??? 除左明明之外，我仲見到久違o既阿太，差 d 就唔認得佢喇~ 搵到小 win 之後，就即刻去追蹤佢喇~ 仲俾我地搵到添~~~ 勁呀~~~ 但我地去左隔離o個間食，我終於都食到厚多士喇~~~ yeah~~~ 之後，返左去考試，用左唔使兩個鐘就做好份卷喇~

then 就同小 win and Sharon 去左行街~ 今日去左 Sogo~ 上左去上面書店睇書~ 我都未上過去o個層呀~ 我地o係上面睇左好耐，我仲買左本書，書名係 "150 cm life"~ 一路睇本書，我真係身同感受~~~ 一個 150 cm o既人 (我只係高少少...) o係身高上真係差左 d... 書裡面畫 d 公仔好好笑~~~ 我o既人生.... 都好似個作者咁.... 做好多野都唔夠高.... 又會俾人 "蝦".... 唉... 就係因為好有同感，so 就買左本書喇~ 但本書都幾貴... 咁呢個假期就要睇明本書，因為本書係用日文呢~~~

之後，我地心血來潮，就長征入左瀧鼓灘 bbq~ 但最後 miu miu 都冇嚟，then 就得返我地三個喇~ 其實之前我同小 win 都有諗過我地兩個自己去 bbq~ 依家多左一個已經好叻喇~ 但係..... 我地本來想去o個間竟然超冷清 (但o個間去開，都有唔少回憶ga)，then 我地就過左隔離o個間喇~ 但我地發現佢歧視我地人少，因為兩、三個人o既爐就冇俾多 d 炭，但其他o既就有，於是，我地學隔離爐咁，去其他冇人o既爐度偷炭~~~ 哈~~~ 我今日先知自己有偷野o既傾向~~~ 不過，我地都偷得幾光明正大~~~ 仲要揀過晒，唔靚o既唔攞~~~ 嘻~~~~~ 之後，我地終於明白點解我地個爐 d 炭咁碎喇~ 原來就係俾隔離攞左~~~ 今晚雖然得我地三個人，場面有 d 冷清，but 我都好開心呀~ 我地做左咁多低 B 野~ 哈~~~

考完試~ 有成個星期假期，係一個好時機去睇晒未睇完o既書喇~~~~~~~~

>>January 21, 2005 at 5:33:07 PM GMT+8

2005 年 1 月 19 日 星期三 【陰】

今日起身就去左自修室溫書喇~ 我請左你食飯喇，唔使再提住我喇~ 我都終於攞到個地鐵飛喇~~~ 嘻~~~ 但我要以一敵二....... 好無奈呀......... 兩個"蝦"一個........... 唉...............

我對佢都唔差ga~ 我有攬住佢嚟訓ga~ 有同佢睇電視ga~ 有同佢傾計ga~ 嘻~ 嘻~~~ 你想我對佢好，你就要識做呢~~~ 你對我唔好，佢就冇好日子過~~~ 哈~~~~~

身子弱就唔好亂食野啦~ 要小心身體呀~ 唔想成日見到你病呀~

考埋聽日咋~ 要努力呀~~~

>>January 20, 2005 at 1:34:34 PM GMT+8

2005 年 1 月 18 日 星期二 【晴】

尋晚凌晨四點幾... 竟然電話響...... 癡線ga.... 嘈住人訓... (但個電話幾有凶靈 feel...)

今日要考英文... 唉.... 無啦啦要考多份.... 好無奈... 阻住晒人地溫 IBE... 真係要考都唔好揀考緊試o個時丫~~~ 份野仲超級悶 and 無聊 !!!! 都唔知要識 d 咁o既野嚟做乜~~~ 我終於都諗到如果再有機會填問卷，應該點寫喇~

而今日因為約左小 win，then 早左返學校~~~ 我地仲去左食 lunch~~~ 我下次要食返o個塊厚多士呀~~~~~~~~ then 就返左學校溫書~~~ yeah~~~ 我地終於都可以再坐o係雅座喇~~~~ 我地回歸喇~~~ 雅座係一個充滿回憶o既地方呀~~~ 特別係舊年要做 HR present o個時，我地可以o係度坐足一日ga~~~ 仲會o係度開會、寫劇本、排戲、試 game、食 lunch... 雖然好多野做，but 都做得好開心~~~~~

但今日放學o個時o既運氣唔錯~ 哈~ 因為一去到巴士站就有車喇~ 但尋日就目送架巴士........ o係無奈o既情況下要搭西鐵.........

>>January 19, 2005 at 1:20:30 PM GMT+8