2008 年 4 月 7 日 星期一 【晴】

今早因為訓唔著而去pps睇電影
找了幾套,都唔太想睇落去
之後再click click <<我的失憶男友>> 古天樂同應采兒做主角
唔知點解,好奇怪,想睇下愛情片
可能我都未解答到的時候,天就同我安排了

我一路睇都以為係一般的男友失憶忘記了同女友以前的回憶的戲,但呢個失憶奇怪在男主角當每次想起以前的女友死的時候,對她的愛的感覺,就會暈,之後醒番就無左記憶,而且係選擇性針對一個人---應采兒---他之後的摯愛。

點知,最感人的係........男友先先為了不想次次因為失憶而忘記女友而用薄記下一切,也將屋子貼滿女友的相,務求失憶之後見相,見薄就勾返起記憶。
不過,估不到的係男友因為太多次感到她的受而暈而失憶,覺得俾唔到幸福女友而下定決心用盡方法離開她,傷她心............ >.<

而好運也沒有臨到她身上;男主角每當一動情,有愛的感覺就暈,之後就失憶,但次次都好快醒,直至......
直至佢因為在她生日慶祝的時候又出意外,動了情,天雨之下走出去冷靜(不想自己又暈倒),卻又暈倒,自己醒了之後自己返左屋企,忘記了還在郊區的女友,女友在郊外徬徨的找她心愛的男人,但因失足而面及身受傷
她父母當然想女兒好,叫男友離開女兒,他男友決定了離開她,所以用了另一本薄記低呢件意外,提醒自己唔好再愛女友,唔好再因此傷害了她,所以狠心設局離開她
點知她死纏爛打,她比他更加痴心一百倍,用死相脅,終於男友都係忍唔住,出左去見她,故事去到呢度..........男友這次暈得更嚴重,好久的日子也沒有醒過來,女主角快要瘋了,她在男友家找到了男友那本記錄薄,知道了來龍去脈,她好傷心,因為原來男友是為她好而離開,她一路都無諒解
所以,她決心離開他,他能做的她都能做(為了對方好而委屈自己),如果男友做手術後醒番,她決心唔見佢..............(她的朋友也保守著這秘密)

最後當然,他男友的失憶病醫好了,但未能在短時間內回復記憶,他一dd的記起,特有的香味,一種的味道,一個地方,一張poster,..................
他的人生就好似知道自己失去了一些好重要的東西,卻偏說不出是什麼............
終於她的朋友見此境況不想他頹落去而講出真相
男主角知道之後,他好想找回她,但無人可以話俾他知她在那兒
終於他醒覺到那種味道來自她的手..........所造的餅,只有她先可以.................做到同一種味道
他找到她了,他們明白原來愛得辛苦但都要愛,因為他們實在真係好愛好愛對方
............................

睇到呢齣戲,好讓我感動的有3要點:
第一,男女主角不係為了自己的利益/好處(想同對方一齊就一齊),而是為了對方好而分離,此也不再話下,而係她說了一句: 「佢咁愛我,我應該明白同相信他有他的目的同苦衷!」(呢種相信真係難得)
第二,男女都為了對方而改變自己的諗法/透過行動加強自己對對方的愛(不理面子/不理自己感受/不理生命拚命去愛)
第三,原來..............「愛真係甜的時候好甜,苦的時候都可以好甜。」(好令我敬佩)

其實,我真係未夠愛我的伴侶,因為我的focus在自己「我」
而且,我唔相信我的伴侶,唔相他真的為我好的「好」對我來講真是「好」
也許,這是我愛情一路以來未學會的功課,也是不易上手但也是必須上手的功課

呢段時期,我希望我去認清自己愛緊咩(what),亦好好反省我可以點愛(HOW),愛得更好,更加投入愛,同我點解愛(WHY)
這是我這個月的功課,讓我好好把握時間思考................靜下來.........思考

>>April 7, 2008 at 7:21:38 AM GMT+8

2008 年 4 月 3 日 星期四 【晴】

今日上堂有不奇然的忐忑不安,好想唱歌發洩,找不到任何人陪伴
放左學,坐車悲從中來,是有點bipolar1 吧
之後,去到補習,其實真係好想見到湛恩
不過,原來爸爸返,但我也高興他的回來,所以我唔會因為佢既出現而覺得無得見你係唔好既
因為我愛我的爸爸,我miss 佢

之後,食飯收到你call,其實心裡不係好想中途先黎,有點有頭無尾既感覺,而且,我也不想太多人一起食飯(始終我同佢地唔熟,禮貌上也不應中途來)
最後,我家人都不出來百佳,我化好妝,換左衫諗住都叫做可以見一見
但係,佢地可能因為我在電話發脾氣又話出黎,搞到半天吊的局面(唔好話係我自己law黎)
我其實點解咁遲都係因為有少少唔想出黎,因為我的而且確好在意你的「著好d」,我真係咁差咩平時
我真係有壓力,我實在唔想俾你話,我唔想食飯,只想在你食完之後見下你就心足了~
也許,你總覺得無「目的」(食野)的見下我是浪費吧~
我真的不介意,我真的只在乎你,行行企企兜一圈送你去西鐵已可以很滿足,當然,有錢可以停下食野好嘆,但有時我真的覺我不用錢就免用。(我收入微薄又唔穩定,我想食就無錢買想買的衫,無$$同同學玩,我也想辦法慳來和你食宵夜)
我不是想指責,不是埋怨,只是我真的不開心沒有人明白我做野的目的

同daddymummy妹妹去百佳,是我視為家庭樂的重要第二環,第一是食飯
可能你真的不明點解要去同有咩咁重要
但,我今日自己一個去百佳時真係唔知要law d咩,要買咩,呢個都唔係重點;而係我無左同佢地我的家人一齊行同逛街的樂趣,我好寂寞..我唔開心,我覺得無左個意義;我仲無奈既係佢地本來唔黎,本可見下你,之後話出黎,你知我要再打俾你同你say sorry say no係幾咁害怕,因為我怕你嬲

今日真係好大pressure同anger~
唔知點.........
不過,佢地黎左我又好似開心少少~
p.s 雖然都成10:45 百佳都熄燈了,但都多謝佢地肯黎個15分鐘~

>>April 3, 2008 at 11:58:50 PM GMT+8

2008 年 4 月 1 日 星期二 【晴】

今天family堂教 tree diagram 人樹屋
只要係8x10寸的紙上畫出 人,樹,屋 這3樣東西就可分析你
我先畫的是人,之後係樹,最後係屋
分析可從 畫的次序,3樣東西的形態及位置
在紙的左中上我畫了半棵大樹,樹上有鳥巢,樹的右邊是一間有十字窗框的窗的屋,而屋是向右邊橫向的伸展;屋有一扇門,門有門栓(開門的手柄),屋頂有煙囪,還出著煙
而人在那兒呢?
就是在畫紙的底部,人置中,是個可愛的女仔,有笑臉。

分析:
樹---代表外在世界,環境
屋---代表家庭
人---代表自己

因為我先畫人,所以我係好關心自己,同能否控制環境,self centre比較強

樹幹粗代表有活力
樹上有鳥,是代表著我好依賴,好需要照顧;
樹向橫伸展代表家庭觀念重
而樹挨著屋代表 我仍與家庭分割不開,受家庭、家規規範,投放太多力量在家,少發展空間;是不健康的
但我的人是在屋外的,而面背屋,所以表示我嘗試走出家,向外發展,是好的
樹在畫紙上端,代表想升遷

人在屋下代表自卑or腳踏實地,需要安全感
而屋是無底線,代表我的家庭也不是太穩陣(但我的屋向橫伸展,代表我尋求穩定性及腳踏實地);屋頂有煙囪是代表有疏氣的出口,是好的,但有煙代表最近有心事;而屋的十字窗並沒特別,但有窗同門(而門有門柄)代表對外是open的,不封閉,好易同人傾心事。

唔知係咪真的咁呢\?
你地覺得呢?
如果你地有興趣,我可以下次同你地做,同分析~!

>>April 1, 2008 at 9:44:15 PM GMT+8

2008 年 3 月 31 日 星期一 【晴】

今天午堂,聽了何傑的「叩門」道
心裡都好似佢20年前咁..........唔想開門,唔想承認原來我呢個信左既人係與「未信」的人一樣
點解呢?
可能,這就是我未真正的信
我知四律有一版是有兩個圈圈,圈內有好多混亂的東西,而有一張椅,可以係「你」作主,話事,不過,你既生命就好亂,栴反,俾神作主,生命就有了秩序
我怕,一路,原來我都係無秩序的。
我作了自己的主~
原來我真的跟一頭豬沒分別
不想再這樣
我要放下自己,咁人先叫人~!
約束自己是我的功課~!

>>March 31, 2008 at 12:57:36 AM GMT+8

2008 年 3 月 22 日 星期六 【晴】

不知怎麼樣,總是不喜歡你的語氣語調
其實是誰忍誰,也許,是大家也在忍受吧
人總有自己,所以,咩叫我忍你呢?真係兩個面,兩個解釋
我真的覺得凡當你在數你的不滿時,我也會有不滿意的地方。
為什麼你不去看看別人,而世界就只有自己
我對於找你時你不滿意我只係行而唔食野,因為想見你而見你,仲有我話可能去朋友度,你又同我執一餐,返到朋友度,你又好似要教訓我指出我用字的錯誤
我真的覺得好煩厭,好辛苦
難道和你一起只有壓力、要求、責備嗎?
.........................
辛苦你了,都係我惹到你一身濕疹,都係因為我而令你難受了
你可知當你每次這樣說的時候,我都好唔開心,好內疚
唔係我想家,我唔係有心加害你,如果你受苦是要叫我承受更多的苦楚,sorry,我不想再承受
如果,你覺得痛苦,但又不得不怪我,那麼<不要見我了
是我自私了。

>>March 22, 2008 at 11:57:30 PM GMT+8

2008 年 3 月 21 日 星期五 【晴】

<<遺憾?>>

朋友係d咩?
而咩係一個好既人生?
健康的生活?

有好的成績
有好的人生目標
有好的心理素質
有好的人際關係
有好的工作表現
有好的家庭
有好的伴侶

..............................

好似無咁完美既人
我的實習已經去到尾升
而我的小組已經完晒
我只需要係下星期三、五的工作內返足工
咁我就同呢個中心,呢d同事講88了
咁我仲要求d咩呢?
既然做得唔開心,咁仲眷戀d咩呢?
星期三supervision,同阿sa講完自己學左d咩,之後輪到我同angie(我的partner)講感受
我覺得自己的人際關係搞得唔好,無論係大學定placement既機構都係
我真係覺得好唔開心
詳情唔講了
但我的partner好準確無誤的道出左我點解唔識同人地溝通
係因為我只顧做野,唔會hea,同人傾偈,而同人做朋友,係要預左俾人hurt,因為係你去搵人地做fd
好好的一席話,令我明白我因為怕人地拒絕,怕不投入,太過抽離.........所以,我做唔到佢地既朋友
我真係好希望係我走之前同同事搞好d d關係
我唔想帶住不好的感覺走,亦唔想人地對我既感覺唔良好
我真係唔想自己咁「自己」了

希望你明白,原來我也會經歷孤獨,我也有人際關係上的問題
希望我能再付出多一點點~

>.< pray for my study,我開始想自己想自己的前路是怎樣的呢?
我想讀master,但依家我需要既係把書讀好,把placement做好~!!!!!!!!!!!!!!!!!!!!!!!!!!!!!!!!!!!!!!!!!!!!! 加油~!!!!!!!!!!

>>March 22, 2008 at 12:05:54 AM GMT+8

2008 年 3 月 18 日 星期二 【晴】

今日好累
其實點幾訓,都唔係好夜姐
仲要成11點幾先成身,訓到乜都夠啦~
都唔知點解總係唔夠訓蹋,好頭痛,好累,周身痛
可能心理壓力大掛

唔知呢?
其實我呢排經歷既野真係好多
之前既唔再講
之後又好似好怕你會走,你會被分了一部分咁(指你的男性的朋友)
我真係一個好無安全感既人,又因為咁而好dominant,尤其係身體上,我一定會想你日日都係我既
精神上,身體上唔想同人share
好自私,恐怖哩~ 我都覺
但我這頭心裡的怪物又有誰明白,知道它的慘同傷害

見過陳姑娘,心都舒服了些,但原來我的性格在 我想人地點睇我,同人地點睇我好似
但在自己的真實面卻同以上兩樣不相同,比較未開發
這是因為成長時的問題

或者,我就是不經大腦的作決定
常犯錯誤
我想向你為昨天的事講對不起
係我任性
希望,我的生命唔會造成你的陰影
我的行為不會成為你的負擔

我有時的情緒我也不知道,也不想知道
是我怕危險怕得要flight吧

好好處理自己的情緒~!!!!!!!!!!!!!!!!!!!!!!!! >.<

>>March 18, 2008 at 12:44:15 AM GMT+8

2008 年 3 月 15 日 星期六 【晴】

多謝我的朋友
因為呢幾日真係發生左好多事
所以心情有好大的起伏
愛原來可以好難
自問唔係好識愛自己愛人地的我,與人相處其實真係好難
我係一個唔多以行動付出愛的人
我的行動有時係例行公事,不過,我多謝我的好朋友,因為就算我唔係成日搵你地你地都咁愛我支持我
thx
在這段日子我都收到友人的電話或sms,問:你無野丫麻丫豬,睇你日記好似好灰喎......支持你等等的說話,真係令我感動不已
其實我唔需要去羨慕,因為我身邊有好多關心我的人,只係我無係我需要的時候俾佢地幫我
可能,我就係咁唔識得轉彎好死牛一邊頸(可能因為我屬牛~哈哈~講笑姐)
我一覺得d朋友唔得閒,或我搵過佢地,佢地有野做或唔想陪我做某d野,say 運動,我就會唔想打俾佢地問佢地得唔得閒,因為我怕又版turn down及麻煩人地
可能係我自卑,無自信或者唔想俾人知我咁唔掂,anyway,我慣左收埋自己
就算我成日黐住既你,我也不能完全講出心中所想
可能,我覺得你也累,你也有want,又怕同你講你唔明,會悶。所以,都係唔講或者1句起2句止。

唔明~
我唔係唔想社交,就算係中心,我知要同人關係好,但有時我都唔想花太多心機同時間去傾偈,可能我覺得人地都唔係想同我傾掛,所以,自動關機。
我是不善打交道的人
因為本身個人比較悶,所以都唔知同人講咩好,唔講學習,唔講dproblem好似無野講咁。
所以,我好怕同人傾電話會dead air。唔知點解
但我卻喜歡1,2個人咁去深入傾d內心野~
所以,我一搵岩人,我就可以傾好多野~但,無咁既人撩起我,我通常都係唔出聲。

或者,呢樣就係我要學既野la~
我好想去計畫好多野~令自己既人生精彩d~但當我一諗到我無$$去實行,我就唔想諗。
好煩,點解又係 $$

因為我 $$ & time man.唔好已經惹來家人同男友的不滿
我知要改,但就係勒不住褲頭。
我想有,我去搵工,搵補習,不過,如果要有 $$就真係平日出少d街先得。
唔知想點。
或者,我係時候停下來吧~!

時間唔等人,但我可以做我就係去重整及停頓。好叫我不再混下去。

>>March 15, 2008 at 12:32:13 AM GMT+8

2008 年 3 月 14 日 星期五 【晴】

今日本應好唔舒服
其實我訓左好耐
成10點絃先醒,12點左右先出門返學
但唔知點解,上堂突然好似發燒咁熱
可能失血過多加上食左勁少野~(半個丁丁飯)
之後5點5仲飛去補習
7點9先到,開始補
補1個鐘
9點就去同湛恩打壁球
超好玩
雖然我好累,但打起波就好生猛~
但我就打得無咁好
下次我一定打得好好家~等我

今日超開心,因為阿恩讚我唱歌好左~
哈哈~我會繼續努力~!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! ^^
好想可以唱到好自由、自己style d~
一定得~!

好,我決定身心健康d,所以多運動同發展下d興趣~!
哈哈~
加油~阿豬
3月完placement,我會大埋佢,好好睇睇~!

之後就要忙present同paper了~

大家比心機~知你地都好忙~加油努力~!!!!!!!!!!!!!!!!!!!!!!!!!

>>March 14, 2008 at 1:22:00 AM GMT+8

2008 年 3 月 12 日 星期三 【晴】

這幾天我在混混顎顎的過日子
先是你的事、加上我與你的事
後又因placement的事
依家,我都唔知咩事
豬丫豬,你發生咩事?!
我好想休息
呢種休息是尋找內心深處的獨個兒活動
但,我總是不喜歡有獨處的時候
神阿
我口口聲聲說我想事奉,但如今我連自己是誰也搞不清楚
很累
我唔想再繼續
我想睡
睡了就沒有痛苦、壓力、逼迫、擔憂、不安全的感覺
我真係唔知自己需要d咩

係呢個時候,通常我都會情緒低落兼有d反常
所以,如果你們得閒就睇下我係咪好得閒,因為...........我怕自己一個會無啦啦喊
我怕無人陪同安慰
好羨慕你有個咁好的支持者同朋友

我想........我也要自己獨力承受
因為我唔想你們操心
我唔想自己好似好無用
我唔想自己又咁易放棄(特別在你們面前)

以前好開心既我消失了
再聽唔到好大聲既笑聲
笑到瞇起眼的笑容
沒有開朗的性格、活潑的心情
快要depress了
>.< 呀~!!!!!!!!!!!!!!!!!!!!!!!!!!!!!!!!!!!!!!!!!!!!!!!!
睡覺去~

>>March 12, 2008 at 2:13:23 AM GMT+8