2003 年 9 月 22 日 星期一 【微冷】

今日媽咪得到屈臣氏的來電,他們說要出糧比我,
其實我都冇諗過會有糧可以出,更何況我都係做左二日
而且我自己都認為二日裏面學野多過做野,所以我都唔想Contact番佢地,
我反而應該多謝佢地比左一個學習既機會我,謝謝.
媽咪尋日收檔番到屋企就同我講,唔洗我幫佢開檔,
媽咪竟然話,我而家冇野做成日幫佢開檔,讓其他人知道我沒冇工作,
而"冇面"....,聽左之後好無奈,我其實知道媽咪出面咁幸苦,
返到黎一個屬於佢自己既地方,情緒得以釋放,說出一些未經過思考的說話,
這是我體會到,但我怕長此落去我的無奈會一日比一日大,一日比一日多,
好想釋放出黎,但係又唔知道係邊到釋放,我只想有人願意聽聽我心裏的說話,
或許己在我身邊了,謝謝您.....^ 0 ^

>>September 23, 2003 at 6:02:53 AM GMT+8

2003 年 9 月 21 日 星期日 【微冷】

天氣一下只變了起來,昨天還很炎熱,而至到今天早上,
天氣變得很清涼,一向身體比較虛弱既您,您要保重身體呀 ! ! !
近來經常聽到一些有關學校裏的報導(新聞),無論教師與學生...
我感覺到學生有學生的困難(學業,家庭,生活,等等),而老師也有老師的憂心,
在我的立場來說,當然並不想看見一個學習的地方會變為一個傷感之地,
但世界之大,我個人能力有限,有很多事情不是由我可控制的,
不過在我身邊的事情,我會盡我所能,可別一些不必要的事情發生,
對我黎講,我知道您在學校裏受了不少壓力和精神,
同一句說話:我不會在我知情的情況下,讓您有什麼事情發生,我會盡我所能的
願您一切安好......
近來經常在家裏想起我的工作,很想反胃(成長的過程)

>>September 22, 2003 at 4:33:39 AM GMT+8

2003 年 9 月 20 日 星期六 【酷熱】

今日0的鬼又黎,場面相當緊張,佢地呢排成日都黎,
同一條街裏不只是媽咪的一檔,還有其他檔的,
但有一個人曾給鬼拿走很多東西,而這個人是不喜歡我媽咪的,
她破口大罵鬼(食環署),她說的東西不是一般人所能接收的,
所以經過今次的事件,0的鬼成日都黎,無影中我地就成為受害者
曾記起媽咪所講,有一個人曾給鬼追捕,而這個人己是上左年紀的女性,
佢當然唔夠0的鬼走,當佢被捉的時侯,不小心倒在地上而且還失禁起來,
好多途人圍觀,而有途人便看不過眼地說:你估地而家捉賊呀,捉賊又唔見你地咁叻,
食環署每一個人都默不作聲,其實我覺得佢地都唔想咁樣捉我地,
佢地都會體諒我地都係到搵一餐半餐,又唔係犯0的咩法,
可惜佢地有公務在身,而我地要受制於食環署,所以我們還要做好本份,別弄起什麼事情出來...
這是我們做呢行的秘訣.....

>>September 21, 2003 at 5:23:20 AM GMT+8

2003 年 9 月 19 日 星期五 【清涼】

回想起和一家人去海洋公園玩樂,真是很快樂,
媽咪一如以往行幾步路就好累的神態,爸爸坐海盜船的面孔,
我的興奮,.妹妹和細細妹的期待,真教人回味....
真是悲感交集Lu....經過日子的洗禮很像在大家心中己成過去,
或許這代表我和家人的一點點大同吧,我的生活圈子好少,朋友不多,
知己不在話下,小學的同學有各各的發展,中學的同學少之又少,
在這群體社會裏,很像是光的反射,但我沒因為這樣而過份寂寞,
但我不竟是一個普通人,有感覺,理想等等...
或許這是情感的交替吧 ! ! !



>>September 20, 2003 at 2:34:32 AM GMT+8

2003 年 9 月 18 日 星期四 【酷熱】

您近來如何呀 ? 相信您是很忙吧 ! ! !好想同您分擔一下,
一個人點堅強都好,都有佢軟弱的一刻,更何況人非早木,
希望好好咁體會失意的一刻,轉危為機,也希望您堅毅不屈的精神是您成功的泉源
(很想聽聽您的心聲)
從這次的失意,可讓我學習如何面對工作上的疫境,
自問過往在家庭裏的種種困難也能解決,
工作上的問題我也有信心的,凡事向好的方面想
　

>>September 19, 2003 at 6:32:51 AM GMT+8

2003 年 9 月 17 日 星期三 【晴】

心情慢慢平伏起來,媽咪呢兩日比較忙,
所以暫時聽少了關於她對我的評價,媽咪係一個直腸直肚既人,
我對她這種個性表示歡迎,但有時侯要適可己至...媽咪請妳給我一點思想空間,好嗎?
今日3時正見在尖東元氣壽司見工(店務員),
填左FROM之後,當經理了解了我過往的工作後
他說我有一定的工作經驗,所以他有意請我做主任,
不過暫時也不知道他們會否聘用我,他叫我等消息,
見完工之後去搵敏食飯......


>>September 18, 2003 at 11:27:19 AM GMT+8

2003 年 9 月 16 日 星期二 【晴】

剛剛和冒險舊同事係ICQ問她(玲)關於工作上的問題
知道她那裏還請人,了解了她日常工作上的需知,在尖東其中一間壽司店工作
所以明天我要去試下,為了媽咪也好,為了我自己也好,
比多自己一個機會,媽咪我係有曾取過的,但願妳明白....
這兩天因為工作上的問題,而令到自己坦?不安,您放心La,
我冇事,我想您知道一件事,係我最失落既時侯,好想您係我身邊出現


從失落中學習.....永不向失敗低頭,成功只靠信心和一雙手
您都係呀 ! 我對您有信心...我永遠都係到,最緊要您安好.....







>>September 17, 2003 at 9:59:23 AM GMT+8

2003 年 9 月 16 日 星期二 【陰】

媽咪,我想同妳講我做左一個我自己認為0岩既決定,
我對自己所做過的事情,我清楚明白,妳可否知道妳對我的評價對我造成很多心理壓力
妳每天都會說:什麼工作也可做,現在這樣的經濟有一份工作己很好,
但我希望妳會明白一樣事情,我是並不喜歡這樣的工作,
但我是有嘗試過的,用心做過的,不過我相信這些說話對妳是不合時而,
我也知道妳是為我好,有一份工作好比總是留在家裏的好,
起碼會有收入,幫補家庭開支,更甚者是可令妳別掛心,
對於妳對我種種既期望,孩兒無能.....
至於我自己本人最討厭自己做一些我並不喜歡的事情,
如果是這樣我會很痛苦,試問現今社會裏面有幾多人是喜歡現有的工作,
為了生活他們還會把持著,而我就不可以.....我好辛苦呀 ! ! !有冇人會了解我呀 ? !

>>September 17, 2003 at 2:48:07 AM GMT+8

2003 年 9 月 15 日 星期一 【微雨】

今日終於做左決定.我己經放棄這份工作,
原因:工作性質不適合,好難面對一份我並不喜歡的工作,
對我黎講最大歉疚就係媽咪對我一番既期望,媽咪好對唔住,
我知道我未能如妳所願,令妳失望而回,是我無能,
但我好清楚自己做緊0的咩野,我更加明白我現在的境況,
Anyway請妳原諒和體諒,孩兒不考.....對唔住,我唔係一個妳心目中既人,對不起.
在此也要多謝炳哥對我悉心既教導,謝謝.
番到上水搵媽咪,撞到一個以前係美心酒樓的同事,她說那裏還請人,
媽咪聽到第一時間叫我去見,當初的離開是因為我的兒戲,
有點受氣而不做,那時說不做就不做,沒有一點保留...
媽咪問我原因,我無言己對,可恨我不中用,
但係直到今時今日我都無後悔過曾經所做過的一切,
希望媽咪會體諒我有曾經試過,用心過,妳對我的評價我無怨無悔
好想同您盡訴心中情..
."無奈的人上"


>>September 16, 2003 at 10:59:36 AM GMT+8

2003 年 9 月 14 日 星期日 【颱風】

好攰呀,今日媽咪一朝早6:50a.m.得到屈臣氏來電叫我番工,
一向屋企冇來電顯示既電話我地都唔會聽,怕係0個0的人,
但係媽咪諗咁早都唔會係0個0的人,所以聽左,點知係叫我番工,
番工既第一日,我懷著平常既心情番工,絕對平常....
一朝早番到大埔公司開會(關於市面上果汁飲品和屈臣氏的水)既情況
一入到去一間房見到大概15個同事左右,見到有兩個人食煙,
仲係坐正我對面,所以我吸到正,我好憎0的人食煙,無論男與女
佢地食煙個格好乞我憎,開完會之後0個個助理經理叫我跟住一個人
佢叫炳哥,我要和他去香港區的百佳,seven,華潤,ok便利店,
真是很多喔 ! ! !我要去每間商店數一些關於我地公司的飲品(同上)
好讓市面上show出來的貨品數量得到平行,唔夠就要落order,
有壞的貨品要收起,數在貨架上的數量,話難當然唔難拉..
不過....算la,而家媽咪好想我有一份工作我是體會得到,
至於呢份工既薪酬就好唔穩定,聽炳哥講有時34千蚊都試過,
平均黎講都係4-5千蚊,我有諗過車資和飯資的問題,
其實都佔左大部份,所剩餘的好少....不過都唔輪到我去考慮
今日行左好多路,香港區真係好繁榮,好靚,有好多好多好多既地方我都未去過,(包括蘭貴坊...等等)
我從助理經理那處得知,因為我的存在而要影響炳哥的工作
我唔知點咁,我知道佢係唔鐘意因為我既出現而影響到佢,
如果真係咁樣,我寧願走....
而家既我好想同您講下我心底裏的話,好想同您傾下計,
好想好想好想....真係好想




>>September 15, 2003 at 12:13:59 PM GMT+8