2005 年 8 月 6 日 星期六 【酷熱】


放工又要去杏花村借野,忽然妖怪話給我知道,有好多人一齊
去食晚餐,咁我立即答應了她,Vera同Emily想接我一齊去巴西
燒烤到食野,可惜間車去到銅鑼灣擠塞,原本發生車禍才令車
去不到,而她們等了我好久,真是對不起,我們一邊行,一邊等
Cherry到,當大家見面時好似好大聲講野,有些途人看見她們,
都有奇怪眼光看,之後去到巴西燒烤見到妖怪一家人,不過
這間沒有位坐,只有外面坐和沒有冷氣,另外入面要等個幾鐘,
價錢又一樣,最後我們作出好大決定,去了另一個地方吃,我們
一班人行去維園,一邊談,一邊行,仲要好大聲講野,傾下傾下
我知道點解會這麼多人,原因是大家約了去捐血,剛好找到
其他人去吃飯,之後我們去了金柏利到吃意大利晚餐,
我們七個人上去,而Helen後來才到,期間大家想俾食物妖女吃,
可惜她要俾媽媽用奇怪方法才吃到,又傾下大家先前捐血情況,
又約定明日一齊去唱k事情,真係沒有試過有咁多人一齊,
這日算唔算聚會,之後大家提意去吃糖水,都是冇大多人去,
唯有去行行街,大家一齊去了世貿打機,不過有一個小朋友,
不可以入去,最後行了出面就走了,大家各散東西,我和阿儀去
了買野飲,之後上到車見到潘文玉,傾完就回家!
昨日有個廚房人同我堵晚市過了萬二就請我吃六包冰皮,
而我輸了就請肯得基兩筒雞,可惜他錯了,只有萬一,
不過少了幾十元,因此他好激動想再計算,而我就大聲講俾大家知,
佢輸了叫他立即拿出一百二十元出來吃冰皮,其他人都吃來潤去,
明日一定要講俾全部人知道,有人輸了錢,仲要輸了給我!


>>August 19, 2005 at 7:38:10 PM GMT+8

2005 年 8 月 1 日 星期一 【清涼】


我,阿儀,Helen同Emily一齊去吃日本料理,一邊食,一邊玩,
又講笑,仲談論到其他人,之後大家吃飯,而我是最後一個
到都可以快過第一個到的阿儀,她仲想偷吃我們的午餐,
約兩點幾我們走了,後來同阿儀講再見,就同Emily一齊去探
Helen工作地方,佢做個到好靜,只有我們三個人,我們量度高度
和體重,然後我們行去郵政局幫她寄信,再去找包包工作地方,
我同Emily一邊看產品就同包包講野,(因為不要俾人發現我們認識)
玩完間店舖我們走了!本來一邊行就同Emily講想去銅鑼灣,
佢又唔想去又去過,最後敵不過魔鬼的對付,而去左太古行,
不停行不停玩,又買了頭飾同玩具,後來我去了看溜冰,
而她去了買雜誌,又想問我一些不懂的歌手靚唔靚,
我當然唔懂啦!之後我同她各散東西,而我去了灣仔吃自助餐,
出席人包括黃經理,梁小姐同佢個女,阿茵,金英,全程都是蕙蕙
幫手拿野食,唔駛自己去拿,我仲吃得好飽,(可以講幾日唔駛吃飯)
又有黃經理請我們吃,真係開心,幾十點鐘我們各自回家!


>>August 6, 2005 at 5:17:35 PM GMT+8

2005 年 7 月 23 日 星期六 【暴雨】


深夜時分,我撞到他和另一位朋友一齊放工,
他步伐好急速,連我同趕不上去,慢慢看住他
的背走了,他很喜歡吃糯米雞,每次都要,
有時都會沒有,一邊看了他走了!


>>August 19, 2005 at 6:18:28 PM GMT+8

2005 年 7 月 16 日 星期六 【晴】


雖然我離開這裡不算長,但有時間一定回去看看,
一入到去大部份沒有改變到,只可惜有一些改變了,
而我走過去打招呼,其他人見到我好熱情,
我當然見到她們非常開心,而且問我食咩野!
但是有一個人永遠不會忘記,他從這裡叫我,
我都好開心,沒有因為某些事,當初是自己不對先,
唯有忘記將某些藏於心底,最後沒有同他交談同見面!


>>July 28, 2005 at 11:51:04 AM GMT+8

2005 年 7 月 13 日 星期三 【酷熱】


好難得我們一齊放假,而我們又約了Miss莊吃午餐,
包括Emily,Cherry,阿儀,妖怪同妖女,我同大大,
咁我們約定十二點四十五分在茶軒,但有些人遲到,
而早到的人非常肚餓和主人家還沒有到,所以做了
一個決定就是叫野食,之間妖怪同Miss莊來,
大家高高興興食野同傾談,又傾下以前讀書時事情,
又同妖女開玩笑呀!又教我們結婚後點樣,同何sir相處
怎樣,剛好小濤又在對面工作,走過來同我們傾一會兒,
又談論小濤係妖女老公,他一定要討好妖怪,可惜妖怪
不接受這段婚姻,因為年齡差好遠,期間坐在這裡有好多
舊同學經過,一坐坐到二點幾,本來是我們請客,結果她請了,
(上一次又係),後來我們去了旅行社收集資料,跟住去了
仙棕岩到飲野,一邊談論,仲計劃點樣衣服和行程,
約六點我,Emily,Cherry一齊坐車去筲箕灣再逛,最後都是行,
而Cherry送我上車.


>>July 27, 2005 at 7:20:19 PM GMT+8

2005 年 7 月 10 日 星期日 【酷熱】


本來約定去踏單車,可惜大家遲起身同唔識點樣去,之後
我們約了兩點幾坐車去西九龍,我們一下車就入左買
珠珠店舖,一行就行左個幾鐘,我們買了材料造,之後
我們去了西九龍中心逛,首先我們由最高層行先,
一見到有貼紙機,我們入去拍,結果一日一張卡,
再入去遊樂場,這裡有幾個小朋友一齊玩賽車,玩到好激烈,
咁我們看到目不暇給,後來去到溜冰場,見到六點就二十五元,
差不多六點,她拉我去溜冰,而她又非常想玩,可惜我不懂,
唯有我們繼續逛逛,再去買野食,而十點幾約麵包去吃糖水,
所以我們好早就走啦!一去到明記,我同阿儀叫定野食,
一邊等一個遲到的人,原本想叫遲到人請大家吃,她又沒有錢,
我們吃到好急,因為阿儀有門禁規條,所以好快就走了!


>>July 24, 2005 at 6:34:38 PM GMT+8

2005 年 7 月 9 日 星期六 【清涼】


一大清早,被人叫醒起身,本來係燒野食,點不知妖怪話
下雨就不去,咁我們去了飲茶,有妖怪同妖女,阿儀,嘟嘟,
雪魚同男朋友,我,我們上了柴灣飲,一去到不停叫野食,
而妖女個吃相好奇怪,最後都要媽媽幫助,當日妖怪個造
非常好笑,有雨傘同背包,飲完茶覺得時間尚早,咁找野玩,
我們想去打羽毛球,可惜沒有場地,最後去了圖書館,
妖怪找一些圖書給妖女講,如果講不到就用腸仔騙她,
她就會講啦!我們踏出圖書館門外,妖怪話去燒野食,
咁她和阿儀回家放圖書,而我,妖女同嘟嘟不停在新翠逛街,
期間妖女睡着了,終於過了兩個鐘頭,她們才回來,之後我們
一齊等Emily才出發,入到龜背灣已經四點幾五點,之後我
同阿儀去買用具,而妖怪,妖女同Emily下去前,我經歷一段
超級長的路及樓梯,終於到達燒烤場地,我們開始燒都五點幾,
過了一會兒,Helen同阿蟬來了,又買了好多野,之後大家一齊
排排坐,一齊燒野食,而我燒的牛扒係最最好味,又有燒焦,
不過其他人就唔得啦..................呵呵!黃昏時,我妖女同阿儀
落去沙灘到玩,開頭妖女好驚沙,之後我同阿儀不停將沙堆積
在她腳下,又堆積龜同豬玩,我當然在沙堆寫上"馬來西亞"字,
令她不知道好笑定哭,八點左右麵包超人一個人來,在她來臨時,
從山上聽到一把好大聲叫,原本是麵包見到蜘蛛,大家又開始
傾談以前燒野的日子,另外又回憶上學的日子,到了九點鐘,
妖怪要回家,我們繼續燒,燒到沒有炭,可惜仲有好多食物,
唯有大家各自拿回家,臨走了仲有一班燒野食朋友,玩一些好
核突的遊戲,而我們在此地拍照和放煙火,不知幾開心,忽然
想起要走上超級多樓梯,就想死啦!大家想行快些和一邊傾,
跟住上到去,大家都想飲水同洗澡好辛苦,最後大家一齊坐車
走了!我想同大家講一句,希望下一次不要再選擇這麼多樓梯
去燒野食,最好是有車好快到,而又方便就得,總之唔好咁辛苦
同有好美麗海灘,就好好多,各位記住!


>>July 20, 2005 at 8:02:22 PM GMT+8

2005 年 7 月 3 日 星期日 【晴】


好久沒有試過放兩點半,所以約了二家姐一齊去行街街,
全車途中妖怪打來,話有一件好事講,我當然估妖怪又有了
第二胎啦!點不知道沒有,她就話阿儀回來,這時我沒有太大驚訝!
佢仲叫我立即下車,又話約左好多人去雪魚屋企吃飯,
我就話行完街街才去啦!點不知道每一個人都打電話來叫
我上不上她屋企,又講快些來!後來我同二家上左她屋企,
一入到去看到妖怪同妖女,阿儀,Emily,Helen,Cherry同男朋友,
我們玩了一會兒就有飯吃,點不知道主人家沒有飯吃,
唯有阿儀同Emily去買飯及買零食,期間Cherry同男朋友不斷耍花槍,
阿儀又大聲說話,弄到BB哭了,我們一齊玩遊戲,玩到十點鐘,
我們大家一齊走,而某人送她上車,而我同阿儀坐車返去,
但在車位裹有五元,咁我們下車立即去買雪糕吃!


>>July 17, 2005 at 10:36:18 AM GMT+8

2005 年 6 月 26 日 星期日 【酷熱】


Helen約了阿嬋(阿儀姐姐)同我一齊去唱k,難得Helen
可以打電話俾我,叫我起身,每次都是我叫她起身,
之後我們去了銅鑼灣,因時間尚早,所以去了買粢飯同豆漿,
當早餐吃,跟住我們上去唱,忽然有一件事發生,我感覺好意外,
我們一邊唱,一邊吃午餐,不知不覺,時間已經到了,
真不想咁快完,仲想唱長時間,之後我們去了宜家傢俬逛逛,
行足個幾鐘,後來我們去了食下午茶,再去世貿中心打機,
又玩打鼓同玩賽車,非常好玩,玩到不想離開,而阿嬋要回家,
我就陪伴Helen一齊去面試,再行多一會兒,
我們坐車去西灣河吃糖水,當然有麵包超人,
最後各自回家了!


>>July 17, 2005 at 9:27:29 AM GMT+8

2005 年 6 月 24 日 星期五 【晴】


Helen好悶就過來藍灣找我同她一齊去玩,而她就等我放工,
之後我們去了超級市場買了零食,後來我們坐在海旁一邊吃,
一邊談天,一邊看風景,其間Helen收到好多電話,響個不停,跟住,
我們一齊討論手提電話同看下對方拍攝的照片,一邊坐,
一邊拍照片,坐到七點幾我們就走了!


>>July 10, 2005 at 5:44:57 PM GMT+8