2005 年 9 月 10 日 星期六 【酷熱】


清晨六點我被一個電話叫起身,點解會咁早起身,而我都好久沒有
試過咁早,仲要係返夜,原因係阿儀今日要走,所以約了大家一齊
去打早晨羽毛球,咁我同妖怪六點半一起出發,而阿儀一早就到了,
咁我們三個人開始打,後來麵包同男友,Emily都到,以我認識emily
這麼長時間,佢唔會咁早起身,我們叫佢飲早茶都唔去,今次都是
為了阿儀,各位都犠牲睡覺時間,大家都係三個對三個,之後大家覺得
我同阿儀好似唔係打,所以我們不停戲弄她們,而某人同妖怪一齊打,
我同麵包一隊去對付Emily同阿儀,期間一齊打又傾談什麼,有時有些
好笑事發生,短短一個鐘頭的運動,非常好玩和好寶貴,後來大家想着
去邊到食早餐,結果有了決定,就是去泉記到,一班人殺上去,一上到去
看見好多公公同婆婆,另外沒有年輕人在這裡吃早餐,我看到都覺得
好奇怪,只有我們這班傻人這麼早才去食,大家終於找到了坐位後,開始叫
野食,一邊等食,一邊等Helen到,而妖怪同阿儀走去了另外一間叫野食回來,
當大家食物到齊,又爭奪食物戰爭,再討論一些問題,後來各人都送禮物
給阿儀,之後大家去藍灣,而Helen就回家,六個人一齊上車,阿儀就開始
拆掉禮物,而我同妖怪好大聲讀出卡的文字,又大聲講野,麵包同某人坐在
另外一邊又打情駡悄,甚至其他乘客同司機都好想我們走,太太煩同太太嘈!
再去了海旁拍下照片,太陽好曬同好難拍照,終於都拍到了,又在商場裹拍,
我們拍下大合照時,有些途人誤會某人係主角,加上他的姿勢似,因此我們
嘲笑他,終於大家要走了,我同阿儀來個擁抱就同各位講再見,之後去返工,
約一點左右阿儀打電話俾我,她上機了,而我不知道同她說什麼好!
這時她同我講一句說話,令我不知點答她,當時真係好想哭,
不過有咁多客人在前面,如果真係哭都唔知道我發生什麼事!
雖然得半日來聚聚,真的好開心,同感受好深,好難用說話同文字表達
這一段時間,不過會留在我腦海中,希望阿儀會讀完她的課程
回來再一起去玩啦!


>>September 27, 2005 at 3:54:13 PM GMT+8

2005 年 9 月 8 日 星期四 【微冷】


放工收到阿儀電話,她話同小銀一齊行,叫我一齊,這時我順便
給她一份禮物和罐頭,而且又要幫小嫻的禮物交給她,所以我
同阿儀要交換物件,當然她來到,我全部交給她,她一邊行,
一邊打開小嫻份禮物來玩,又經過妖怪做野地方,就入去玩一會兒,
之後去了藍灣逛,行到大家肚餓,又未到晚餐時,就去了買壽司吃,
一齊坐海旁吃又傾談下,期間我同她們講嘟嘟生日,就立即打電話俾她,
不知道又講了以前一些事,而內容是Alice和小嫻,後來我們送了小銀走了,
我同阿儀為一些事在跑,她好快跑到屋企樓下,同她說再見!
點都要同嘟嘟講一句生日快樂!而阿儀不是生日都有好多禮物,真奇怪,
而又好多謝你送給我這份小禮物!


>>September 17, 2005 at 5:22:07 PM GMT+8

2005 年 9 月 6 日 星期二 【颱風】


再一次同小嫻去了旺角,這一次要買得到,因為沒有時間了,
而我好快買了兩份禮物,仲快了她,她選擇得好慢,今次我覺
得自己選擇得好好,好適合大家用,其實我在張卡寫的說話,
係想到什麼就寫下去,真是我的感受,之後開始下大雨,
我們快速腳步去坐車


>>September 17, 2005 at 4:58:54 PM GMT+8

2005 年 9 月 5 日 星期一 【暴雨】


放工約了小瑩及小嫻去了銅鑼灣,首先去了皇室堡逛逛,
之後再去了吃一點食物,一邊行, 一邊等小瑩,因為她有一些
事行開,後來見了她們買了好多戰利品,我今日目的是買禮物,
無論是誰都好,總之找到合適她們,而我買了一份都幾適合她,
希望她會喜歡,之後大家想吃雜扒,好可惜沒有,只吃了其他食物,
吃完了再去了時代行,去到時好多店舖都關門,
最後大家一齊坐車走了!


>>September 17, 2005 at 4:41:12 PM GMT+8

2005 年 8 月 23 日 星期二 【晴】


約了好多舊同學一齊去食飯,咁本來約了八點半在銅鑼灣等,
剛好阿儀打電話想去買野,就順便一齊去,又同小瑩和小嫻行街,
一邊行一邊飲野,跟住去了世貿打機,三個人去了玩賽車,
而小瑩看着我們玩,期間我們玩得太瘋狂,有些硬幣掉到不知何處,
因此玩不到十分鐘,我們就離開,再周圍逛逛,這時不到七點幾,
我在心想點解時間過得特別慢,肚子開始餓,大家以慢的腳步行,
終於到了八點十五分,我們步去第二期中心,去到了沒有其他人,
要我們四個人等其他人,足足十幾分鐘,才有四個人來,首先有些人
去定食野地方,而食的地方是打邊爐,出席有首領,panda,may chan,
張俊輝,蔡家寶,Helen,阿貓同道政,這兩個人放了工一齊來,其實約了
好多人,不過有些人來不到,但是今次真係好多人,一共十三個人,
大家一邊食,一邊傾談,又拍照,非常開心,約十點幾,我們走了,
大家在街上討論下一個地點去邊,約十多分鐘,終於有了,就是去了飲野,
我們一班人上去,但是過了一會兒,有些人離開,只六個人左右,
而且又玩遊戲同好高興,一點幾我們坐車回家!這一天真係好開心,
仲約了好多人,真令我永遠留在腦海之中!


>>September 15, 2005 at 7:58:55 PM GMT+8

2005 年 8 月 20 日 星期六 【雷雨】


本來想約Cherry去行街,好可惜下雨,咁等下完雨就出去,
剛好妖怪放工,打電話叫我出唔出去,我就同她和女兒
一同坐車去銅鑼灣,再會合Cherry,期間打電話俾佢,
佢個電話不停飛回屋企,之後我,妖怪同妖女一齊行去
玩具反斗城,過了一會她來了,後來一齊去麥當勞吃下午茶,
這時已經五點幾,吃完再去時代,妖女好細小,行在街上被人撞到,
好彩我們保護她,約七點幾我走了,而她們繼續行,
不知道她們發生什麼!


>>September 14, 2005 at 6:32:16 PM GMT+8

2005 年 8 月 14 日 星期日 【酷熱】


一大清早,已經被人叫起床,問去唔去美食博覽會,仲係最後一日,
之後我,妖怪,妖女同阿儀約定了一齊坐車出發,我們在車裹不停吃糖,
又叫妖女給我們叮,不過係不給阿儀,非常好笑,阿儀姐姐在博覽會做,
所以免費入場,我們入到去周圍行,本來想行完才買,可惜行完再回去,
都已經沒有得買,這裡行了五至六個鐘,期間有些店舖好多人,妖女又細,
只好我們抱到疲倦,就給另外一個抱,她就睡得好興奮,難為我們隻手,
又去了買小食吃,妖怪見到茄菲貓袋好靚,就買給她立即用,
途人看見到都想同她打招呼,之後我們去了茶餐廳到吃下午茶,
這間不好吃又騙人,請大家不要去食呀!後來妖怪想去捐血,唯有陪伴她,
就坐丁丁去,等了一班又一班,都是好多人上不到,足足有八至十班,
咁我們見到有一間買兒童衣服就去了行,再去乘丁丁,去到捐血中心
約六點幾,妖怪準備去捐血,我同阿儀不停陪伴妖女,期間妖女哭,
我們想辦法不想佢哭,這裡又靜又有人看着我們,跟住有一位護士
走過來同阿儀講,你個女哭得咁大聲,之後我不停叫你個女,你個女............
可能個護士終於知道,非常不好意思,其他人都笑,當時我真係好想大笑,
護士又俾捐血袋佢,我們又找腸仔俾佢,佢終於沒有哭啦!當妖怪返來,
我就同她講發生咩事,她都大笑,一路行,一路同阿儀講(你個女要抱抱),
她又趕去同屋企人吃飯,唯有佢送我們去搭車,自己才走,我同妖怪就
不停講現在的事,而妖女睡覺了!


>>September 12, 2005 at 6:51:39 PM GMT+8

2005 年 8 月 11 日 星期四 【酷熱】


麵包同我一齊返早,仲約定去買眼仔,咁我們在灣仔等,
不停行,不停看,而且有好多款式,最後都選擇一款,
之後我們行去銅鑼灣,行了一會兒,我們再去吃晚餐,
跟着大家各散東西!


>>September 8, 2005 at 2:51:31 PM GMT+8

2005 年 8 月 9 日 星期二 【乍寒還暖】


中五生放榜日子又到,今年我們特別緊張,因為麵包同我個妹都是中五,
還記得前年大家放完榜去唱k仲好開心,舊年我們去飲茶,而妖怪帶了
剛剛出世妖女,到了今年又去了飲茶,而阿儀不停講佢當年的事,
出席人有阿儀,麵包,我,雪魚同佢男朋友,仲有一個特別人是他們女兒,
但是有些人沒有來到,令我們非常氣憤,本來之前約定了,去完飲茶仲
有好多節目,可惜天氣弄人,我好想講'希望在明天'一邊飲,一邊下雨,
又轉回好好天,之後約定去踏單車變了唱k,我,麵包,阿儀,Helen同男朋友
去了銅鑼灣信和中心到唱k lunch,足足兩個鐘頭表演,我聽到一對情女合唱,
我們三個唯有自己一齊玩啦!這裡好大間房,玩得好開心,如果下一次去,
要多些人去和一定要夜晚,這樣才好玩!後來Helen同男朋友去行街,
而我們...........去了唱k,仲去了皇室堡,一唱到八點幾,阿儀回家,
我們去了吃晚餐,吃完想去行街,忽然下一場大雨,我們身上沒有傘了,
阿儀走咁快,可能知道有雨,下一次一定要話俾我們知,等待沒有雨,
我們各自回家!


>>August 29, 2005 at 6:37:08 PM GMT+8

2005 年 8 月 7 日 星期日 【颱風】


放工我立即坐車去銅鑼灣會合Emily,而她又未到,
唯有我一個人自己行,等待她來臨,之後我們上了
皇室堡唱,大約六點幾我們開始唱,一邊唱,一邊等
Cherry到,開頭我同她唱新唱,只可惜得幾首新歌懂得唱,
之後全晚都是唱舊歌,可以講係舊歌之夜,每次去唱都有
一個主題,仲要係入到去才決定,跟住我同她不停唱,
不停唱,越唱越激烈同開始失控,好大聲唱,總之咩舊歌都懂得,
或者你們沒有想過同忘記的歌都可以唱,期間阿儀打電話來過來
唱一會兒,不過被我們說服她不好來,我不停想如果俾出面侍應聽到
我們唱這麼舊舊歌,想點解咁年輕會唱成咁,會唔會痴線,一唱唱到
一點幾,返到屋企兩點幾,Emily之母非常擔心,不停打電話來,
一上到車不斷下雨,全身都濕了!


>>August 20, 2005 at 6:23:02 PM GMT+8