2005 年 6 月 21 日 星期二 【暴雨】


放工約左Cherry同Emily在銅鑼灣行街和吃晚飯,
首先第一站是HMV,因為Emily想買一張唱片,
之後幫助Cherry買衣服去喜宴,行左好多地方都是買不到,
在我們想着去邊到吃晚飯時,先後撞到張佩金,梁榮忠,
還有曾偉亮,咁我們去了法國咖啡店吃晚餐,一邊吃,
一邊玩遊戲,約十點左右,我們再逛一會先,
之後就回家去!


>>July 12, 2005 at 5:07:35 PM GMT+8

2005 年 6 月 19 日 星期日 【微雨】


難得有一日假期,當然要找朋友陪我去玩,Helen一定首選,
因為她最得閒一個,我同她先去仙跡岩吃野,之後我們去太古
行行,去到見到恐龍展覽,不過現在裝飾中,要等二十四號才正式,
其間都有很多途人拿相機出來拍照,非常壯觀,再去買雪糕吃,
一邊食一邊行去冒險樂園玩,後來我們去了銅鑼灣逛逛,
之後我們去了上海店舖吃晚餐,吃完了就回家!


>>June 28, 2005 at 7:27:20 PM GMT+8

2005 年 6 月 18 日 星期六 【微雨】


一早起身返工,返到去見到好多人,收銀排長龍,水吧的客又排到出門口,
之後我同廚房的人講,你們又做唔掂,他們就出去看,點解咁多人,
而我準備完午餐用的物件,就入去水吧幫手,真正第一次早餐會入到去,
我就不停call餐,盡快去了所有人,去到十一點都去不到,我就要走出去
收銀幫手掛牌,之後我就去吃飯,話咁快又到下午茶,下午茶係我最期待,
因為夠多人最好打敗水吧同廚房,三點幾負責人出來收野,他們又排長龍,
我再次幫助他們,只不過一,兩個字就完了,好快已經晚上,雖然係父親節,
但真係會比平時多人好多真刺激,晚上好多餐都好複習,所以好難上餐,
上完了就冇位放其他餐,我慢慢地幫助他們,連負責人都做不切,
其實比起平時多左兩個人啦!這一日過得特別開心,好久沒有打得咁激烈,
連人多都精神,負責人都話我,多人時唔會打錯,而少人時就錯好多,都唔知道點解!


>>June 28, 2005 at 7:25:37 PM GMT+8

2005 年 6 月 14 日 星期二 【暴雨】


放工約了麵包去明記吃糖水,我十點才走,因為有一個
勁煩的客訂了外賣想改,不過好難改,最後做到十點二
才做好,我又做唔到收工的工作,所以遲左,去到了又要
等麵包行過來,佢行過來都要兩個字,之後一齊行去食啦!
某人打電話想叫佢去食野,佢又唔想聽,又要同佢講我們
在邊,我們差不多吃完,某人就出現了,最後麵包送我上車,
他們兩人去了邊到,真係不人知道啦!


>>June 20, 2005 at 5:45:08 PM GMT+8

2005 年 6 月 9 日 星期四 【陰】


Helen自己一個人行完太古再找我去食野,咁我又未收工,
叫她自己一個人行超級市場,這日我才真正感受到五點至五點半,
足足半個鐘頭在水吧係好辛苦,得兩個人真係好忙,負責人有事叫
我幫手,唯有幫助她又要俾佢吃飯,有一個客日日都來買野,
佢見到我在水吧覺得好奇怪,而我只懂得call咪,不懂做飲品,
下一次一定要懂得!六點半才走得,我就打電話俾麵包問佢收工未,
叫佢過來一齊吃飯,我同Helen去定先,邊吃食物邊等佢來,
又講下佢找到工作嗎!結果麵包七點幾才到,佢又叫了小食吃,
之後我們找妖怪落街,而麵包又要俾野佢,Helen等不到妖怪,
只好走了返屋企,妖怪最後九點幾才下來,佢帶了妖女來,
我們一齊去公園玩千秋,一個個玩,妖女坐在千秋好興奮,
佢阿媽沒有氣力交俾麵包,最後人地爸爸放工接女,妖怪不停叫
佢個女同我們講再見,佢唔講又人地爸爸抱了走人,
終於沒有講到,唯有我送麵包上車啦!


>>June 20, 2005 at 5:28:33 PM GMT+8

2005 年 6 月 7 日 星期二 【晴】


Alice再一次打電話叫我起床去吃早餐,而Helen都是同我一樣俾人叫醒,
但是Helen遲過我出門口,重要在柴灣肯得基吃,唯有我同Alice吃快些,
等佢知道我們等了她好長時間,之後,Helen同Alice去了太古,而我去了
杏花村到玩,返到去好多野都變了及人都變了很多.........後來我會合她們,
我們再行吉之島,一邊行一邊買野又講下野,而Helen又約了經理先生,
她就要等佢,咁我同Alice坐車去了銅鑼灣行行,一路行一邊留意飾物,
還買了同一款飾物,大約四點幾Alice要回家,而麵包收六點幾,唯有我
自己一個再繼續行,四周圍逛逛,自己一邊行一邊買朱古力吃,吃完全包
都未夠六點幾,真想走人之時,忽然麵包打來,問我在邊同買野俾我吃,
我當然叫她快些過來,我已經沒有地方可以行啦!後來我們再行去灣仔,
點解會行去,因為麵包講這裹有一間好好的Coffe shop,仲要好舒服,之後
我們上到去約七點幾左右,又不肚餓唯有叫了一些小食吃,一邊坐,
一邊玩遊戲及看雜誌,不知不覺我們坐在這裹約兩個鐘頭,
最後我們一齊行去巴士站到坐車回家!


>>June 19, 2005 at 4:47:59 PM GMT+8

2005 年 6 月 1 日 星期三 【晴】


一大清早已經俾人叫我起床,而Alice返工,我們去了她工作地方吃,
我同大大一齊出門口,而妖怪一家人都有去,我們五個人一齊坐車出來,
Helen會合我們,一共七人坐在大堂上吃早餐又講又笑,Helen不停叫
妖女去對面到玩,她就同Helen玩得好開心,不想離開這裡,吃完了
沒有地方可以去,所以上了雪魚屋企,順便妖怪又想俾野她,
因此我們一班人衝上去,只可以留下幾分鐘,因為她包租婆在屋企,
之後大家去了新翠逛逛,行完了我們坐車入去藍灣到繼續逛,
妖女在遊樂場玩得好開心,不停同我細妹玩,之後又衝入商舖入面玩,
我就同妖怪不停傾談一些事情,後來妖怪送我返工,而妖女同我講再見,
其他人就咁走!


>>June 12, 2005 at 3:29:41 PM GMT+8

2005 年 5 月 22 日 星期日 【暴雨】


昨日晚上收到一個電話,就是妖怪打來,她就話有好消息,
當時我同她講(你有左第二胎!)或者(雪魚生左!)
結果雪魚真係生左,她在上星期四生,仲係生女,繼妖怪之後,
再有一個生左,不知不覺大家已經結婚生育,遲些有可能有
個特別人再宣佈,還記得五年前在一張校園的枱大家圍住傾談,
約定十年後有一個約會,但是每年的今日都有感祝,就是大家開開
心心吃飯,有玩同傾談,不過現在各有各忙,沒有這個機會,
我相信一定有這一天來臨,Emily雖然你近來忙於功課及考試,
好少時間同你傾談,上一次只不過想找人傾談同分享,
如果我有開心同傷心一定要找你聽,到時唔好走左,
仲有係我們幾時去旅行呀!


>>June 9, 2005 at 3:55:02 PM GMT+8

2005 年 5 月 20 日 星期五 【晴】


放工收到Alice電話,佢話剛剛放工,咁我就約佢在藍灣
到傾計同食野,所以我行了一會兒Alice才到,之後
我們去了麥當勞吃開心樂園餐,同她傾左一會兒,
又係講下近況和佢屋企事,後來我們一齊回家去


>>May 25, 2005 at 6:51:32 PM GMT+8

2005 年 5 月 12 日 星期四 【微冷】


妖怪去了上堂,剛好我同麵包又放假,就約了妖怪一齊去行街,
媽媽將個女交給我們,而她坐車去了,我們一邊坐在車裡傾談,
但是妖女好似想睡覺,去到了我們購買一些糖果俾她吃,
而我同麵包拖住她一邊行,我同麵包不停指向高的糖果比她選擇,
但她都想選擇硬糖,唯有我們選擇一些象皮糖啦!之後我們去了
玩具反斗城到逛,我們一邊拖住她,有些人都會撞她,我們都會行
得好特別慢,一入到去,妖女行得好快好快,不停拿玩具玩,而麵包
幫好拍照,後來我們一齊下去麥當勞買野食,仲換左玩具俾妖女,
大約一個鐘時間,我們才吃完,再步行去時代廣場,周圍都是人,
很多人都好高,她再一次俾人撞到,唯有我們保護她行,行了一會兒,
妖怪來到了,她抱起個女問下這樣又問其他,當中我不停同佢玩,
玩得幾好心,仲見到佢好多牙仔,最後我就返屋企,
而她們一齊去了筲箕灣吃晚餐!


>>May 25, 2005 at 6:39:57 PM GMT+8