2003 年 10 月 19 日 星期日 【颳風】

今日林住去報展翅,點知又係搞掂野,林住出門口個陣
去唔成,咁就on左成日line,發覺坐係電腦前面好累,不過
呢,因為冇食過野成個晏就,所以坐係度都好ga,冇咁易餓ma/.\

到夜晚睇左個fd d野,先發覺佢唔想踢波,冇左前年o既沖勁...
可能今年真係踢到9唔搭8喇,而可能佢都冇心踢喇,轉返行打籃球,
不過點都好,我都會記住前年同佢拍住上o既回憶^^

而家有少少習慣一個人o既感覺,最好就快d有份工,
有時想一個人去睇下戲咁,最好個場冇乜人,個場好似自己包左咁~

重未有消息.....


>>October 20, 2003 at 6:54:50 PM GMT+8

2003 年 10 月 18 日 星期六 【微冷】

今日起身好累,on左陣line,到6點幾就出左去,
入粉嶺踢人造草場,不過都係7人場,結果輸4比2...
一開頭好q亂踢到,之後自己又踢到9唔搭8,失第3球
係我o既問題...就係咁之後就踢到d醫院波出晒泥,又
冇食飯,個人軟晒,踢完林住返屋企睇四葉草,點知趕唔切,
睇左套鬼水兇鈴尾,都唔知up乜,食左兩碟飯,成個人先冇咁軟...

希望搵工個度快d有消息喇...
唔係就有排涯....


>>October 19, 2003 at 6:08:12 PM GMT+8

2003 年 10 月 17 日 星期五 【微冷】

今日...
未有消息...

好晏先起身...又....

>>October 18, 2003 at 6:19:05 PM GMT+8

2003 年 10 月 16 日 星期四 【微冷】

今朝去左學酒店d野,就係個"分更"都搞到我手
抽筋,即刻唔想做,又要記好撚多野,又要剪頭髮,
唔想剪law,都係算喇...

之後同羊去左打機,不過太早喇,冇乜人玩,搞到
超悶,之後佢地話去幫陳子慶祝生日,好似話去唱
k,不過佢地都冇搵我,可能我同佢地o既關係最多只
可以係波友喇,陳子~生日快樂呢句星期日先同你講喇!!!...
4點幾都出左旺角見工,同肥傑見左兩間neway,都好似好大
機會請咁(好似=.=),不過有間剩係請夜班,都是但喇,唔係冇錢使,
重可能有時間踢波................

有時搵工總好似有個fd陪住好d,但係咁樣好似永遠都
唔會大咁,依家我要學下一個人去做野喇,雖然好似係表
面上睇落好孤單咁,但係有時我覺一個人,唔使理其他人o既
感受,鍾意去邊就去邊,想點就點,又唔使搵話題,重可以避免左
兩個人冇野講o既沉默(成日都有d咁o既感覺)..............................

星期日.......去踢波.......踩入粉領,
希望可以嬴波喇.....

>>October 17, 2003 at 6:46:54 PM GMT+8

2003 年 10 月 15 日 星期三 【颳風】

今日一起身,就成3點半,阿龜又叫我去報展翅,但係好累,
都係聽日搵埋肥傑去好喇,夜晚出左去食飯,有少少on9...

返屋企前去左搵阿羊,同佢講左我地隊波d野,但係都....
冇乜作為咁,我遲d返工,就得返佢地,唉...

係前幾日,係icq度好難得有好多女仔搵我傾計,佢地
個個都唔開心,搵我數苦,有d有我電話o既,直頭打埋
泥,佢地10年都唔搵我一次,一有事,就即刻打泥,有個
重要我俾佢條仔屌,不過算喇,佢條仔都on99 o既,唔撚
識屌人,係就同我串兩句喇,屌到尾就cut線,使唔使咁驚
呀,驚就唔好打泥喇,條女有條咁o既仔,死得喇!!!(唔係串妳)
不過算喇,我都係俾d人覺得,又淋又抵得林,其實...我都係幫到
就幫,你話有冇企圖?咁總有o既^^,就係至少唔好俾個差印象俾人
o者...有時都想企硬d...但係真係唔識...可能我一俾人見到就留左個
唔好o既印象俾人喇.....

>>October 16, 2003 at 7:38:44 PM GMT+8

2003 年 10 月 14 日 星期二 【颳風】

今朝10點幾就已經俾我家姐d琴聲嘈醒,又覺凍喎,
但係都隔硬訓,到兩點幾俾人嘈醒,去左踢波,一出場就
頂波,係差d入之餘(即係唔入=.=)重頂到有少少痛/.\,重見到
個中學同學,佢依然好隱健,原來佢都識d茄喱啡ga,重成日會
去聯合踢,佢就好喇,做野都有時間踢波;佢重講中晒我地隊波
o既死穴!!!下次要踢羸佢呀!!!

重有,星期六有得返酒店喇~!!!
不過係partime,好過冇喇~

>>October 15, 2003 at 4:01:57 PM GMT+8

2003 年 10 月 13 日 星期一 【晴】

今日一早起左身,因為話搵工ma!10點幾出左去,不過一份工係沙田,
侍憑生,係酒樓做;另一份就係"登記員",打左陣機,篤左陣波,期間問
左個呢兩份工o既地址,侍應要去沙田,"登記員"去旺角,於是決定去
旺角!!

不過佢話要下就3點見,咁就去左圖書館,重借左本<<天若無情>>,
肥傑介紹~;之後先去見工,個度好近肥傑屋企,上到去佢先話係sell
寬頻,又話新工司,新網絡,但係冇底薪...即刻冇咩心機,重話聽晚上去
教我地...雖則150蚊一張單...都唔好喇...一陣sell唔到咪仆街?

到夜晚,我用左1 個鍾頭多兩個零字睇完本<<天若無情>>,覺得一開頭
個主角太過懂事喇,得個5歲,講野成個阿叔咁,睇佢一開頭就要住院...
林返...細個我自己都成日入醫院,住院,依家重keep住一年要入一次廠呢個
記錄,不過今年暫時未入^^,我細個住院,真係有小鹿班比呢d卡通圖案係場上
面,不過覺得好恐怖...我個陣on99咁,成日等阿媽泥,唔係就打gameboy,都記得
有個男仔好似同佢玩過,不過佢就好似有重病咁...想問返阿媽又好似好白痴咁..
都算好彩喇,本書寫到好似住親院個d都死硬咁...



>>October 14, 2003 at 6:33:45 PM GMT+8

2003 年 10 月 12 日 星期日 【微冷】

今日原本林住一早去搵工,
點知訓晏左少少,到晏就想去,
肥傑又話聽日先;最後冇去到,
阿龜之後搵過我落去,但冇理佢,
一係就叫佢就去喇,5點幾先話去....

聽日會凍呀~
著多件衫呀各位~~~

>>October 13, 2003 at 6:17:29 PM GMT+8

2003 年 10 月 11 日 星期六 【微冷】

今日原本林住去搵工,但係訓過左龍,所以冇去到,
阿羊打泥嘈醒我,搵左我去食野,所以今日都好似平日一樣...
但係呢種學生時代先有o既生活我林好快會冇ga喇...
曾經聽過一句..."日出而作,日入而息",睇怕呢d生活...
唔知會去到幾時...



>>October 12, 2003 at 6:25:29 PM GMT+8

2003 年 10 月 10 日 星期五 【暴雨】

今日同平時一樣,一醒泥就成4點幾,
不過點都好喇,聽日都會去搵工,不過阿呂又搵
左我聽晚食飯,算係同d舊同學聚舊咁喇...
睇泥都係唔好再林以前d野喇...

到夜晚我阿媽又話我咁夜訓...
但係冇理佢,照睇"阿虎"...

依家先發現自己唔識講野,點解d人把口
咁得,自己就唔得呢?可能我應該係個d
自閉o既傻仔喇~~~

今日係機鋪,都唔只今日ga喇,成日係機鋪
見到成班傻仔打高達,佢地至少有5-6人
最多有成十幾人,佢地好撚嘈,嬴又叫輸又
屌,都唔知係咪傻ga,見佢地傻笑個樣好似
好幸福咁,因為佢地好似冇野煩咁,又有錢
打機喎...不過我都唔想好似佢地咁on9...
打機靜d唔得ga咩?大聲d就會嬴ga喇?

>>October 11, 2003 at 6:26:37 PM GMT+8