2003 年 9 月 3 日 星期三 【暴雨】

為人師表唔單只要單方面成受學生既壓力,還要對校長和家長有所交代...
這種工作可真是不容易實行,這種工作的責任感要相當強才可...
此時此刻,我並不是給您更多的壓力,而是我想切身處地為您工作分擔一下,
雖然未知道是否可行,因為我對教師的工作的認識實在不多,
但我對您既心可見天日,肉麻既說話我唔太識講,
希望每次您打開我本日記都可以令您既心廣神怡拉...! ! !
kiss you...
今日係媽咪生日,唱番首歌仔先,happy birthday to you happy birthday to you
happy birtyhday to 媽咪,happy birthday to you.
生日對我地黎講其實好平常,有個生日cake己經好足夠 ! ! !
但係今年我有個生日願望"我想永遠咁得到您"

>>September 4, 2003 at 2:36:44 AM GMT+8

2003 年 9 月 2 日 星期二 【颱風】

尋日同媽咪食晚飯睇新聞既時侯,佢見到新聞0的小朋友(颱風的報導)
佢話我細細個時侯好得意,讀幼稚園既時侯我帶住個蝴蝶仔,真係好得意,
其他人都係咁覺得咁話喎,不過好可惜冇相,如果唔係我一定同您分享,
因為個陣時我地都係以賣買為生,好少時間可以望下呢個世界
仲記得媽咪講過我細細個時侯,有一次我訓緊覺既時侯,我打側訓...
個陣時我大概一,二歲倒拉,我因為咁樣訓所以個鼻向住枕頭,差點窒息
因為個陣時仲細同買訓緊覺所以冇意識訓好0的,幸好給爸爸發現了,
那時我的面色己發青,聽媽咪講再過多一陣我就要回天國架拉,真係驚心動魄呀..


>>September 3, 2003 at 2:47:32 AM GMT+8

2003 年 9 月 1 日 星期一 【驟雨】

苦?....咩事?....我好想知 ! ! ! 工作嗎?是否知道您這年要做一些您並不喜歡的事情...???
昨天上最後一堂的物流,上到火車無幾耐,我見到一個好似您既人,
佢既側面真係好似您,當時嚇了一跳...好特然,但係個心好溫暖,
不過望真0的佢唔係您,佢又點可以同您係我心中相提並論呢 ! ! !
最後一課的物流,有0的唔捨得阿sir,感覺到佢好用心教我地,
睇得出佢有做備課的,最後兩課仲請大家食野,佢教既野非常實用..多謝佢


>>September 2, 2003 at 4:25:01 AM GMT+8

2003 年 8 月 31 日 星期日 【清涼】

新既學年開始,0的小朋友著住校服好活潑可愛,對於小朋友而言,
見番0的舊同學好開心,但對您係講會唔會係一個新既挑戰呢! ! !努力,加油,勝利,yeah ! ! !


>>September 1, 2003 at 6:08:31 AM GMT+8

2003 年 8 月 30 日 星期六 【清涼】

唉,我好無奈..如果唔係有icq我根本冇可能知道您病,覺得自己好冇用...(什麼也做不來似的)
"保重身體"..
昨天還知道公司有些同事為我曾取工作,好多謝佢地...

>>August 31, 2003 at 2:26:38 AM GMT+8

2003 年 8 月 29 日 星期五 【酷熱】

一朝早起身隻左眼仔就好痛,不停咁痛,痛到流眼淚...
粒火星我仲未去睇,但係冇理由一個人去睇架可~~可~~^ 0 ^
不過我對木星有興趣0的,直覺吧 ! ! !其實我都幾鐘意外太空..
因為佢實在太多未知之數la,想探索....hehe...
覺得自己肥左,有左個肚兜仔,要節食...hoho,但係依然咁靚仔喎,真係低死拉...
今日要打份履歷表send過去俾那位中年男仕,他幫我fax過去國泰個邊..
希望有好消息,相信馬會個度都係唔得架la..."唔緊要"(大聲地說)
如果佢再請人我下次會再去,一定得既! ! !
每日最開心就係呢個時侯,因為可以同您既距離拉得很近很近....不由自主好開心好開心...



>>August 30, 2003 at 2:11:25 AM GMT+8

2003 年 8 月 28 日 星期四 【酷熱】

搵工既心情一天比天沉重,一天比一天渺茫....
昨天得到那位中年男仕的電話,他說公司有意請人..
他叫我不如打電話番去問下拉...所以今日早上9時左右打電話番去問..
但經理說要問人事部,看來都幾渺茫了...還知道公司己經續聘一位同事.
其實這位同事和我差不多時間入職,年紀也差不多...
聽他說其實經理有問過其他同事意見,但是那些人和我並不熟,
而是和續聘的那位比較熟,所以那位中年男仕話我好唔"底"
聽完佢咁講之後其實我好唔想打電話番去問,但係佢咁有我心..
所以我還是決定打了,一直以來我係公司都會保待低調..
我自問我自己唔係做到一百分,但問心自己盡了我的本份...算吧 ! ! !
原來媽咪下個月4號生日,一如以往買個 birthday cake俾佢先...哈哈....


>>August 29, 2003 at 5:53:19 AM GMT+8

2003 年 8 月 27 日 星期三 【晴】

開課將至,相信您會比較忙碌吧 ! ! !
頭先幫媽咪開檔,然後踏單車番屋企,點知俾阿sir(警察)捉...
佢話我唔可以係行人路到踏單車,然後佢叫我攞身份証出黎...
但係我冇帶呀(唔好笑我呀...^ 0 ^),跟住佢話..."0下冇帶"
咁佢就問我住係邊拉,問我做緊咩拉,佢仲問我你知唔知呢到唔踏得單車...
我話唔知(其實之前有警察在我邨內宣傳),之後我就話不如我俾個 i d no.俾你check拉
佢就話唔係check既問題,而係你(我)係要帶身份証,佢仲問我知唔知幾多歲要帶身份証..
哈哈,我就話18歲,佢就話15歲呀...之後佢要我帶佢番屋企攞身份証..
其實我俾佢捉既地方距離我屋企係有一段距離,所以我就知道係呢段距離內態度要誠懇
對於呢方面相信不成問題吧 ! ! !我要主動打開話題..其間我同佢仲有傾有講添,
當然係有一0的關於單車上的問題,我不段問關於單車上的問題,好讓他知道我是不知道的..
佢去到我屋企check完身份証後,佢就話我見你態度誠懇,今次唔告你...哈哈...
佢仲話等佢收工會幫親我媽咪咁話喎..hehe



>>August 28, 2003 at 3:19:45 AM GMT+8

2003 年 8 月 26 日 星期二 【晴】

尋日媽咪講起關於爸爸既事,媽咪話佢雖然對我地唔好...
但係佢係一個考順父母既人,佢雖然係香港不過有時都會寄錢番去鄉下俾佢媽咪,
有時佢媽咪係鄉下有病,佢都表態非常關心很緊張,
對我黎講問題就出現了,由我出世到而家點解我都唔知...
或許我不是不知道,而是我從來都唔當佢係一個好人,
或許他在我心中要改變形象還雖要一段很長的時間.
印象這東西真是很利害呢 ! ! !

>>August 27, 2003 at 12:30:18 PM GMT+8

2003 年 8 月 25 日 星期一 【晴】

唔知幾時先至可以搵到工做,真係替屋企和自己擔心,
昨天上物流的客戶服務課,阿sir寫左一0的關於管理心理學想同您分享一下既...
"多說關懷的話,關懷增加了解"
"多說激勵的話,激勵增加士氣"
"多說感謝的話,感謝拉近距離"
"多說商量的話,商量建立團隊"





>>August 26, 2003 at 4:28:24 AM GMT+8