2003 年 1 月 2 日 星期四 【晴】

今日就係又要返學ge 大日子~~
尋晚兩點已經走去訓.........碌到五點都未訓得著.......超辛苦~~
鬧鐘未響已經起身lu......返學都好ge........唔使咁頹.......

今日對住miss ho做口頭報告........將三分鐘ge野係兩分半鐘內急口令式講完......
雖然十三姨話我有九分......但我都唔係好信.........
因為我都覺得好差~~

um......十兒話<貓の報恩>好可愛~~
幾時去睇好呢??!

本來返到屋企想訓ga........但諗諗下又唔想再咁樣落去..
都係捱住落去.....

係書到睇到...........
"朋友本就是生命旅途中的同路人,
有的人可能會陪伴你走較長的路,
有的人則會與你分開.
但接著往前走,總會有新朋友."

係咪真係唔同路......就唔可以再一齊呢.....
我想.......即使唔同路.......其實都可以一齊行ge o者~~~
唔需要咁執著~~

>>January 3, 2003 at 12:33:51 PM GMT+8

2003 年 1 月 1 日 星期三 【晴】

woo~~
一個聖誕假就咁就無左囉~~
的而且確個假期就咁訓晒去lu..
真慚愧......

每日朝四訓....下午三點起身ge日子....真令人懷念..
聽日都唔知,知唔知起身.......
又要返學......真係十萬個唔願意....

>>January 2, 2003 at 2:03:07 PM GMT+8

2002 年 12 月 31 日 星期二 【晴】

今日再收到傻瓜寄過黎ge第2份禮物...
係一條佢親手織ge頸巾...
一個男仔織得靚過我織ge.....真係有自卑...
不過確實令人感動....如果真係佢織ge話.....
但佢似乎忘記左我ge高度....

我做左本書ge測驗....我係一個有135貓主人智商ge"隨和型主人"~~~~哈哈!!強呀~~
書入面仲話......d貓俾人嚇親就會隨處小便.....難怪肥仔係狗房返黎之後.....
隨處撤尿啦~~~~佢俾我新年gift就係係我張床..........

而且d貓成 日咬人係因為....患上左 [孤獨貓咪症候群].....
因為太無聊想博取注意力.....我應該放多d時間俾佢....

>>December 31, 2002 at 8:18:21 PM GMT+8

2002 年 12 月 30 日 星期一 【晴】

今日已經係2002年最後一日喇.......有d失落感.....
而且過多2日又要返學.......書都無乜溫過....

今朝一樣都係3點先起身......
成個下午係到諗點樣寫本語文常談.......寫左一半.....都係扔左....
因為都唔知自己寫左d咩......

本來無諗住今晚去玩ga.....
但同siu wut又要補習補到咁夜......
所以就將之前ge約定係今晚一同實行.....約晒青衣同學仔去食宵夜!!!!!

十點三過我同siu wut已經返到長發....
lai fong & ada已經係到.........
等多陣雀屎同麥翠都黎到.....

呢個地方真係會撞到好多人.....如果我無認錯話...
今晚見到吳子為...汪潤標.......許俊....carman......阿秦......
大佬&小玲(這個小玲不是我)........林榮基.....
太多喇.....

食飽飽就行左去海傍玩倒數.....
不過都無人理我地ge.....
之後就瘋狂打俾屋企人同朋友......講"新年快樂"~~
希望大家都有快樂ge新一年.......

polly仔都有打俾我呀.....雖然唔係一齊玩...........不過都好開心.....好似一齊慶祝緊咁......
我地一班人仲係到互相祝福同許願......我地一定會入到大學讀degree!!!!

無耐....佢地又再肚子餓........於是又展開第2輪攻勢....再食........
呢次就撞到小芝同harry喇......
於是我地又一齊食野.....我就飽到暈....真係食唔落...
坐多陣........我地又各自歸家.....

這次又要努煩2公婆送我返屋企......搞到佢地咁夜返去....
ada就要自己一個去搭mtr返"大欏柚"囉....

估唔到會成2點幾先返到屋企.......
聽日又遲起身囉.....

>>December 31, 2002 at 8:19:00 PM GMT+8

2002 年 12 月 29 日 星期日 【晴】

凍左咁多日,以為今日有十八度會好d啦~
點知都係咁凍....
一日都黑都機乎係張床上度過......除左補習個時....

就黎放完假....溫習都係無乜.....
讀左第一章ge<語文常談>........都唔知唔寫內容可以寫咩感受.....
睇完好無厘頭就有.......

我用左近半日時間睇埋rabbit送俾我本書....
同肥仔做左個測驗......
佢ge貓貓智商係有110......屬於中上...
只有35% ge 貓俾佢聰明~~
所以好難令佢聽我話.....

至於我係咪一個好主人ge測驗就仲未做......
哈哈~~唔使做到一定係啦~~~

小芝話已經收到rabbit係聖誕影d相~~
yeah~~好快有相睇...

聽日又要補習......實在太恐怖喇....
不停咁補呀補......秋冬進補咩.....

成日聽到eager話打日記....
今晚終於發現到佢個diary~~
都有幾多我出現喎~~
都話佢仰慕我ga啦~~咁掛住我~~哈哈!!!!

我仲發現我個diary d 內容同佢非常相似....
唔係訓就玩.....
再唔係食就係補習....
書.........都係無咩點溫.....

>>December 30, 2002 at 5:00:13 PM GMT+8

2002 年 12 月 28 日 星期六 【晴】

今日補完習就同左一eager, lily & rabbit 一齊出去,
因為未溫好書......唔係幾想出去....
但又好想同佢地去玩.......的而且確就無左一日......
不過可以一齊行街.......無所謂啦~~聽日努力d.....

我地去左唱2個鍾頭k.....之後買左一隻幾搞野錶俾自己
(但我呢家淨係想要個錶面....好想拆左個錶面出黎......但一買返黎就咁對佢....好似有點....)
之後就到rabbit買野俾一個好"大隻"又要斯文ge ka kin~~
佢仲買左隻"好抵"ge奪標vcd......哈哈.....真係好抵~~

不停咁行行行.......好眼睏呢......訓左四個鐘咋....

rabbit仲帶左佢係台灣拎返黎手信俾我地~~
差唔多人人都有本書........
d書仲係貓貓ga~~~好鬼開心!!!
不過佢買咁多書過黎.....個行李一定好重.......

>>December 29, 2002 at 2:26:14 PM GMT+8

2002 年 12 月 27 日 星期五 【晴】

呢一晚,除左大佬去返工之外,就成家人出左去食飯....
二佬請我地去食飯,睇戲...
去左扒王之王.....阿爸阿媽睇落就唔多o岩食......
我就無咩所謂.....不過青衣城個間個feel就唔錯,野食就俾想像中差少少..
但都唔錯ge~~

食飽飽就好趕咁去睇戲~~
無間道都幾好睇....但因為知道太多劇情喇~~
知道....就無咁好睇......又搵戲o黎做夾硬要整瓜一個~~

>>December 29, 2002 at 1:46:29 PM GMT+8

2002 年 12 月 27 日 星期五 【晴】

收到你的gift.........多謝.......

>>December 28, 2002 at 8:56:27 AM GMT+8

2002 年 12 月 26 日 星期四 【雨】

因為想早起身溫書,所以約左小芝去自修室,迫自己起身......
不過訓到三點,佢都未打俾我,拿拿聲起身做功課...

四點多終於都去左自修室,到八點就自己返屋企先...
廢事俾阿媽詐型(去自修室溫書,佢一樣當你去玩,去補習,佢認為你去街...)
如果我肯留低陪小芝到九點,就唔會有咩事發生....

返到屋企好開心咁打邊爐,因為實在太凍喇~~
大佬同阿媽講緊d野,2個人係我耳邊大聲公咁講野,老豆
就不停咁問我大佬d野,我都唔識答佢...
係呢個時候,見到阿媽開始煩住大佬,我廢事佢俾人鬧,
所以出聲"你唔好理佢啦~佢話係咪係囉~"

呢個時候,就有人發脾氣,話我多事,阿媽仲話"我俾佢鬧我ge事,關你咩事"
哈,原來我自己戇居左.....於是就俾人借勢發難.....
我完全無撩交拗ge意思,但無端端俾人鬧我當然會駁嘴,
一嘈老豆又發埋脾氣,不停踢台踢櫈,
大佬就出左街.....我閃遲半步,我塊面亦都會有五條痕......

如果我唔出聲,只係由佢地講,到佢地自己嘈......咁我咪無事囉,
我真係太蠢,蠢在無諗到會有人突然將矛頭轉向我....

.......阿媽仲鬧我唔讓大佬,讓?讓咩呀??!
我考試趕paper都要即刻起身讓部電腦俾我ge"好大佬" 打機...
佢放工,我放學,佢可以問我點解唔可以係佢未返之前用,成個朝早做乜...
係要同佢爭住用........原來我返學時間唔係朝早~真奇特~我唔返學咪可以唔使爭囉~

總之好D ge野都要讓俾大佬,都讓左十幾年,點解仲要我讓?
仲想要點乜?一次過拎晒去啦....

嘈完仲要俾人話家務又唔做,書又讀唔到,個個月讀書補習又要幾多幾多錢....
錢我都唔想用,讀書可以唔使錢ge,我都想.....

為咩樣樣都係我錯?總之佢有咩頭暈身㷫都係我錯....
真係唔知有咩好講~~我每日無論返屋企係做功課又好,訓又好,
幫手做或唔做都一樣俾人鬧....咁點解我仲要做?
忍得到就忍,忍唔到駁嘴,又話係我發脾氣先....

我再嘈,又話要扔肥仔.....
我越得罪阿爸阿媽,肥仔就越易俾人扔走...

呢一晚收到ting張卡.......但係我一d都唔開心...

我有個 "咁好" ge大佬,真係執到.......好到有2塊面....
拮完你一刀之後,又可以笑騎騎咁對住你....
真係好難得....

溫書啦,溫書就咩都唔記得....
訓著.....或者我會開心d....
最好一覺訓醒,我唔會再識得流眼淚....對我黎講係一件好事....

>>December 28, 2002 at 8:28:05 AM GMT+8

2002 年 12 月 25 日 星期三 【晴】

今日拎左d相出黎諗住upload上去.....但d相太大喇~~
無位upload.....

但睇返上次去哈佬喂 & 同6a幾個同學仔去赤柱bbq d相,
真係玩得好開心,尤其係bbq....
所以要俾心機溫書,考完就可以再出去玩......

今日好搞笑咁無左一張聖誕卡.....

夜晚ada講左件事俾我聽.....
" 有個人係大陸俾車車死.......但未死已被送去火葬場.......
屋企人去到,隻手仲識郁.......但後尾死左....
因為車佢果個人驚佢死唔去,所以咁做......"

實在太過份喇!!!!
都唔知點解有d人可以咁賤...人地有可能救得返...
就咁就無左...一條好寶貴ge人命........

呢排又多變態新聞,睇報紙都俾佢嚇親...
唔係變態佬殺人,就係阿媽砍女.......仲有掟女友落街....
太恐怖喇~~

>>December 26, 2002 at 5:19:53 PM GMT+8