2004 年 7 月 15 日 星期四 【晴】

今天返工返到十二點返左屋企
返工時見到曾健，幫佢影左張相！

返到去，做既野大多都係因為打風而做
又要做退票，又要打電話叫人集合！
船停左又要點點點！

返到十二點鐘，返屋企，食完飯訓覺
訓到八點幾！

其實訓到五點幾，起過身睇碟，不過套戲悶到爆
睇睇下忍唔住訓左！

>>July 17, 2004 at 4:51:48 PM GMT+8

2004 年 7 月 14 日 星期三 【晴】

今天美玉結緍，係我一生人第一次俾人請飲！
我影左唔小小相啦！說到她！
她以前同我都幾熟既！

我一直都想，我距離結婚有幾遠呢！
又問下身邊既人，你估你會幾時結婚呀？

其實如果講熟，我同佢d姊妹仲加熟好多！
可能佢有大把野做啦！

今天有紅酒飲！不過我今次控制住我自己
唔飲咁多！如果唔係，又會好似上次咁！

如果你中五識我，你今天見到我！
一定會覺得我不同了很多！
性格、外貎、衣著都不同了很多！
你會好似從來唔識我咁！

好多人都唔岩傾！尤其是某君！
我好唔鍾意佢，佢一出聲，已經可以得罪我了！
我從沒有與到一個人可以咁黑人憎
我由中學到而家都唔鍾意呢個人

同阮sir傾左一陣，同佢講了我返教會的事！
他明白我的心情！

今日終於囉返張eps，返到公司，做左樣好傻既野
就係响張單到蓋個印！

佢地個個今天都很靚！因為化了妝吧！

唉！希望美玉佢唔好學壞啦！如果佢學壞
我會好傷心的！今天她因為一些事而不開心
我不明她的感受，但我希望佢會冇事
我叫佢老公照顧佢

返工返得好開心，因為我做熟左d野
以後的都是睇下自己快唔快手！

>>July 17, 2004 at 4:17:02 PM GMT+8

2004 年 7 月 13 日 星期二 【晴】

其實係咁既
呢兩日都係返工啦
冇乜野寫！
呢幾日見到既人都好多
去左牛頭角揾阿翹、去左沙田揾老豆、去左粉嶺揾小白！
攞相機、同阿爸傾偈、食野、訓覺、俾帖人地同同人地佢偈！
喂！阿翹！唔該哂！
同阿爸講前途既野！
同小白影左陣相！有張我影得好好，係因為佢靚！
呵呵！其實係部相機好，係咪呀？

呢排主管阿can係咁捉人做錯野，唔知佢痴左邊線！
好彩我有野俾佢捉到，如果我有得出團
佢實俾大把團我出！呵呵！
美玉佢好緊張，因為佢聽日結婚！今日打過俾佢！

沁就生日了！好緊張！不過都係唔係好關我事！
但係我會好期待！


今日做左好多個客，我覺得自己勁左
成日想追過eric既速度！佢做野真係好快手
我要學佢！佢大把野俾我學！
要學到佢咁，先有小小成就！
我阿爸教我，一定要俾個限期自己
要set一個時間俾自己，學埋上一級既野
咁先會進步！
呢樣野係佢教既野中我記得最清楚！
而家eric俾我叫左佢做pentium4
因為佢做野實在快得令人配服！

>>July 17, 2004 at 3:56:18 PM GMT+8

2004 年 7 月 11 日 星期日 【晴】

一生愛你一個


喜歡你我最清楚這感覺
從前你是你　從前我是我
現在縱使不清楚我最愛你什麼
尋覓你　留住你　全憑直覺
其實我真的相信愛情的直覺
從前尋遍這天邊海角
不經意等到心中愛情主角
愛你一個　像是浪漫愛歌

想你一生也愛我一個　想你心意屬我
期望你跟我　長路也走過
准我一生也愛你一個　准我相信直覺
請將一生的幸福也付托給我
常在你心裡　愛著我

>>July 11, 2004 at 5:51:59 PM GMT+8

2004 年 7 月 10 日 星期六 【晴】

完完全全休息的一天
十一點幾先訓醒，本來同楚霖去游水
不過因為落雨，我冇去到，因為我最唔鍾意咁鬼凍走去游水
游水當然係熱到好似俾火燒咁時去游，咁先正嘛！

返教會之前，响屋企睇多次蜘蛛俠1
我都係覺得二好睇d，可能因為我响戲院睇掛
睇左半集，返左教會

今日講既係地獄
阿洪有一句完全講中了我，只係聽左道
但係又唔做，結果都係俾永生既火燒
呢總火唔是冇形的，是一些痛苦的感覺
你心會覺得好痛苦！

之後，返到屋企，又繼續睇埋果半套蜘蛛
又唔小心訓左，訓左好耐！訓到七點幾，起身同阿媽出街食野

點知強又打來叫我去佢屋企打機
講真！約到我真係好難得，因為實在都唔係好多好閒時間
我記得同肥彬講過我呢兩日放假，但係佢冇約到我
可能佢好多野做吧！

lala今晚打來，同我傾左陣，佢話我個樣好殘
唔知大家同唔同意呢？
我自己都覺得自己殘！冇辨法，鬼叫你窮呀，頂硬上！

>>July 11, 2004 at 4:57:57 PM GMT+8

2004 年 7 月 9 日 星期五 【晴】

放假‧‧‧連放兩日假！
訓醒發覺自己係冇錢搭車
屋企人又走鬼哂，這種情況，真係無奈到爆
想起反正都要食下午飯，不如揾與到最困難時可以伸出援手既好朋友
之後就打俾強，估唔到佢可以同我食到飯
因為我之前都試過約佢，佢都要返工或返學
真係好彩！
同佢傾左陣，行左陣街，食左陣野
佢思維依然令我佩服，佢想的東西都總和我們不同
怪不得他做什麼總可以做到比較特出
他一樣咁瀟灑

今天好特別，唔係返教會，但係係去教會搞既funcion
係沁有份好落力搞既function！
我感覺到佢好用心去做，今天她在台上唱歌
發覺都幾好聽！
今天見到幾多年青人，唔知有幾多會返團契呢
希望會多d啦！男丁實在太小了

完左之後，行左大埔一陣，其實好鬼想買隻米奇老鼠錶
不過我發覺只有元朗有得買
見到唔見左既銀包响tough果度有得買！
十分無奈！點解唔見左銀包又要俾我見到佢有得買

昨晚同張浩宜傾左一段時間，都好耐同佢傾偈了
佢好似幾開心咁，哈哈！
見到佢相薄d相，真係都唔知點講，好難形容‧‧‧
只好嘆氣！

呀！楚霖聽日約我游水！

回家時突然想剪頭髮，就揾addy幫我搞搞個頭
我都跟佢好幾次了！佢剪得唔錯
至小我都覺得佢剪得很好，又唔係貴
有咩人想剪頭髮可以叫我帶佢去！
今次兩邊剷得仲勁！
其實係剪定去美玉到飲

都係時候攞弱能身份証了

今晚本來睇哈利波特，不過睇睇下訓著左
起身係因為歡打來！佢好似好多野煩

>>July 11, 2004 at 4:19:54 PM GMT+8

2004 年 7 月 9 日 星期五 【晴】

今天阿詩由雲南回來，不過第二個又出團
真係多團出！佢地就好啦！成鬼日有得搭飛機！

下午自己一個食飯，去百佳買$9.9飯！因為冇哂錢
有計，飯都冇得同佢地食
今天carrie喊，有點兒傷心添
因為佢miss實在太衰了！

阿歡、小白‧‧‧等人來到沙田想攞台灣資料
之後出左去見左佢地一陣，放工時佢地仲未走
又同佢地行左陣，因為我要等RYAN 踢波

今日對通利琴行，估都估唔到
旅行社同琴行點都拉唔上關係
但係我地又成日對佢地喎，搞笑到爆
仲要去到太古城

返到粉嶺，全身得六毫子，跌左銀包的後果就係咁
今晚hody同我傾左陣，正！

>>July 9, 2004 at 6:08:50 PM GMT+8

2004 年 7 月 7 日 星期三 【晴】

今天俾人誤會，誤會就由佢啦！
愈係解釋，愈係覺得我為自己辯護
做衰人要做到盡，如果唔係就會冇用
我決定唔理咁多‧‧‧住
有必要先理！

阿can今日返青衣，即係冇王管！
今日好遲先開單！又點覺得唔好意思
所以係咁收客，不過成績都係麻麻地

昨天阿翹來沙田請野我食！真係好
借左廿蚊俾我！不過我用哂塔車
我冇錢食野，成晚都餓住！聽日都唔知點算
而家一個仙都冇，點返工呢
跌左銀包真不方便，買個包食都唔得
今日要wendy請我食飯！因為我冇錢
佢話下個月先請返佢，真係勁唔好意思

鄒輝同曾健夜晚去游水！估都估唔到
咁多人放飛機！但係鄒輝冇女仔之下都來
入到去，冇乜心機游！攰到爆！
之後曾健同我一齊上左我家食十蚊飯！
真係聽日果餐都唔知點算！

>>July 8, 2004 at 5:16:39 PM GMT+8

2004 年 7 月 6 日 星期二 【晴】

七七事變，係強哥生日！
我完全記得！
我覺得好多人唔記得

阿can今日讚我乖，真的天大的奇蹟！

今日要踢波，其實不太想去！
但係阿興叫到，無辨法唔到！

踢左陣，攰到爆，但入左球波，只是唔小心入左！
係唔係好關我事！
之後約左阿歡！佢話佢著得好怪
我就想起對上果次借師宴！呵呵

見到佢，其實都著得唔錯，但黑色襪會好好多！
送了他後，揾強！
和他傾了很久，打左陣機！
到三點先走，其實我都唔好意思
咁遲先揾佢！
不過我真係眼訓到爆

>>July 8, 2004 at 5:16:18 PM GMT+8

2004 年 7 月 5 日 星期一 【晴】

大清早幫黃美玉返中學派帖！
以極高姿態上陣，一來又著便服
二來又派帖，一個二個以為我結婚！
同阿雲sir葉sir傾左陣就走了

返到公司，佢地未返到！等左兩個字
冇乜事發生，只是靚女新人又來返工！
Elder又落到來check，惡慌了很久！
搞到人心惶惶

回家忘記了今天原來唔洗補習，不過都照去左
因為已經上了車！
不過我寧可唔上車！因為我在車裡唔見左銀包！
仲要補完習先知
真係大件事！

之後去總站揾，揾唔到！返左屋企
返緊時打俾沁！同佢訴苦！
本來karmen叫我打波，我都無去到！唉！

曾健晚上同我去報失！打埋俾強哥講生日快樂！
曾健成日都做好人，扮哂野咁
又整d錢俾我洗，你估我唔知你咩，我唔會要的
不過多謝你！

>>July 6, 2004 at 5:19:49 PM GMT+8