2003 年 10 月 2 日 星期四 【颳風】

依家係零晨4點10分,我一個人對住部電腦,都林住訓,
就走左出去食煙,係走廊度,一面食,一面望住條街,見到
得閒有一兩部的士駛過,突然覺得自己好on9,林返以前,
至少有阿信陪下,佢一樣咁夜訓,一樣都可以咁夜,陪我一
齊食下煙仔咁,但係依家佢要返學,得返我一個人,夜晚想
一路食煙,一路有個人傾下計咁,但係連唯一一個可以同我
一齊咁過o既人都冇埋,有少少孤獨o既感覺,同埋有少少on9...
發現我好似冇咩朋友咁,知己更加唔使講喇...
前幾日,識左個女仔,同佢傾左兩晚電話,重做埋佢"姊妹",但係
唔知點解,好似怪怪咁,覺得佢同我距離好遠,雖然佢細過我...

>>October 2, 2003 at 8:18:34 PM GMT+8

2003 年 10 月 1 日 星期三 【晴】

呢兩日見到多左留言,唔知係咪前兩日"o真"過喇,係度多謝阿
傻拎^^因為冇咩人咁好心機睇晒我d日記,不過可能有,我唔知喇~
都多謝你地喇...

係睇完我d日記後o既人,不外有兩重反應,一.---叫我唔好咁灰喇,呢個世界
重有好多好事,可以令我開心,快樂ga,每日笑一笑,人都開朗d,二.---你d仆街
成日自怨自艾,唔好去死?人人都唔開心ga喇,得你一個咩?頂~~~~
但係我睇過<<俗世情真>>,聽過首片頭曲:

你若盼望 你便可擁有...
你沒寄望 就連夢都沒有...
前面的陽光 會照亮明天...

所以我都會試下再俾d盼望,俾d希望,雖然我之前o既希望info所寫o既希望大大大
部分實現唔到,但係我都會頂住...

有時見到個fd成日唔開心,借酒消愁,又唔知佢咩事唔開心,搞到好似距離遠左,冇
以前咁好咁,可能講過,但係我覺得係小事,所以唔記得喇,不過,你至少可以有錢買
酒泥消愁呀!!!我想買下醉都唔得,咁已經好過我喇...天命~~

我阿媽今日又做埋d仆街野,係夜晚收埋晒d野食,搞到我要落街買野食,都冇咩錢喇,
唉...係以前,唔好話幾耐之前喇,上兩個月佢收埋d野食個陣,即刻心林"屌,搞撚錯呀?
唔撚駛咁呀?夜晚想食d野o者,肚餓ga會,到時老泥我咁撚樣對妳睇妳點林呀?仆你個
街!!!*&*^*&^^%&&$...."但係係今晚,都算林通左喇,
我記得有次我老豆同我妹屌鬼,我老豆同我妹講"你條仆街,我養左妳18年,我問心無愧,
你依家有毛有翼喇,可以自己搵食喇,你做咩留係呢個屋企?...."
就係咁,見我老豆第一次打我妹,一巴煎過去...
我即刻心林,佢養左我廿年,更加問心無愧喇,所以都係算喇...

>>October 2, 2003 at 7:59:45 PM GMT+8

2003 年 9 月 30 日 星期二 【晴】

生活平淡如水,沒有新的動力,新的挑戰,比那些故事中的
主角重要平淡,而知道自己可能永遠冇果d主角咁好彩,可
以過d快樂的生活,有個美好的伴侶,重有個完美的結局,但
係,少少的昐望就總有的,但係呢排林親d咩,都好似會離我
愈來愈遠咁,曾經唔去林,但係成日不自覺去林,唔知幾時先知醒...

>>October 1, 2003 at 1:45:36 PM GMT+8

2003 年 9 月 29 日 星期一 【炎熱】

訓左成日

>>October 1, 2003 at 12:46:43 PM GMT+8

2003 年 9 月 28 日 星期日 【酷熱】

今日,聽到一個可以話係真人o既小說般o既"故仔",但係希望唔好怪我
當"故仔"咁聽喇,但係聽到你o既"故仔",就覺得自己可能永遠都觸摸唔
到o既國度咁,有d為妳唔抵喇,不過妳唔覺就算喇~~~

人天生跟本都不可以愛死身邊的一個...
係可以o既話就唔會拍廿幾次拖喇...
呢個人當然唔係我la...


11點起左身,去左篤波,之後去左圖書館,睇左本<<命運圓舞>>,都幾好睇,
兩個作者一人寫一篇,每寫完一篇就到另一個接力,所以每到睇完一篇,
到下一篇通常都都有180度改變,非常緊湊,睇到我下就都冇食野,睇完都
3點喇,先去食野...跟住去左佩眼鏡,發現冇深過d近視,當然喇,唔見左個副
都係今年年佩ga...

係一日入面,聽到,睇到幾段動人o既事,真係不枉識到你!!!


阿信ar,唔好玩喇,咁都唔記得,過左今個禮拜我林我都會心淡喇,一係就快d
問個miss最後一次喇,我唔想再煩喇...

>>October 3, 2003 at 5:53:17 PM GMT+8

2003 年 9 月 27 日 星期六 【酷熱】

今日周文女朋友生日,話去石澳游水,但係成3點先入到去,係度同佢講多句生日快樂~
一游就游左出浮臺,游到出去超累,之後又游返去,超徙力,都唔知為乜...
游返去個陣重俾個救生員串,係個舢舨仔上面問我"喂,掂唔掂呀?再遠d救你唔到go喇!"
即刻俾人狂串,不過算喇,我都慣ga喇,可能我琳喇,俾人串一兩句又唔會少忽肉,佢地開心就得喇...
返到去就仆街喇,同個阿呂一齊破浪,結果副眼鏡俾浪破返轉頭,跌左唔知去邊...
之後就曚查查咁喇...重走去踢沙灘足球,勁累...
夜晚同心心,歌仔同羊去食野,而周文佢地就去左唱k,其實都好想去,不過冇錢...
之後去左打機,又係睇到盲咁...之後就走喇...

今年真係好難過,返學唔開心,踢波廢左好多(真係好多),重唔知有冇書讀,返partime又唔開心,
成日俾老母少,重冇左副眼鏡,唉...帶左幾個月炸...我唔係有錢,點解咁都冇左?雪上加霜呀...
見到阿信阿羊兩個日日入屯門返學,返到生不如死,即刻林如果我一早派左入去就可以搬入去,
唔使咁喇...依家等消息,真係唔知點咁,晚晚訓唔著,想飲酒...但係覺得開心先飲好,所以唔飲...
有時真係覺得自己唔受歡迎,就係唔知點解...就好似今年咁...可能f.d.個年太過開心喇,搞到今年
真係唔太好過...

係我o既日記開左咁耐以泥,都係得個幾個留言,所以雪糕~~~~~~~~~~
好多謝妳呀^^乜妳姓陳ga???
定妳老公姓陳呀???

其實我都想打俾妳ga...但係呢排好黑仔...我唔想因為咁而冇左...

>>September 28, 2003 at 5:52:46 PM GMT+8

2003 年 9 月 27 日 星期六 【晴】

今日...又好灰...

>>September 27, 2003 at 7:28:34 PM GMT+8

2003 年 9 月 25 日 星期四 【清涼】

今日一早入左屯門,搵左個miss,佢話收到爆晒,要睇下點先...
咁死得喇,佢收多成7個人,唉...我想讀書...再一齊返學...

跟住重去左拜tommy,雖然同佢唔太熟,但係覺得佢幾好人同埋搞野,不過可惜...
我林佢古唔到我會去拜佢...

之後返泥去左剪頭髮,成個箭豬咁吹完個頭後,有少少唔慣...
返到屋企先知阿媽返左大陸...
到夜晚又同羊落左街,打機吹水飲野~~~

阿信阿揚,多謝你地肯陪我去問學位,雖然做唔到d咩,但係無論我有冇得讀,
都多謝你地喇~~~

>>September 26, 2003 at 8:15:14 PM GMT+8

2003 年 9 月 24 日 星期三 【炎熱】

今日阿信佢地叫我入去,但係張成績表係阿龜度...
搞到冇入到去...條友又唔知去左邊...都叫佢早d還俾我ga喇...唉

結果去左打機,重有去左圖書館,之後重坐左係公園,當然有個肥傑係度喇,
吹到7點幾就走喇.....

>>September 25, 2003 at 5:30:47 PM GMT+8

2003 年 9 月 23 日 星期二 【炎熱】

今日又好晏醒,信佢地又冇回音,
睇泥離我出泥做野o既時候又進左一大步喇...
聽到阿媽講細個果個fd,佢讀書叻過我,醒目過我,靚仔過我,斯文過我,型過我...
不過好耐冇見面喇,話佢畢業後去左coffee shop做野,重有個女朋友仔,成日上佢屋企食飯...
好似幾好咁~有d羡慕...
我都想好似佢咁........

係我o既就係我...
係我o既第一日就有好消息喇...

失落第n日...

>>September 24, 2003 at 5:24:39 PM GMT+8