2004 年 9 月 16 日 星期四 【雷雨】


今朝7點半起左身喇
又冇人理我
所以自己一個響房睇周杰倫

屋企又未有得上網
要等到20號先有
我地全家楂車黎上網
JASON前幾日買左架車
一架好核突既跑車
痴線架
得兩座位
又嘈又扮野喎
勁核突呀真係
個個都彈佢呀

搵mel 同laura佢地
見返佢地好開心呀
好想好似舊年咁呀
返到黎都冇左舊年種感覺既
都唔開心既
唉。

one2free有新周杰倫廣告呀
睇唔到喇
梁靜茹出左碟呀
買唔到喇
唉﹐ 返到黎都唔好既
又落雨喎
最憎架喇
eeeeeeeeeeee


>>September 17, 2004 at 2:20:19 PM GMT+8

2004 年 9 月 15 日 星期三 【颳風】


D時差仲未搞掂
搞到晚晚好早訓
第2朝好早起身
起身之後又冇野做喎

晏晝出左city centre
去左銀行改地址
順便去搵工同training
有時間淨就行左陣街
哎呀
好唔開心呀
見到野又唔買得
我寧願唔行喇

返到屋企
林家欣同佢媽媽講電話
aya唔舒服訓覺
佢地3個男仔響房傾車
得返我一個響房發呆
搞到我有D想喊...
成日都唔知自己為乜要搞到好可憐咁
返到黎完全同我之前諗既都唔同既
諗住一齊住應該會好開心
但係我同林家欣又無端端好似變左麻煩友咁
又搵唔到野做
又洗多左錢
哎呀
好唔鍾意咁呀

夜晚本來出去睇戲
最後都冇去到
留響屋企打麻雀
打打下覺得好頭痛
之後仲好胃痛
仲有D想嘔添
好唔舒服
唉﹐ 我唔想搞到自己好似好慘咁呀。


>>September 17, 2004 at 2:06:13 PM GMT+8

2004 年 9 月 14 日 星期二 【颳風】


全日都留響屋企冇出過街
都係執下野咁啦
好無聊

佢地講左個壞消息俾我地知
原來阿tim架車好耐之前俾人拖走左
一直都未搵返
而我地舊年有D行李放左響佢架車度
依家先發現佢架車已經俾人[湯]左喇
唉..............冇喇
乜都冇喇
我D野呀
依家醒唔起有咩響冇左
淨係記得冇左2張周杰倫poster
仲要係著住西裝架
top-up card & cheque book
唉。好麻煩呀


>>September 17, 2004 at 1:46:28 PM GMT+8

2004 年 9 月 13 日 星期一 【颳風】

搭左13個鐘飛機
凌晨5點幾終於到左英國
11點幾返到CARDIFF
我同林家欣2個既行李
加埋竟然差唔多有我地2個既重量
變態架

jason同阿明黎左接我地
分2次車d行李
阿明買左架2手跑車
雖然未有牌
但都幾穩陣

返到新屋
因為揀房既問題搞到好麻煩
之後就開始執野
執執執執執左成日
好支力

夜晚因為時差問題
好早就訓左喇
林家欣未有房
同我孖鋪先
暖爐壞左
凍死我地

>>September 17, 2004 at 1:38:08 PM GMT+8

2004 年 9 月 12 日 星期日 【晴】

依家係凌晨呀
我驚聽日冇時間打
所以打住少少先

又要走喇
好似過得好快
又好似好耐咁
其實我唔係咁鍾意呢個暑假
所以下年ｓｕｍｍｅｒ好唔想返黎
最開心係去台灣
最唔開心係生日之後個排
但唔開心係佔多數囉我覺得
之前ｐｌａｎ左好多要做
同想做既事都冇做到
又唔係成日約ｆｄ出黎
其實返黎最大既目的係約同學
但好似個個都好唔得閒咁
就算見到都唔會講得好多野
可能走左之後先會發現
好多野想講冇講到
係囉，成日都係咁

不過見到ｄ人既大學生活咁開心
我都好開心呀！
好羨慕呀～
希望我返到去都可以咁啦
真係好期待黎緊既生活呀！
唔知讀ｔｏｕｒｉｓｍ會點呢
同埋同其他人一齊租屋住
應該會有ａｒｇｕｅ
同埋係咁玩．．．
ｄ人聽到新屋既反應通常都係
〔嘩，六樓后座呀〕
〔３男３女喎〕
〔你就好啦可以係咁玩〕
唉～好驚會洗好多錢呀
又驚冇ｐａｒｔｔｉｍｅ喎
希望樣樣野都順順利利啦！
勁努力讀書！
等睇死我既人冇聲出！！！
嗯！！
加油呀！！
你地都要！

希望今次上飛機唔會喊啦。

>>September 12, 2004 at 6:39:15 PM GMT+8

2004 年 9 月 11 日 星期六 【晴】

約了很多人在新城市見面，
首先是肥姐，
跟她到了連城的札榥ｘｘ吃東西
把台灣的手信交給她
自然捲的歌好像真的很合阿肥喔
她也送了遲來的生日禮物給我
是一部ｌｏｍｏ的４格相機
好喜歡唷！！
謝謝你呀肥肥～

接著便約王山到ｂｏｄｙｓｈｏｐ等
再電聯史珊在馬莎門外與她拍照＆手信
然後去沖印台灣的照片
又再回到ｂｏｄｙｓｈｏｐ門外
與戴靜雯見見面
再和鯇魚到仙跡岩喝東西
拿回沖好的相片到ｓｎｏｏｐｙ走廊看
順便等周小仙來

我們整理相的時候
周小仙在一旁講電話
王山完全不知她已經來到了
接著，周小仙從袋中掏出一份禮物
嚇我一跳！
竟然是用周生生包裝的一盒東西
還以為她在作弄我
拆開來才知道原來是一條銀頸鍊
還有ｍｅｌｏｄｙ在上面呢！
然後幫我戴上
差點感動到哭！！
很感人的場面～
真的超喜歡這條項鍊耶！
細心的周小仙還問售貨員
鍊子會不會造成過敏
哎唷～愛死你呀周小仙！！

周小仙在看相的時候
我說錯話了
唉～看到她想哭想哭的像子
真可憐．．．
最運滯的是她發現ｆｉｌｅ不見了
跑到４樓看看
怎麼找也找不到
因為一通電話
令她失魂落魄．．．
陪她找了一下以後
便各自回家了。

吃完晚飯便開始收拾行李
唉～看到一片凌亂的東西
一個頭都變成兩個大
太多塵導致鼻敏感
很不舒服
最後，在媽咪＆大家姐的協助下
完成了八成的耕莘的任務

極度感激鄺浩林的幫忙
完成了很多電腦程式的工作
麻煩了！
還有ｍｅｌｏｄｙ筷子～

晚上收到中文０和周小仙的電話
知道周小仙沒事後安樂多了
希望你們好好的過吧～
另外還要謝謝阿寶
真的很有心，謝謝你嘍～

>>September 12, 2004 at 6:24:17 PM GMT+8

2004 年 9 月 10 日 星期五 【晴】

今朝本來話７點起身飲早茶架
點知冇人嗌醒楊芷穎同我囉．．．

佢地個個都有新名呀
差ｄ唔記得講
ｒｏｓｅｔｔａ＜＜ｏｋ丫
ｇｉｓｅｌｌｅ＜＜＜勁怪！
ｍｏｅｍｏｅ＜＜幾好～

最後我同楊芷穎一直訓到十點
王佩珊已經換好衫返返黎喇
盧詠恩仲上緊堂添喇
得返我地３個食早餐
（＊多謝王佩珊同楊芷穎既小包同豆漿！）
之後佢地２個去聽ｔａｌｋ
得返一個響到ｈｅａ咋
好彩有王佩珊個搞笑咀咀收音機陪我

等到１點幾
我就同盧詠恩霸位飲茶
上一上ｍｏｅ間房執野先
點知俾佢個ｒｏｏｍａｔｅ嚇左一跳
好好笑！
無端端有人響入面開門
嚇死我地！

去飲茶個陣都嗌左幾多野食
仲好快就有添
點知２位「魔王」好耐都未到！
ｄ野都凍哂喇
食完又影左幾張相
之後佢地就返沙田
我出旺角ｌｕ

響車站個陣真係好唔捨得呀！！
唔知幾時先可以再見喇
唉～好羨慕佢地ｄ大學生活呀！
好好呀真係！
等我走左之後可能
大家各有各忙
慢慢就會冇左ｃｏｎｔａｃｔ架喇
唉．．．唔想咁呀！

搭巴士出旺角
途經屯門栢麗
又諗返之前山長水遠入屯門既日子喇
ｄ人又好喎
但今次返黎完全冇搵過楊ｓｉｒ同ｍａｒｙ囉
真係唔好意思．．

出到旺角就去買電腦喇
都幾順利
仲見到２ｒ做ｐｒｏｍｏ添
之後去黃金買埋其他野就返屋企喇

今日超齊人呀！
重來都未試過！！！！
今晚全家一齊食飯
連細家姐男朋友都黎埋呀
好勁呀真係！
千年難得一見
但係我唔記得影相囉．．
ｅｅｅｅｅ！
我地仲有講有笑添呀！
癲架！！！十年未試過喇！！

睇睇下電視仲有周杰倫特輯添呀！
但ｍｉｓｓ左４５分鐘喇
都好過冇既
下個禮拜娛樂大搜查又有周生喇
唉．．．．．．．冇我份！

成晚都搞電腦野
好煩呀！
最憎就係ｍａｔｈｓ同電器架喇！
依家連去英國ｄ野都未執呀
煩死人喇！！！！！
仲冇咁多野要整
得返一日咋
冇喇冇喇＞＜

>>September 11, 2004 at 6:43:17 PM GMT+8

2004 年 9 月 9 日 星期四 【晴】

去尖沙咀行街
買左好多野呀！
哈哈～好開心
一對鞋兩個袋
全部都好抵
總共慳左二千蚊
好勁呀！嘻！
仲撞到林家欣添
好有緣呀我地！
我見到阿祺先架
跟住就見到佢喇
我地２個都好興奮！！
大家都有收穫喔～

之後同媽媽去左半島酒店食ｔｅａ
真係ｈｉｇｈ　ｔｅａ既ｔｅａ
ｈｉｇｈ到爆！
有ｌｉｖｅ既ｍｕｓｉｃ
ｖｉｏｌｉｎ鋼琴ｄｏｕｂｌｅｂａｓｓ
仲有勁好聽既長笛！
超好聽呀真係！！
仲見到好多名人添呀
差唔多全場既女仕們都用ｌｖ
連我媽都係．．．
等食個陣忍唔住攞左個新袋黎用
好鍾意呀真係！！
終於買到ｔｃ喇～
仲要勁抵添呀！！ｙｅａｈ～
ｄ野好好食！！
食到好飽好飽
半島連ｔｏｉｌｅｔ既ｓｅｒｖｉｃｅ都勁ｄ
有阿姐幫你開水喉洗手架！
遞埋ｔｉｓｓｕｅ添
仲有一ｓｅｔ　ｈａｎｄ　ｃｒｅａｍ搽
ｃｌａｒｉｎ黎架！痴線！

ｄ遊客係咁響ｌｏｂｂｙ影相
有個女仔叫我幫佢楂機
一聽就知佢係台灣人喇
同佢講左２句
哈～好開心～

之後就搭車山長水遠地入去嶺南喇
好遠呀真係
搭極車都未到
天光去到天黑．．．
終於見到盧詠恩喇！！
成個ｓｕｍｍｅｒ見過一次咋！
好掛住佢呀！
上左佢個ｈａｌｌ參觀
我覺得幾好呀！
之後又衝返落去見阿薯最後一面
我有少少想喊呀
真係冇機會再見喇
佢又趕住返屋企喎
都冇機會傾多２句．．．

上返盧詠恩房等楊芷穎同王佩珊黎
好開心呀！！見到佢地喇！！
俾左ｄ小手信佢地
跟住又一齊等外賣
我地４個望落去樓下等野食
點知個男人望左上黎
即刻四散
好好笑呀個場面！！

食完之後我地就計劃「屈蛇行動」
唔知乜事呢度ｄ　ｈａｌｌ有看更架
出入要"ｄｕ"學生証
好麻煩！！
我地諗計點樣可以分散看更伯伯注意力
等我順勢鼠入去過夜
佢地用左睇相方法
對個頭埋住睇自己張"巨"相
哈哈～成功地入左楊芷穎棟樓

跟住盧詠恩同王佩珊就要諗點樣過夜
最後佢地用左一個最笨既方法
就係俾廿蚊留宿費
光明正大地響楊芷穎度玩

其實成晚都冇乜玩過
只係響度係咁傾計
王佩珊拎左個好搞笑既收音機黎
真係好得意架！！
超搞笑！
個咀唇會隨著ｄ聲而振動架
哎呀～我都唔識形容
總之就勁得意啦！
好好玩呀！！

本來我地仲想去黃金海岸架
王佩珊問我有咩心願未了丫嘛
成個暑假都冇去過沙灘
又冇燒過野食喎
仲有好多好多野都未做
但最後都冇去到

夜晚我同盧詠恩孖鋪
王佩珊同楊芷穎孖
好快訓著ｌｕ

>>September 11, 2004 at 6:42:59 PM GMT+8

2004 年 9 月 8 日 星期三 【陰】

ｙｅａｈ！！！
返左黎喇～
好開心呀！
未返黎已經想去多次喇
好好呀真係
勁鍾意台灣！
好多野都好好
台灣人好ｎｉｃｅ
唔幫襯佢都唔會ｂｅａｒ你架
仲會笑哂咁謝謝光臨
問路又會教你喎
總之就好好啦
佢地好鍾意講〔歡迎光臨〕
要個迎低音個光高音
好得意架！
ｄ人一時以為我地係台灣人
一時以為我地係日本人
又覺得我地好細個
睇唔出係讀大學
總之成個ｔｒｉｐ都好好啦！
第一次自己咁樣去旅行咋
都叫做好順利架喇
最勁係我地用得好少錢咋！！
對我呢ｄ大洗怪黎講
簡直係奇蹟！
成個ｔｒｉｐ所有野包哂
先四千蚊咋成個禮拜喎！
仲要ｄ錢係用黎食同買手信
都冇乜野係自己既
我覺得自己好犀利呀～

ｉ　ｌｏｖｅ　ｔａｉｗａｎ！

雖然姑姐有時都幾麻煩
但係都多謝佢既
話哂都打攪左佢咁耐
到到臨走個日佢仲係嗌唔出我個名．．．

本來今日約左人飲茶
但因為太攰喇
完全起唔到身
一直訓到晏晝
依家仲好攰
拎完行李之後周身骨痛．．．

我覺得自己肥左同黑左好多呀！
但屋企個磅壞左呀
唉～唔知依家幾重喇
總之就又肥又黑啦

夜晚手提突然響
英國打黎
有把男人聲話唔該ｒｙａｎ　ｗｏｎｇ
嚇我一嚇
原來係"阿灰"打黎
佢話依家訓左響我間房喎
其實我都唔知邊間先係我間房
阿明又搶左電話黎聽
問我有冇買手信
我話買左樣野俾阿ｔｉｍ
勁岩佢
佢即刻估到係變態野喇
好勁呀！哈哈～
佢地話阿文生日黎左屋企開ｐａｒｔｙ喎
佢地就開心啦～
仲有差唔多所有人都返哂
得返我同林家欣未返咋
唉～我都想快ｄ返
但又未買哂野又未執野
又未約人
好忙呀！

>>September 9, 2004 at 4:02:07 PM GMT+8

2004 年 9 月 7 日 星期二 【雷雨】

ｄａｙ７　（ｌａｓｔ　ｄａｙ）＠中正紀念堂，永康街＆中正機場

又係晨早俾姑姐嘈醒左
好眼訓呀呢日
一路行一路話眼訓
本來呢日我地ｐｌａｎ左去
點水樓食小籠包
ｐｓｂｕｂｕ同微風廣場架
但姑姐死都要人去中正紀念堂
好麻煩呀！似足姑媽同老豆！
帶我地去食早餐
個煎蛋都唔好食既

去到中正紀念堂
見到ｄ兵好搞笑！
佢地頂帽勁似煲蓋呀！
立立令架
佢地仲可以勁耐都唔眨眼添呀
變態架！
我同佢地鬥耐都輸左．．．

紀念堂入面有個畫展
係一個死左既癌症小朋友畫架
好叻架佢！
ｄ畫好靚！
３歲個陣畫ｄ畫已經好靚喇
但好慘呀佢
唔夠六歲就死左喇
好可惜呀！
佢仲有個細佬同妹
佢細佬又係叫ｒｙａｎ
個妹好得意
連陳水扁都送花牌
ｄ記者都黎採訪呀
勁！

入面有個魚池同自動販賣魚糧機
好得意～
我地買左筒魚糧餵魚
第一次餵咋
都幾好玩！

姑姐走左之後我地去永康街
佢千叮萬囑叫我地唔好食野
哈哈～梗係冇理佢啦
我地又走左去食冰喇！
超級好食呀真係！
間野又鍾意播梁靜茹喎
好好呀～
又去左食蟹粉小籠包
王山覺得幾好
我覺得麻麻
同上海個ｄ差好遠！！！
南翔個ｄ真係好食到爆炸呀！
好好好好好食架！！！！！

食完行返去ｍｅｅｔ姑姐
點知去錯地方
又打唔到俾佢
又俾佢鬧喇
痴線架！！
好麻煩呀佢！
又話我地做乜行咁慢喎
痴線！你踩單車梗係快架
我地行到勁攰呀！！

去左食一間叫大學城既火鍋
因為係最後一餐
所以我地請佢食
其實ｄ餸都係麻麻
但唔知點解食到好飽好飽
咁多日最飽係呢餐
連雪糕都食唔落喇

食完就趕去機場
超多行李呀！
勁重！！！
仲要６成野都唔係我既！
拎死人！
一個人有５袋行李
勁變態！
又落雨喎！
搞到我好狼狽呀！！
麻鬼煩！

走個陣好似乜都唔順利咁
去錯ｔｅｒｍｉｎａｌ啦
又買漏野
總之乜都唔好咁

ｃｈｅｃｋ　ｉｎ之後要過關
我過先等王出黎
等佢個陣見到張震呀！！
勁型呀佢！！
王山搞左好耐先出黎
等佢出黎之後我地行得好快咁追上去
張震企左響我地前面呀
等過ｘ－ｒａｙ
佢用ｌｖ包包
個女食蕉仲同佢笑添
到我過個陣即刻收起笑容
幾ｃｈｅａｐ呀！

返到黎攞行李又好唔順利喇
麻煩姑姐叫我拎左２箱牛肉麵
點知個盒掉爛左
又濕哂
總之就麻煩啦！
落車又冇手拎野喎
仲要落好大雨添
唉～乞人憎呀！！！

返黎執野執到３點幾先訓
好攰呀！！

>>September 9, 2004 at 2:40:54 PM GMT+8