2003 年 11 月 4 日 星期二 【乍暖還寒】

今日俾人嘈醒,咁就去左踢波喇,
不過踢波之前就過左去新蒲崗入票,
不過得4舊水^^~趕頭趕命去到聯合道,
點知踢得一陣就走,超冇癮...好在重有d
人再去摩士再踢,都係係摩士踢先有feel,
個度先有街場風味呀~!成日自己友踢,踢都
唔會認真喇,又唔會進步,又徙氣...

到夜晚...周文生日,不過我冇去度,因為...冇錢...
都係慳d好~!係度同周文講句生日快樂喇~~~

我林我都係出席少d佢地o既活動好d~!
聽日又去見工~!

>>November 5, 2003 at 5:30:48 PM GMT+8

2003 年 11 月 3 日 星期一 【颳風】

今個禮拜提早左踢波,停左一個禮拜冇踢,
唔知會唔會再廢d呢,下個禮拜又話對唔知咩隊...
但係隊波冇咩起色咁,依然咁...踢左一年,進步左少少...

我係度想講下全隊波d人:
alex:冇乜野講喇,一個好龍門...
kay:太慢喇,轉身慢,身位又唔係太勁...
ben:成日唔泥練波,速度又係慢左d...
chirs:成日助攻,返唔切後衛...
winter:同ben一樣喇,不過走位幾好,有速度...
an9:唔想講佢...
邦:成日唔睇波,高波又成日拎唔到,又成日窩利...
冼:一個好快o既中場,不過傳波一樣咁快,搞到阿k佢地成日追唔到波...
傑:另一個進步o既球員...
周文:都係泥玩下o者我林佢...
鬼佬:同周文一樣...
德仔:冇咩野...係成日擺烏龍^^
左住:身為隊長,成日唔傳波,又維護an9...
陳子:始終一拎波就騰雞,不過都係難得o既後衛...
岑健:太少踢喇,唔係o既話我林佢會好勁...
阿揚:唯一o既後衛,不過就成日玩波...
阿信:轉埋打龍=.=
我:身位書晒,體能超差...

就係咁樣...重要唔去改進....
咁又點進步呢?

今日一早醒左,搵左阿呂去拎糧,又出左紅磡,
打機同埋去左m記,佢又講d軍佬o既野俾我笑~
就係咁,搞到夜晚先返屋企...







>>November 4, 2003 at 6:00:41 PM GMT+8

2003 年 11 月 2 日 星期日 【陰晴不定】

係每一日,人人都有佢地要做o既野,
例如返工返學咁喇,而我呢?就日日訓覺,
只係係上個禮拜返左一個禮拜工...
今日我老豆老母又係我面前講返細個果個
fd,又話人地升左職,供埋樓tim~又講話人地會乜都
同自己老豆老母講喎,又識林呀呢樣個樣...
聽到好煩,我即刻心林,同你地講野,好似慌死我
著左火咁,一大盆冷水就淋埋泥...點講呀你地想我...
依家好似愈來愈想一個人...唔使俾人串,唔使理人,咁樣我林我會開心d...

呢個禮拜...頭頭先...

>>November 3, 2003 at 5:31:52 PM GMT+8

2003 年 11 月 1 日 星期六 【晴】

呢幾日返工...係我走個日先知...
個度有人唔妥我...佢地都白撚痴ga...
我都係林住頂一個禮拜就走ga喇...
又話9我派傳單係個門口派,唔撚跟埋
佢地一齊派...唔係咁就唔妥呀?第一次
返長工就遇到d西人...希望下份工唔會咁喇!

>>November 2, 2003 at 8:28:45 PM GMT+8

2003 年 11 月 1 日 星期六 【陰晴不定】

今日訓到成5點先起身,好耐冇咁free過喇~!
不過都係琴日6點半先訓o既關係~!

琴晚同個icq女仔傾電話,又識多左個奇人,
不過佢重細,可能遲d佢會識林...

今日去左打機,不過冇得玩...

>>November 2, 2003 at 6:33:54 PM GMT+8

2003 年 10 月 31 日 星期五 【微冷】

今日返埋最後一日,即刻成個人鬆晒,
唔使再受氣!可以訓返晚晏覺喇聽日~

今日見到好多fd,不過有好多都係專登泥搵我o既
阿信阿羊心心`佢地喇,係個條街度企左成個禮拜,
今日先同面鋪個女仔講左第一句野,而個萬寧阿紫
就係今日用左粒糖救左我一命^^,完本都想同佢做
個fd ga,不過可惜...我頂唔住份工喇,最唔捨得係面
店個女仔,萬寧妹重有日日係附近美容院班靚女學徒喇^^

>>November 1, 2003 at 9:18:00 PM GMT+8

2003 年 10 月 30 日 星期四 【微冷】

好耐冇得寫日記喇,不過都係呢個日記最好...
返工好辛苦,最慘就係d阿頭仆街,成日屌9我,都白撚痴痴ga!
我識做就唔叫新手喇,成日叫人林,林你老味呀~!不知不覺間,
就做到last day喇,不過唔係佢定左要返一個禮拜先出糧o既話
我可能一早劈炮喇~!佢d規矩都好撚仆街!!!

返工第二日就見到個熟人,重要有兩個!
一個係上年同學阿冼,另一個係ive中專
o既女仔,佢係我做野個度隔離o既萬寧
做收銀(我過左3日先知=.=),第一日見到
佢以為佢咁岩路過,第二日又見到佢喎!!!
兩日佢到入左萬寧,但係就好留意佢有
冇閃返出泥,到第3日我又見到佢,但係今
次就唔見佢出泥喇!(因為個撚屌部長叫我
係門口派傳單,唔可以行開!!!都戇9 ga!!!),就
係咁,我就裝下呢個萬寧喇,先發現佢係係
果度做,太遲鈍喇我!!!不過佢收好晏,我走佢
都未走...今日佢就冇返喇,今日我又收晏,可惜!

係我返咁耐工o既其中一日,走左去肥傑樓下果間機鋪度,
阿羊都有去,點解要去?因為佢個度z高達3蚊炸!!!度度都5,6
蚊,果度剩係挑機,但係就照玩,連嬴左6,7鋪,d人好鬼廢,非常
犀利呀,但係打電腦就仆街喇,打唔嬴/.\..........

聽日係我最後一日返工喇,學呢,就冇乜野學到,果度d人呢
就唔想識咁多喇,日日返工派傳單,好在隔離間唔知乜q野呢
都日日有兩個女仔係度派,不過又唔可以過去吹水喎...唉,算~
依家做野快手左好多,有條友同過我講話派傳單可以練到口才
喎,又話派傳單點好點好,都忽o既,咁撚好就做成世喇~!

今日唔知點解d時間過得好快咁,係條街度見到好多女化晒妝,
先林起今日係"哈佬喂",就係咁,我放左工之後去左旺角行左陣,
係潮流特區個度好多人都扮鬼扮馬,最正係有個中國殭屍,又似
紙札公仔咁,哈^^!!!

今日係阿邦生日,不過我去唔到,係度同佢講句生日快樂喇~
今日重要冇去踢波,阿羊走堂都去踢,不過我就冇喇,唔係冇糧
出/.\,原本叫左肥傑泥做,但係佢就冇泥,不過算喇,人各有志~!!!

都係呢個日記最好^^"
打起日記泥都有心機d^^

重有一日~!!!

>>October 31, 2003 at 5:47:17 PM GMT+8

2003 年 10 月 22 日 星期三 【微冷】

琴日重煩緊點食晒好,今日就唔使煩喇...
所以真係今日唔知聽日事呀~!

聽日決定一早再去搵工~!
晏就去踢波~!!!
唔再訓晏~~!!!

>>October 23, 2003 at 4:56:11 PM GMT+8

2003 年 10 月 21 日 星期二 【颳風】

今日一醒泥,都係去左打機,
都係一樣咁挑機,唔同o既就係今日輸得好慘...

點解其他人o既生活可以咁多采多姿?
我自問都唔係好多要求...點解都會咁唔開心?
係呢排...都算係幾黑暗o既日子入面,希望有d
好少少o既事發生喇,唔係唔知點過.....

有成5包...都唔知點食...

>>October 22, 2003 at 8:24:40 PM GMT+8

2003 年 10 月 20 日 星期一 【微冷】

依家覺得一醒泥,就好想出街,留係屋企好唔自然,
但係有時局住留係屋企,個重感覺好難頂,好想快d
有工返,咁日頭去做野,夜晚返屋企訓覺,唔使對住佢
地,唔使睇佢地面色,唔使聽佢地煩.....

今日報左展翅,但係就好怪個感覺,收左我,到時算唔算
返學呢?自從讀左ive之後,話就話返學,但係感覺上好似
去玩咁,有時都唔明點解我f.d都會合格,感覺上好似讀ive
呢兩年冇咩點掂書咁...

原來...
重未失落...完.....

>>October 21, 2003 at 6:24:20 PM GMT+8