2003 年 1 月 10 日 星期五 【晴】

仲有一個幾月就考試lu.....
點解學校仲未影班相ge??

日日都的唔起心肝溫書......跟住就....."死喇死喇~~~溫唔切呀~~"

>>January 15, 2003 at 12:31:55 PM GMT+8

2003 年 1 月 10 日 星期五 【晴】

仲有七十幾日就考試喇.......

點解學校介未影班相ge, 都就走囉....

日日都的唔起心肝溫書.......之後就死喇死喇~~~~溫唔切.....

>>January 11, 2003 at 4:06:23 PM GMT+8

2003 年 1 月 10 日 星期五 【晴】

條頸好得七七八八....
唔知係咪朝早個袋放得太多野....
搞到頸都痛....
又比尋日痛左....
嗚.......幾時先全好....

>>January 10, 2003 at 4:53:27 PM GMT+8

2003 年 1 月 9 日 星期四 【晴】

朝早返學塞車,遲左15min. 先返到去,但我知道一定唔當遲.....
所以我慢慢咁樣行返去........塞車個時仲有時間俾我食個包添.......

放學袋都未放低就同肥仔玩,玩下玩下又訓著左...好耐無同肥豬仔訓午睡...

曾經有個朋友A問我點睇朋友B, 我諗住大家0係朋友,傾下計咁,同佢講都無咩所謂....
好坦白咁同佢講,話我覺得朋友B唔係咁好,做唔到朋友....
但就引起左"說人是非者,正是是非人".....
我最怕咁樣俾人誤會, 以後都係小講自己D野,
個個人諗O既野都唔一樣,以免俾人誤會........
講真又唔信,講假又唔信,我都無咩好講.....
算吧~等佢自己慢慢去睇清楚人,由佢自己發現就睇得最清最楚,
咁大個人唔使其他人去教佢點做人GE....

至於朋友B,基本上我唔會點去理佢,但我一樣都會照無乜野,
因為無咁得閒去防佢呀......好忙呀!!!
朋友A仲話我唔應該用D咁差態度對B.....
um....暫時好難笑住對佢...過多幾日等我唔記得件事,我會好.......我估~~

當我會好串好串咁對住人,0個個人都唔會好得去邊.....

阿哥女友係越南實習返黎,有手信==靚靚筷子一對....
仲有d野食,等我拎d返去俾院友仔食下先.......手快有手慢無.......

ADA我一定唔會叫你尊重NIKE SIR ga....
要人尊重,都要佢自己尊重自己.....教到d pa咁型.......
我都唔想理鬼佢~~~哈哈!!
呢個改變都唔錯ge,咁如果我做到証明我成熟左....

>>January 10, 2003 at 4:29:22 PM GMT+8

2003 年 1 月 8 日 星期三 【晴】

淨上econ一堂,好無聊,放左學仲要補課,.....

then , 6 個人去左青衣體育館打波( ada ,chris, 麥翠, siu wut , 十三),我好屎波呀....行動慢半拍,
义腰動作又成日不經意咁走出黎.......-.-"~~
聲色技藝皆欠,除左我都無乜邊個......
雖然眼睏,但對住佢地真係好搞笑.......好玩得~
一路都心情好靚.......

走ge時候,望到個人好熟面口,但唔肯定係咪佢.....
望多兩眼,佢都發現到我.......仲同我hi....呢個人就係以前間學校我最唔鍾ge miss ,關美萍~
我都唔知應該要俾咩反應佢.....只係點點頭就走左....

我以為,我可以好大方咁同以前唔鍾意ge人打招呼,傾幾句.....
原來我係做唔到........我真係要學下大個女,唔好再咁計較,咁小氣.....
都過左咁多年.......佢即使幾衰咁對我,都過左咁耐,理得佢咁多~~
仲有如果唔係佢,我以前都唔會咁乖,放咁多時間係中文到....
都要多謝下佢ge.....
希望下次再見到佢時,我可以無晒野咁對住佢啦~~哈哈!!
要大個女!! 大個女!!大個女!!~~

搭小巴返屋企即刻訓著左,好彩無行返去,唔係都唔知行到幾時先返到屋企.....
功課都唔想做就想去訓囉.....

大佬一返黎,佢問起野,.同佢講野,佢又話得喇得喇......
我最唔鍾意d人又要問我野,又唔留心聽我講野........我真係自我中心得要死~~
但我真係覺得佢好唔掂......
唉~~可能佢都係咁覺得我,但都係唔好理佢同阿媽,
廢事又搞個大頭佛.......

>>January 9, 2003 at 2:05:35 PM GMT+8

2003 年 1 月 7 日 星期二 【晴】

UM.....很失敗ge一日......
因為我訓過籠......到十二點先醒,下午都返唔切.....
成日都無返學三點先起身食飯,書又唔起身溫.....
阿媽叫醒我時,我講左句話暈,佢轉個頭就拎d藥俾我食,
訓到矇矇下,我居然食左,但其實我係無病......
好彩食左都無咩野......
聽阿靜講今日好多人無返...........有成六,七個......

凌晨二點,二佬放工返黎,話臨收工有個阿婆瓜左.....佢幫個阿婆做心外壓都無返應,
救唔返........佢去到見到條咸魚時都好驚.....
但白車成十幾分鐘之後先到.......咁就一條人命......

二佬仲話今朝學校有打電話黎問我點解唔返學......,佢答"佢唔舒服 [掛]~~ "
then, 個書記即刻問我老豆個手提係咪xxxxxxxx,二佬叫佢打去阿媽到,
話老豆返緊工...........
個書記就扮晒野話 "哦~我地唔係打去,對下個no. o者~~不過你俾埋佢媽咪個電話我地都好o既....
我地唔係打去ga...........你叫佢有乜野就聽日返去同班主任講啦~~記住交家長信同醫生紙呀!!!"
佢咁樣問,即刻認為我係蓄意逃學(雖然我係),聽日返去肯定排緊隊ge,肥佬葉就會黎找我麻煩~~
又係時候發揮我o既吹水本能...........
不過佢信唔信又係另一回事喇~~

>>January 8, 2003 at 6:15:14 PM GMT+8

2003 年 1 月 6 日 星期一 【晴】

一朝早返去就抄econ,抄完都係唔多識....

lunch 之後,小強執到傻仔秦o既銀包,惡毒o既十三想整蠱人,收埋個銀包,但十三同我"有lock 頸之仇" ,我又點會做幫兇呢~~
於是好鬼老實咁篤爆十三o既奸計.......
但係傻仔秦竟然唔信我呢個咁坦白o既姐姐~
仲信埋十三o既讒言.......真係.....

放學同左仇家十三去買老翻dvd, "唆擺"佢買左隻<貓の報恩>......佢睇都未睇
就借左俾我先........但係原來我部電腦係睇唔到dvd ga......唉~~
拎返學校ca堂睇!!!!


係rabbit個info睇到ge:
屬豬o既運程:「值得高興的是, 今年氣運對考試有利, 對選舉、升遷都有幫助。這對應屆考生, 準備升級考試的人是一個喜?, 請好好利用。增強信心, 提高成績。」

如果真係咁就好喇~~
不過唔係屬豬ge......都要考到呀!!!!!

>>January 7, 2003 at 1:12:29 PM GMT+8

2003 年 1 月 5 日 星期日 【雨】

不太正常o既一日~~

今日真係好凍好凍.......有衫都唔可以著,只可以著住條好短又薄o既校裙....
真係折墮.....

條頸仍然好痛放學,阿媽又唔係屋企,放補習d跌打佬又關晒門.....
雖然十三幫我鬆返d筋(搞到我又痕又痛).......但仲係好痛...
可能係我太耐無做運動.....d筋骨老化.....
又要撐到聽日,真可憐~~

放學凍到抽晒筋,係咁將個頭縮入頸巾,條頸縮埋一舊都唔埋喇....
返到屋企就知衰喇~~痛到哭水都標出黎.....

想拿拿聲沖個涼去補習.....
大佬即刻拍門叫我唔好咁衝動,做傻事.......
原來大廈無水.......
所以就用左呢段時間....upload左平安夜相.....
自己都未睇過......

今晚返黎又要溫中化test,又要做econ......
溫左先算.....功課唔識就返去抄!!!!!!

>>January 6, 2003 at 8:55:39 AM GMT+8

2003 年 1 月 4 日 星期六 【晴】

econ已經開始intensive course喇~~~~比以前遲左一個鐘開始.....
又可以訓多一個鐘~~

條頸痛到好似抽筋咁......由耳仔到膊頭一路都係痛.....
舉高隻手都有痛不欲辛感覺......
但我唔想睇跌打.....我驚條頸俾人"lock"斷....

所以我係咁易俾阿媽搽d跌打油就算.....都好左少少少少......
聽日仲痛就唔返學,睇醫生......
再痛就去打十三小人~~~哼!!!!

大大大煲........阿媽叫我睇住煲野,熄火.....
我以為係湯.......走去落鹽......後尾先知係糖水......
唔知落返糖入去得唔得呢??~

>>January 5, 2003 at 8:54:11 AM GMT+8

2003 年 1 月 3 日 星期五 【晴】

今日半勤力溫習........仲未可以全心全意咁溫書....

同阿靜講電話,佢原來都見到宣sir上一次同我講野態度係何奇咁差.....
不過相對我都唔會對佢好好......計返我唔會蝕底......
好彩都唔使對多佢好耐~~~
尋日係走廊諗住擰轉同阿靜講句野, 一擰轉原來成個宣sir企左係到....
我想講ge野突然吞返落去講唔出.....就擰返轉....
佢一過左,我先同阿靜講返......
siu wut一見到宣sir就拿拿聲咁行先.....
哈哈.....我對佢ge偏見+成見都非常嚴重!!!!

之前一日俾十三好大力咁"鍊骨", 痛 + 痺到想喊.....
十三行惡得逞之後仲話早知我無身材,得排骨,就唔使咁大力鍊....
我就痛到想死~~
then,佢話唔俾佢再鍊多下,鬆返d 筋,就會好似阿靜對上個次俾佢鍊咁,
痛足兩日........
我唔想俾佢鍊多下,信唔過佢嘛~~

原來佢無厄我.....事隔一日,仲係痺ge......
好不幸......呢一晚我再擰親條頸....
無論食野,講野,轉左轉右,訓覺.......甚至唔郁一樣都係痛到阿媽都唔認得....
聽日仲要補習睇下到時痛唔痛啦.......

>>January 5, 2003 at 8:36:40 AM GMT+8