|
2005 年 8 月 6 日 星期六 【晴】
尋晚落左去睇，出左糧啦，真係幾好睇咁啦！今日唔知做乜訓到成４點幾先起身呀，不過事旦啦，反正今晚都返夜啦！
唉～～又唔舒服啦，都唔知攪邊科呀，成日都係咁。
先頭勁無聊呀，我見起碼成半年多冇玩過ＢＲ，咁咪去睇睇囉，點知仲有位喎，咪玩下囉！
「19時13分、小 貓（3年K班 女子1號） 轉入本校。」
哈～勁抵死呀！我ｌｖ．１都可以打到人地死死下呀，好耐冇試過咁爽快啦！家陣ｌｖ．２咋，我就已經殺左個人啦！
「19時40分、小 貓（3年K班 女子1號） 斬殺 大地 龍之介（3年B班 女子12號）。」
太耐冇玩亂咁玩都玩到咁ｏ既狀況，真係服左自己啦！殺人真係正呀～喵喵～吼～～！！而家未玩完，唔知會唔會再開殺呢？
而家等緊食飯，之後就要去返工啦～喵！
最新ｕｐｄａｔｅ︰「19時50分、小 貓（3年K班 女子1號） 斬殺 嚕 嚕咪（3年H班 女子21號）。」
不過玩耐左啦，唔得閒啦，放左個人ｏ係度等人殺中～～哈哈！
唉～仲未俾人殺呀，衫都熨完啦，又打到人地死死下咁，自己又唔死得真係好無奈呀！諗住執ｄ野食死佢自殺啦，又食唔死喎！又升埋ｌｖ．添～都唔知想點架！搵人殺自己原來都咁難架，而家努力搵毒藥執黎食中……
「你已經死了」、「20時34分、白夜 赤羽（3年C班 女子3號） 槌死 小 貓（3年K班 女子1號）」
等左咁耐終於都死得啦，本身再唔死我就去爆頭架啦，好彩都唔洗，阻住我食飯返工，不過……到而家都未有得食，都唔知攪邊科架～～！！
>>August 7, 2005 at 12:37:20 PM GMT+8
2005 年 8 月 5 日 星期五 【雨】
今朝返工時有ｄ雨呀，不過之後就一路都冇落過啦！今日依然都係好熱，不過好彩叫做有ｄ風咁啦！今日，口多多問左係咪可以申請調去做文職，不過我覺得個ｃｈａｎｃｅ係好微囉！其實我最想去訓練組ｏｒＴＡＤ架～不過．．．呢ｄ野係冇得ｃｈｏｓｅ架！
放工一樣啦，去左同ｍｕｍ買野。買左ＷＡＬＬ’Ｓ雪條，本身食開雪糕，見有特價雪條咪，試下囉，點知．．．．返到屋企食．．．．都唔夠雪糕好食，又冇果肉喎，真係失策呀我今次。
正呀，沖個靚涼洗個頭，人都爽晒呀！仲有就係出左糧單啦，應該過左數啦，真想快ｄ去睇下呀，雖然全都用黎找咭數，但都想睇一睇開心下嘛！
就快８點啦，又係我睇電視節目ｏ既開始啦～喵～！！
>>August 6, 2005 at 11:49:06 AM GMT+8
2005 年 8 月 4 日 星期四 【乍寒還暖】
尋晚又訓得ｏ個幾個鐘啦，冇計啦夜食飯。今朝返工落大雨喎，好彩我ｏ個陣差唔多已經行到返去啦！仲諗住做野ｏ個陣會落雨架嘛，有少少雨都好過曬傻丫，點知．．．又做到焗桑拿咁啦，最尾收工接更前叫做有ｄ風咁囉。放工行去搭船時冇咁熱，尋日真係行到死死地啦！返去又係同ｍｕｍ去掃囉，又掃左ｄ通粉啦我，拎返去做早餐先。（不過都返埋聽日早，之後係會變左係宵夜囉，哈哈！）
好白痴咁，去左睇２個人ｏ既留言板同日記，仲要係２個唔多ｌｉｋｅ ｏ既女人。其實我覺得自己好怪架，我又唔ｌｉｋｅ佢地，但又唔知點解成日去睇架喎，或者．．．．．．唉～～！！
>>August 5, 2005 at 11:08:32 AM GMT+8
2005 年 8 月 3 日 星期三 【晴】
今日又係好唔舒服呀！仲有ｄ頭暈添！又有一個ｇｏｏｄ ｐｏｉｎｔ啦，而家有５個啦，感覺．．．一般啦！都仲係冇乜胃口，唔多想食野。放工同ｍｕｍ去買野，冇乜特別，只覺得個人好累咁囉！
>>August 4, 2005 at 12:05:57 PM GMT+8
2005 年 8 月 2 日 星期二 【晴】
今日心情由ｄｏｗｎ變到夜晚ｏ既ｈａｐｐｙ！終於有ｄ好轉啦！放工去左食韓燒，因為有個同事Ｙａｎ佢升左呀，一齊同佢去慶祝呢～喵！本來去東大門食架，點知ｄ ｓｅｒｖｉｃｅ差到唔知想點，咁我地咪走囉，最後去左漢陽苑食。８點幾我地就散啦，事關聽日大家都返早嘛！但今晚我成點幾先訓，因為某ｄ原因。
>>August 4, 2005 at 12:04:05 PM GMT+8
2005 年 8 月 1 日 星期一 【晴】
今日放工去左剪喵頭呀！去左間幾正ｏ既鋪頭剪，搵左個指定髮型師，有人介紹嘛，唔～～剪完之後幾正，成個喵頭輕晒，ｇｒｅａｔ！好早，９點幾就訓左啦！可能我呢排唔開心＆唔舒服啦！
>>August 4, 2005 at 12:00:31 PM GMT+8
2005 年 7 月 31 日 星期日 【晴】
今日去左睇「靈時３點３」啦！一ｄ都唔覺恐怖，不過我一向都唔怕睇恐怖片，次次都ｏ係度笑，哈哈哈！不過聽到ｄ人話好恐怖囉！去左食米線，好耐冇食啦，但依然係咁好食呢！夜晚去左回鍋肉菜飯，呢排幾ｌｉｋｅ食呢個呢！
>>August 4, 2005 at 11:57:33 AM GMT+8
2005 年 7 月 29 日 星期五 【雨】
今日都仲係好唔舒服呀！十下十下咁，成隻喵唔知似乜咁，變左瘋喵。對腳唔知做乜野傷晒，都唔知攪邊科喎！冇乜特別咁就返完一日工啦！
放工又落雨，返到屋企等停左雨就同ｍｕｍ去買野，終於都買左維他命丸仔啦，萬寜特價好抵呀，仲要有埋拆喎。至於ｃｏｌｌａｇｅｎ，ｍｕｍ一早買左啦，等１／８先開始食，睇下正唔正先，喵～！返到屋企已經七點啦，期待緊今晚晚餐，因為有我最ｌｉｋｅ ｏ既野食，嘻嘻！之後今晚又有電視節目睇啦！睇埋我諗都好夜先訓啦，不過唔緊要，返埋聽日ｄａｙ ｏｆｆ啦！好想去唱ｋ，好想去睇戲，不過．．．．．．．．．．唉～唔知呀，睇下點先啦！
>>July 30, 2005 at 11:10:01 AM GMT+8
2005 年 7 月 28 日 星期四 【雨】
返工時勁無奈呀，落大雨喎！淋濕完之後冇雨勁大風吹乾晒個人，點知又落過，又淋濕返，之後又乾又濕，我真係有ｄ想咆哮呀！
原來我仲未好返架，所以返工時都仲係死頂咁，扮冇事，不過下晏時好返好多啦！
今日，我發現自己同「錢」真係冇乜緣份架！好難得先約到個保險經紀出黎傾下我份單儲到有幾多錢，睇下幾時ｃｕｔ左佢等我周轉易ｄ啦！其實我都想ｃｕｔ好耐架啦，經紀轉完一個又一個，完全冇人跟我張單，次次都係我自己打去總行問喎！好啦
都算啦，照供啦，到時拎返出黎咪又一條數。但真係估唔到，新ｏ個個經紀同我講，原來我份單係我唔可以拎返我俾ｏ既所有錢出黎架，只係２年後投資先一年一年咁慢慢好有耐性咁先拎得返個本呀！我當堂人都癲呀！明明ｏ個陣個經紀唔係咁講架，點解會變成咁，又話有錢拎返ｏ既，而家．．．一個仙都拎唔到，我真係勁無奈囉！
我而家只有２個選擇，一係就唔再供，由得佢冇左ｏ個萬幾二萬蚊，一係就繼續個個月俾錢供到我４張幾５張野時先拎到ｏ個份所謂投資得黎ｏ既錢，原本ｏ既錢依然係唔郁得。
唉～～我真係好唔開心囉，俾買呢張單ｏ個個經紀呃左，仲要不負責任唔理唔理咁，打親佢電話都飛去留言，估唔到ｄ經紀係咁過分架！為左自己ｄ佣而不擇手段，都唔係人黎架！
呢幾年都唔知行左乜野衰運呀，一直咁冇停俾人呃晒ｄ錢呀！以前，本身諗住有份工安安定定啦，點知俾個衰人呃晒ｄ錢。好啦，都算啦，當係教訓啦！估唔到之後又俾個經紀呃Ｑ左，傻下傻下信以為真真係可以拎得返ｄ錢，原來唔係架！
我決定啦！我唔會再買乜野所謂ｏ既保險儲蓄呀，自己個個月留ｄ去ｂａｎｋ好過啦！
唉～～～唔好搵我去玩啦各位，亦都唔好問我借錢，又或者買任何野啦，我已經山窮水盡啦！真係有ｄ想死呀！點解？因為如果我供呢份野，１年定２年後如果自殺的話係有一大筆錢俾返個受益人，即係我ｍｕｍ，都幾好丫，反正我咁ｏ既人，唔係俾人呃就俾人傷害，唔死都冇用啦，反正收到ｏ既仲多過我而家蝕左ｏ既錢丫！
>>July 29, 2005 at 1:58:28 PM GMT+8
2005 年 7 月 27 日 星期三 【乍寒還暖】
今日其實仲有ｄ唔舒服架，個頭仲痛痛地添呀！不過都係要照做架啦，唔通請假咩，咁鬼煩，又要ｆａｘ又要拎返張醫生紙返去，同返工有乜分別喎！？而且如果真係請左有機會冇咁快升到ＷＳＯ啦，我死都唔制啦，都冇著數ｏ既，寧願就算病都死忍，我唔可以冇工做架～喵～＝＞．＜＝～！！今日接更前ｄ大ｓｉｒ黎左，攪到唔知做乜咁喎，不過後來隊長同我講亞ｓｉｒ俾左個ｇｏｏｄ ｐｏｉｎｔ我，話我有禮貌喎，都唔明點解會咁攪笑，我ｏ係車道又會見到我ｏ既，真係攪笑呀！我只係笑笑下咁之嘛，攪鬼喎！計埋今次我已經有４個ｇｏｏｄ ｐｏｉｎｔ啦，不過唔知有左之後會係點，好似話冇乜特別架喎！不過有我諗都好ｏ既，冇死ｏ既。放工一隻貓咁ｏ係屋企，個個出晒去呀！睇返ｄ電視節目咁，就咁過呢一日啦！想早ｄ沖喵涼架，但又俾亞哥返到黎阻住晒，等左佢成個鐘啦，都唔知做乜鬼野架，就爆鎖架啦！
今晚一隻，覺得好寂寞呀！突然有種唔係好慣ｏ既感覺添！
>>July 28, 2005 at 2:32:04 PM GMT+8
|
![]()
小貓咪☆畫板
小貓咪☆小語錄
小貓咪☆Blog
小貓咪☆日記本(舊日記網1)
小貓咪☆日記本(舊日記網2)
小貓咪☆日記本
|
|
廣告 |
|
|
讀者留言 |
| 路人留言
|
 乜你講到好似出監咁ga→唔回頭望
>>November 29, 2006 at 8:55:36 PM GMT+8
我執曬la...仲執咪xanga
>>November 21, 2006 at 12:02:16 PM GMT+8
盡執啦~哈哈~
<br>我都想睇
>>November 21, 2006 at 2:04:42 AM GMT+8
唔係掛..我應該加咪都好多ga喎
>>November 20, 2006 at 6:44:10 AM GMT+8
我諗應該係你寫得少啦~~
>>November 20, 2006 at 3:29:38 AM GMT+8
拎返啦~但點解好似咁少既..係我
>>November 19, 2006 at 8:43:58 AM GMT+8
http://showhappy
>>November 19, 2006 at 4:16:17 AM GMT+8
咁可唔可以教下我點開返個舊..我
>>November 18, 2006 at 6:43:32 PM GMT+8
出黎做野就係咁啦，尤其是人多自然
>>September 25, 2006 at 2:24:09 PM GMT+8
Hihi~
<br>好耐無見喇1
>>September 23, 2006 at 7:13:07 PM GMT+8
haha……上次去吃buffet
>>September 4, 2006 at 1:38:56 PM GMT+8
HIHI@O@
>>June 2, 2006 at 10:36:39 AM GMT+8
我係你舊同事呀~~
<br>得閑
>>November 5, 2005 at 5:20:41 PM GMT+8
之前張相好d喎~~
>>July 28, 2005 at 7:54:01 PM GMT+8
AAD只係個懶人集中]
>>June 23, 2005 at 4:09:57 PM GMT+8
你要加油呀
<br>千其唔好咁易
>>June 3, 2005 at 3:02:32 PM GMT+8
今天既失落 將會變成明天既收穫
>>May 29, 2005 at 1:22:26 PM GMT+8
一切用心 不需語言 我們去過神一
>>May 22, 2005 at 4:45:04 AM GMT+8
不知何時開始己經習慣了要抱著你給
>>April 28, 2005 at 11:48:57 PM GMT+8
only得3首歌？
<br>d字
>>April 19, 2005 at 8:37:04 PM GMT+8
你比D時間個仆街文
<br>佢遲
>>April 18, 2005 at 11:51:59 PM GMT+8
愛情是一種藥物
<br>有時可醫
>>April 17, 2005 at 2:42:58 AM GMT+8
是我令你哭成這樣
<br>但我一
>>April 7, 2005 at 12:38:07 PM GMT+8
愛貓
>>April 5, 2005 at 5:31:11 AM GMT+8
留左...ja係都唔收得利是~咁
>>February 8, 2005 at 8:55:34 PM GMT+8
o....咁ja係你地唔要得利是
>>February 8, 2005 at 8:53:42 PM GMT+8
愛貓
>>October 22, 2004 at 11:00:30 AM GMT+8
好久沒見，幾時出來吃飯呀!!?
>>September 20, 2004 at 1:13:07 PM GMT+8
你本日記網咁正既，幾時正番個自己
>>August 12, 2004 at 3:29:09 PM GMT+8
係咁ga la..電腦一定會在你
>>July 28, 2004 at 4:12:17 PM GMT+8
喂!
<br>妳話邊個好恐怖呀?
>>July 27, 2004 at 1:26:11 PM GMT+8
阮阮到此一遊
>>July 26, 2004 at 11:05:19 AM GMT+8
哈哈~~我終於做到第一個留言啦~
>>July 26, 2004 at 9:49:00 AM GMT+8
|
人氣: 14650
Design & Scripting by ShowHappy.Net
| |
