2004 年 5 月 26 日 星期三 【晴】

病了，真的很辛苦！
都唔知係咪沁傳染既！
佢成日感冒，唔‧‧‧我懷疑係！
因為特徵又似，真可惡！(講笑啫！)

今日都係咁過啦！
阿安今日由泰國返來，佢都幾好人！
我阿媽話想睇『明日之後』
好似幾好睇咁，呵呵呵呵

>>May 27, 2004 at 3:02:09 PM GMT+8

2004 年 5 月 25 日 星期二 【晴】

今日放假，因為佛誕，呢個日子對我來說沒什麼特別，
不過今日係教會六周年堂慶既燒野食既日子！
真正來說堂慶應該係五月十七日(唔知有冇記錯呢)

一朝早同阿媽去左飲早茶，不過太早我食唔落野！
之後成日滋滋柔柔咁！因為以為四點先在粉嶺等車，去燒野食！
咁咪又執下屋，上下網咁！仲諗住去埋剪頭髮添！
咁踩單車去啦！點鬼知經過粉嶺火車站時，見到fanny同jackie
本來見到fanny都唔怪既，因為我以為佢要早d去到搞d野咁！
不過都覺得怪怪地，點知仲見到jackie，咁我就即刻落車
問佢，喂！你做乜咁鬼早呀！又問佢，乜唔係四點先集合咩？
知道係兩點半集合之後，就拿拿聲"拍"好架單車！
之後上旅遊巴！我同佢地講返，佢地都唔係好信，呵呵！

今日其實都幾好，可以趁機會認識下其他人！
我發覺同佢地都熟左d喇！至小有小小話題囉！
呵呵呵！今日同gigi熟左d，其它都開始傾到d偈！
不過可惜有排都返唔到彩虹團契！是關要實習！可惜爾！
只可以返星期日！

其實响公司既日子真係過得好快，可能多野做啦
不知覺不知覺，又放工，真搞笑！不過最好彩係唔洗企
呵呵呵！

係時候寫信比卓生了，唔知佢忙成點呢！希望佢過得快樂啦！

>>May 26, 2004 at 3:03:48 PM GMT+8

2004 年 5 月 24 日 星期一 【晴】

呵呵呵呵！今日終於完全冇俾人話了
呵呵呵呵！鬼叫我咁醒目咩！都忍唔住讚我自己
很多都上左手了！乜鬼野booking ，咩hotel，乜本地，乜短線
都在於我掌握中！
不過在公司真係冇咩好講！

今日感冒，好辛苦，咁快就做到病，真慘！
又熱氣！返粉嶺飲左廿四味，做野之後，更要自己照顧自己

唉！呢排脫離左，要變返好似之前咁先得！

>>May 25, 2004 at 1:33:56 PM GMT+8

2004 年 5 月 23 日 星期日 【晴】

今日幾乎冇俾人罵，好野！！！
其中一個原因係我尋晚係咁温
温到半夜三點，冇辨法，如果唔係要我派傳單
(佢把口係咁講，但唔知係咪真，不過我做好自已先)
今日都總算冇做錯野，印TIC，單冇錯，有入料，影印，卡攞岩
係唔記得小小野囉，我覺得其它同事都明白我的處境
佢地冇做錯，係因為佢地已經係熟手

晏晝有段時間有個鬼佬來，想要澳門PACKAGE
阿MAGGIE 做做下叫我做，不過我都想做
因為想試下同鬼佬溝唔溝通到，最後都免強得既
不過就唔太好囉，哈哈哈哈
之後都冇乜野，一點去左西田食飯囉
都幾好味，呵呵呵呵！！！

>>May 24, 2004 at 1:36:21 PM GMT+8

2004 年 5 月 22 日 星期六 【晴】

放假了終於放假了，呵呵呵呵
今日最重要既都係返教會
返教會真係執到唔少寶！

今日講一個迦南婦人，我之前睇聖經都睇過下
不過真係估唔到一段咁短既一節，可以帶出咁大既意思
最主要今日學到的，是為什麼同神祈禱，點解神唔回覆
兩大原因是，第一、人有罪，有左阻隔‧
第二、信心‧其實神好想幫我地，但係因為有著這些阻隔
祂無辦法幫我地，有時表面上神可能做左d唔好既野，做傷人心的事
但不是出於祂自願的，祂無論如何都不會捨棄我地
信心是要好肯定、堅定！
其實我仲有好多想講，不過我唔係好記得牧師講既野
下次都係要寫一寫低，因為我唔想miss 左一d 好重要的訊息

見到fanny，唔知點解對佢有種很親切的感覺
好似見到阿媽咁，見到佢好多野同佢講，但係又唔知講d乜好
同佢傾左陣，之後佢行開左，有得同佢傾偈
又要上去練舞，哈！真搞笑！星期三要跳舞，捉左我上去練
本來都唔係好想跳，不過跳跳下又好似好好玩咁
幾好玩，呵呵呵呵！

之後去左上水，陪粟子買鞋，之後都無乜野lu
今晚温公司d野呀，尤其d步驟呀
如果唔係就大獲喇

>>May 23, 2004 at 3:30:23 PM GMT+8

2004 年 5 月 21 日 星期五 【晴】

呢兩日好攰，無咩心情打日記
呢兩日做左好多之前未學過既野
仲有成日俾人話
我想同學中做得最多野的都可算是我同阿偉
無辦法，鬼叫你入左呢間野做咩
當學多d野囉

而家既我可以話一d私人空間都無呀
返工，補習，返工，補習‧‧‧‧‧‧
打住咁多先，因為返工實在係冇咩好寫！

>>May 23, 2004 at 4:39:56 AM GMT+8

2004 年 5 月 19 日 星期三 【晴】

放工見到呂嘉文，呵呵！
差點認唔到係佢，因為佢好似靚左好多！
slim左，白左！
一見到佢，就知道我返緊工
(不過其實冇可能唔知我係返緊工)

今日在火車睇完第3個故仔了，ok啦！
不過個故事唔係好得，強差人意左d！

好了，到今日在公司做左咩了！
我發覺佢地已經當左我係一個staff了，幾乎咩都要做
開始識自己做booking 了，尤其澳門酒店連船飛
仲有中國短線，本地遊‧都開始識了
唔識都扮識，膽粗粗咁頂硬上，因為有時d人都唔得閒理我
咁唔通咩都要問人咩，咁咪試下囉
不過晏晝係咁俾個superviser話囉，都唔係好嚴
(我指話得唔係好嚴重，同唔係做錯得好緊要)
呢幾日來說，最熟的是一個叫maggie的女仔
原來好多都係响唔同分社走來走去，我係新人，所以定小小
佢地都成日帶團

今日要成七點三先收工，因為太多野做了
臨尾仲做錯野添，真衰！

>>May 20, 2004 at 12:31:06 PM GMT+8

2004 年 5 月 18 日 星期二 【晴】

這是的第一天直接由屋企返沙田呢間公司
是真正的第一天返工吧！

一返到去，見到個阿頭，就即刻俾人話
『公司規矩要早幾多返工呀！』
其實我要返九點半，我九點五返到
不過要早十五分鐘返去，嗚！

今日教左我好多新野，真係一d都唔識
教左點入野，又教左澳門訂船飛
仲有識左好多新同事，晏晝同2個新同事食飯
之後都冇乜野做，開始試下答人問題
攞下d leaflet俾人，因為都其實知道公司有咩product

有一樣野好奇怪，又搞笑，原來我間公司叫『HTA』
我不是吹水的，英文全名係HYFCO Travel Agency Ltd
簡寫係『HTA』，就係咁，我覺得超正囉！哈哈

返到粉嶺，又要拿拿聲去沙頭角補習，真係正呀
揾多d錢

>>May 19, 2004 at 2:16:35 PM GMT+8

2004 年 5 月 17 日 星期一 【晴】

第二日返工，都係六點起身
昨晚比前晚好訓小小，好過冇

其實今日冇乜野好講，因為今日全日都係聽書
好慘呀！由九點聽到6點，除左食飯，其實我地都冇停過
係咁聽，填鴨式，係咁灌，吸收得好差
好多傳單俾我地，基本上聽唔哂
係咁聽，聽到我勁眼訓，放功前幾分鐘忍唔住訓左陣
哈哈

放工打俾d第一日返既人，佢地好似過得好好
你地睇住黎啦，遲d一定辛苦過我，哈哈
今日唔洗返沙田，都算係好事來的

阿勇呢排唔開心，真是的，用人的愛去愛人
就是那麼辛苦了，唯有用神俾的愛，才能永恆

今日見到公司有張leaflet ，標題係HTA
真搞笑，估唔到咁都俾我見到

聽日返沙田，第一日正式返工，唔知做咩呢

返到屋企，超攰，不過我仲要補習
聽日又係，好！而家開始save老婆本
雖然‧‧‧呵呵呵呵

>>May 18, 2004 at 3:06:49 PM GMT+8

2004 年 5 月 17 日 星期一 【晴】

嘩！好耐未試過六點半起身了
昨晚睡得很差，今日都唔係好願起身
好彩叫人叫我起身
估唔到佢咁變態，成晚都冇乜點訓
我食飯時佢仲竟然話『我去左唱K』
估都估唔到佢咁既行為

早到左去報導，不過條友遲到
等左好鬼耐，d主管又開會，冇理到我地
比左成堆野叫我地睇，太多，唔想睇
但唔睇又唔得，又眼訓，睇到一頭霧水
過左好耐，終於叫我地食飯了

個總經理好彩騙我去沙田，太正了
估唔到我最想去的真的去到了

估唔到的是，今日要去分行，還以為是走人
今日只是報導，食野時，勁打比人
知道有d人好似唔係咁好，
自己都覺得自己好彩
一去到冇野做，因為佢地好忙，都唔得閒呢我
終於理我了，不過叫我睇一大堆leaflet
背哂澳門d酒店在那，咩名，背到我呀
其實今日都唔洗做野，只是看他們做
我同佢地既服飾好唔同，我著到好似成個經理咁
真慘，d客來到望住我，見我咁後生，但看看我的衣著
我又望一望他，佢又想問我野，又唔想問
搞到唔知點，好尷尬！

六點走人，今晚同彬，基，飛，波，健去睇狙魔人
太正了，都唔差，不過後面有對上左年紀的夫婦成日講野
佢地睇完之後勁講果對男女，講返佢地講過d乜
真係冇佢地咁好氣，我睇果時好眼訓
都冇心情理其它野
睇完去左買白色恤衫
其實今日都唔錯，因為好難約到肥材睇戲
都好耐未試過成班一齊睇戲了
返到粉嶺，曾健死都要請我飲野
咁唔通我話唔好咩，有點不好意思
傾左陣，希望佢聽得明啦！

係咁多，今日開始『不能談情，也不能說愛』
不過多左句『你夠幸福嗎』
呵呵呵呵

>>May 17, 2004 at 5:13:32 PM GMT+8