2004 年 10 月 28 日 星期四 【晴】

今日無意中同阿勇阿媽講左幾句！
佢阿媽臨收線前同我講左一句我覺得好情心的
『幫我睇住阿勇，叫佢讀好d書！』

可能平日聽會冇咁上心，又或者會覺得係普通的一句

她這一句…
表示她對自己的兒子有多不放心、有多關懷

講完呢一句後，過左幾分鐘，見到阿勇！
我將我同佢阿媽講的這句話說給她
我相信他已經明白！
即使現在全世界對你失去信心時
只要你俾我見到你有悔改的心
我一定撑你！但係自己都未掂果隻撑
哈哈……

>>October 28, 2004 at 4:56:46 PM GMT+8

2004 年 10 月 27 日 星期三 【晴】

真係唔得，今日真係唔得！
叫人著衫自已又唔著
叫人kam被自己又唔kam
你想點呀，仁仁

其實我有做齊架，只是身子弱，無辦法
唉！傷風…又冇幸福………………傷風素！
真係飲返杯大檸樂先！

今日見到文文個細妹，文詠a
終於見到佢，佢家姐一開始好隆重咁叫我睇住佢個妹！
點知人地開左成個半月學先見到佢！
即係多鬼餘！
不過我都會睇住佢既

今日真係好慘呀我！成日病住來上堂！
真係救命！
幾乎想跳樓死，拜拜！

唔知今日佢點！真係頭都大埋！
message得果幾句！真係想知多d都唔得！

>>October 28, 2004 at 12:17:51 PM GMT+8

2004 年 10 月 26 日 星期二 【晴】

其實我而家都幾樂觀！
最唔開心就係睇到人地唔開心！
冇乜野…

你可以說我是一個很不喜歡說話的人！
事實上係
因為好多時，我都冇想過要借助任何人的力量
做好本份是我自己的左右銘
呢個係我老豆教我的

最近有好些好朋友都唔開心！
這些都是我傷心的…
我希望人地好哂，自己怎樣卻冇乜所謂

阿勇佢真係有進步，神係會俾每一個人改好的機會
但係他今天反常的表現令我更擔心
一個人可以差不多一百八十度轉變
背後一定有很大的原因，除了是本身的傷痛外
我相信這是神的工作！
我希望我可以將活水傳給有需要的人

你明白就最好，唔明白我希望你地都接觸一下

我好擔心，擔心一個很難擔心到的人
我都覺得她這幾天不太開心，點知俾我做中左！

be strong be strong now
too many too many problems
don't you know where she belongs
where she belongs

沒有方向感，就會揾我！
你地幾個都不太有方向感
呢幾日唔開心、有問題果幾個


我覺得今朝個阿sir係變態的，佢都唔識教書！
想聽書都聽唔入耳

訓左幾分鐘，真係難頂到爆！

上阿miss chik堂最好！唔洗俾南無佬腦轟炸
我完全係留心聽書囉！做過導遊、領隊係唔同d
之後果堂又係另一個南無佬！救命呀~

阿勇好快就走左！有急事，唔知佢咩事，大概係家事…

我就去左poly揾阿mandy教琴
入左poly宿舍下面個琴室，真係一流
我指部琴…
可惜屋企冇…

夜晚收到個message，唉！
好慘呀…我覺得佢好慘呀…
如果呢一刻，我响佢身邊，佢應該會好過一點…

台上的你…

>>October 27, 2004 at 12:08:58 PM GMT+8

2004 年 10 月 25 日 星期一 【晴】

有時見到阿勇真係好“敏”
我會好擔心佢！我有時唔係點同佢講野
係因為我見到佢而唔開心

你明唔明，我見到你唔係唔想同你講野
你要我點同你講野，我睇住你衰呀
你要我講d咩，係咪要我同你一齊衰！
係咪要我做到好似你咁先滿意！

咁樣，只是哂時間，你好浪費！
機會、時間、青春！你一d都爆唔到出來呀
你冇年青人的衝勁！你冇鬥志！
你有灰心！你有懶！
你會關心人，但用錯方法！
你明白道理，但你唔會做！我寧可你不明白！
你自欺！你覺得自己唔得！只是讓自己心裡好過一點
你從前真的一塌糊塗，不代表你這生就此完！
不代表你不可以將不可能變成可能！

你知唔知你咁，會對一d對你有希望既人失望
即使你第日成功，但係對你有希望的人已經唔响度
分享唔到，你不覺得遺憾嗎

我希望你失意或唔開心時會睇返呢篇野！
我希望如果你唔得既時候會睇返！
我希望你對自己負責！

我相信你冇乜咁既friend
我不想你失去我！
因為我唔知我幾時放棄你
我放棄的一天，不是我自願的
是你逼我！

今天有兩個friend有煩惱，一個是阿勇，一個是歡歡！
歡歡同阿勇都俾我點醒左！
一個話要打俾我，一個要我打俾佢！
唉！真係法國大餐
有d野自己明！但係又要人提！
仁．你自己呢！識話人唔識話自己！

what are you seeking for?
friendship,love,prospect or ....
i think you have forgotten something important
it's religious

今日返學第二日！都幾勤力聽書！
我記得好多人支持我！同事、小白、歡、hody、細佬、沁、舊同學(中七班男仔)
之後唔係好記得了！哈哈！

但我知道，我要入迪士尼，我要做空中少爺
我要做星期六、日有得返教會既工！
我要做一些阿媽生活過得好d既工！
我要做周圍都有得去既工！
其它都冇乜要求，所以我要好鬼勤力！
仁‧你得唔得呢！

都唔知點解，見到張相，總是感到囉囉 luen咁！

>>October 26, 2004 at 11:25:30 AM GMT+8

2004 年 10 月 24 日 星期日 【晴】

唔記得講d野！
有一樣野好搞笑，就係出團個司機
佢見到我部相機勁搞笑囉！
好似前世未見過數碼相機咁
見到我摟個mon覺得好奇怪
又係咁話︰點解可以影得咁鬼清既
呵呵
我可以感覺到–中國同香港人生活係勁唔同
我去到買包餅6蚊，我覺得好平
但係佢地話我︰點解買咁鬼貴！
頭都大埋！

返到香港‧去左尖東搭火車返屋企
岩岩返到來就通車！

今日正式返學，遲到！
我都唔想！
一點放學去左阿勇屋企打機食飯

>>October 25, 2004 at 11:46:00 AM GMT+8

2004 年 10 月 23 日 星期六 【晴】

出左兩日團，有些人我會很想念
自己一個出到去做野，仲要冇得打返香港！
真係粗大個膽
自己都未必搞得掂，仲要管成班人
仁仁‧你死唔去都算好野

咁不如我先講第一日先啦
其實我一早起左身搞埋d手尾
之後同阿偉一齊去中港城
呀！上次去澳門見到何超瓊
去到中港城‧點名‧派船飛‧叫佢地去齊厠所
食齊早餐！然後十一點一集合返
briefing時，今次講得好過上次！

之後都係咁，冇乜野！
落左去澳門，一揾就揾到個guide
呢次呢個guide又係好好，好肯幫新人

我覺得…又係神的安排！

澳門既guide原來比珠海好好多，照今次睇
今次都係睇果d野，又係上觀光塔
但今次入埋金莎賭場入面，但係入面唔俾影相
入面係好鬼靚，樓底好鬼高！好grant
仲有人跳舞！

得閒入下去都 好！又唔洗錢！

夜晚過珠海，第一次過珠海…
唔係好識過關，對住班客，唯有扮識路、扮識過！
仲要教埋佢地！講到自己過過好鬼多times

去到珠海，個guide叫阿勁！勁呀
不過佢同我都係差不多，做耐我小小！
讀緊珠海既大學，原來佢果度興玩一種叫QQ既物體
QQ即係好似ICQ咁，但係就唔係ICQ囉！
都係chat！平日放假佢會去打波，會上網，行街
佢地行街係到拱北果頭！
阿勁車上面講野唔係好掂，可以說完全唔得！
但係佢都好勤力，準備得好足！
我發覺佢地內地消費勁平，如果响香港，佢地呢d收入活唔到人

第一次睇聚龍show，都ok既！
夜晚果餐唔掂，我都要投訴
其實我呢幾餐都食得唔好，雖然全部餐免費
但係因為我要準備好小小
我每餐都食得唔夠，即使有自助午餐！

夜晚識左阿玉姐，係一個油蔴地既freelands
教左我好多野！

睇完show就返酒店，都可以既，間酒店！
我要求唔高！

自己一間房，返房前仲要check房，睇下有冇咩唔好！
好彩都冇乜事！
之後返房整定第二日d野，整到好鬼眼訓！
自己一個人响出面訓，仲要一個人做完成日野！
仲要第一次帶兩天，你地會覺得我既心情係點
冇…都係照做，係無得驚，係唔到你驚
都係做到最好就算！

第二日，原先發生大獲野！
有人唔見左隻錶，我幫手揾！仲要好似好落力咁
不過我都盡力幫佢揾左
點知上車發覺响手袋，吹漲！
不過都好，俾個機會我做下野

第二日珠海既行程係無聊到爆
大都是shopping點！之後今日最後就係4d電影同個自肋餐

其實真係好好，今次與著班客對我好好！
都好明白我，都知道做左無耐
要求都唔係好高！同埋佢地都見到我盡左力！

我發覺做領隊有時係好好！
唔洗俾錢買ticket，唔洗錢入場，咁多餐又包
有時d鋪頭仲會有d手信送俾我
船飛又可以坐頭等…

最好唔洗錢過澳洲，而唔係澳門

>>October 24, 2004 at 4:23:16 PM GMT+8

2004 年 10 月 22 日 星期五 【晴】

出團…我會記住你
記住只可以响相見到的你

之後今日其它野都唔想寫住…

>>October 22, 2004 at 6:35:37 PM GMT+8

2004 年 10 月 20 日 星期三 【晴】

生平第一次帶團！
多謝各界關心，今次係順風！
冇乜野

相信‧你地未見過我扮哂領隊個樣係點
其實我驚住佢地識穿我係第一次做領隊
所以做到個感覺我係帶過澳門團
講到好似來過咁！

今日影左勁多相，得閒上我個yahoo相網睇呀

呀！我發覺，我日記係勁多人睇！

上個觀光塔其實都冇乜特別！
最驚係坐响塊玻璃到影相！
我呢團人都幾好，個guide、司機都幾好！
無投訴，又有講下野、傾下偈！

不過一整天都很攰，因為驚遲到
昨晚都未睡過！

凌晨四點未夠出左門口，之後五點到佐敦
五點半到左中港城，但係集合係六點九！
我都唔知咁早做乜

臨集合係勁緊張！
之後集合左就冇乜野
都係叫佢地點點點，咁咁咁囉
之後都係care d，咁就成日都冇乜野

>>October 21, 2004 at 4:03:03 PM GMT+8

2004 年 10 月 20 日 星期三 【晴】

真係倒“瀉”鑼蟹

小城大事

大近視

>>October 20, 2004 at 4:14:06 PM GMT+8

2004 年 10 月 19 日 星期二 【晴】

今日係令人震奮的一天

滔哥今日打來叫我出團，正呀！
終於有機會出團了！
等到我勁都長

呢份工作，係我理想的工作之一！
估唔到我可以咁早可以做到！
聽日係開始！thanks god

今朝同阿小白响web cam到見面！
正！我第一次上網同人面對面傾偈
勁搞笑！

下午返學，見返d同學，唔係好點講野
是因為我唔想好似以前咁玩哂d時間
浪費哂…

>>October 20, 2004 at 12:30:01 PM GMT+8