| 日記 | 日記主簡介 |
|||||||||
2006 年 1 月 16 日 星期一 【颳風】 放工自己一條友行西田，本身想食炸雞，點知一見到山崎麵包我就發晒癲咁係咁買麵包，結果買左好多食，仲留左ｄ聽日做早餐添！行……行………又買左新衫。返去休息左陣，就同老公出ｍｏｎｇｋｏｋ，佢要做西裝啦！好累……不過最後我去左ｉｚｚｕｅ買左２條牛仔褲，又係有折啦，正呀！本身想買埋波鞋同衫襯ｄ新褲，不過ｏ個陣都成１０點啦！返到去食埋野又１２點啦！今晚早ｄ，１點幾倒就訓啦！ >>January 18, 2006 at 11:45:59 AM GMT+8 2006 年 1 月 15 日 星期日 【颳風】 我地去左ＴＳＴ行街街呀，仲ｏ係尖東食左間車仔麵，勁好食呀！不過比其他地方貴左少少，但有好多明星都有去食過，雖然地方唔係咁靚，但估唔到咁好味～正！經過２％，見到有半價，仲買左件褸，原價＄８００，而家＄４００，抵呀！行去ｍｏｎｇｋｏｋ，添置左ｄ新衫咁。之後去左食少少野，去埋義順食雙皮奶。返到去好夜啦，結果２點先訓，不過……俾電話嘈醒左。好啦，再訓，岩岩訓到，３點又一個電話 ＝＞～＜＝ 勁嬲呀！人地要返工架嘛！ >>January 18, 2006 at 11:39:38 AM GMT+8 2006 年 1 月 14 日 星期六 【颳風】 一起身攪部ｐｒｉｎｔｅｒ，都唔知攪邊科呀，入左新ｉｎｋ都唔係咁掂，睇黎都係要搵人攪攪佢先得啦，不過得閒先啦！ 去左同ｍｕｍ食野，點知我差唔多夠鐘先有我最ｌｉｋｅ ｏ既炸魷魚，唯有打包上船食啦！ 一路都好地地，呢幾日我都係出車道～正！點知……今晚……由於又大執位關係，同我好好ｏ個班同事分開晒呀，我勁唔開心囉！本身講好左去睇ｃｏｎｃｅｒｔ、去唱ｋ、去打邊爐、去好多好多地方玩，冇啦啦整張咁ｏ既更紙，我勁ｄｏｗｎ，好想喊呀！都唔夠２個ｗｅｅｋ，執乜鬼野喎，都唔知公司想點架！ 今晚最後拍佢地，心情勁差呀，冇乜心機做野呀！聽日放假，後日開始拍唔同人啦，唉～可以點？我真係唔知。又得返我一個人啦，好似當時由３ｔｅａｍ轉７ｔｅａｍ咁，從頭開始過。散晒啦，好冇ｍｏｏｄ呀！ 放工過左老公度，事關聽日ｄａｙ ｏｆｆ嘛！ >>January 15, 2006 at 6:15:15 PM GMT+8 2006 年 1 月 7 日 星期六 【乍雨乍晴】 懶左好耐，有幾個月冇寫自己本日記啦，不過我都有幾低發生過ｏ既野！今日去買左本新日記簿，睇黎今年唔好咁懶啦，都係乖乖地寫返日記吧啦！ >>January 8, 2006 at 9:41:14 AM GMT+8 2006 年 1 月 6 日 星期五 【乍雨乍晴】 好低能咁，今朝放工時好趕咁行去搭０８１０船，點知一去到走左，咁咪諗住買野飲下囉！發現，原來我唔記得拎銀包，所以行返轉頭返去拎。好趕好趕又搭唔到０８３０船。返到去拎埋野，又好趕好趕去搭０８５０船，行到去岩岩好，一大早凍冰冰行幾轉真係人都傻呀！返到屋企沖埋涼都成十點幾，之後就訓啦！ 一點左右就起身，３點幾同契亞哥出左ｍｏｎｇｋｏｋ行下。本身諗住睇戲，但唔岩睇，所以走圍行下。Ｄｉｎｎｅｒ去左廟街食煲仔飯，由於我個口未好返晒，所以食得好慢，仲痛痛地，不過都好返好多架啦！食完又返ｍｏｎｇｋｏｋ，之後冇野做ｏ係街睇人地做街頭戲，幾攪笑，８點左右就返屋企啦！ 今晚老公過左黎，不過好凍又好眼訓，所以都好早就訓左啦！今日呢個假就係咁過左啦！ >>January 8, 2006 at 9:36:46 AM GMT+8 2006 年 1 月 5 日 星期四 【乍雨乍晴】 返到屯門同ｍｕｍ食野，之後咪返家上下網咁囉！返埋今晚咋，就ｄａｙ ｏｆｆ２日，孖ｄａｙ，正呀！雖然都係冇乜野做，冇街去，不過起碼可以休息下嘛！ >>January 6, 2006 at 3:06:08 AM GMT+8 2006 年 1 月 4 日 星期三 【暴雨】 尋晚，第一次ｏ係ＧＨ１一開波就留守，真係ｆｅｅｌ有ｄ冇所事事唔知想點咁，唔多慣。不過大約５點時我又返去ＧＨ２啦！岩岩開始多人，就一路做到收工啦！ 嘩～個天勁陰呀！行去搭船時仲落雨添，不過返到屯門已經冇雨啦！同ｍｕｍ去食野，食完咪返屋企囉！ ｍｓｎ一向都好少人會叫我，竟然有個稀客叫我，咁咪傾囉！點知講講下……「我講過，我唔會同最心愛既人做朋友，所以今日開始我會從你生命中永遠消失，自己保重。」其實，做唔成情侶真係唔可以做朋友架咩？點解做人要咁執著喎，我自認唔係一個好女仔，俾佢同到我一齊都未必係一件好事，做朋友唔得架咩？唉～我真係諗唔明呀！ 我同佢２個人，經歷左２年ｏ既時間，我好感激佢，因為ｏ係我幾次最失落時，佢不離不棄咁留ｏ係我身邊，陪伴我。佢不停咁容忍我ｄ無理取鬧ｏ既小姐脾氣，我蠻不講理，甚至到最後我背叛佢。一直有樣野我都唔敢同佢講，同佢分手其一係因為佢變左，令我好驚佢，怕到我唔敢再望佢。其二，係因為我選擇左一個佢好憎恨ｏ既人。一路以來，我都唔敢講佢知，怕佢會好ｈｕｒｔ，直到同佢分手半年左右之後先同佢講我拍拖呀，但我始終都講唔出口對方係邊個。今日，再同佢講返野，估唔到會變成咁。唯有算啦！如果係咁，我寧願佢恨我一世，或者咁樣我會覺得好過ｄ，彌補我當日ｏ既決定啦！ >>January 5, 2006 at 3:14:08 AM GMT+8 2005 年 12 月 31 日 星期六 【晴】 尋晚就ｏ係呢個ＧＨ２度倒數啦，都好彩原班人馬，冇同事去其他地方。 我呢個新一年就慘啦，想笑又痛，想食又痛，乜都痛，口腫面腫好痛苦 ＝＞．＜＝ ！成個人都冇乜心機啦！唉～！ 今朝放工同ｍｕｍ去食野，不過我都係食粥囉，痛住咁食，嗚嗚～～！！返到屋企都係咁，之後咪又係去沖涼訓覺等返工＆忍痛。 >>January 1, 2006 at 2:14:19 AM GMT+8 2005 年 12 月 30 日 星期五 【晴】 今晚，係３１號，好想去倒數呀，可惜今晚要返工，要ｏ係公司倒數啦，仲要病到死死下咁，真係好鬼死痛苦呀～又冇人錫錫，慘慘呀 ＝＞．＜＝ 喵！不過最開心係我尋日終於買左我之前一直想買ｏ既野，就係一個大晶簇啦，好正呀，又靚，能量又大，我直頭一路行一路食都一路諗住，真係超ｈａｐｐｙ呢！ 仲有幾個鐘又返工啦，食完藥，都係休息下先～！！ >>December 31, 2005 at 8:37:16 AM GMT+8 2005 年 12 月 23 日 星期五 【颳風】 今日係平安夜，好彩我係返早啫，不過呢排ｏ既袓兒ｆｕｎｃｔｉｏｎ我一個都去唔到囉，慘！續左會之後都未去過ｆｕｎｃｔｉｏｎ！ 放左工之後返左屋企，之後大約六點幾就出左去ｃａｕｓｅｗａｙ ｂａｙ。約左老公、佢媽咪、佢亞哥同佢亞哥女朋友一齊食飯。我地去左一間食日本野ｏ既叫做「南蠻亭」度食野，好貴呀！２人ｓｅｔ餐六百幾一ｓｅｔ，仲要ｄ份量好少，貴格唔抵呀！好彩唔洗錢啫！最後，ｔｏｔａｌ食左差唔多２千蚊，嘩～～！！ 本身話落蘭桂坊，但由於ａｐｍ有Ｊａｙ呀！倒數聖誕，所以出左去觀塘。嘩～去到搵位泊車搵左好耐，去到ａｐｍ勁多人，多到傻呀！又睇唔到喎！最後睇住個大電視倒數。 今晚好多ｓｍｓ呀！返到屋企訓時都２點幾３點，點知訓左陣差唔多４點又一個ｓｍｓ，噢～勁慘，事關我５點左右就起身返工嘛！訓左２個幾鐘又起身啦！咁就過左呢個好平安ｏ既平安夜啦！ >>December 25, 2005 at 9:33:36 AM GMT+8
|
|
乜你講到好似出監咁ga→唔回頭望