2003 年 8 月 6 日 星期三 【晴】

近日媽媽經常問我幫爸爸之後結局是怎樣,對與錯,唉....又是這個問題 ? !
暫不提這問題,人生旅途裏,有些問題沒有對與錯之別,
是對與錯之間的空間,到這個時侯問題就將複雜化
其實本人認為對與錯好像一個硬幣正面和反面,非常簡單
問題在於人心之所在,因為有人心之別才有對與錯之分
不過這些問題在人生裏總會出現,因為這是人生成長的其中一個元素
對於我這事,根本沒有對與錯,我不會浪費時間去想是誰對與錯,最重要是我沒有後悔
我想和媽媽說做人可別這麼複雜,因為這樣會浪費享受人生的時間.




>>August 7, 2003 at 4:55:11 AM GMT+8

2003 年 8 月 5 日 星期二 【晴】

相信暑假己經開始,不過我相信您要回學當值或有其他活動嗎...?快0的話俾我知呀 ! ! !
天氣非常炎熱,昨天懷著平常的心情去見這份馬會兼職
一身平常服飾 T shirt加上 牛仔褲,迎接面試的來臨
面試正試開鈶,但今次不如以往face to face形式
而是8個人一組,逐個介紹自己(姓名,過往工作經驗,為何見這份工)
見工者大部份是比較年青,或許他們過份緊張了,
他們說話一段一段似的(男女也是)其實我也有點緊張吧,有點驚慌失措(哈哈)
因為我見過咁多份都係face to face,group一組經驗不多,所以....(hehe)
其後要讀一段文字和數字(銀碼),整個面試過程大約20分鐘,
不過這次只是初步面試,如有消息2個星期內會有通知,我想...我的表現不成問題吧 ! ! !
對於他們會否再次約我第二次面試,相信不大問題吧..我有信心的
其實我每次見工之前,我會給自己的心情平靜下來,好讓自己不會緊張
試後撿討,所謂面試只不過是一場"心理游戲"罷了.....
估唔到到今時今日,仲有一0的追數既人黎到我屋企,剛才14:00也有
唉,佢地令到我好煩,好討厭...每次有電話都唔想接,驚係佢地
門聲響起,我既心就跳左落去谷底.....好怕接觸佢地,
他們粗口不離身,好憎......唔想同粗人講野



>>August 6, 2003 at 6:41:54 AM GMT+8

2003 年 8 月 3 日 星期日 【晴】

講個好消息俾你知丫,今日我打電話去馬會兼職見工(售票派彩員)
佢地約左我聽日3點呀,雖然未知得唔得,但係都係好既開始
其實呢份工我之前見過架la,佢地都請左我,
但係個陣時因為國泰公司同時又請我,因為個度係全職所以當時就放棄左馬會la
我有信心一定得既 .....hehe.^ _ ^

>>August 4, 2003 at 6:52:20 AM GMT+8

2003 年 8 月 3 日 星期日 【晴】

對您的思念,一天比一天深....一天比一天堅定,
昨天我這個不肖子良心發現(哈哈),用我既一0的積蓄比我媽咪做家用,
還記起前幾天媽咪提起過屋企的支出,嘩...嚇死我la,一個月也要3000蚊以上
隨即想起我坐在家裏的我,問我自己現在做些什麼,我唔應該留在家裏等飯食,
是主動的時侯了....我媽咪幸苦大半生,幸好她一向有積蓄,如果不是我們要留浪街頭了
家家有本難念的經,幸運的是最艱難的日子己經過去,因為我們己經長大了...



>>August 4, 2003 at 4:17:48 AM GMT+8

2003 年 8 月 2 日 星期六 【晴】

呢排阿媽成日吹我,比佢講到我一文不值,我無言己對
佢成日攞番以前佢認為係我唔0岩既野黎講(工作)
每次之後都會問點解(不只是一次),點解放棄工作
呢0的說話聽到一千一萬次,聽得多好似係我好冇用咁,
一0的藝力都冇,我認同呢句說話,但不竟是過去,
以前既我係咁樣,而家既我絕對唔會,因為我己長大了,
不過每次媽咪話我,佢都唔會考慮我的因素(是否適合)
但我冇怪到佢,她的每句說話我都會記住,無論對與錯,
因為我知道每個人的見解都會唔同(但我會分折),況且佢仲係我媽咪係添
所謂分折其實好抽像,我會攞個中間點
我涼解到媽咪係屋企既付出,她身兼父職,這種精神唔係一言一語可以解釋得到
不過都好,佢生左個考仔又靚仔既我出黎,您話係咪呢.....(hehe....)

>>August 3, 2003 at 4:26:04 AM GMT+8

2003 年 8 月 1 日 星期五 【晴】

平淡是福一向都是我追求既生活,曾經有人問過我(不記起是誰了),
如果可以選擇的話,你會做皇帝或是平民,我選擇了平民,
無論那個皇帝怎樣的好,也會有些人對他有成見
或許我經歷告訴我,我不想再過一些恐懼的生活,
爸爸給我的考驗實在太大了,討厭這種生活...
可恨我無能為力....有些時侯想過好的東西,
現在青年有著這些考驗是一件好事,因為還有機會,
如果臨老既時侯才面對的話,相信會更加徬徨吧! ! !
所以要好好珍惜這些考驗,有生之年都會想這是一個成功的開始



>>August 2, 2003 at 5:03:59 AM GMT+8

2003 年 7 月 31 日 星期四 【晴】

唔好唔覆我la,我真係好想知呀....
尋日同那位中年男士係沙田食野,同佢傾左好耐,同我講左好多關於佢係大陸既生活同得與失,覺得佢係一個人才(佢係大陸因為人事問題而放棄他的工作)我問佢你覺得你係個度得既多定係失既多,其實我咁樣問係想問佢點樣睇自己,佢話得既多,而家好多年青人經唔起考驗,當失敗過後只會諗一0的灰既野,佢地好少會諗失敗過後會如何吸收經驗,不會想失的背後可能是得,這是社會的風氣.


>>August 1, 2003 at 5:17:03 AM GMT+8

2003 年 7 月 30 日 星期三 【晴】

尋日去搵我爸爸,同佢傾左好耐,不過大部份時間都係講關於"錢"這東西,估唔到到今時今日佢仲教我點樣去途避責任,雖然錢我係為佢而借,名義上我係有責任去還,但實質上我並沒有這義務....算吧 ! 己經3年了.曾幾何時阿媽經常話我點解咁蠢,明知道呢個結局仲要幫佢,我好無奈,一方面佢係我親生爸爸,睇到佢有事我根本唔忍心,第二方面,聽好多人講咁樣幫佢只會害左佢......救命呀! ! !尋日本應係去攞錢用,不過最後都係佢俾錢我去還....而我....為有諗住佢只係為我好吧! ! !不過佢都有問我工作方面的問題,佢都唔同意我去冒險度做,話人工太少,後生仔搵咁少人工,叫我搵過其他工作,多謝佢為我著想.
不知不覺上左人事管理課程己經7堂la(包括今天),還有一堂,覺得呢位阿sir幾好丫,佢既教學方式,係將佢既人生經驗套入課程裏,我本人好enjoy咁既教學方式,因為我想看他如何將佢既理論套入這課程,這樣才學到東西(本人認為).
近來從我媽咪口中得知,佢要離開我們一段時問,因為佢要返去泰國搵我婆婆,
我好掛住你......

>>July 31, 2003 at 4:54:26 AM GMT+8

2003 年 7 月 29 日 星期二 【晴】

尋日放學返屋企途中..撞到小學同學既媽咪(很久也沒見,同佢唔係咁熟),同佢傾左一陣,佢問我近來點,,我就話係機場個度做,問我人工,問我福利,問我做了多久.....真係? ! 不過點解要講大話呢...唉...冇野做就冇野做la,一方面同自己講冇野做唔知點開口,另一方面就話冇野做都唔洗講大話架,冇咪冇罹,最緊要有個心...(唉...我係度講緊乜野).
今日無可奈何之下打電話俾爸爸,同佢match0的時間等我去拎錢(呵呵~~~),不過match唔到,我想返學之前去佢個度會方便0的,其實由打電話最難既部份就係開頭通左要稱呼的名詞(哈哈哈~~~).接著同佢講我要返學,佢就問長問短,好彩佢問長問短0者,表示仲關心我丫嘛...hehehe
做左決定拉,返去冒險度做,我同左0的舊同學講幫我留意下.....(阿媽成日吹我)

>>July 30, 2003 at 3:40:20 AM GMT+8

2003 年 7 月 27 日 星期日 【晴】

不知不覺離開這公司己接近一個月了,其間有些同事也有找我,問我近來如何,多謝他們的關心,從他們口中得知公司每日的工作量日益增加,但可惜沒有關於續聘我的消息,
今日起身唔見我媽媽,佢又唔係去左開檔(買生果),原來去左搵爸爸,她一番到屋企就同我講,叫我去搵佢,我就話搵佢做咩呀!原來我爸爸知道我冇野做(是我媽媽說的),佢想俾一千蚊我洗用咁話喎,心底裏甜了一會兒....我唔係因為個一千蚊而開心,而係佢仲擔心我...原來我係一個口硬心遠既人...(不過話時話一千蚊都唔少架呵...hehe).
暑假來臨了,係約佢既好時機,比心機呀靚仔(嘔嘔嘔嘔...)

>>July 28, 2003 at 6:02:56 AM GMT+8