2003 年 9 月 13 日 星期六 【綿綿細雨】

澳門? !米奇餐廳? ! 呢間米奇餐廳係澳門? ! 您要去澳門呢間米奇餐廳係? !咁....遠? !
感受到您對幾米既作品和米奇的情懷,感同身受....
真係病左,傷風感冒....幸好不大問題,需要休息
大前天得到爸爸的來電,所以叫我們昨天去拿一盒人們送給他的月餅
是一盒美心月餅,昨天12時許打算出門口既時侯,媽咪話唔洗我去La..
晚一點才去找他食晚飯,咁媽咪就想係上水買一件衫俾我,
況且我都諗住剪頭髮.唔鐘意自己0的頭髮唔長唔短,好難睇呀,
所以我叫佢剪得好短,我剪到比綠軍裝長0的0的咁la,不過都幾英偉喎..hehehe~~~
剪完之後就同媽咪行上水一陣,我火u-right睇中一件粉紅色既裇衫,
不過係我出錢既,^ . ^,又幾靚仔喎,(媽咪說的)不過我都認同既....哈哈哈哈哈~~
買完之後都大概己經5點lu,咁我地就去搵爸爸la,
我地最後決定係元朗食晚飯,每個人叫一碟飯,不過可惜都係欠一個人,
不是爸爸就是妹妹,說起她,昨天她己回港,但媽咪並不歡迎,
妹妹知道媽咪拜佛,所以係泰國買左一棵花回來給媽咪拜佛,
不過媽咪一手揼落地下,好彩妹妹剛剛進了房間,沒給她看見..
然後我拾回桌子上,唉.....媽咪真係.
我地食完飯之後爸爸問我夠唔夠錢用,我寧頭,佢話如果唔夠俾一千蚊我用,
其實我見到爸爸咁樣,第一,我覺得自己好冇用,要打開一雙手黎攞錢,
第二,我覺得爸爸好似係到還緊錢俾我,好似係佢欠左我咁,
因為當媽咪問爸爸攞家用既時侯,佢慮都冇考就話唔俾,
我唔知點好,曾經聽媽咪講過,叫我問佢攞錢之後俾番媽咪,
我好嬲咁同媽咪講,如果佢有心俾錢妳做家用,點解要我0者....
不過我都體諒到媽咪對錢既慾望,咁又有邊個體諒我呀.....
食完飯之後係元朗行左一陣,講個笑話俾您知丫,
當爸爸去到一間people 既時侯,佢問一0的有關手機既問題,
佢問呢隻手機係咪可以影相,個職員就話可以,
爸爸就再問佢,係咪影完之後就有相片立刻走出黎(相機)...哈哈哈笑死我la..哈哈
爸爸問我要唔要,我當然唔要la,電話要黎打唔係要黎裝飾,
況且一部手電有得影相係幾咁貴呢,0的血汗錢冇咩必要就唔好洗la...
對我黎講手電係用黎打,打得通就ok,冇必要冇原因之下換一部咁貴既手電..實際為上.

>>September 14, 2003 at 1:10:05 AM GMT+8

2003 年 9 月 12 日 星期五 【酷熱】

個人有0的唔舒服,口龍好痛,又生飛芝,個人好熱,我真係唔熱得,
如果我經常係咁熱既壯態,我會好容易病....身體好差 > 0 <""""
昨天和媽咪去行街,其實都唔知去邊架,最主要都係唔想經常留係屋企,好悶....+ . +
所以媽咪決定去黃大仙度行下,佢話0個到有好大既商場,
結果媽咪去到黃大仙都唔知係邊既,我地去到黃大仙己經2點幾
好肚餓呀....我地搵黎搵去都搵唔到0岩心水既食市,去完呢間又話唔0岩,
0個間又話唔好,哈哈...同媽咪出街呢0的事好平常,不過我影真唔習慣,
結果我地都係係0個度飲茶,入到去冇人黎招呼,0的服務真係好差,
係門口既知客,一0的都唔會望下門口有冇人入黎,只懂望著桌子,
裏面0的待應個個都目無表情,0的野又唔好食,俾錢都俾得唔舒服
仲貴喎...真係 ! 好似呢0的咁既酒樓我想只可在一些比較舊式既屋邨打滾
如果佢地係主流社會生存,佢地一早比人淘汰...(我覺得)
食完野差不多己經4:30拉,臨走既時侯媽咪提議去黃大仙廟拜下...
媽咪求到支籤係53號,媽咪幫我求到支32號,其實媽咪叫我自己求,
其實我冇咩信仰,但係我會尊重佢地...臨走時媽咪諗住去解籤
解籤0個個人話媽咪唔好諗咁多今年,和她付出的不等於收回,
佢問媽咪求咩,但係媽咪話求運程又話財運又話健康,
支籤話求明星就好,財運就唔好,解籤0個個人俾媽咪搞到好唔耐煩...哈哈
係咁架la,做媽咪生意一0的都唔容易架...哈哈
咁就到我la,我0個支係32號,佢問我求咩,我話求事業,
咁佢就話,支籤有個叫做蘇武既人,佢好叻好聰明(係咪話緊我呀...hehe~~)
佢就係因為咁聰明,所以就俾人道忌,俾一0的小氣既上司道忌
所以俾上司放族佢去看羊,佢仲話既然放羊都要做架
所以佢就叫我做好自己本份己經ok架la....(我夠知囉)
信唔信就見仁見智la,但係媽咪回家途中係咁問我點解,好著緊似的
媽咪問左一個未經大腦既問題,佢問我如果一個人要出國,
但係支籤話這個人不宜出國,咁點算呀? !媽咪真係....莫名奇妙
我同媽咪講當一個人需要出國既時侯,當然有佢既原因拉,
唔通呢個人貪得意呀 ! ! !支籤係一個意見,唔係妳既動力呀....
媽咪真係搞笑.......呀....

>>September 13, 2003 at 2:27:49 AM GMT+8

2003 年 9 月 11 日 星期四 【酷熱】

中秋年快樂,係電視見到好多一家大細去維園慶祝,不過呢種情景我相信唔會出現在我身上,
您呢?希望在這些節日裏暫時放下所有工作上的包袱,
好好享受快樂帶來的喜悅,好嗎? !
還記得以往的中秋節都在家裏食月餅,未曾試過一家大細咁去出玩,算La...
好細個既時侯同小學既同學玩煲臘,嘩,好好玩呀,0的火係咁燒,
0個陣時仲好細,唔知咩叫危險,我印象最深刻係有個朋友揼個火機落去
不過今年媽咪買左好多月餅番黎,兩個字貪平,哈哈...不過都幾好食喎...
可唔可以話俾您中秋節點過呀???我好想知,我更加想感受一下您燦爛的笑容,好嗎 ! ! ! ! ! ! ! ! !

>>September 12, 2003 at 3:01:57 AM GMT+8

2003 年 9 月 10 日 星期三 【酷熱】

連續兩日搵工個人好點兒累吧 ! ! !希望會有好既消息...
昨晚媽咪問我有關sales的工作,其實媽咪都知道我係唔鐘意sales呢行,
但不竟工作上我曾經給她一種沒信心的感覺,所以我體諒到媽咪對我既質疑
(或許我過往真是一個沒恆心和藝力的人)....= . ="""
我冇怪到佢既說話,反而全部聽在心裏,好讓自己知道自己所做的事情,
在他人心裏是得到怎樣的評價,我自問係一個集思廣益既人,
我唔怕人話我,但怕人唔話我,當然我要看這個人是誰拉,
一個人係社會做事,冇可能盡如人意,你做得好咩,但有人話你做得唔好
我自問做事對得住自己傷害唔到其他人己經好足夠了
正所謂"心之所安"....

>>September 11, 2003 at 6:53:15 AM GMT+8

2003 年 9 月 9 日 星期二 【清涼】

我又唔制呀,我好想快0的見到您呀~~~~~~~~~~~~~~~~~~~
我有個朋友係屈臣氏度做print單,昨晚得到他的消息,
公司有意請人(同一個職位),不過我係見part time己而,
我大概10:30就去到大埔工業村的屈臣氏,我入到去就填一份比較簡單的form
這次是face to face形式,她問了我很多的問題,佢問我呢份part time
只有2千蚊左右,乜夠你用咩?我答唔夠,我就話這份其實係朋友介紹的,
所以我並不知道貴公司有全職的工作,然後佢問我有冇興趣做sales,
我就話我會試下(其實我並不喜歡sales的工作),之後佢就考我既sales skill
假設我是caslo的職員,而家sales佢一部計數機,而佢就用緊一部
無牌子既計數機,咁我就用左信用和保用的兩大要點來sales佢,
佢點點頭(好彩我臨危不亂),佢竟然問番我轉頭,佢用緊caslo的計數機
我要sales佢無牌子的計數機,唉,考起我la今次,咁我就攞價錢來sales佢,
我同佢講,一般係市場上面大部份計數機都係咁用,好少會話壞,
況且我地既計數機平過市面上1陪以上,佢又點點頭,真係俾佢玩死...
"面試",難唔到我既...haha,,,(自信的表現)之後佢俾左一份正式既from俾我填,
其實當我知道佢俾一份正式from我填,我就知道機會會好大,
不過我並不是好開心,因為我實在對sales冇咩興趣,這份工作是負責
市面上的果汁飲品,我要去香港區的超級市場contact一0的經理問佢地需要幾多貨..
比較少contract客,香港區包括中環,銅鑼灣,金鐘等...這個地區是他們給我的,
雖然佢地有車船津貼,但係對我黎講錢係另一回事,我是否喜歡這份工作才是問題,
我會答不是,但我會試一試,況且這份工作是3個月合約的,
3個月之後要看公司業績才另作決定,他們是這漾說的(我看是要看我做得怎樣才對)
他們會否聘請我暫時也是未知之數,最慢會係下星期一得到通知,
我曾經予盾一時,我是否要做一份我並不喜歡的工作,我自己無言己對
Anyway,自己選擇了試一試,就試一試吧,況且我現在也沒有工作,
不過目前我最想都係想見到您先...^ 0 ^


>>September 10, 2003 at 8:27:39 AM GMT+8

2003 年 9 月 8 日 星期一 【酷熱】

今日一早幫完媽咪之後就去見工,我11:45就到左,
但係今次INTERVIEW既形式又唔同左,第一次一入到去就填FORM
第二次連FORM都唔洗填,今次要自己用電腦SET0的個人資料
好多人去見,我等左45分鐘先到我,面試過程順暢,沒大問題,
對於我黎講面試根本唔成問題,但今次要我讀英文就有0的困難la ,
有0的字唔識讀呀..> . <,又要等兩個星期,信心一定有
但我知道唔去就一定冇,我會抱住期望既態度等待他們的回覆
見完工第一時間返屋企食飯,因為連早餐都未食呀(要慳家喔,hehe~~)^ . ^



>>September 9, 2003 at 8:52:55 AM GMT+8

2003 年 9 月 7 日 星期日 【乍寒還暖】

一早陪媽咪開檔,點知走鬼呀...好緊張,雖然我以前都見過呢0的場面,
但事隔多年了...不過今次食環署0的人冇意識捉人,因為佢地係對面馬路來,
好讓我們見到和收拾東西,如果他們有心捉人,他們會從我們後面來捉人,
最起碼唔會咁容易俾我地見到佢地.因為媽咪開檔的位址是屬於政府地方,
所以佢地有權拉我地,但媽咪站立的位址是房屋署的地方,固此當有客人的時侯
她是需要站立在外邊,所以要睇我地好唔好彩,如果佢地要黎拉人,而媽咪係房屋署的地方
咁佢地就冇權拉我地,因為我地可以話0的野唔係我地,我們只是在這裏散步而己,
而家經濟又唔好,所以真係一0的都唔容易...聽媽咪講,爸爸做呢行咁耐,
憑著他的一雙手,賺錢是絕不少的,曾幾何時高風期一日可以賺取五千蚊(新年的時期)
不過....媽咪以前成日同我講以佢(爸爸)既努力買一間樓都仲得,
咁我就同媽咪講"0的錢唔係屬於我地"媽咪聽完之後都好無奈...唉....
佢(爸爸)黎到香港身無分文,憑著他的努力可以做到這地步,己是非常本事了....> _ <
妹妹話要去旅行喎,去泰國喎....我想同佢講妳係街邊養到妳咁大
(因為我對佢既行為實在太過失望了,所以我才這樣說)
今日買東方報紙,見到馬會仲請人,我第一時間打去
佢地約我明天12:00去見,一定要得呀今次....有信心,必勝 Yeah ! ! ! ^ _ ^



>>September 8, 2003 at 6:07:17 AM GMT+8

2003 年 9 月 6 日 星期六 【微雨】

開學己接近一個星期了,相信您己是很忙吧 ! ! !
自從個次我見過您,正到現在都有一年有多了...
不過幸好我還有您的相片,很是想念您的笑容,
雖然我未見過您對住我笑,但見到您笑我都好開心
可唔可以笑黎睇下...好似我咁 ^ 0 ^ ^ - ^
我唔係好識逗女孩兒開心,有個句講個句,
雖然我知道您係工作方面受了不少壓力和精神
不過我都想您開心0的...唉我真係好冇用,得個講字....
看來我要這樣 > - <了....
好想見到您笑...

>>September 7, 2003 at 2:55:05 AM GMT+8

2003 年 9 月 5 日 星期五 【雷雨】

昨天媽咪要我攞0的生果俾爸爸,我大概1:20到佢個度..
爸爸問我去唔去佢個度食飯,其實我之前去過佢個度食飯,
但係還境比較差,但是我也知道爸爸是很想和我一起食的,
不過我還是推了,結果我係佢個度坐到3:30先走...
同爸爸傾左好耐,爸爸同我講佢個度可能隨時都會冇(工作)
但看他的語氣似是很平常,不擔心似的...
但係對媽咪黎講就唔係一件平常既事,因為我們也知道當他回到家以後,
那種生活又再一之浮現在我們眼前,他的債是還不清的,
就算錢還得哂,人情這項脹目,相信他一世也還不完
曾幾何時因為佢既一己私慾,而欺騙相信他的人,正到現在...
不過我要多謝爸爸才對,因為他讓我知道平淡是福的道理...

>>September 6, 2003 at 4:59:25 AM GMT+8

2003 年 9 月 4 日 星期四 【炎熱】

昨天3時許,我和媽咪和細細妹去沙田食野,媽咪想食一些日本的食品,
所以我們去了味千拉麵食麵,話時話我咁大個仔食拉麵次數唔夠3次...
哈哈笑死la,我地係門外看過了脹目後就入去,裏面有好多美食...
不過我都未食過既,所以我還是選擇了我經常食的"吉列豬扒"拉麵
而媽咪就選擇了鴨肉拉麵,媽咪同細細妹一碗,而我當然就係一碗拉,
裏面0的茶咁特別既,我同媽咪飲極都飲唔出係咩味,所以媽咪就問下侍應,
原來係唔知咩咩綠茶係既...hehe,食完之後媽咪話想買一件衫俾我,
所以係沙田再行多一陣,睇過幾間之後媽咪都係買左件背心俾我..
媽咪生日仲要佢出錢,真係冇人性呀我,講笑0者,其實這日我給媽咪一千大元...
流血呀....^ . ^,買完之後我地就返屋企lu,不過係返屋企途中,
媽咪攞我手提打俾爸爸,原來媽咪叫爸爸出黎食飯..
但係爸爸唔肯出黎食,佢話一碟菜成千銀呀,明眼人都知道佢係度推唐緊
咁我就同爸爸講,睇下你有冇心出黎0者,如果你冇心出黎都冇所謂架今日係媽咪生日...
哈哈我用了苦肉計,如果一個人還有一點良心,這些說話會很受用的..
我係咪好古惑呢 ! ! !我們選擇了一間酒樓食晚飯,我地叫左一條魚,一碟蝦
佛跳牆(這味未曾食過),燒味例牌,西欗花..食既其間爸爸特然俾錢我,
佢俾左2500蚊我,我好特然...佢俾咁多錢我既,我停了一停,無言己對
原來媽咪之前同爸爸講我冇工做,唔可以冇錢,原來係咁....
爸爸俾錢我那刻,我望了他一眼便很快不望他了,因為我唔知道我應該可以做0的咩
太過特然拉...佢食既其間四處張望,都係驚撞到個0的欠佢錢既人..
食都食得唔安落...我個心好矛盾好唔知點咁...見到爸爸咁....唔知點咁..
可以話佢係自己攞係既,但我個心有陣時好同情佢....唔知呀唔知呀.....
您放心拉,我冇事.食完之後番到屋企大概九點lu.....haha~~~

>>September 5, 2003 at 3:12:58 AM GMT+8