2006 年 12 月 23 日 星期六 【晴】


放工立即去藍灣會合妖怪,Cherry同家慧食宵夜,她們一邊食,
一邊等我,她們叫了好多小食同一人一碗飯,又食一個美麗蛋糕,
我同妖怪傾到好大聲,食完其他食物,我們開始同Cherry慶祝生日,
本來唱生日歌後許願,但我們倒轉了次序,當她許願時,我不停講,
快些嫁給某人,差些俾她打,後來Cherry又送了聖誕節禮物給我
同妖怪個女,妖女份禮物好靚,好想要,但媽媽不給我,
約十一點幾我們先走,之後她們見到有小肥肥換,又想要但唔想買野,
結果找了兩對情侶來換,而我們一邊行,一邊送大家回家


>>December 26, 2006 at 2:11:46 PM GMT+8

2006 年 12 月 17 日 星期日 【晴】


剛好妖怪放假,咁就搵她出來吃下午茶,打給她時,
正在同女睡覺,結果叫到佢出來,不過要我等佢二十分鐘,
我們去了食麥當當,我同她一邊傾,一邊食,而妖女不停食野,
又叫我食,她不停講公司的事又話什麼人,幾大聲,
差些說出大堆粗口,之後,妖女背住我一邊行,去到她公司玩,
後來出了門口玩,她時常叫個女講三個字,我再重新講一次,
以後不要叫你個女講這三個字啦!


>>December 24, 2006 at 6:22:21 PM GMT+8

2006 年 12 月 15 日 星期五 【颳風】


好久沒有同Helen一齊食早餐,次次都約不到她,
這次好難得,本來有Cherry,但她話太寒冷沒有出來,
結果我同她去了滋味一方到吃,吃完了,
我們行了外面一些攤位,結果她買了野,
最後我送她上班!


>>December 20, 2006 at 7:05:12 PM GMT+8

2006 年 12 月 14 日 星期四 【颳風】


一早約Cherry去食什午餐,她遲到十五分鐘,一邊等佢,
一邊食風,我們去了太古食,食到十二點幾,我們去剪頭髮,
本來只有我剪,結果成功叫她一齊,還做了負離子,
我問了個師傅,做一個頭幾長時間,佢答兩個鐘左右,
但最後我陪她坐了四個鐘左右,四個鐘非常悶,她又不給我出去,
最好笑是有一個人幫我洗頭,佢將些水射到我臉到,但不是他幫我擦,
而是另外一個人,真奇怪!何解每一次都發生這些事呢!
四點幾我們坐車去銅鑼灣行,她本來想買野,但都買不到,
而我們不停用玩的形式稱呼對方,行到差不多,我們搭巴士,
結果擠車了一個半鐘才回到家!


>>December 20, 2006 at 6:47:56 PM GMT+8

2006 年 12 月 10 日 星期日 【晴】


雪魚約了我同Alice去食下午茶,結果去到見到雪魚一家人,
Alice都係一貫作風遲到,之後我帶雪女去玩,她們繼續食野,
雪女跑得好快,周圍玩好難捉住佢,有一件事,她們今日才知道,
就是話我穿耳洞,其實我穿了有兩年多啦!証明你們唔留意我,
只有Emily同Cherry一早就知,而妖怪都係前一些日子知道!
雖然穿耳針,都會發覺啦!最後大家行多一會兒,各自走人!





>>December 19, 2006 at 5:30:08 PM GMT+8

2006 年 11 月 29 日 星期三 【晴】


放工要幫黃經理送文件去尖沙咀,仲要五點前送到,結果我坐巴士去,
又擠車,又要被他罵,最後五點四十五分將份文件送到目的地,
才放下心頭大石,臨走時,我走入升降機給一位男先生話,放工時應該開心,
仲要對我笑,真奇怪!我再坐船回去灣仔,跟住會合Emily,Cherry及家慧,
因為她們幫我慶祝生日,大家去了食韓燒,不過有一件事,
一定要講這裡的音樂只有一首,不停播放,一邊食, 一邊玩,
但Emily做了大廚一樣,全程燒給我食,我只有等吃,不知幾好呀!
約個幾鐘,我們走了,四周圍逛,行到差不多,大家各自回家!
最後多謝Cherry請我食這餐飯,及Emily份禮物,我好喜歡,真多謝你們,
如果下一次有機會再約去唱k啦!


>>December 16, 2006 at 4:37:03 PM GMT+8

2006 年 11 月 25 日 星期六 【晴】


我一起身,已經覺得病不可以拖,媽媽立即叫我看醫生,
其實病了一個星期,但都沒有時間去看醫生,唯有在今日才看,
看完都兩點左右,之後吃完藥,再去藍灣會合佢,順便慶祝大家生日,
而我們去了海旁一邊坐,一邊傾,傾到個幾鐘,期間阿媽走過來同我
玩一會兒,她就返去做野,再去遊樂場到玩一會兒,又同小朋友玩,
後來佢送我,真係多謝你的禮物,我好喜歡,但我送給你的,
你都已經有了!妖怪放工就上了我屋企,她同包之妹買了叮噹雪糕,
又買了美心新出的蛋糕,我們一邊食,一邊等Cherry上來,
她想來又令到我屋企好嘈吵!之後大家坐下來看電視,
點知道被我細妹看到妖怪哭,大家立即拿紙巾給她,非常好笑,
真是做左人地媽媽感情可能感覺到啦!她們玩到十二點左右就走!
真多謝小榕,恩兒份禮物同sms,另外妖怪,Cherry同佢妹上來玩,
最後多謝佢陪我!


>>December 6, 2006 at 4:03:19 PM GMT+8

2006 年 11 月 23 日 星期四 【晴】


放工約了阿良一齊去灣仔,順便搵下有咩禮物送給大佬,
之後阿良同阿威和佢女朋友一齊買野,我一邊行一邊等恩兒放工,
終於她放工,我們再會合他們,再同恩兒相討買什麼,
結果買了一個袋同一頂帽,而他們買了一隻手錶,
後來我們步行去銅鑼灣,終於見到大佬,阿麗同佢老公,啫喱,
之後我們步行去這間酒樓,期間不停被人戲弄,雖然我出唔到聲,
但唔好玩我啦!不停食同一邊傾,又拿相機來拍照,跟住阿立又來了,
而芬女約妁十點左右才來,我們再拿出蛋糕來食,這個蛋糕好好食,
還有好多水果呀!之後收到一個開心同不開心的事,
十點幾大家各自回家,這次聚會好難得,大家真係有一年多時間沒有見面,
最奇怪是我每次見大家,我都係出唔到聲,而且係大傷風,
令有些事唔可以糾正過來!


>>November 29, 2006 at 12:56:14 PM GMT+8

2006 年 11 月 18 日 星期六 【晴】


約好十點四十五分,不過她們都遲到,講係小榕同恩兒,
自一年前見大家都沒有見面啦!今次是為了慶祝大家生日才出來,
我們去了灣仔Neway唱,十一點半唱到二點半,開始時只有恩兒唱,
得我同小榕不停吃飯,實在太肚餓啦!後來她都跟住吃,
原來佢出來時吃了兩碗粥同現在又吃了所有食物,真大食,
唱到一半就拿出相機來拍,有一件事一定要講,原來恩兒唱歌超似阿嬌,
後來唱完我們去了銅鑼灣行街,後來小榕約了表弟,得我們兩個行,
約六點幾我們各自回家,這次見面大家都有少許改變,而且咁耐冇見,
大家都傾得好開心,多謝你們的禮物,我好喜歡,
希望下一年我們再約過啦!


>>November 29, 2006 at 5:09:28 AM GMT+8

2006 年 11 月 10 日 星期五 【微冷】


剛好放假想找她們去玩,結果有兩位媽媽約了去街,
都不講俾我知!結果要等她們去完回來才找我,
等下等下六點幾,妖怪同女約我去等雪魚,
等她足足四十五分鐘,就快變化石啦!之後雪魚一家三口,
同我們去了桃源島食晚餐,期間雪女好百厭,四周圍破壞,
又拿了一杯冰冷飲品來飲,之後我抱她去玩,
令她們有一餐好飯呢!離開時,雪女不停要我抱,不知道何解!
又不跟住雪魚同佢男友,一直抱住她到屋企樓下,
點解我抱起佢個女,我都快過大家呢!


>>November 25, 2006 at 3:48:56 PM GMT+8