| 日記 | 日記主簡介 |
|||||||
2005 年 9 月 12 日 星期一 【酷熱】 食完野返工，之後都係咁啦！返到去ＧＨ２，又有ｄ新面孔啦！唉～～其實我仲好懷念以前ｔｅａｍ３ ＭＦ／Ｎ ｏ既日子呀！雖然有好多車，又好似焗桑拿，空氣又差個乜咁，ｄ飛機又嘈到頭都痛呀，但係佢地個個都好好人，雖則我有時自閉，不過都過得幾好丫！好掛住佢地呀 ＝＞．＜＝ 。而家有幾個ｏ係返ＭＦ／Ｎ，不過係ｔｅａｍ３，有ｄ就散左去左第二個閘口啦！唉～～各散東西呀！ 本身我有諗過調去ｔｅａｍ６，雖然已經唔係ＭＦ／Ｎ而係ＧＨ２，但係ＧＨ２ ｔｅａｍｓ６ ｏ既人我識晒啦，而且我可以拍到ｔｅａｍ３ ｄ人，都可以見得返佢地啦，但我知道而家ｄ亞ｓｉｒ攪轉ｔｅａｍ同埋好多野都好煩，我都廢事煩到佢地啦！過多幾日，如無意外我應該轉做ＡＷＳＯ，之後再過多３個月冇特別野發生就會正式轉做ＷＳＯ，不過等到ｏ個陣可能已經係下年ｏ既事啦！ 唉～～好掛住佢地呀！！而家拍到ｏ既人只有幾個係識，最熟咪亞民囉，不過佢ｔｅａｍ５，都有唔知幾多日拍到，之後拍ｏ個ｔｅａｍ人得一個係同我同期識得囉，跟住就冇啦！而家都叫做ｏｋ，ｄ人都好似冇乜野咁，希望夾到啦！不過過多２日又拍ｔｅａｍ４啦，希望ｄ人都ｏｋ就好啦！ >>September 13, 2005 at 5:38:13 PM GMT+8 2005 年 9 月 11 日 星期日 【晴】 ３１／８放工返到去已經係過左１２點，即係１／９，我ｏ既生日，開心在於有ｃａｋｅ食，開左個小型ｐａｒｔｙ，真係幾開心啦！而且我又有禮物收，仲睇埋「龍咁威２」，好攪笑架，所以都唔錯啦個生日過得！正日生日ｏ個個下午咪返晏囉，冇拎假呀，反正都冇人約，返工都係一樣啫，不過都唔錯啦，ｄ同事又買左個ｃａｋｅ返黎，哈哈！ ４／９追完更好想訓呀，返早呀！第一次返工撞見Ｔｉｆｆａｎｙ，不過我冇ｍｏｏｄ同佢傾計啦！放工去左市中心買野，之後返去租左ｄ漫畫睇下咁囉！ ７／９，ＲａｙＲａｙ生日，生日快樂呀！ ９／９，呢日我第一次返工發咁大脾氣，原因係俾個唔知乜水ｏ既同事激親呀！樣衰衰扮晒野咁，仲成日用埋ｄ唔知乜野自以為好型ｏ既眼神超住我，我心諗佢都唔知係咪白痴有病架！癲架！放工前訓示時，話星期日開始行７ｔｅａｍｓ制呀，唔洗再追更，一個ｗｅｅｋ轉一次更啦！但係……唔知點咁。放左工之後去左市中心，今晚約左Ｔｉｆｆａｎｙ、Ｆａｎ、Ｗｉｎｎｉｅ食飯啦，差唔多１０點幾先返屋企啦！ １０／９，今日ｄａｙ ｏｆｆ呀！同ｍｕｍ食下野買下野咁。打左返公司，我星期一返晏呀，都有同事打俾我，我地分開晒啦，有ｄ失落感呀！ １１／９，依然係ｄａｙ ｏｆｆ呀！今日過左去市中心做左個ｈａｎｄ ｍａｓｋ，之後同ｍｕｍ食完野就去ｊｏｉｎ刀仔啦！本身我地去腳底按摩架，點知間野冇左，所以就行黎行去食下野咁，之後差唔多６點去左睇戲，睇左套「猙靈」。恐怖又唔算ｏ既，不過有一ｐａｒｔ俾佢ｄ音效嚇親囉！睇完之後搵ｍｕｍ，之後一齊返屋企，食飯，又一ｄａｙ！ １２／９，今日第一日轉左７ｔｅａｍｓ之後返第一日工，我而家去左ｔｅａｍ１呀，同我圍內ｏ個班同事分開晒啦，而且我而家打左去ＧＨ２，唔再係ＭＦ／Ｎ啦，唔會再見到佢地，講真，我真係有ｄ ｄｏｗｎ呀！所有人都要重新識過咁，都好彩有ｄ人係識囉，但係……放工之後咪返屋企囉！ ｏ係呢２個ｗｅｅｋ，死左３隻鼠鼠，好傷心呀！而家屋企得返２隻，一隻盲，一隻傻，唉～～！！ >>September 12, 2005 at 5:46:00 PM GMT+8 2005 年 8 月 31 日 星期三 【晴】 >>September 12, 2005 at 5:24:11 PM GMT+8 2005 年 8 月 28 日 星期日 【清涼】 ２３／８（二） Ｗｉｎｎｉｅ生日快樂，又老一歲啦，不過唔緊要啦，你都有人要左啦！ 今日食完野都係搭１點船返工啦！點知冇啦啦差唔多到ｏ個陣架船唔郁喎，之後就有廣播話機件故障 ＝．＝ 不過好彩都係整左一陣間，唔係返工遲到就大獲啦！今日ＳＳ９０３冇返工，ＳＳ４６８過左黎，見親佢我都怯怯地架！今晚仲癲，捉住條壁虎行黎行去，仲要行埋我度，嚇到我嗌到唔知做乜咁，好無奈囉！ ２４／８（三） 今日又係食完野就返工啦！基本上冇乜特別。勁開心呀！我終於有隻貓囡啦！今晚我差唔多放工執袋時發現左有舊白色野ｏ係裡面，之後打開一睇，嘩～～～～嘩～～～～嘩～～～～～貓呀～～～仲要係白色架，我勁ｈａｐｐｙ呀！好好摸、好舒服、好得意呀～～喵喵喵～～～～～～我隻愛貓囡呀 ＝＞３＜＝！而家我晚晚都攬住囡囡訓覺，真係好開心呀！多謝晒送囡囡俾我ｏ既ｏ個位朋友，嘻嘻！ 放工去左唱ｋ呀，抱住囡囡唱歌，唱到５點幾囉，不過把聲而家唔係咁掂呀，有ｄ無奈呀！ ２５／８（四） 今日訓到傻，成４點先起身呀！去左吉野家食下午茶，之後返去睇碟。睇左「下妻物語」同埋「恐怖蠟像館」，本身想睇埋「拳霸」架，因為之前未睇過，但ｏ個陣都好夜啦，睇完唔洗訓架啦，所以唯有下次先啦！咁就過左個ｄａｙ ｏｆｆ啦！ ２６／８（五） 今日返工成日都自閉咁滯呀！唔知點解有時覺得自己留ｏ係世上都多餘架，等接埋好過啦，反正有冇我都好個地球都一樣係咁轉架啦，唔係咩？成個人都好ｄｏｗｎ呀，好想放工走去灌一灌自己呀！反正都唔識飲，飲死佢算啦，所以夜晚諗住約Ｃａｒｏｌｓ出黎「對一對」，但後來因為某ｄ野所以取消左，但又會咁岩放工ｏ係ＬＲＴｓｔａｔｉｏｎ撞到囉，吹左陣水啦！ 係呀，今日返工時有架車勁白痴衝閘喎，都唔知條友係咪傻架，攪到ｄ亞ｓｉｒ呀，ｐｏｌｉｃｅ呀一大堆人走晒去我地個場度囉，已經好ｂｕｓｙ架啦，又要應付ｄ人喎，都唔知想點！仲有呀，駕車ｏ個ｄ司機又係架，傻架，都唔睇清楚野就開車，真係如果我行快２－３步我就俾架車捲入車底架啦，癲架，嚇鬼死呀！ 另一樣黑仔野，就係我放工落車去左買野，點知成袋野冇拎ｏ係人地鋪頭，結果，我係打去１０８３問電話，不過都等左我成個字先有人接，即時成個人發瘋呀！好好彩，人地肯ｋｅｅｐ住俾我聽日拎返，唔係我就要搭的士去拎架啦！ ２７／８（六） 好想去呀，祖兒今日有簽名會呀！尋晚會長留言俾我時我已經ｆｅｅｌ到好無奈架啦！冇計啦，今日要返工嘛！自從我做左呢份工之後，我係完全同ｆａｎｓ ｃｌｕｂ失晒聯絡咁，勁耐冇見過祖兒啦，我諗打後ｏ既日子都冇時間去見佢架啦！ 今日過左去ＧＨ２，估唔到冇ＭＦ／Ｎ咁忙喎，可能同今日係星期六有關掛！ 今晚約左Ｃａｒｏｌｓ去唱ｋ，佢請我唱啦，事關我就生日嘛！一去到咁岩ｐｏｌｉｃｅ查牌，攪到等到差唔多成點先入去。唱到４點幾就走啦，事關佢已經可以訓到有鼻鼾聲啦，唔明點解咁嘈都可以訓到囉，勁呀！２條友唱左３百幾蚊，好貴呀！之後仲要搭的士返屋企，呵！執頭執尾，６點先訓啦！ ２８／８（日） 今朝訓左一陣就俾電話嘈醒啦，仲要係打錯，勁白痴呀，都話左打錯啦，仲要係咁問野，煩到死呀！ 今日返工都冇乜特別，最特別咪又係ｄ白痴司機囉，真係如果唔小心又俾佢地撞鬼死呀！ 放工返到屋企，發現我其中一隻愛鼠隻眼珠白白地色，唉～～～佢盲左呀！我好唔開心囉，之後唯有抱下佢摸下佢囉，好慘呀 ＝＞．＜＝！ ２９／８（一）今朝一大早收到Ｍａｎ ｏ既ＳＭＳ，佢好耐冇ｓｄ俾我啦，估唔到又係ｏ個ｄ咁ｏ既野～唉～～真係好想佢快ｄ死心呀，咁痛苦為乜丫，過左去就算啦，唔好再提啦！ 今日食完野走左去買洗頭水，當然係Ｄｏｖｅ啦！因為我尋晚返工ｂｒｅａｋ時試下好似ｄ師兄師姐咁洗個頭，發覺原來個ｆｅｅｌ好爽架，哈哈！不過由於時間關係，買唔到毛巾，哈！唔緊要，聽日就可以爽一爽啦！今晚冇啦啦對講機好ｂｕｓｙ咁，原來有架飛機爆軚呀（我都係第一次聽）！起初以為係墜機呀，後來先知唔係，真係好彩呀！ 今晚放工有個好唔好ｏ既消息，有一隻鼠鼠升左天啦！不過都好ｏ既，事關佢呢排瘦左好多，其實都估到佢差唔多架啦，但估唔到係我唔ｏ係屋企ｏ個陣走囉，唉～！ >>August 29, 2005 at 6:37:55 PM GMT+8 2005 年 8 月 21 日 星期日 【晴】 返工都係咁上下啦，不過少左人，所以冇之前返晏咁忙呀，個ｆｅｅｌ幾好。呆下呆下（有少少ｄｏｗｎ ｄｏｗｎ地咁，因為某ｄ野）咁就收工啦，之後搭車時暈暈地，唔知攪邊科呀！返到屋企掛住講電話，好耐冇講電話講得咁開心啦，講到唔係咁想收線囉，哈哈！２點幾啦，咁又一ｄａｙ啦，攪掂晒ｄ野我估３點幾啦，不過而家仲安慰緊人囉，所以都唔知幾時訓啦～喵～ ＝＞．＜＝ 最新ｕｐｄａｔｅ︰ 終於都攪掂單野啦，而家終於都有時間去沖涼啦，再唔係聽日返工就死死下架啦！頭先見有ｄ時間，去上Ｍｉｌｋｙ度，發下癲執左３個版，係咁ｄｅｌｅｔ囉，真係而家呃ｐｏｓｔ呃到唔知點咁囉！真係有好多ｐｏｓｔ俾我ｄｅｌｅｔ呀！其實我唔係唔想上Ｍｉｌｋｙ玩ｏ既，只係連主持大局ｏ既ＭＫ大人唔知死左去邊，我又返工忙到唔知點咁，講真個網攪成咁，你叫我地ｄ版主又點會有心機丫！有事時又搵唔到人幫手，ｄ會員有野就係咁問我地ｄ版主，幫到ｄ乜？係冇囉！成個人都冇晒癮呀！本身諗住攪好個私竇，而家？唉～～～～ >>August 22, 2005 at 7:53:38 PM GMT+8 2005 年 8 月 20 日 星期六 【雨】 >>August 22, 2005 at 6:13:40 PM GMT+8 2005 年 8 月 19 日 星期五 【颱風】 唉～～呢排有ｄ野唔ｈａｐｐｙ，其實我一早發現架啦，只係冇理啫，但我睇黎都係要接受架啦！ 今日放工同尋日一樣搭巴士轉ＬＲＴ，冇計啦，大雨到行唔到去搭船呀！返到去ｄ雨仲大過打風呀，癲架，又濕晒啦！之後去左食野買野，跟住又濕住咁返屋企。而家已經頭痛架啦，睇黎要食一食藥先可以訓啦！ >>August 20, 2005 at 4:05:50 AM GMT+8 2005 年 8 月 18 日 星期四 【颱風】 今朝冇去飲茶，直接返屋企，之後幫ｄａｄ打文件，之後就上陣網咁囉！同Ｆａｎ ｃｈａｔ，佢又出左Ｗ８００ｉ，仲ｓｄ左佢仔仔ｄ片俾我睇，好攪笑～哈哈！返多２日就追更啦，到時一定呆晒啦我覺得。不過聽聞可能會轉７ｔｅａｍｓ，咁就唔洗追，但拍開ｄ同事會轉晒囉，好似有ｄ唔知點咁添，到時先算啦，唔理得咁多啦！ >>August 19, 2005 at 3:31:36 AM GMT+8 2005 年 8 月 17 日 星期三 【溫暖】 唉～～我又變到冇錢啦，因為某ｄ原因，唔好問唔好理。 今晚返工差ｄ遲到呀，冇計啦，送車尾，真係好無奈呀！唔知做乜，今晚成個人都好ｄｏｗｎ呀！ >>August 19, 2005 at 3:20:29 AM GMT+8 2005 年 8 月 16 日 星期二 【雨】 |
|
乜你講到好似出監咁ga→唔回頭望