| 日記 | 日記主簡介 |
|||||||||
2006 年 11 月 20 日 星期一 【晴】 哈～冇啦啦又搵返我第二個日記版，即係尋日ｕｐｄａｔｅ左ｏ個ｄ囉！真係攪笑呀！ 我第一個日記版ｉｄ︰１２９２９！第二個ｏ個個冇左，係第二度申請，ｄ日記ｕｐｄａｔｅ架啦！第三個就係岩岩搵返ｏ個個ｉｄ︰１５８７７８，最後一個（應該冇記錯），就係我而家呢個啦ｉｄ︰１９１７３３啦！而家攪到好似亂晒咁呀！不過咁都俾我搵到真係攪笑呀！睇返ｉｄ就會知邊個係第幾個日記版啦！ >>November 21, 2006 at 5:03:01 AM GMT+8 2006 年 11 月 20 日 星期一 【雨】 其實我而家都已經想走啦，不過我先唔會咁傻蝕俾佢啦！做多幾日起碼都有返呢個月人工嘛，又唔洗補錢俾佢喎！呢幾日都成３點先訓，今日等我早ｄ先～喵！ >>November 21, 2006 at 4:38:05 AM GMT+8 2006 年 11 月 18 日 星期六 【晴】 ｉｎｓｔａｌｌ過又唔得，玩野咩！攪左好耐，攪左成個鐘有多，而家又開到啦喎，真係吹脹呀！最癲就係連ｄ ｓｐａｃｅｓ都開唔到啦！好激氣呀 ＝＞．＜＝ 而家又開到呀，浪費晒我ｄ時間，又唔洗訓啦，傻架！聽朝放工仲要考試添呀，都唔知有冇精神呀！煩死人啦！ 又用左一個鐘左右ｏ既時間，好辛苦咁搵返以前打落ｏ既日記，雖然冇左個ｗｅｂｓｉｔｅ，不過我都一篇篇咁ｕｐｄａｔｅ返去舊日記度啦！ 2002-11-15 至 2003-02-15 2003-5-2 至 2003-10-21 至於其他我記得好似仲有架，不過盡搵都搵唔返啦！ >>November 19, 2006 at 5:48:37 AM GMT+8 2006 年 11 月 17 日 星期五 【晴】 睇返日記，有好多唔開心ｏ既野發生過呀！一睇到呢度ｄ眼淚就流落黎啦！我都話我眼淺架啦！我知道寫日記好打日記好，其實都有好有唔好架，好ｏ既就係可以記低自己ｏ既過去，有時睇返都好開心，仲覺得自己好傻添！唔好ｏ既就係，當睇到ｄ好唔開心ｏ既野ｏ個陣個人會好ｄｏｗｎ啦！講真一句，有時有ｄ野真係唔諗好過諗，唔記好過記啦！但係我就係咁衰啦，鐘意記低佢，荒死整唔死自己咁啦！其實……我知道我應該唔好諗啦！我…我……都係早ｄ抖下啦！今晚仲要返工啦！唉～～～！ >>November 18, 2006 at 4:22:57 AM GMT+8 2006 年 11 月 17 日 星期五 【晴】 網址係：http://diary.showhappy.net/?id=12929 >>November 18, 2006 at 2:42:38 AM GMT+8 2006 年 11 月 14 日 星期二 【雨】 落雨呀！唔知係咪因為個天知道我唔開心呢？所以落雨啦！點解會係我？唔好再玩我啦好唔好呀？我做錯乜野呀，點解要咁對我喎？要還ｄ乜野喎？我上一世做錯ｄ乜野呀？要還我都還晒啦，點解仲要我經歷咁多野喎！我要求唔多丫，只求有安穩ｏ既生活，點解……！ 如果呢一場雨係為我而落，我諗至少今晚都係唔會停架！ 究竟要過幾耐先可以完結呀？ >>November 15, 2006 at 11:21:43 AM GMT+8 2006 年 11 月 14 日 星期二 【颳風】 >>November 14, 2006 at 10:06:04 PM GMT+8 2006 年 11 月 13 日 星期一 【微冷】 １０月２６日，老公生日ｏ個日我要返通宵，前一晚我瞞住佢請左日假，好辛苦先拎到架！２５號ｏ個晚等佢放工之後就同佢去大陸揼骨啦！佢ｍｕｍ都有去，不過都預左架啦，次次都係一家大細咁去架啦！第二日就趕返香港返工囉！ １０月２８日，好耐冇見過細佬啦，有冇一年多呢？ｏ個日朝早我先放工咋，訓左幾個鐘就起身。之後出左去ｍｏｎｇｋｏｋ ｊｏｉｎ佢啦！我地去左行街，睇戲，影下貼紙相，仲買左４隻Ｄ女返黎玩啦！夜晚去左「好好」度食飯，之後老公接我就返屋企啦～喵！呢日過得好開心，可惜食飯時收到個消息，就係我婆婆ｏ係屯門醫院去世左。 １０月３１日，呢日係萬聖節，當然都係攞唔到假所以就冇出去玩，而且仲要返晏喎！本身今晚好地地咁返工，點知突然收到個消息就係要調我部門啦！我當場呆左呀！其實我唔想囉，因為上到去要企死呀！而我隻腳又有傷，要企咁耐我會好痛啦，再加上好多問題，所以我決定都係辭職啦！到我放工時，我再同亞ｓｉｒ傾一傾睇下可唔可以唔調我部門，點知仲要俾佢鬧捉半個鐘，仲要連我父母都話埋，有冇攪錯呀！唉～我咁眼淺，咪又喊左囉，真係冇用呀！ １１月１日，我已經決定左離開，反正都走，而且本身又唔舒服，咪諗住請病假，點知……（發現好多人都好不知所謂呀！），跟住我就返去辭職啦！ｏ係巴士時，ｄ同事打俾我叫我同第二個亞ｓｉｒ傾喎，是旦啦，咪傾下囉！點知……（當得罪一個小人時，想翻生就真係難呀！）之後我就唔洗調部門，不過就做埋今個月啦！努力做野又點？得到讚賞又點？立左功勞又點？冇用架！返工返到咁真係好冇意思呀！ １１月５日，Ｔｉｆｆａｎｙ生日呀！Ｈａｐｐｙ Ｂｉｒｔｈｄａｙ！ １１月９日，Ｆａｎ生日呀！Ｈａｐｐｙ Ｂｉｒｔｈｄａｙ！ （ 點解我生日冇人記得 ＝＞．＜＝ ） 今日ｄａｙｏｆｆ呀！不過就出左去殯儀館攪婆婆ｄ野啦！返到屋企已經１２點啦！其實聽日都要架，要上山同埋唔知有ｄ乜野儀式，不過我聽日要返工，所以就唔去啦！ 仲要半個月我就失業啦！好多人都話我，話我衝動，但我唔覺囉！人地點諗我唔理，最重要係我自己覺得係冇錯啦！做乜一定要等埋份雙糧先走？我唔鐘意呀！唔係因為我有錢有人養，而係做得唔開心點解我要留ｏ係度喎！我唔係唔鐘意錢，個個叫我睇錢份上唔走住，可以咩？根本公司就唔俾呢條生路我，我冇野好講，都冇野值得我去留戀。我唔想再對住ｄ假仁假義ｏ既人，唔想再對住班剩ｏ係識得用個ｐａｔ諗野ｏ既人。雖然出黎做野一定會有ｄ咁ｏ既人，但係唯獨係我唔想再ｏ係呢間公司啦！唉～再講咁多都多餘，都走啦！好頭好尾（希望啦！但…冇可能。）算啦！唔想再去諗咁多啦！ >>November 14, 2006 at 9:59:47 PM GMT+8 2006 年 10 月 23 日 星期一 【暴雨】 今朝放工同ｍｕｍ食野買野呀！我諗我沖埋個涼應該會訓架啦！如果唔係就癲架啦！成三十幾個鐘未訓過啦！ >>October 24, 2006 at 3:47:13 AM GMT+8 2006 年 10 月 22 日 星期日 【晴】 唔鐘意返ｏ既主要原因係因為我完全見唔到老公，而且又要捱夜喎，真係唔知為乜呀＝＞．＜＝ （為錢囉～傻喵～！） 其實我都好累架而家，但完全冇睡意，今晚都唔知點過呀！ >>October 23, 2006 at 9:05:06 AM GMT+8
|
|
乜你講到好似出監咁ga→唔回頭望