2003 年 2 月 5 日 星期三 【晴】

阿爸同mum今日返黎lu~~yeah~~

>>February 6, 2003 at 9:18:34 AM GMT+8

2003 年 2 月 4 日 星期二 【晴】

好大意咁整爛左自己個心愛咕o臣....好傷心呀~~
換轉係屋企人整爛我ge,一定俾我鬧到好勁...

溫書進度好慢.....仲有3,4日就要返學,溫唔切呀~~

凌晨四點幾,2個阿哥好有閒情日置係廚房煮野食,我就食左個 [茶餐廳式奄列],
佢地煮,我就食同洗....yummy~~
好少食到阿哥煮ge野.....如果成日都係咁,幾好呢~~

每次聽到有人同我講:[考好d喇~俾心機呀~考到就入到大學....]
我就覺得好慚愧........

我都有睇到 "觸不到的戀人"呀~~好好睇呀~~
我係電視睇完之後,想買返隻碟黎睇呀~~

>>February 6, 2003 at 9:17:58 AM GMT+8

2003 年 2 月 4 日 星期二 【晴】

屋企實在買得太多糖,食極都食唔完....

以前都有去朋友仔拜年,不過今年就無喇....
一黎無時間,二黎....點解我唔去,d朋友就唔會上黎(不過我去左,佢地一樣都係無上黎...)
其實唔拎野都可以上黎ga,過年一大班人玩下唔好咩?
二佬同我一樣,淨係得自己去朋友屋企,無人上黎,
但佢仍然好有心咁買成幾百蚊ge野去朋友屋企拜年,我學到佢就好囉~~

阿爸同阿媽聽日就返囉~~

阿鋒寄左佢部遊戲機俾我.......um......係想俾我解悶 or 話我知佢好俾心機讀書呢?

>>February 5, 2003 at 12:39:46 PM GMT+8

2003 年 2 月 3 日 星期一 【晴】

今日仍係無所事事...
有好多唔知咩電話打黎搵阿爸阿媽.....搞到我都唔知點咁...
有個阿爸以前ge工友同個老婆係好遠ge地方過左黎,打黎話想上黎拜年,
得我一個同就黎出街ge二佬係到........所以都係推左,無俾佢上黎,
呢個叔叔好好人,上年上黎係咁同我傾計,仲話要認我做契女,
不過老豆唔係屋企,我都唔識招呼人......阿哥係咁話我衰格....
我都覺......但叫佢上黎有好似怪怪咁......

.#時來運到 天下無敵 天生有種總有用
無論場地軟硬 長與短途 同樣向前衝
難捱便有衝動 趁機表現 誰及我英勇
未必要做強者 稱霸最強 是我不怕痛#

@時來運到 天下無敵 即使最終得個夢
無論成敗最後 能夠開懷 才是至成功
沿途越有希望 才越有望 誰及我相信
幸福要問自己 不必強求 運氣會贈送@

假使很低 不怕去到了谷底
似隻螞蟻 奮勇攀石亦壯麗
萬花出於污泥 世界亦細
但我心 深不見底

*好的東西 定能留低
我信最尾 我還未毀
我放得低 拿著更覺矜貴
笑對亂世 難道我會失禮*

>>February 4, 2003 at 1:34:14 PM GMT+8

2003 年 2 月 2 日 星期日 【晴】

阿爸阿媽返左大陸lu.........又得自己一個.......

年初三都要補習...............真係...

>>February 3, 2003 at 9:51:41 AM GMT+8

2003 年 2 月 1 日 星期六 【晴】

今日訓到成三點,因為前一晚坐到好夜....
訓緊時,知道有親戚上黎食飯......所以更加唔想起身....
我知有2個好可愛ge靚妹黎左.....不過都懶得起身繼續攬住肥仔訓..
呢2個妹妹仔仲跳上我對腳到.....好彩我心情靚.....佢地想搞醒我一齊玩.....
我懶得鬧佢地添~~

阿爸阿媽出左去拜年,又得我一個人食飯......
好無聊呀~~

阿爸阿媽同二佬好聽日返大陸........一定悶到我傻....
阿媽廢事我落街買R......買定好多野係屋企.....
即使香港而家淪陷......我"哩"係屋企.......d野食都夠我食足3個月呀~~

>>February 2, 2003 at 12:52:06 PM GMT+8

2003 年 1 月 31 日 星期五 【雨】

年初一居然落雨....
好多人上黎拜年....d靚仔係咁搞肥仔,終於觸礁喇~~新年流流俾貓咬,話住都唔聽....
人多的確係熱鬧,但我覺得好似應酬咁....
我無出去拜年.....
成個下午個個出晒去時,感覺好冷清.....

尋晚阿媽俾左利是我....我會袋住去考試....
我都俾左個利是肥仔...佢都係豬年出世....

同ka kin傾左一陣......都係覺得好無奈同失望....

我其實好識講大話但唔鍾意講.......我怕大話會有穿ge一日...
究竟呢個世界有幾多個人仍然仲係忠忠直直,對咩人都好,
有良心ge呢............
好彩全屋ge人都係好人一個...

夜晚得我一個人同肥仔撐台腳咋,2哥訓左覺,大佬又返工阿爸阿媽就係親戚屋企~~
一路電視送飯......好無聊.....都無咩溫書.....懶呀~~勁心散呀~~

睇返餅勁耐ge"心動".....都幾好睇.......我以前都未睇過.....
如果真係有人咁長情,有d友情可以咁單純就好喇~~~

阿哥話雞翼仔拍緊拖,我都唔知添~~
太耐無見喇~~
考完試要搵好多人呀~~~

>>February 1, 2003 at 5:20:32 PM GMT+8

2003 年 1 月 30 日 星期四 【晴】

晨咁早就去小熊國,係青衣城俾個婆婆叫我幫佢入八達,
居然黑到連阿婆張卡都食埋......好彩後未都拎得返......

去到小熊國,見到scgaw ge一個女仔未同過一班,但佢一望已經認得我...
我幾分鐘後先認得佢...
仲見到鄭寶華2公婆,無見2年,原來佢多左個仔...時間真係過得好快好快.....
咁樣都撞到人....香港真係好細....
同阿靜足足影左2筒相......我地係咪有過份呢.....
仲趁d職員唔覺,爬左入圍欄影相.......越大越唔守規矩...
後尾玩埋入面ge冒險樂園.....可惜一隻公仔都拎唔到,
得好少票,所以俾左個妹妹.....玩得好開心~~~

then, 由尖咀行左去旺角,狂掃街邊小食.....爽~~
腸胃唔好仲雪糕魚蛋.......我一定會後悔....
之後行街買衫,收獲豐富!!
最後當然要阿靜帶我搭車返屋企啦~~

食完團年飯,做左好多家務....
都無溫書,不過都預左....
好彩功課做晒......個假用黎溫econ!

尋晚阿哥返屋企時,係樓梯見到有3個人吸毒,
返黎之後同2佬傾過於是報警,阿媽當然反對啦~~
但報左好d.......
d差人好耐先黎到.....咩人都走晒.....
好彩我唔行樓梯ge o者.....
呢一晚覺得2個阿哥好有正義感....

我寫左封好長ge信.........用黎勸 / 鬧人ge......
如果佢仍然係咁,我就會俾封信佢....
但........都係過左年先.....

>>February 1, 2003 at 8:12:23 AM GMT+8

2003 年 1 月 29 日 星期三 【晴】

好忙,好忙,超多野做......
因為做緊功課,無乜點幫阿媽手,被狠狠地痛罵左一餐,連阿爸都鬧埋我一份....
阿媽係咁樣我都知....但無諗過連阿爸都係咁....咁唔講理....
我又唔係去玩,我做功課,溫書都唔岩?
仲質疑我係咪有咁多野做,咁多野溫.....
3月都考啦,仲要返到3月,我呢家仲唔溫,我仲邊有時間溫....
我都唔想溫,捱到殘晒,唔溫你俾大學我讀呀?
我都有幫到手,仲想我點o者......好煩呀~

今日咁樣俾人鬧法,之前又應承左同朋友聽日去小熊國同買衫...
唉.....去都去得唔安心........返黎即使係食團年飯都一定會俾人鬧.......

遲多幾日,阿爸同阿媽就返大陸,叫我煮飯俾阿哥食....
我唔想煮慳返d時間......何況上次都試過煮左無人肯食......
自己一個將所有飯R食足3餐.......
同佢地講.........又話係我懶........真係好唔想同佢地講野.....
根本溝通唔到..........
有無一次係可以俾我係0岩......

>>January 30, 2003 at 5:13:09 PM GMT+8

2003 年 1 月 28 日 星期二 【晴】

尋日同阿靜講電話,諗住夜d做功課,之後溫中化test.....
點知十一點幾開始動工ge時候,又傾第二個電話......
呢個電話好重要,唔可以唔聽.....
一傾就成三點幾......
收左線之後就作埋篇文同溫書.........不過實在太眼睏喇....
只係睇左 文章主旨 個版之後都已經成四點........即刻走去訓....

返下葵之後,我未試過係車到唔係訓覺....
今日就係到狂咪書.......睇左頭2頁都好似無睇過咁....

個個都估我會肥.......我都係咁諗.....
但十三仲要話我一定肥硬,我就話"你唔好俾我高分過你,我一定合格"
佢仲話我高分過佢,佢即刻係五樓跳落黎.....
test個時.......我將同一段野寫左3次,答左落2條題目到....,之後再寫唔出野.....週圍望....
點知到左放學前派卷,我有成15.5 / 25分.....都算係咁上下,仲要高過十三.....
笑到肚都痛........但我又唔記得左佢個承諾......蝕左添~~

搞完一輪好煩ge野,我地就去左食tea........好便宜呢~~
跟住返屋企幫阿媽刨左成個鐘ge蘿蔔........手好軟呀.......

聽日就開始放假喇........要俾心機溫書......

>>January 29, 2003 at 2:32:17 PM GMT+8