2003 年 10 月 10 日 星期五 【颳風】

今晚睇過其他人o既日記,重要係唔識o既人,
佢地好多都信教o既,係咪有呢d信仰o既人會比較
開心d呢?我以前都信過ga...但係自從升左中學,我
一首經都冇唸過,不過都過左去喇,希望d人唔好咁沉迷宗教喇...

>>October 10, 2003 at 7:22:47 PM GMT+8

2003 年 10 月 9 日 星期四 【颳風】

今日一醒泥,就傾左成個幾鍾頭電話,但係重好眼訓,
又訓返落去,到醒返個陣都成3點幾,又冇野食,不過
肥傑出左泥,又去食車仔麵,個老細都認得我咁滯~~~
咁又係,自從知道呢間野之後,都冇去間東方冰室喇,
有時都想返去食ga~~^^

日日都差唔多咁,不過林住去搵工la~
下個禮拜~~

>>October 10, 2003 at 6:30:28 PM GMT+8

2003 年 10 月 8 日 星期三 【炎熱】

今朝成6點先訓,到一點幾俾人叫醒去踢波,
重要走到去聯合道,好鬼遠~個日頭又晒到仆街,
訓都未訓醒,好辛苦!醒泥重要有少少喉嚨痛,都要照去...

又冇飯食,一路行一路食左個m記,一落場就踢後衛踢到尾,
一場和一場輸,踢到9唔搭8,自己o羅泥"支力",嬴都好d呀,
到佢地走個陣我都想坐多陣先走,但係佢地又話行喇咁,唉...
唔知想點咁...

我要早d訓喇...唔係就死得喇...
今日重俾人串等運到.....


>>October 9, 2003 at 4:23:42 PM GMT+8

2003 年 10 月 7 日 星期二 【颳風】

今日...好唔開心...
唔想打野...好唔開心...
又俾差佬豆...正仆街.....


>>October 8, 2003 at 8:52:26 PM GMT+8

2003 年 10 月 6 日 星期一 【微冷】

今日,想搞搞個強積金,點知個電話no把唔知去左邊,搵到我發晒"文",發覺想做咩都唔如意咁,
好在記得去邊度搞,唔係就死得喇;不過又要走去搞,酒店個邊又話搞完先有得返,咁死得喇~~~
林左兩日,真係林過做酒店幾好(做到全職就係),收入穩穩定定,好似好冇大志咁,但係我依家有左
個明確o既目標呀至少,返學讀書呢家野唔駛林喇,發覺自己唔係咁想讀...

夜晚,on左陣line,隻羊搵左我落街,重有天命,又過左樂富,都好鬼耐冇過過去喇,上年同前年
就成日過,夜晚就去同佢地吹水,日頭就返學,個條路以前冇咩點變,但係今日行過,係間永光
中學變左,變新左~!!!林返琴日俾軍佬捉左上鳳德,又行過以前返中學行開個條路,見到其中一
個鋪位,我中一個時係間7-11,到中三佢就執左,但係琴日返去又見佢開返,又係7-11,搞到真係
有少少懷念以前中學o既生活........

講返轉頭喇~
阿羊佢無lala做左d咁o既野出泥,都唔係你o既問題,係個女仔做到咁o者,
我以為你真係唔甘心追佢唔到,但係依家你領左野喇~~
我覺得呢,你都幾重視呢個"game"o既,但係你都係早d唔玩好d...
總之就唔好咁失落咁喇~~~~~
唔知係咪,同學o既關係,好似d同班o既同學會比較易相戀咁,即使係唔靚,
都會好易鍾意左自己班上面o既女仔咁,可能係一齊上過堂,一齊努力過咁喇,
一林到咁就覺得係icq識d女仔好陌生咁...

今日...又凍左d喇...
我唔鍾意o既冬天又到喇...



>>October 7, 2003 at 6:15:08 PM GMT+8

2003 年 10 月 5 日 星期日 【微冷】

今日一醒泥,好肚餓,搵羊落街食野,林住問家姐借住幾廿蚊泥洗住先,
點知佢有都唔借俾我,又唔知佢個銀包突左兩張廿蚊出泥,話冇錢喎...
佢問我借咩我冇都幫佢借返泥,唔使咁呀?又唔係借晒妳成副身家,之
前問佢借左舊幾兩舊炸,一出糧就係咁問我還,所以同佢地邊有親情可
言呀~!阿羊同我講佢成日笠佢阿哥d錢,又借都唔駛還,即刻覺得有個阿哥
幾好呀...

係我屋企係我同我細佬最好,不過佢太細喇,加上成日唔係屋企,而佢又同我
個妹玩,搞到佢依家有少少似佢地,重有,可能我唔想蝦佢喇,搞到佢有少少唔
驚我,全家人得我一個駛唔郁佢,都唔知係咪細路特別犯賤,對佢好唔得ga,一對
佢好就自己死得,見佢一俾我妹喝,就成個顫晒,真係睇到佢覺得驚...
依家我好清楚,我未來一定唔會同佢地住,睇到d小說通常都係d兄弟姊妹互相
愛護,但係自從兩年前o既事,係開始左我冇可能同我d兄弟姊妹再和睦相處,而
今時今日,我只係覺得...呢個情況只係會燃續落去...都係唔林喇~有d咁o既屋企人都冇計!

同阿羊佢地打完機,俾阿呂同軍佬捉左去食飯,反正咁耐冇見,咁就去喇~!!!
佢兩個剩係講女o既,講親女呢,個阿呂成日話我覺得靚個d女,好肉酸,唔靚!
但係佢話靚女個d呢,我就真係覺得佢好怪,不過每個人o既眼覺都唔同,所以
最後我地都達成呢個共識!!!!!冇嗌落去喇~~~
有時覺得,見到d我覺靚o既女仔,同個仆街仔呂講,佢即刻話"咁核突,見唔見到
佢頭上有角ga?魔鬼泥ga!!!"我當然係話返佢轉頭喇!!!覺得呀,好似我話佢靚,搞到
d女仔無lala俾人彈咁...
所以呢,我依家只係想,好似d小說入面d男仔咁,希望自己鍾意o既女仔,唔好討厭
自己就得喇,唔係o既話,就真係會跌到落谷底呀...

今日玩過新game z高達,好難玩,d電腦好勁,d畫面花到...睇到都覺得暈,重要好貴...
都係舊高達最好玩...不過我都會打好隻新game!!!

>>October 6, 2003 at 7:04:58 PM GMT+8

2003 年 10 月 4 日 星期六 【晴】

"萬般帶不走,唯有業隨身"
呢一句野一聽就唔知up乜,但係
今日睇左份報紙,佢解釋左呢句野俾
我聽,就係話咩乜都帶唔走,只有冤業,業障,業報,
會跟身,即係話自己過往o既所作所為,既然種下前因,
當然要承受後果...知道左個解釋之後,有少少驚,雖然我冇
殺人放火,但係過去一d野,我唔話自己仆街都唔得!!!咁會唔會因
為咁,令到依家咁唔開心呢?我幾時都覺得死左,係一了百了,唔會有d
咩天堂地獄,唔會有咩神o既存在,所以我一直都冇去過教會.....................
但係呢句野就真係有少少體會,例如我有d野永遠都唔會唔記得,一世都唔會忘記o既...

琴日去左飲酒,但係覺得自己酒量差左,以前飲半打都冇事,一打先嘔,可能有人覺得少,
但係我就覺得多喇,依家?一支半就wing喇,再多d就即嘔,都唔知乜事...以前覺得酒好難
飲,又苦又怪咁,但係琴晚飲,好似...冇咁難飲覺得...唔知點解...之前覺得難飲就成日飲,
而家覺冇咁難飲,想飲都冇乜機會飲...

>>October 5, 2003 at 6:38:58 PM GMT+8

2003 年 10 月 4 日 星期六 【晴】

係返屋企途中,發覺有少少凍,不知不覺間呢個夏天就快玩完,而我呢
就會過第一個冇書讀o既秋天!到依家重好似迷失左方向咁,唔知做野
定讀書好,可能天命講得岩,可能以家做野會比我讀多兩年書更有出息!
但係我依家就好似香港o既經濟咁,由繁盛期跌到落蕭條期咁,即係一個
轉變,一個我唔知點好而又一定要行落去的轉變,真係想有個人可以教我
點行落去~!

>>October 4, 2003 at 9:15:04 PM GMT+8

2003 年 10 月 3 日 星期五 【酷熱】

今日,一個好耐冇見o既女仔fd,都可以話係fd o既女仔,佢叫coco搵左我地去
唱k,見佢成熟左,開朗左,都覺得算係咁喇,雖然佢重係tb,而佢亦都唔
介意話俾我呢個"朋友"知,不過佢覺得開心就得喇...原本都有林過勸下
佢,但係可能佢以前男朋友hurt佢hurt得太深喇...搞到對d男仔冇信心~

而男女朋友一散左,就好似真係冇fd做咁,由我見到先邊o既朋友,至到一d
icq識o既fd都係一樣,但係我林時間可以沖淡一齊(好老土!!!),所以阿傑,我林
你唔好咁對coco喇,雖然佢有個fd係度,但係應該俾返d風度出泥,我唱k之後
都有同你講過喇,反正都過左咁耐喇,希望!希望你咁好嬲我咁講!!!

夜晚阿邦搵左我,信,揚去左佢屋企飲下野,吹下水咁,都算係開解下佢咁喇,佢
地個個都有野煩,有野唔開心,有野驚咁,我林係得我最少野煩喇,都係做聽,得閒
俾下意見個個,又林返,究竟自己有咩煩,有咩唔開心呢?我唔驚一個人on99咁,乜
都一個人做,有時一個人林埋d on9野,d時間會好快過,又唔駛理人o既感受,自己
林下未來自己搬出去住,間屋點樣搞呀,點樣玩呀,話之林到天花龍鳳咁,至少有個
昐望係度,唔會漫無目標咁...

林返食晚飯個陣,我老豆老母叫我去讀中醫,又話點好點好,但係我真係唔想聽佢地
講,又話到時得左就唔駛怕兩餐!一來我自己冇興趣,二來唔係為左兩餐就做d可以話係
做一世o既工作呀?醫死人咁點算呀?呢d咁偉大o既野都係留返俾d對醫學有興趣o既人
做好d...

>>October 4, 2003 at 9:06:21 PM GMT+8

2003 年 10 月 2 日 星期四 【酷熱】

今日一朝醒泥,都成點幾,返左學校賣書,之後就去左踢波la,
一踢就踢到5點幾,其間有段小插曲,發現左住發脾氣多左,
不過算喇,我點都覺佢係玩o者,之後去左m記食野,,重去埋
打機...

真係一年差過一年呀,點解會咁ga?
算喇,係呢度我想同我o既兄弟阿揚講句,唔好咁down,係條女
有仔o者,搵個重靚d o既咪重好;同埋阿信呀,祝你都快d識到果個喇...

人善被人欺,以後要企硬d喇...
但係成日得個講字.........

>>October 3, 2003 at 6:08:42 PM GMT+8