2004 年 8 月 18 日 星期三 【晴】

岩岩發現左樣勁野呀！
好興奮！！
范曉萱出左碟喇！！
好開心好開心～～


好眼訓
明天繼續

另外有樣新發現（其實係我ｏｕｔｄａｔｅ）
幾好架～　
我幾鍾意－－阿麥書房
特別推薦俾鯇魚．盧詠恩＆肥姐
我覺得你地應該會幾鍾意
http://www.mackiestudy.com/

>>August 20, 2004 at 4:59:17 PM GMT+8

2004 年 8 月 18 日 星期三 【酷熱】

今日特登出去影學生相
唉～勁唔想出街
空氣好差
如果唔係趕住做ｖｉｓａ
都廢事出去

出去之前睇到新聞
英鎊今日兌１４．２２
襯佢跌咪叫家姐幫我唱囉
但佢唔夠錢
叫爸過俾佢
點知呢個麻煩友又嘈喎
變態架！勁憎佢呀！
「唱咩鬼丫，都唔係讀書既
ｓｉｄｅ哂我ｄ錢，
都唔知去做乜既，
又唔係讀書喎．
都唔知讀ｄ咩返黎」
痴線！唔係讀書會攞到
ｄｉｓｔｉｎｃｔｉｏｎ既？！
唔係讀書我洗鬼咁慳？！
用讀書個幾十萬去玩唔好？！
勁乞人憎囉！！
英鎊長期好高加嘛
襯佢跌唱定咪啱囉
開學又要交乜費物費用勁多錢
依家都係同佢慳啫嘛
咁唔鍾意咪等升到１５先唱囉
激氣呀！！！！
９月頭可能去台灣
叫佢打俾姑姐單聲會住佢度
佢又唔講喎
講埋哂ｄ廢話
到到收線都冇提過一句
一陣人地以為我有酒店住
唔理我咪大鑊
提佢又話我有分數唔洗你
最後又冇講
唉！勁唔想同佢講野！
完全唔啱ｃｈａｎｎｅｌ！

影完相去郵局攞ｆｏｒｍ
順便去宜家探史山
點知佢唔洗返工
之後就行新城市
物色禮物俾ｊａｓｏｎ
嘩～真係諗爆頭都唔知買乜呀！！！
行到我腳"ｂｉｋｅ"都未買到
樣樣都唔知點咁
好麻煩呀！
又成日唔小心睇左自己野喎
好多ｂｏｕｔｉｑｕｅ都有秋裝喇
好靚呀！
好快地已經睇中２條褲１件褸同袋喇
但未買到生日禮物之前我係唔會買既
打俾林家欣睇佢買乜
佢一個月前已經諗定喇
我地又討論ｊａｓｏｎ　ｄ野
係咁笑佢
哈哈～好慘～
明明生日都要俾人笑

夜晚去左元６食野
有個人好似中文０
不過高ｄ
返到黎中文０話太陽計劃有周杰倫呀！！！！
仲有ｆｉｒ南拳媽媽同梁靜茹呀！！
超正呀！！！個個都好好！
一聽到就好緊張喇
好想睇！！
佢幫我打去拎飛呀！
好好呀！好感激！
但仲未打得通
聽日我都打埋一份先
但呢排好黑
希望打得通啦～

過多陣欣欣打黎
佢話周杰倫落實左
１１月１１－１４號紅館開ｃｏｎｃｅｒｔ
嘩！！！真係勁傷心囉
又冇得睇喇．．．．．．
唉唉唉！好可惜呀！
身為粉絲都不能出席
我覺得ｃｄ可以唔買
ｃｏｎｃｅｒｔ不可不去囉
灰．．．

之後３人會議打俾謝信講生日快樂
佢就黎考試喇
祝佢考ｉｅｌｔｓ同車牌都掂啦～
原來堂哥已經返左去
佢同ｔｉｍ＆明９月１號都返去喇
超快！
我都時日無多喇
如果真係去得成台灣
咁就得返１０幾日響香港咋！
返黎之前寫左張ｌｉｓｔ要買咩
我發覺一樣都未買過囉．．
所有重要野都未搞
仲未執行李
嘩～諗起都頭痛！！

>>August 19, 2004 at 6:56:29 PM GMT+8

2004 年 8 月 17 日 星期二 【晴】

冇事喇，心情好返好多ｌｕ～

上左成日網呀
仲係咁聽國語歌～
睇返ｎｅｗｓｇｒｏｕｐ
原來ｍｉｓｓ左好多野呀！
好多台灣人黎香港
ｅｇ. 梁靜茹 ｆｉｒ
仲有呀！！
康泰搞左個團去台灣睇杰倫演唱會呀！！
嘩～太勁喇實在
好識做生意！
可惜１０月我已經返左ｕｋ喇
又話佢有幽蔽空間恐懼症同「血拼病」
哈哈～我都有～

個牌好靚呀我覺得～
佢個頭有ｄ搞笑

晏晝傾左好多個電話呀！
好開心～
同個ａｇｅｎｔ傾左半個鐘
下年有個人讀ｍｂａ
佢叫我照顧下佢
哈哈～太搞笑喇
要個ｄｅｇｒｅｅ仔睇ｍｂａ人
講講下先發現
原來好多人都係佢介紹既
ａｄａ．ｔｉｍ．明．ｄｒｅｗ人．健碩．ｓａｎｓａｎ．ｊａｓｏｎ
差唔多全部ｈｋ人都係由佢搞
８到好多野返黎
好好笑～

夜晚係咁玩細家姐部電話
開始有ｄ鍾意３ｇ喇
哈哈～因為有周杰倫睇呀！！！
好勁呀～有國語力頒獎禮
實在太好喇！
細家姐見我係咁玩就話出部俾我
但我唔會要啦
因為實在太大舊喇
而且我去到ｕｋ都冇用
同埋好驚係街到睇野
然後自己係咁笑
好似痴線咁！

因為太耐冇睇電視
見到ｄ劇集都唔想睇
唔小心瞄到蔡少芬件杏色褸幾靚
跟住就睇落去喇
幾好睇喎～

睇返ｄ舊雜誌
嘩～真係超鍾意
ｔｓｕｍｏｒｉ　ｃｈｉｓａｔｏ
今季ｄ　ｉｔｅｍｓ呀！！
好靚呀～～～～～～～～～～～
ｍｕｓｉｃ＆ｂａｌｌｅｔ
好鍾意呀！！！
但好貴呀！！！
快ｄ出黎做野就好喇
最好可以買野唔洗睇價錢
幾開心～

唔小心聽到首歌
超好聽呀！！
林一峰唱〔遇見〕既英文版
真係好好聽～～
Kiss me, goodbye, gone too soon,
I did give you my heart can't deny.
Hold on, let go, never sure,
only can make believe all this time.
Coffee,cigars, not my style,
pretty faces around but not right.
Don't cry, won't cry, I won't cry,
be with you I just close my eyes.
So far away I can hardly make you mine,
so long the day you are always on my mind,
but in my dreams never try to hold you tight,
don't wanna awake find you ain't here by my side.
When I wake up hope you were here by my side...

百老匯電影中心入會有野送呀！
天使愛美麗．藍色大門既ｆｏｌｄｅｒ呀！
２套我最鍾意既電影呀！！
仲有好多優惠添呀
買飛有折，免費借碟，生日送飛．．．
搞到我勁想入囉
但係又就黎走喎
入黎都冇意思咁
ｅｅｅｅｅ
佢九月仲有一連杜魯福電影添呀！
好想睇呀！！！
太過份喇
又冇我份喇．．．

>>August 18, 2004 at 5:52:37 PM GMT+8

2004 年 8 月 16 日 星期一 【酷熱】

今日同時係外婆出殯既日子
但我好遺憾去唔到喇
唯有祈禱希望佢安息啦
同埋ｄ親戚唔好再嘈喇

第一日知外婆有事係５月１７號
佢７月１７號開始入醫院
８月１４號死
８月１７號出殯
９月１４號生日
充滿住１４同１７．．．

晨早出發去廣州
跟住再去深圳
再返黎香港
真係長途跋涉！！！
但總算叫踏足過廣州～
唉～如果王山係度就好喇
有地頭虫帶我周圍行
羅湖唔同左好多呀！！
我真係完全唔識路囉．．．
後尾突然有個女仔走埋黎
問我係咪返香港
問可唔可以一齊行
原來佢一個人去完廣州
頭先有人撩佢
嚇到佢唔敢自己走
我覺得佢好犀利呀！
超勇敢！一個人返大６！
佢升中五咋，細我好多～

去到羅湖
老豆又試自己跳上火車唔理我喇
最後我自己一個返黎
再搭的士
個司機好奸詐呀！
開到好慢，又兜路喎
搭左廿幾蚊呀
痴線架．．．
平時都唔洗咁多既

點解香港都咁熱架？？！
３６度呀！癲架！
同上海根本冇分別
熱死人喇
同埋我有少少水土不服
肚瀉呀．．．
好驚！

唉～真係唔識同老豆相處
一返黎就鬧喇！
仲打添呀！變態架！
十九歲喇我．．．
仲拎刀添呀今次
但我已經冇感覺喇
繼續睇電視～
佢真係無理取鬧架喎
話我做乜事買咁多手信俾人喎
痴線架！都唔關佢事．．．


周小仙生日快樂！！

呢排好多人生日呀
日日都有咁滯．．．
但唔可以慶祝住喇
要過左頭七先得喎
仲未買ｊａｓｏｎ份禮物呀
真頭痛
都唔知買乜好．．．

>>August 17, 2004 at 3:51:41 PM GMT+8

2004 年 8 月 15 日 星期日 【酷熱】

今日成日都執野備走喇
好唔捨得呀！！
都唔知幾時先可以再返黎
ｄ親戚關係好似會決裂咁
得返ｅ媽佢地一家
我叫表姐成家下年再黎香港玩
佢話等小寶大ｄ之後
一齊黎ｄｉｓｎｅｙ喎
叫我快ｄ嫁個大有錢佬
第時黎我屋企間大屋住
但最少都要１０年之後
等我讀埋ｍａｓｔｅｒ先

我都幾想第時黎上海做野呀！
最好係香港出糧
大陸返工！
即係賺港幣，洗人民幣
咁樣好好多呀！！
大６ｄ野好抵！
但空氣好差，好熱
ｄ上海超串，串到爆炸！
問佢野可以鬧返我轉頭
好彩佢地唔識聽廣東話
即刻話返佢幾野


ｉ　ｌｏｖｅ　ｓｈａｎｇｈａｉ～

>>August 17, 2004 at 2:33:09 PM GMT+8

2004 年 8 月 14 日 星期六 【酷熱】

晏晝返去姨媽屋企
好多親戚都黎左
個個都響度摺元寶
我都摺埋一份

原來尋晚全部人都冇訓過
嗌交嗌到半夜兩點幾
我唔係好知發生咩事
聽佢地講舅媽同佢ｄ仔（外婆ｄ男孫）
話要黎分錢
仲郁手打我老豆添
真係冤孽
外婆一死即刻講呢ｄ野
連喪事都未辦就吵大獲
外婆一向都重男輕女
但偏偏佢ｄ仔一早死哂
淨返三個男孫
可憐既係
呢三個人連同舅媽
響外婆走左個晚即刻黎拎錢
好慘！

外婆之前交哂ｄ錢俾我媽
諗住搞完哂ｄ野先算
呢幾條賤人癲到同我媽講
如果依家唔俾錢佢地既話
小心出殯個日有咩事
佢地唔係人黎架！！
我媽話搞哂所有野
應該冇乜錢淨
佢地即刻講到外婆生前
應該有幾多ｐｒｏｐｅｒｔｙ
一定有錢分
仲話唔係謀身家？！
隨時仲清楚過外婆
又命令我媽
ｄ錢一係陪葬一係分左佢
痴線！
關你屁事！
佢地班賤人知我媽係ｄ唔出聲既人
成日講ｄ野黎激佢
又對付姨媽
佢地把口叻
又識得扮野
個個都以為佢係好人
外婆唔識野俾佢地呃哂
依家都睇唔到佢地既真面目喇

唉～我都唔知講咩好喇
太複雜喇
我又知ｄ唔知ｄ
都幫唔到ｄ咩
希望媽咪同姨媽撐得住
好好對付班畜牲啦！

ｐｒａｙ　ｆｏｒ　ｍｙ　ｆａｍｉｌｙ

>>August 15, 2004 at 4:08:53 PM GMT+8

2004 年 8 月 13 日 星期五 【酷熱】

外婆走了．．．．．．



我真係好唔開心
唔開心得好緊要
好想大喊一場
但又要扮冇野
好辛苦...

今日去醫院睇外婆
朝早佢d血流唔到
下半身已經硬哂
手腳冰凍
佢講唔到野
只係呻吟
好辛苦咁

坐到成個下晝
叫媽咪同我出去行下
行到6點先返返去醫院
點知外婆已經走左

我好驚，好想喊
但又要扮冇事發生
我搞到媽咪見唔到外婆最後一面
好內疚．．．．．．
仲要成村走出去搵我地返黎
全部人到齊哂醫院
得我同媽咪唔響到
外婆連壽衣都著好喇
我地足足遲左成個鐘先返

殯儀館ｄ人帶外婆走
全部人送佢上車
我唔知頭唔知路
冇落到去
返黎俾人話做乜唔送佢走
燒野俾佢個陣
我又乜都幫唔到手
淨係識企響度

過幾日就會返香港
唔可以出殯
好似外婆一走我就返去咁

唉
今次返黎上海
好似淨係黎行街食野咁
乜都冇做就走
如果唔係趕住做英國ｖｉｓａ
就唔洗咁快走
如果唔係我嗌媽咪同我出去
就唔會連最後一面都見唔到
如果唔係出左去
就唔會搞到成村人黎搵我地
好似乜都係我錯咁
好內疚呀．．．
我知道呢ｄ可能叫整定
但我覺得我真係好唔岩囉
估唔到大左一歲都仲係咁
生日之後就發生呢ｄ事
好唔開心．．．

>>August 14, 2004 at 3:52:36 PM GMT+8

2004 年 8 月 12 日 星期四 【陰】

ｈａｐｐｙ　ｂｉｒｔｈｄａｙ　ｔｏ　ｍｅｌａｎｅｉａ, ｌａｕｒａ ＆ ｓｕｓａｎｎｅ！

生日快樂　我對自己說
蠟燭點了　寂寞亮了
生日快樂　淚也熔了
祝我生日快樂
《溫嵐．祝我生日快樂
　　　＊周杰倫作曲＊》

「讓我歡送十八　
整個十八　寫進日記簿
即使以後很平凡
這一節亦美好
宇宙還未上色
戀愛還未著迹
來年你共我或會長得更高
然而這段歲月青春不老」

今年可能係我最唔開心既生日
黑色星期五
真係好黑．．．

尋晚開始
上海打風
成晚落雨
訓得唔好
今朝起身
右眼腫左
可能因為尋日吹沙入眼
好痛！

打電話問媽咪今日去邊度玩
佢話外婆"迴光反照"
搞到我好驚.......
外婆成廿日冇食過野
我第一日去到睇佢個陣
佢一直都冇反應
乜都睇唔到聽唔到
今日，佢突然有反應
仲聽到睇到
媽咪問佢知唔知我去過睇佢
佢點點頭
問佢飲唔飲水
佢擰頭
同埋佢今日突然有大大
咁多日冇食野
邊有野去喎
所以個個都話呢ｄ係回光反照
應該就黎會走．．．

於是就去醫院睇佢
本來都好地地
淨係個天有少少陰
點知一出門口就落雨
之後仲要差ｄｐｋ
明明就打風
但係又好翳熱
渾身唔自在咁
唉～總之今日就唔好啦！！
千祈唔好祝我年年有今日．．．

ｔｈａｎｋｓ　ｆｏｒ　ｔｈｏｓｅ　ｐｅｏｐｌｅ
ｗｈｏ　ｓａｉｄ　ｈａｐｐｙ　ｂｉｒｔｈｄａｙ　ｔｏ　ｍｅ～
ｍａｔｔｈｅｗ第一個ｓｅｎｄ　ｉｃｑ　ｍｓｇ
戴靜雯唯一ｄｉａｒｙ留言
ｔａｈａｎｉ唯一ｓｅｎｄ　ｅ－ｍａｉｌ
王山＆黃蕙欣唯一響電話講
中文０最後一個ｓｅｎｄ　ｉｃｑ＆生日歌
但仲未有人親口對我講喎
同埋一份禮物都未收過～

今日係奧運開幕
又係選港姐
仲係周杰倫台灣演唱會公開售票既日子
好想睇呀．．．



行正大運

今 日 壽 星 ： 8 月 13 日


性 格
從 表 面 看 ， 你 跟 家 人 同 事 相 處 融 洽 ， 但 實 際 上 卻 非 如 此 ， 因 為 你 對 不 喜 歡 的 人 即 使 心 千 萬 個 不 願 意 ， 但 表 面 上 仍 會 裝 作 很 要 好 的 樣 子 。

愛 情
你 注 重 心 靈 多 於 物 質 ， 心 靈 的 溝 通 是 你 擇 偶 的 第 一 條 件 ， 這 不 是 說 你 只 要 愛 情 不 要 包 ， 但 當 真 正 有 得 選 擇 時 ， 粗 茶 淡 飯 又 何 妨 ？

事 業
你 一 言 堂 的 作 風 不 易 改 變 ， 總 覺 得 自 己 的 決 定 是 對 的 ， 人 家 提 出 的 意 見 ， 不 分 好 壞 的 就 給 你 否 決 了 。 你 現 在 行 正 大 運 ， 十 一 月 前 有 升 職 機 會 。

好似幾準咁呀～

>>August 13, 2004 at 4:09:40 PM GMT+8

2004 年 8 月 11 日 星期三 【酷熱】

今日又去左城隍廟喇
因為好想食多次個度ｄ小籠包
實在太好味喇～～～～～
又買左少少手信
買左包上海牌既煙俾阿ｔｉｍ
個盒好靚架
又買左樣好無聊既野俾阿明
好岩佢呀我覺得
用黎彈人既丫叉呀～
我又買左２張懷舊ｐｏｓｔｅｒ
其中一張係周璇呀！
哈哈～尋日聽完范曉萱扮佢
即刻好鍾意～

之後去左南京步行街
好多野睇
好多野食
行到好支力．．．
見到旅行團去周莊
好想去！！
但媽咪呢２日外婆又嚴重左
隨時唔得
所以行唔開唔去得
唉～　乜都唔做得
日日淨係行街
好悶呀．．．

夜晚臨返屋企之前
問媽咪聽日會同我去邊
佢話去外公個墳墓喎
好明顯佢完全唔記得左聽日咩事
一.一"


原來 [七里香] 入面ｄ俄文係咁解架～
「我希望人類不要再有戰爭．我希望和我的愛人永遠在一起。」

>>August 12, 2004 at 3:52:25 PM GMT+8

2004 年 8 月 10 日 星期二 【清涼】

今天一整天都沒出去過
本來打算去逛街
但表姐的婆婆（奶奶）
說天氣太熱
叫我留下來不要出去

整天都沒事幹
看了９小時的電視
悶死了！！！
幸好突然看到范曉萱的節目
但也錯過了一半
她彈鋼琴然後媽媽唱歌
還用瑪莉蓮夢露的唱腔
唱ｉ　ｗａｎｎａ　ｂｅ　ｌｏｖｅｄ　ｂｙ　ｙｏｕ
超像呀！！！超好聽！！
又模仿留聲機的聲音
唱周璇的歌
哎唷～喜歡死了！！
太棒了～～～

躺在沙發上看
不小心睡著了
５點半因沒開空調而熱醒
背＆腿都濕了
太誇張了吧？！
室內溫度是３１
真是不敢想像外面有多熱．．．

上網看到一段關於方文山的新聞
他跟他女朋友分手了
真可惜～
原來〔愛在西元前〕是追她而寫的
ｊ１０的〔倒帶〕是分手時候寫的
唔．．．周生＆ｊ１０．．．

>>August 11, 2004 at 5:49:35 PM GMT+8