2004 年 9 月 6 日 星期一 【晴】

ｄａｙ６＠九份，北投＆士林

７點半就起身喇！
咁多日呢日最早
諗住ｄ鋪咁早閂
一定會好早開

因為張ｍｅｍｏｒｙ　ｓｔｉｃｋ用哂
我地去左７－１１買即棄相機
之後返去食早餐
好地道ｆｅｅｌ呀ｄ野食～
仲播住ｄ懷舊金曲添呀
〔夜上海，等著你回來，玫瑰玫瑰我愛你〕．．．

食完ｄ鋪仲未開
所以返上去睇電視
王山訓覺
我睇睇下都訓著左

ｃｈｅｃｋｏｕｔ之後行左陣街
又食多次紅豆蛋黃酥喇
好好食呀真係！！
又食左碗冰豆花
但麻麻地啫
仲見到好多香港人添呀！
有幾個旺角ｆｅｅｌ既少女
癲到拎住隻ｂｌｙｔｈｅ幫佢地影相
好變態！
買埋ｄ手信就走喇
好重呀ｄ野！
一次過買左４包果凍
好好食呀真係！

搭個幾鐘車出返去
落車之後去左間小店食野
間鋪仔好細
但ｄ野都幾好食
仲好平添呀！
王山嗌左雞絲飯同青菜丸丸湯
我嗌左宮保雞丁麵
加埋先２０蚊港幣咋
又抵又好食！

食完就搭捷運去新北投喇
擾攘左一陣先去到
本來諗住搭專車入去
點知要２個鐘先一班
最後我地就搭的士去喇
但個司機又唔識路喎
明明好近都兜左陣先去到
好彩佢都冇收貴我地

我地盲中中去左間叫
太平洋溫泉會館既地方
估唔到都幾正呀！
因為係ｗｅｅｋｄａｙ
所以有ｓｐｅｃｉａｌ　ｏｆｆｅｒ
本來浸一個鐘要１３９９台幣
依家有埋ｔｅａ　ｓｅｔ先１０９９咋
好抵呀！
但ｄ野唔算太好食
另外個ｔｏｉｌｅｔ好靚呀！
好機關咁架
好特別！

食完就去泡溫泉喇！
超正呀～～～～～
我地有私家池
仲有獨立ｔｏｉｌｅｔ同沖涼房
可以焗埋ｓａｕｎａ添呀！
好好呀真係！
浸左一陣就頂唔順喇
因為真係好熱好熱
休息一下再浸過
實在太爽喇！！
好舒服好舒服！！！
浸完之後仲可以去大廳休息添呀！
一邊睇電視一邊睇雜誌
吹埋頭先走
個阿姐仲好好人添呀！
佢話如果冇人趕可以浸多陣
但我地都頂唔順咁熱
佢又教我地搭專車走喎
好ｎｉｃｅ呀～
浸完之後真係好爽
疲勞盡消
面色仲好左好多添呀！
真係神奇～

搭返捷運去劍潭士林夜市
俾我想像冇咁多野食喎
好多野都差唔多咁
我地食左豪大大雞排
真係超級勁大塊呀！
大個我塊面好多！
好好食呀呢個！！
仲有鐵板燒同蚵仔煎
都好好食～
有個野叫大包包小包
好多人排隊咪試下囉
麻麻地啫嘛
都唔知有乜咁勁
仲有一間食花枝(火庾)
多人到冇位坐
點知一ｄ都唔好食
仲有ｄ難食添呀！
又食左個冰
桃，芒果＆奇異果牛奶綿綿冰
個冰好好食呀！！
仲勁大盤添呀～
好抵食！
我仲好勁咁飲苦瓜汁添呀！！
平時連苦瓜都唔食加嘛
但最終都飲唔哂
實在太苦同飽喇．．．

買左條ｍｅｌｏｄｙ短褲仔
本來冇諗住買架
但越睇越靚
個老闆娘仲好好咁平俾我添呀！
哈哈～
另外又買左支風騷筆
ｘ’ｍａｓ　ｔｒｅｅ黎架
ｌａｓｔ　ｏｎｅ喇
好靚～

搭車返去個陣王山有樣搞笑野
我地響到用國語估名
我俾佢估阿ｔｉｍ個中文名
ｌｕ　ｔｉａｎ　ｈｕｉ
佢估黎估去都估唔到
後尾佢估陸添〔灰〕
笑死我呀！！
仲話阿灰阿灰咁喎
哈哈～勁似ｄ鄉下音呀！
平時ｄ人叫阿明做明仔／明哥
王山又話不如叫明叔喎
好搞笑呀～

呢日成日都好好呀！
個溫泉真係超爽
不過都唔夠淡水九份個日咁好～

>>September 9, 2004 at 3:36:43 PM GMT+8

2004 年 9 月 5 日 星期日 【晴】

ｄａｙ５＠淡水漁人碼頭＆九份

超鍾意呢日呀！
成個台灣之旅最好既一日
好正～

我地好早起左身喇
之後搭捷運去淡水
好好太陽呀呢日！
好曬但好靚～

一落車就見到河濱公園喇
即刻諗起周杰倫作俾ｓｈｅ首歌
好好聽～
好靚呀個度！！
之後就入去淡水老街食野
但因為太早ｄ鋪都未開哂
見到有間鋪有好多ｍｅｌｏｄｙ
入左去買左少少野
個老闆娘好熱情
係咁介紹ｄ　ｍｅｌｏｄｙ野俾我
仲送左條手巾仔俾我添呀！
好好呀！

過左隔離間ｂｉｒｋｅｎｓｔｏｃｋ睇鞋
有對鞋幾靚架
但冇ｓｉｚｅ就算ｌｕ
最勁既係我著到童裝鞋呀！！

我地響淡水老街食左阿給同魚丸湯
幾好～
但搵唔到周杰倫讀既淡江中學呀！
我地見到淡江小學，淡江大學
係見唔到淡江中學．．．
太過份喇！
同埋搵唔到周杰倫以前成日幫襯間食店

之後我地就行返去搭ｒ２６入漁人碼頭
超靚呀個度！！
狂影相呀我地！
行陳水扁命名既情人橋
行完去左間ｃａｆｅ飲野
個ｖｉｅｗ好靚！
對住個大海景
仲狂播周杰倫同ｆｉｒ添呀！
幾好呀～
淡水真係好靚好靚呀！！
雖然好曬，但有ｄ海風好舒服～

之後我地又搭返捷運出去
再搭個幾２個鐘車入九份
成程車都係咁訓．．．
入到去啱岩黃昏
睇到日落呀！！
好靚好靚！！
靚得好緊要！
但好可惜我地部相機冇哂
ｍｅｍｏｒｙ　ｓｔｉｃｋ
要ｄｅｌｅｔｅ　ｄ相先可以再影呀！
唉～　ｓｉｄｅ哂！

我地好快就搵到要住既民宿喇！
好靚呀間野！
又抵喎！
叫做〔九重町〕
我地ｄｌ左張７５折ｃｏｕｐｏｎ
平左好多呀！
仲送２杯野飲同早餐添呀！
個服務員仲好似鄭融架～
安頓好哂就即刻去食野喇
好肚餓呀！
王山食牛肉麵
我食ｗｉｔｈｏｕｔ肉絲既榨菜肉絲麵
煮得好慢好慢
我好肚餓好餓．．．
食完野就行下
點知ｄ鋪已經閂門喇
８點都未到呀！
超早收檔！
得返幾間仲開住咋
幫襯左間野食紅豆蛋黃酥
好好食呀！！！
個老闆娘住好好人
佢識講少少廣東話架
好勁呀！
佢話因為呢度好多香港遊客喎
又去左食九份好出名既賴阿婆芋圓
開頭仲驚係假野
因為呢度好多阿媽阿嬤阿弟呢ｄ
後尾試食覺得好好味就幫襯喇
間鋪ｄ人好好呀！！
個老闆估到王山係香港人
跟住話我應該係台灣人呀
哈哈～好開心呀
有人以為我係台灣人～
個芋圓好好食呀！
有好多隻味
地瓜，綠茶，黑芝麻同另外２隻
唔記得係咩ｌｕ
但係食到好飽好飽

去左睇附近間ｃｏｎｄｏｍ　ｓｈｏｐ
買左本好似ｐａｓｓｐｏｒｔ款俾阿ｔｉｍ
啱哂佢．．．
之後行左條好窄既路
兩邊既小鋪都好靚
諗住影下ｄ相
點知見到勁多甲由
嚇到我死
勁想快ｄ走
拿拿臨影完就走
沿途都勁多甲由
我捉住王山係咁嗌
ｄ途人見到仲以為我地研究甲由．．．

我地行行下發現迷左路
見到間屋有個阿嬸開住門食緊野
於是走入去問佢
佢指前面條石梯話行上去就係基山街
點知一行上去就係我地住個間民宿喇！
勁搞笑喎
岩岩好我地就返入去喇
上左５樓飲ｆｒｅｅ　ｄｒｉｎｋｓ
好好飲呀！！
仲有夜景睇添呀！
勁靚呀！
又有雜誌睇喎
但係陳年（２００３）雜誌
佢仲播ｄ好舊既歌
突然有范曉萱同王力宏合唱既雪人添呀！
好舊呀真係！

飲完就返房睇電視ｌｕ
超正呀！
痴線架！有成９０幾個台呀！
每台睇一分鐘都睇個幾鐘喇！
好多野睇呀！
仲睇到周杰倫添呀！
幾興奮呀～
有個ｐａｎａｓｏｎｉｃ手提電話廣告
佢彈琴呀～
部電話仲幾靚添架
唉～搞到我有ｄ後悔買左ｓａｍｓｕｎｇ
王山又潑人冷水喎
話成個廣告淨係彈下琴
講左５隻字就可以袋百幾萬喎
佢好快就訓左
我一個人繼續睇電視

>>September 9, 2004 at 1:10:08 PM GMT+8

2004 年 9 月 3 日 星期五 【晴】

ｄａｙ４＠書局街＆西門町

我地買早餐響捷運食
點知原來唔食得野架！
我地俾人話呀！

去左書局街
都唔係太多書買啫嘛
我想買既書一本都買唔到！
買左ｄ野俾林家欣同ｊａｓｏｎ
之後去左光華商場
簡直係信和＆黃金既混合體！
執到正野呀！
有本周生做封面既舊雜誌
本來四十幾蚊港幣
依家１０蚊都唔洗～

跟住行去搭捷運
見到星巴克
好抵呀ｄ野飲！
平過香港好多呀！！
我地飲ｓｔｒａｗｂｅｒｒｙ　ｆｒａｐｐｕｃｃｉｎｏ
港幣２４蚊都唔洗
抵到爛呀！！
個姐姐仲好好人添呀！
佢個度要寫名響個杯度
我聽唔清楚佢問咩
ｐｒａｄｏｎ左佢
佢好辛苦咁諗句英文問我ｓｕｒｎａｍｅ
哈～好好笑
又問我係咪黎台灣玩個ｄ
我地要搭枱坐
個女仔又係好好人
佢響度睇報紙
娛樂版頭版有范曉萱周杰倫同孫燕姿呀！！！
因為星期六台大體育館有頒奬禮
佢地都有份出席
本來諗住去睇架！
但又唔識去喎
黎到台灣都睇唔到．
佢睇完之後仲留低左份報紙呀！
嘩～幾開心呀我！
即刻好核突地攞左呀！
周杰倫攞左５個奬呀
超勁！！！哈～

搭捷運去西門
諗住睇戲
望下地圖邊度有戲院
一睇，勁誇張！
一條街有９間戲院！
癲架！！
我地去左最近個間睇〔三更２〕
就夠鐘入場
去左附近買野食
食左好多野呀！
好好食呀！！
超平好食既花枝丸
大舊沙茶熱狗腸
國王沙威碼（雞肉ｃｈｅｅｓｅ包）
呢個老細好惡呀！
好唔鍾意佢！
雖然好好食，但下次唔會再幫襯

個戲院又係好舒服呀！
但同京華城差好遠～
我地覺得呢間似又一城個隻
可想而知京華城係幾咁正！
冇乜人睇呢套
麻麻地好睇啫
但都有ｄ驚
餃子個結局有ｄ唔同
我覺得３套最唔好係呢個

睇完戲又食過
食串燒同冰
台灣ｄ冰真係好好食！！
又平又大兜！！
好抵呀！
個間野好得意
成間鋪都可以俾人塗鴉架
睇到有人寫
〔ｉ　ｌｏｖｅ　ｙｏｕ　ｂｏｙ’ｚ，
你地紅硬呀！支持你地！〕
好搞笑！
我地都寫左野～
好好玩
又買左ｄ手信返黎
好重呀！拎死左．．．

呢日都幾好
但係好無奈地俾姑姐勁鬧囉
痴線架！
好麻煩呀佢！
同老豆一模一樣呀！

>>September 9, 2004 at 11:15:15 AM GMT+8

2004 年 9 月 3 日 星期五 【晴】

ｄａｙ３＠五分埔，京華城，紐約紐約，華納威秀＆新光三越

食完早餐之後就出發去五分埔
諗住會有好多野行啦
點知運吉的．．．
搭的士去京華城
個ｍａｌｌ好大呀！！！
有全城最貴既戲院
我地梗係唔執輸啦
買完飛就去買野食
我地買左個好大好大既可麗餅
食左半個已經好飽好飽喇！
好好食呀！
我地坐響附近食
好勁呀我地！
見到奧運金牌選手呀！！！
台灣有奬個ｄ都響到呀

王山買左杯野飲先入場
買完先發現有張ｃｏｕｐｏｎ冇用到呀！
幾唔抵呀！
之後又發現原來買ｐａｃｋａｇｅ抵ｄ喎
我地以後只可以食爆谷汽水
點知原來其他都得架
蝕哂喇！

我地睇西片〔ｔｈｅ　ｔｅｒｍｉｎａｌ〕
中文叫〔航站情緣〕
有Tom Hanks & Catherince Zeta Jones 做架！
香港仲未上架
幾勁呀我地～
個戲院好靚添呀！
好豪華架！
坐得超舒服！！
張凳可以挨後架！
痴線架～正到爆！
我地買學生飛先６０蚊港幣咋
好抵呀！
套戲超好睇呀呀呀！！
ｔｏｍ　ｈａｎｋｓ做得好好呀！
好勁呀佢！
有ｄ位仲好好笑添呀！
個題材又好特別喎
總之就勁好啦！！

因為入面好凍
出黎即刻用ｃｏｕｐｏｎ
飲左杯ｍｏｃｈａｃｉｎｏ
幾好飲呀！
呢個商場好大
我地淨係行左幾層咋
去左間可樂野
好靚呀ｄ野！
買左ｄ俾ｍｉｋｅ
行完就搭免費車去
ｎｅｗ ｙｏｒｋ ｎｅｗ ｙｏｒｋ喇
有穿梭巴士搭好抵呀！
附近勁多ｓｈｏｐｐｉｎｇ　ｍａｌｌ
我地唔夠時行呀！
都冇乜點行
蝕哂．．．
好想行新光三越呀！
有ｊ- ０１同ｙ３呀
ｅｅｅｅ．．
睇唔到喇

響７－１１見到好多本雜誌
都係周生做封面
有６本呀！！
超犀利！
但我淨係買左一本咋
都冇時間睇．．．

呢日食左好多野
早餐食姑姐買既雞蛋糕
（哈～諗起園遊會ｄ歌詞）
度小月肉燥飯同擔仔麵
雪糕，甜不辣，起司球＜＜呢個超好食！！勁推介！
食呢個個陣見到個好ｃｏｏｌ既細路
好得意架佢
但係又唔ｓｈｏｗ我地喎
響ｍｕｊｉ買左包桃味糖
新出架！好好食！
飲左樽奇異果汁
仲有西芹鳯梨汁
響ｓｏｇｏ買左支寶礦力ｂｂ
所有野都好好食！

呢日都幾多特別野
我著短褲出街呀！
好勁！
另外見到好多香港人
佢地都好鍾意ｂｅａｒ人
好易認！
我地仲做左好多白痴野
成日問人路
其實我地要搵既地方就響隔離
有次我地以為好遠
諗住搭的士
問人邊度搭
佢係咁叫我地行
原來行１０分鐘都唔洗
好低能！

ａ　ｎｉｃｅ　ｄａｙ～

>>September 9, 2004 at 10:45:29 AM GMT+8

2004 年 9 月 2 日 星期四 【晴】

ｄａｙ２＠忠孝敦化

呢日姑姐跟埋黎
所以有ｄ無聊．．．

晨早起左身
ｈｅａ左陣先出去
本來ｐｌａｎ出去食
點知姑姐熱情地話要帶我地出去
做左我地大半日既導遊
去左永和食早餐
叫左杯豆漿同燒餅夾油炸鬼
無啦啦又帶左我地上證券行睇股票
好無聊呀！

之後出去敦化南路
行左好多好多路去搵
范曉萱媽媽間餐廳 － 庭園
又曬又熱
滕黎滕去終於到左
點知間野執左囉．．．
好慘呀！
山長水遠黎到
但已經冇左
唉～好可惜呀！！！！＞＜

之後就無癮地行去敦化一段
陪姑姐去左訓健康床
ｄ人話我地３個似喎
一ｄ都唔覺囉．．．
等佢搞掂之後就向周杰倫間古董店
（ｏｍｎｉ　ｂｙ　ＪＦＫ）進發
搵左好耐終於搵到喇！
狂響門口影相呀！！！
哈哈哈哈哈哈！
好靚呀架車～
間鋪都靚
好懷舊呀！
但冇乜野買
想買ｄ野做紀念
都揀唔落手
有傢俬，手袋，大烏蠅眼鏡
仲有６０年既衫
影完一堆相之後就走ｌｕ

附近有間ｆｒａｂｏｉｓ專門店
個裝修好特別呀！
特別到都唔知佢開左門
ｄ野平過香港少少
但貴日本好多
有對鞋好靚但好貴
冇買到．

之後忠孝東路行地下街
唔算太多野睇
我地睇中左把遮
但姑姐唔俾買
唉～好麻煩呀佢
後尾佢走左我地先ｆｒｅｅ ｄ咋

我地行左去誠品
門口有個〔向左走．向右走〕既野
好靚！！
仲有個女人同佢２個仔拖住３隻狗
超得意呀隻小狗
米格魯～
抱住佢影相
可愛死了～
仲見到個好勁既法國人
佢派傳單俾我地
我地就嗌佢楂機
佢識講國語架！！
好勁呀！！！
仲好法國人添呀個樣
好靚～
響門口ｄ地攤行左行
有個男生賣ｂｌｙｔｈｅ
＊係男生！
佢把仲好ｃｕｔｅ添架
有ｄ噁心
佢見到王山扣住個ｂｌｙｔｈｅ
就話：咦？！你都有小酷呀？
我個ｄ識眨眼架～
真奇怪．．．

食左好多野呀呢日
去左永康街食冰
好大兜呀！！！
超好食！！
仲有牛肉麵
好食！
去左杰倫間鋪附近既餐廳食野
好靚呀間野
超靚勁靚！！！！！！
好鍾意個度呀
真係靚到爆炸呀！
好懷舊ｆｅｅｌ架
ｄ裝修又靚喎
仲張張枱同梳化都唔同ｓｔｙｌｅ架
好特別呀！
之後去左隔離間ｐｕｂ飲野
又係好靚架！
我地仲發現原來佢地係同一個老細開架
個老細好ｙｅａｈ架
仲幾核突添
著７０年代既衫褲
長長地少鬈頭
擔住支雪茄．．．

臨走之前又去多次杰倫間ｓｈｏｐ
見到有架靚車駛過
我地懷疑係周杰倫呀！！
哎呀～ｍｉｓｓ左喇
因為黑蚊蚊唔敢肯定
但後尾諗諗下真係有ｄ似佢
架車好靚啦，貼哂黑蚊蚊既玻璃貼
楂車個人ｄ陰遮哂個頭
個女仔坐響隔離
仲響間鋪門口駛過
極有可能係周生喎！
唉．．．冇喇
見唔到喇！

本來諗住去市民大道籃球場撞佢
但唔識路，淨係響附近兜
俾我地見到間食日本野〔自然風〕
報紙話周生同ｊ１０去過撐枱腳
響門口影低左間野

呢日都ｏｋ
冇左姑姐響到會好好多囉。

>>September 9, 2004 at 10:04:25 AM GMT+8

2004 年 9 月 1 日 星期三 【晴】

晨早四點俾老豆剷醒左喇
痴線架！鬼死咁緊張
明明搭８點機
５點半先有頭班車
都要咁早叫人起身趕人走
５點３已經落到車站喇
眼訓死我．．．

等車個陣諗住ｔｅｘｔ　ｍｓｇ俾盧詠恩
因為之前個晚佢打過黎
我岩岩訓左覺
ｍｉｓｓ左佢個ｃａｌｌ
但打打下有架類似機場車既野
佢地即刻嗌我上車喎
明明都唔係
搞到我又搵唔到盧詠恩喇

１１點幾到左台灣
姑姐黎接機
我完全唔認得佢
但佢好勁咁見到我地喎
好ｙｅａｈ呀佢
我地２個都覺得佢好型
去佢屋企安頓ｄ野之後
就去食ｌｕｎｃｈ
台式自助餐
好飽．．．

跟住我地２個去西門町行街
係咁買係咁食
用得最多錢係呢日呀！
但其實都係得好少野咋
買左范曉萱隻ｓｉｎｇｌｅｓ
哈哈～終於買到喇！
好正呀！！！
仲幫肥姐買左２隻ｃｄｓ
好難買呀
仲幾貴添．

行下ｄ小巷
好多野睇呀！
買左２張好靚既貼紙
２張ａｕｄｒｅｙ　ｐｏｓｔｃａｒｄ
柯德莉．夏萍＆柯德莉．塔圖
好靚！
唉～但係我買唔到周杰倫撲克呀
個老細話要下個禮拜先有
因為周杰倫ｄ野好好賣喎
好想要呀！！

我地又去左間野影貼紙相
響香港未見過個部機架！
好搞笑架
可以ｃｏｐｙ自己個樣
做ｂａｃｋｇｒｏｕｎｄ架
最特別既係有專人幫你畫架！！
好好笑呀！
佢有ｄ人行黎行去
負責唱錢同畫野
等我地影完之後
就走埋黎幫我地畫
得一張係自己畫咋
佢幫我地畫左個心框住
好噁心呀．．．

行行下街我地目擊車禍呀！
有架單車"ｈｉｇｈ"到的士
的士門笠左
個單車人仲好兇咁既樣喎
後尾我地走左冇睇ｌｕ

呢日我地食左阿宗麵線
燒鵪鶉蛋，鴨肉扁
仲去左間好靚既ｃａｆｅ
好靚架真係！！
成間野都好藍
用左好多貝瞉ｄｅｃｏｒａｔｅ
仲係咁播周杰倫添呀！
超鍾意呢間野！！
ｄ野又抵食喎
仲好好味添呀！
最衰既係佢唔俾影相囉
無奈．．．

睇到好多懷舊野
好靚！！
但唔夠時間
所以有好多地方仲未行哂
幾滿意呢日既～

>>September 9, 2004 at 9:08:21 AM GMT+8

2004 年 8 月 31 日 星期二 【晴】

ｙｅａｈ！
聽日去台灣喇～～
呵呵呵呵～～！！
終於去到喇！
希望順順利利開開心心啦～
最好食極唔肥
嘻～
我已經豁出去架喇
準備係咁食係咁食
由佢肥啦！
最驚都係食唔落．．．

不過依家好眼訓
我驚聽日冇精神玩
唉．得返幾粒鐘訓咋

今次第一次真真正正咁自己去旅行
仲要係自己ｐｌａｎ行程喎
好犀利呀！
嗯，
果然有讀ｔｏｕｒｉｓｍ既ｐｏｔｅｎｔｉａｌ
哈哈～　＜心虛中＞
２丁友四圍行
哈哈～諗起都興奮！
仲有呀！！
唔講都唔覺
我同王山識左十三年喇
好耐呀～～～

>>September 1, 2004 at 12:37:57 PM GMT+8

2004 年 8 月 31 日 星期二 【晴】

我ｏ係科大呀依家．．．
好無聊，好眼訓！
今朝六點半就起身喇
早過哂開學ｄ人添呀
痴線架
訓得２個鐘咋
仲衰過唔訓
好辛苦
好耐冇試過同人迫ｌｉｆｔ喇

一朝早就去左金鐘做ｖｉｓａ
好快搞掂喇
仲可見去食野同行街添～
又撞到人喇
今次係ｄｒｅｗ人同佢ｄａｄｄｙ
又係冇打招呼
因為趕時間

之後山長水遠入黎科大搵肥姐
第一次黎咋
中途仲見到電視ｄ２打６
都幾大學ｆｅｅｌ呀呢度
起碼比ｕｗｉｃ多啦
不過我都係鍾意ｕｋ多ｄ
因為香港人好鍾意ｂｅａｒ人
乞人憎．．
仲有呀！呢度個ｃａｎｔｅｅｎ好大呀！！
好似幾多野食咁呀
嘩～我個到ｃｈｅａｐ到乜咁
又貴又難食
好彩有得自己煮啫

除左阿肥仲有見到好多人呀
戴靜雯，孫月苓，楊ｂｉｌｌ，劉潔雯
ｈａｎｄｓｏｍｅ，蘇炳．．．
勁多沙循人
痴哂線
仲有好多國語人添呀
周圍都聽到有人講普通話

一心諗住入黎買ｌａｐｔｏｐ
順便睇肥既新竇
點知個電腦展超勁多人排隊
我諗我唔會響度買喇
肥姐去左上堂
得返我一個去左ｉ．ｔ　ｒｏｏｍ
好彩睇到周杰倫個新廣告消磨時間
但好可惜聽唔到聲囉．．

去左肥姐個ｈａｌｌ參觀呀
好遠水路呀
搭左幾次ｌｉｆｔ先去到
個ｖｉｅｗ幾好
但入面就麻麻
３個人ｓｈａｒｅ有ｄ逼
全層樓先得８個廁所
一部電視
到時要爭就慘喇．

之後佢去上堂
我就搭返車出新城市
一上車就訓喇
眼訓到死左呀
落車之後仲瘟瘟鄧鄧
見到識既人都反應唔切
攞左新眼鏡
同冼雋蕙傾左陣
希望佢媽媽個手術順利！
睇左陣電腦就返屋企喇
本來仲想行多陣架
但太攰太眼訓喇

返到屋企執野
等睇勁歌
麻麻地啫
得好少
周杰倫唱得唔算好好
又唔笑喎
丫！有一下覺得南拳媽媽既彈頭
有少少似周小仙
忍唔住係咁笑！哈哈

>>September 1, 2004 at 12:10:47 PM GMT+8

2004 年 8 月 30 日 星期一 【陰】



哈哈～
周杰倫話下一個想去既地方係英國
ｗｏｗ～
係就好ｌｕ
周杰倫真係好勁呀！
奧運中場播佢ｄ歌啦
連劉翔同姚明都係ｆａｎｓ呀～
勁！

晏晝約左２個新朋友
ｇｉｇｉ同ｅｒｉｃ
佢地２個都係９月過英國讀ｍａｓｔｅｒ
ｇｉｇｉ係ａｇｅｎｔ叫我睇住佢個個
個ｅｒｉｃ就係佢做ｖｉｓａ識既人
好大個呀佢地
走埋一齊有ｄ奇怪．．．
不過佢地都幾好人
ｅｒｉｃ響ｓｕｒｒｅｙ讀ｃｉｖｉｌ　ｅｎｇｉｎ
之前響ｂａｔｈ讀
勁到爆炸！！！！！！！
ｇｉｇｉ讀樹仁
我諗佢英文應該差過我．．
去左和民食
傾左好耐計
我地想ｘ’ｍａｓ去法國
睇黎都係得個「想」字。
有樣勁野就係ｇｉｇｉ
竟然覺得我係一個ｏｕｔ－ｇｏｉｎｇ既人呀！！！
嘩～
嚇一跳呀真係！
從來都未試過俾人既１ｓｔ　ｉｍｐｒｅｓｓｉｏｎ
唔係斯文，好靜，勤力架！！
哈哈哈～～～～～
好勁呀我～

食完各自散
去左恆生入數
聽到有個人好大聲講〔ａｙａ〕
擰轉望一望
之後聽到櫃檯嗌〔黎建明先生請到ｘ號窗〕
哈哈～
咁都俾我撞到
不過我冇打招呼
後尾先打返俾佢
佢地聽朝走喇
食緊〔最後的晚餐〕
原來阿ｔｉｍ今日要ｒｅｓｉｔ
ｂｕｓｉｎｅｓｓ　ｌａｗ
如果又肥就讀唔到ｄｅｇｒｅｅ喇
希望佢得啦！

夜晚落左肥姐屋企麻煩佢
好耐冇見佢爸爸媽媽喇～
同埋，終於見到佢間房有亂既一日喇
但所謂既〔亂〕
都已經好過我屋企整齊個陣多多聲．．．
佢入ｈａｌｌ住喇
好羨慕呀！！！
聽日入去打攪打攪先～

之後又約左小學同學食糖水喇
落去個陣撞到梁家傑
佢又唔去喎
王山又冇到
得返梁頌雯，阿爺同梁媚咋
去左間冇乜人既海記
有部跳跳下既電視
佢地個個都好熱衷於〔金枝慾孽〕
我都想睇架
好似好好睇咁
但一集都冇睇過...
之後係咁迫供梁媚囉
哈哈～～
好勁呀佢
超勁！！
３科ａｌ
ｂｂｄ
中大ｔｒａｎｓｌａｔｅ
變態的！
佢ｂｏｙｆｒｉｅｎｄ仲勁！
３科ａ入中大ａｃｃｏｕｎｔ
痴線的！


唉，點解次次唔響香港
都會有戲想睇架．．．
想睇〔花與愛麗斯〕
〔三更２〕〔走佬俏公主２〕
但係我冇時間喇！

>>August 31, 2004 at 5:47:39 PM GMT+8

2004 年 8 月 29 日 星期日 【陰】

今日又可以響屋企
唔洗出去
真係好～

起身之後就執野喇
唉～好煩呀！
鼻敏感係咁流鼻水
執野又忟喎
好混亂呀！
激死人喇！！

開始有ｄ驚台灣之旅會有所阻滯
唉，好煩
好似次次屋企（ｅｓｐ老豆）既問題
都會ｒｅｌａｔｅ到「錢」
只要有錢既話
呢ｄ問題一定唔會發生
想唔信〔錢係萬能〕都唔得
煩死人了！！！

>>August 30, 2004 at 3:38:52 PM GMT+8