2004 年 11 月 18 日 星期四 【晴】

今日除左訓覺同打機，冇做過其它野！
通常真正休息的一天！我就會咁過…
昨天九點訓到今朝十點，之後執下野…
打陣機，食下野…睇下漫畫…再訓覺！
訓過龍，同細路個阿媽講，下次先補…

都好小日子可以係咁！勁爆舒服

>>November 19, 2004 at 2:28:12 PM GMT+8

2004 年 11 月 17 日 星期三 【晴】

阿勇點解你成日問我呢排點！！有咩大件事！
過一兩日問一次，其實好難答你！
大佬！我安然無恙點鬼樣答你啫！
如果我日日都有事發生的話咁我都幾大劑喎

呢排好明顯凍左！

聽日學校open day，唔關我事，有得放假…

今日上既堂唔洗太坐响班房，全都是自己search資料多…

有段時間去左打籃球…今日打好左小小…
要做埋placement report，否則大檸樂！

要早d訓，但屋企亂到爆，算…唔執！！！照訓
理得你…冇你咁好氣……;…



我知道你很難過，感情的付出不是真心就會有結果…

>>November 18, 2004 at 12:10:24 PM GMT+8

2004 年 11 月 16 日 星期二 【晴】

放學傾project，傾完學琴
去之前去左尖咀自己一個睇鞋
睇岩左，但好貴，問左勁多人意見買唔買！
各有見解，頭都大埋，唉！我呢…
其實勁想買，但係又好似冇乜需要買…
我想save money，但奬勵下自己唔算過份
對鞋539蚊！！！boot、隔仔、混合了幾隻色！
冬天岩著！
好彩控制到自己冇買…

隨即去poly，但book左六點鐘學，要等mandy個半鐘
做左小小功課，聽下mandy同佢d friend傾下偈！
發覺佢地傾既野好似幾勁，不過我地講旅遊既野咪唔識…
mandy介紹我俾佢d friend俾佢…稱呼我叫『慢』尚仁！

隨即又去左學琴…發覺唔練琴係都係幾大件事！

聽見mandy的琴聲，就好似諷刺緊我…而家先岩岩學！
我心想，幾時先可以好似佢咁…
但同時，我都覺得係鼓勵緊我！

聽日阿pat(我地班果個)帶多餘既餸俾我！
又“坑”返餐！

屋企勁多衫，細佬一日都買
買到我都驚，搞到成屋都係衫，都冇執過！

>>November 17, 2004 at 2:17:53 PM GMT+8

2004 年 11 月 15 日 星期一 【晴】

今日唔寫…
都係返學…

>>November 16, 2004 at 10:31:47 AM GMT+8

2004 年 11 月 13 日 星期六 【晴】

點解前兩天打破傳統慣例無send message
係因為…我要返工！
除非我接觸唔到電腦，否則我都會send一個！

不如由昨前兩天起身開始講起！食完飯，訓多一陣，去左銅鑼灣返工！
五點鐘開始做野，本以為四十幾蚊一粒鐘都係好易做！
亦都想最多要過半夜兩點幾！但絶對冇想過要通頂通到第二日七點！
是次工作响銅鑼灣『遊艇會』，d人係勁luxury囉！
一入到去五點幾，冇乜野做，食左兩次晚飯咁囉！
頭一次係一入到去食，之後果次係食完第一次之後隔左三十分鐘冇野做再食咁囉！
我都未試過咁，搞笑到爆！

之後俾人帶下睇下野，參觀下，熟習下個環境！
and then breifing，brei完fing之後就開始企，企到d人來
一開始以為好小人，點鬼知愈來愈多人，幾百個，全部都係鬼婆鬼佬！
如果唔係同d香港人做野，我真係以為我去左外國！
仲要著到勁lux！又靚仔又靚女到暈
始時都係開下champagne，倒下酒水咁！
嘩！點知又要攞一大袋一大袋冰！勁重！
但係周圍行來行去，係真係勁靚囉，個環境！
個泳池又正！又大！
但係全部都係睇住人地enjoy自己冇得果隻囉！
之後做果d野全部都係擔擔抬抬，係成西杯再加埋水落去囉！
係咁狂攞！又上又落！仲要著住果對死人皮鞋！
仲要打埋個『煲』呔！
我本以為最多都係做到兩三點鐘！點鬼知去到朝早七點！！！
d鬼佬變態架，都唔知點解！玩左成晚都未走！
成四點幾五點都勁爆旺囉！d人仲狂飲酒！仲要係搞溝酒飲果隻！
變態到爆！我仲要狂做野，攰到就死果隻
講真，我返工好小吞pot，呢次唔吞唔得！去左更衣室兩次
除左對鞋，同隻腳按下摩，都仲係勁痛

你地應該過海時會見到panasonic個牌，我就係响果度附近做
可以話俾你聽，我由見住佢下午開到半夜熄左到第二朝囉！
都仲係抬緊野！

因為估計錯誤，搞到我第日返工由八點鐘變左九點鐘！
由銅鑼灣返到粉嶺一個鐘！七點三出左糧即刻返粉嶺
點知唔小心撘到去上水，因為太攰了！訓左起唔到身！
見到對面月台有車，拿拿聲跑果去！返到粉嶺，勁快咁行返屋企！
沖個涼幾分鐘，十分鐘返出去開工
可以話俾你地聽，我返呢度基本上要做粗重功夫
但係我勁走精面，全部都揀d輕便野做，又唔洗哂太陽既野做
仲要得閒坐响度，人地做哂野時，我又周圍走，扮哂睇下有咩幫手
其實係因為我做得耐過其它人！d新人全部做野，我只是行來行去
不過後期我都已經幫左好多，又換垃圾桶(最disgust果d野)
又執垃圾，都有收野既！

一路返工都唔覺得唔係太眼訓，但係走果時，阿莫生送我出去！
响車度5秒訓左！
本來上網見到hody想傾一陣，但等果十五分鐘內
竟然又係俾我五秒鐘內僕左响張台上…訓著左！
起身先發覺自己訓著左！本來打緊日記，之後都係今日而家先打到！
返上床訓，五秒又訓著左！
到今日…

>>November 15, 2004 at 1:20:23 PM GMT+8

2004 年 11 月 12 日 星期五 【晴】

今日冇遲到，仲早左起身添！
歡歡今日約我返學，順便叫我起身！
阿翹都有叫，都叫左佢唔好叫
因為佢唔洗咁早起身，但係佢又要叫
打俾我的時候只係聽到︰『呀~呀~呀~』
之後講拜拜都係︰『呀~』但係佢真係好好人

放學去左阿勇屋企打機！因為夜晚要返工
去尖沙咀
我係唔會返屋企再去尖沙咀，太貴了車錢！
贏左兩舖，輸左一舖！yeah

其實，第一次做酒店，又係唔知頭唔知路
頭都大埋！唔理喇！照做啦！做落真係唔同
平時食睇人好過癮，睇人食，真係唔方唔過癮
帶團一樣又係咁！
香薰園又係咁，睇人玩，燒野食！
serve人同俾人serve係…完全唔同！
你俾人serve時，係完全冇想過serve人果個係有幾慘！
所以你地俾人serve果時，唔該你地…想想…
唔好搞到人地做得咁多功夫…

今日唔熟手，好彩有人帶，如果唔係就大獲！
都有人幫我，不過都係快d上手好，否則就byebye喇！
好彩今日應該冇犯錯野！

>>November 12, 2004 at 5:21:36 PM GMT+8

2004 年 11 月 10 日 星期三 【晴】

昨晚發左一個超正既夢
不過係冇乜可能會發生既夢！
真係要不禁唱首『夢中人』，以前到而家聽都係咁正既一首歌
即刻download聽聽先！先聲名，夢到既野不代表係首歌既野！

夢中人　一分鐘抱緊　接十分鐘的吻
陌生人　怎樣走進內心　製造這次興奮　

我彷似跟你熱戀過　和你未似現在這樣近
思想開始過份　為何突然襲擊我 　
來進入我悶透夢窩　激起一股震撼 ＊

Ah～La～Ha　La～Ya～Ha　Ya～Ha～Ah～… 　

夢中人　多麼想變真　我在心裡不禁
夢中尋　這分鐘我在等　你萬分鐘的吻

發埋d咁既夢我都唔想，鬼叫尋日精神咁鬼差，搞到我發夢咩！
一解一係唔發，一發就次次都係發埋d咁既夢！點解…我都唔知！
唔會特別想發！但係我都會想發下，哈哈！


但開心既背後係悲哀！


真係思想開始過份！

同時間，我都想起『長腿叔叔』既『夢中天使』

今日都係照平時聽書！冇乜野！聽完就走！
本來去左恒生開戶口，但要住扯証明！
白走一趟！

下午打排球，以為阿patpat俾到新衝擊我！點知都係…嘻嘻！
都ok既！唔通我以前真係咁鬼勁！咁耐冇正式打過！

聽日要返香格里拉，有點驚添！
呀！原來今個星期返唔到教會！自修喇咁要！

我發覺阿翹真係好人到爆，可以話俾你聽！
我未見個一個人咁為得朋友！
可以說，她是我有生以來對我最好的朋友
點解一個人可以做到咁！我都唔明
好人得有點不好意思！佢又唔係寄望有回報既人
佢又唔係當我最friend果堆！
難得！施比受更有福，佢係完全做到！

>>November 11, 2004 at 3:16:24 PM GMT+8

2004 年 11 月 9 日 星期二 【晴】

昨天的事？
忘記了！！！
只係記得…做report同埋同阿pat傾偈！
我發覺…我同佢都幾岩傾喎！

仲有記得hody入籍左澳洲！真係恭喜賀喜
有屋有田又有地！買屋買田又買地！

今朝翹翹打電話叫我起身，唔知點解，起唔到！
今日又遲到！實在太遠了！

返學時睇聖經！合而為一，都幾鬼難喎！
要做到合而為一，就要照著神的分付去做，仲要係從心而發果隻！
唔係因為你係基督徒，而特登去做，自問就未做到從心而發
有時我會覺得係…都係從心而發，有時會覺得自己信了神而做
但係唔係成日都分得咁清，但係有必要分嗎？我都唔知！
這些都係我覺得合而為一的想法，唔知有冇錯，你地明既話請俾意見我！

昨天做report做左九百幾字，但係最尾果度唔係好識做！
有人識既話教下我呀喂！

kelvin今日教書好左d，但係笑到我同george傻左！
george佢做d令人笑爆既野，都係唔好講，但同時我覺得係唔尊重！
但係的忍唔到！

放學去左踢波！嘩！真係n年冇踢過了！
一開始跑到我同阿勇同jerry呢！好似唔夠十分鐘！
我地已經成個阿伯咁既款！

不過踢多一陣，又好似好左d喎！仲入左好鬼多球添喎！
好耐未試過了！
呢次係今年第一次踢波同同學！都踢得幾好！
佢地都唔錯！

呀！係呀！昨天去左尖沙咀！因為阿勇馬會train
要帶佢去！咁之前去左尖沙咀揾佢女友sandy，仲同佢影埋幅相！
去到火炭走人！發覺撞書包！即刻避開佢！哈哈！
本來想叫沁沁一齊走，點知佢返左屋企，好野，唔洗等，哈哈！
講笑喳！

而家岩岩沖完涼！想訓過覺，但係好肚餓，要食d野先！
今晚都唔知會唔會做得埋份report，但係26號先交，個個都未做！
但係都係唔好學佢地了！拿聲做左先啦！

>>November 10, 2004 at 12:23:28 PM GMT+8

2004 年 11 月 7 日 星期日 【晴】

今天係咬牙切齒的一天！我覺得應該全國舉
一大朝早，發覺今日又要遲到
每星期一的第一堂都係冇返到！淨係呢一堂！

記得今日要去尖東買砵仔糕！唉…以為好易揾點知揾唔到
去到尖沙咀地鐵，見到DHL都冇用！
無奈地返學！

放學去左旺角！打去1083問下旺角有冇DHL
因為旺角多地方買小食！問左有去左！
點知……揾左砵仔糕成一幾兩個鐘！由油麻地到太子都揾過！
本來打算放棄，點知走果時終於俾我揾到！
我估唔到，响旺角係咁難揾一個砵仔糕！！！

之後當然拿拿聲去旺角DHL啦！本來好開心…
點知…
『先生有乜幫到你！』
『我想寄野』
『咩來架！』
『食物！』
『……食物唔可以寄呀…除左乾既！』
我咪同佢講『乾架喎！』
佢話『唔得！一定要好乾果d先得！』
『但係係固體來架喎！』
『係呀！但係因為機尾好熱！我驚…溶喎！』
『……………………』
你看得出呢個省略號是多麼無奈嗎！！！

之後打算去沙田剪頭髮！去果時打俾QQ聽
我今日有多無奈！
講講講講講…講到幾鬼悲哀！

去到沙田，剪開果個係冇做！！！
周圍揾！去到一間唔知咩既舖頭！裝俢都ok，但細間！
個髮型師都ok，都幾好傾！
攞左佢卡片，除即唔見左！哈哈！
但係唔拾得留長左既頭髮冇左囉

>>November 8, 2004 at 1:47:13 PM GMT+8

2004 年 11 月 6 日 星期六 【晴】

昨晚睡不著！唔知點解！冇特別想起些什麼！
冇特別咩咁緊張！只好起身做d傷神既野
會快點入睡！結果選擇打winning
真的打了幾舖就訓著左！

之後今日八點起左身！勁唔想起囉！

呀！昨晚一路做report一路同阿野豬傾偈！搞到我呢！
不過好高興認識你，我好小遇到一個真係基督徒既基督徒
而又係岩傾！真好！

之後九點鐘去到鶴抖…今日阿wing又返！
今次返去，都已經知點做！
今日主要做既工作係︰燒司華力腸，賣燒買、魚蛋、砵仔糕、茶果同粟米！
同埋整下碳，執下垃圾，攞下野，影下相俾人咁囉！
最衰就係要換埋垃圾筒果d袋，我同阿wing都勁唔想做！
好難頂！屋企個垃圾筒都尚且唔願整！仲要係人地咩都掉既垃圾筒
不過我地都好pro，都做埋！

阿wing都算唔話得，讀到中六，做part-time
仲要做呢d咁既野，仲要係女仔，仲要冇乜怨言，真係難得！

今日得二百五！yeah！
其實真係冇乜野做！

>>November 7, 2004 at 12:45:07 PM GMT+8