2005 年 11 月 26 日 星期六 【晴】

葬歌

今日我好早比左老父打比我...叫我起身一齊食早餐...
那時都係八點幾喳.....
而我都係要無奈地起身....無奈地行去老麥...
之後行左好耐...終於都到.....
到左老麥...搵左老豆....再食完野....
之後都坐輕鐵.....返聚會...
而返到去那時都冇咩弟兄姊妹.....
我指我家族.....其他家族都好多弟兄姊妹係到...
大家都睇緊聖經....而我都係搵一個角....
睇下聖經好........雖然最近都睇得小左....
不過都睇到以賽亞書啦....
冇野o既....之後睇到聚會那時....
就回大堂....掰餅囉....
而今日個掰餅....都幾深刻....
想下主點解會黎世間丫....
想下主點解會幫罪人受罪丫....
想下呢個想下那個....
最後係知道...恩典真係白白o既...
就好似我點搵工....點解搵到工...就知啦~~
又好似...好多時都有d 攪笑野出現..又攪到就知啦...
一個人...得穎祺同阿田幫助下都攪到校刊出黎..就知啦...
雖然好多野好似好o岩咁....不過咩係恩典....我都還識分o既...
縱然我點差都好~~
完左聚會....我就好急咁走啦...
因為都趕住一點去尖沙咀....
不過去到尖沙咀...都見唔到有人...
只係見到阿偉係到行來行去....
再搵o米阿b...行去搵vicky...先見到阿生同ryan 慢慢咁行過來...
到齊啦....原來去食野先....
我心想...唔係一點去到咩....
原來食食下野先知...四點先開始....
我心想....咁早叫我把咩.....
比人老坤左添.......算啦....咁耐冇見....
係呢個咁o既情況見...都真係幾灰....
不過如果唔係呢件事....應該...都真係幾難聚一聚....
應該說...一定唔會....因為好多個都唔係好熟....
由佢啦........食完野....
就行去訂花牌...我心想....洗唔洗攪咁多野丫...
有冇人o地都睇到您心意啦....
而訂完d 野之後...佢o地又要去搵紙紮野....
因為我唔信...就唔夾啦....
之後...大家又見時間早左d ....就返去國際都會飲咖啡...
又出血啦...算啦...由佢....之後...
坐到差唔多時候都一齊行過去....
去到之後.....第一眼真係見到阿斌張相...都真係..信眼前係發生緊一件我唔信o既事...
佢發生左...而好多時都唔會想到...咁快有朋友會離世....
想起佢行銀章那時....成日阿輝囉...阿輝囉..咩都問我...
其實都幾煩....而佢又成日都係到好多野講...有時講d 野都幾唔o岩聽...
又幾多野問嫁...佢又成日都好多煩野出來....攪到個team 做多好多野...
不過有時又會覺得..冇左佢個team 冇咁好玩...因為會靜左好多...
當我入去靈堂那一刻...見到佢....真係訓左係到...
而佢又真係死左那一下...都唔知可以講d 咩...係靈堂出來...
見到佢老媽喊到成塊面都紅曬...o既時候...
在場o既都冇人唔感動....
雖然我同阿斌唔係叫好熟....不過都叫做相識一場....
依家佢走左啦.....希望係天家見到啦....
行出世界....行返火車站就別了他們....自己一個走左...
因為都唔想再一齊行...因為今日都浪費左好多時間...
去到理工...本想搵一搵阿jade o既...
不過佢又係教會未黎....又約左六點半...
我又早左成個鐘到...o米只好係ploy 等囉...
等到傻仔咁......都唔知做咩咁.....
學校就好多人係到影畢業相......而我就係好多人中間行來行去...
都幾悶下........又冇咩好做..最後都係坐係到等...
今日...等呢個字...都做左好多次....
而等到大家到左之後....大家又好似冇咩方向咁....
係理工到行來行去....到處影下相咁....
最後係理工學生會做終點....而我就同阿田坐西鐵回家...
回到家...就食一食係百佳買回來的壽司....
食完之後...休息左一陣...打左陣機...
都好疲勞下...走左去訓啦...

>>November 28, 2005 at 6:42:37 AM GMT+8

2005 年 11 月 23 日 星期三 【晴】

去禁區, 出電話

今日呢, 一早唔洗返公司....
點解呢~~就係今日要出去做demo,
而目的地就係打鼓嶺嶺英學校......
聽都未聽過呢.........老實講....我都未聽過, 更唔好講去過.....
今次因為工作關係, 有幸去一去.....都唔知係好彩or 唔好彩....
而我九點就係家中的床慢慢的起身.....
我咕那時我d 同事都返到公司了.....
我就懶懶閒起身.....洗面....刷牙...
再出門口.........等巴士......
而我足足等左20分鐘......而我去巴士站時....比我見到華強....
不過我打左招呼就走左啦........
係車到......都冇咩野好做.......
而去到上水....冇啦啦有個阿叔入小左錢....
個司機叫佢入返兩蚊........
個阿叔好似條氣唔順咁.....係咁同司機o曹.....
最後係上水火車站.......o曹左10分鐘.....
成車乘客就無奈左十分鐘.........
到最後....個阿叔講唔到個司機....冇出聲....
而個司機....最後都有開車.....
而個阿叔好似鬼食泥咁.......依依呀呀咁....自言自語到落車....
阿叔....兩錢ja....唔洗咁好火喎.....
好彩.....都冇開拖.....唔係.....有排坐.........
到左粉嶺......再去打鼓嶺.........我去到總站就知....
好獲.....大獲夾大件啦......咩地方丫....
只見前面係個警崗.....o米行過去囉...
點知個警察唔比我講....叫我回家....
我心諗....您唔好玩啦......
而我....係那個位都唔知講咩......
我就應左一句...."唔係咁攪笑丫嘩"
佢望一望我...就叫我等等.....
等d 車過曬...佢就教我點行......
而最後佢講左一句.........."您今日冇見過警察"
而我緊係講返句...."一定啦.....我咩人都見唔到:"
之後就以佢講o既野...行去李屋村.....
再跟個掃地阿嬸講....行去週田村.....
而再聽個曬菜乾阿婆講........去嶺英學校.....
而最後...成個路程....係足足行左我九個字嫁.....
到終點.....一開教員室門.......裡面o既人全部o 咀...
好似以為我打劫咁........難怪....一開門見到陌生人ma....
之後我睇住潘sir 食飯.....
到佢食完......諗住攪電腦o既時侯....
又打鐘上堂.......我又等左一堂......
到完堂那時都12點九啦......
開始做都係做左半小時野.....
等就等左兩個鐘....最後好快咁走左....
行出嶺英.....我就唔理亂行.....因為我心知...
一定搵到路o既...而我就行左去週田先....
再過李屋.....撓過警崗.....再行過小巴站....
再行前小小等巴士.....
而巴士..........又等左我20分鐘.....
都唔好講話唔灰.......而我今日次次打返公司....
都會係老闆聽電話.......都黑到爆....
返到上水...又知到下午o既order 唔洗做...
咁我就去一去陳融....睇一睇條友做咩攪極都攪唔到....
唉....去到....一睇就知佢咩都唔識啦....
而之後幫佢睇完~~~教完佢之後呢....就走啦~~
而我回~~公司那時....係車上睇完聖經係到想.....
諗緊阿斌件事.........昨天聽到...都好驚喜.....
而我係到想........那時我都有約佢聚會嫁.....而佢飛左我機之後...
我都冇搵佢了....佢都冇搵我.....
而昨天聽到佢離開左o既消息........我都反思.....
我放棄左佢.......而我都知佢係邊....唉......
如果那時比d 心機......結果可能唔係咁......
回到公司......我都積極搵野做........
希望忘記d唔開心o既野~~而我今日....出奇o地同d 同事都遲走....
回到家....放下野...就回老家食野....
之後同老爸去出手提......
而我都係睇中左6020......
計o米條數...我老爸都係每月比多 3 蚊...
我就可以多一部電話....都開心o既....
回家........又回愎唔開心o既心情......
打日記......

>>November 24, 2005 at 3:15:21 PM GMT+8

2005 年 11 月 22 日 星期二 【晴】

畢業典禮, 第八組相聚

今日係畢業典禮o既好日子.......
雖然....我今日唔洗返工.....
今日請左假........係家中訓左好耐....
訓到1030先起身........出去.....
去到尖沙咀都1200啦.......
而阿田就不斷係咁吹我...........
我都冇計嫁......咕唔到佢o地咁快完......
我去到一黎就見到天拿諗住走......
我二話不說就搵左佢照相........
最攪野係....我同阿田係ploy 附近....捉左阿超...
搵佢同我o地照相.....
之後就見到佩馨,梁敏, 阿健, 艾安力, namie, vicky, angel, 阿mike, 企鵝, 家華, 潔婷,大雀,大隻俊,
家俊, 阿銘, bobo, 阿雯, 家琪, 彭彭, 阿ming, 繼祖and 好多好多人...
之後捉完一班人影相之後...
就要等下一場啦...而係等之餘...
都要食野.....到最後...決定食老麥....
有我, 芬妮...阿田, bobo, 同阿mike,,,而最後穎祺先到....
食完野之後....大家就各閃各啦...
我就自己入左場睇畢業典禮...
而阿田同芬妮就閃開左去吹水...
其他人就唔知啦....
而我就係場內...悶左好耐....之後訓左囉...
係四點終於頂唔住走左出來.....
等大家來影相.....而最早見到o既....就係阿詩....
下午場....冇啦啦見到好多人....
不過最深刻o既都係阿B....
因為佢講左一個好難相信O既信息比我知....
佢講.....阿斌過左身.....
我聽完之後...都打左個突.....
都唔知咩事.........繼續影相......

>>November 28, 2005 at 7:03:03 AM GMT+8

2005 年 11 月 20 日 星期日 【晴】

慧研雅集

今日一早又係好灰咁要返工.....
而我又係好唔想起身, 又要起身咁返工.....
最慘係.....遲返工, 最早到...
返到公司成日見到d 同事遲過我....
我就會想想......早知訓多個字啦.....
由佢啦......依家都係要做野.........
係公司....今日都唔係好想打電話........
因為都知道自己唔做啦.....都費事搵d 新客~
跟返d 舊客都煩啦......個個都問我做咩走...
係唔係有咩好工....
唔通我同佢講....我老闆好衰嫁...
成日舊野扮新野.......成日拖人貨.........
成日都唔找數.......又成日壓制員工咩......
算啦........今日攪野....同丫~~~寧波o既sunny 講左好耐~~
攪到好似好熟咁.......
其實公司唔係d 舊同事講到冇咩野學o既....
講到尾我都係今年第一年做野......
而且都未做過呢d 野......好多野都係好新奇嫁啦...
咩都唔知....咩都唔識.......不過我又有小小聰明...
咩都好快上手.......而我今日冇野做....計計下....
我都出左幾多demo 喎.....而且依家成功多過失敗...
而失敗都係得幾間喳ma...冇咩野o既....
有d 做唔到..都冇野...都會買o既...
今日打比betty 講返佢知....我唔去in 佢那份大公司job...
講佢知有工請左我啦.....
我都好唔好意思......好似厄左佢咁.....
而我就比左4 個同事o既cv 佢...
叫做比小小交代丫........唔好咁衰仔....
而公司個個同事知道有工....都好快比曬d cv 我.........
唉.......個個都想走.....
老闆丫~~老闆.....您點做長丫......
下午...我因為要出去做demoｏ既關係．．．
就一早出左去啦...食完野之後....就出左去香港仔...
去左間叫~~慧研雅集o既學校....去到咁遠都真係幾煩...
而我就去到..搵到個阿sir.....係電腦室見到佢...
好似interview 咁....傾左幾句....
之後.........去左第二間房....好快做左一次...demo...
佢睇完覺得快...而且又覺得個價幾平....
之後我就走左啦...那時都係三點多...
回到家...都係四點半喳.....
好開心呢....

>>November 28, 2005 at 6:54:34 AM GMT+8

2005 年 11 月 17 日 星期四 【晴】

伊中與伊小

今日呢.......真係好唔想返工....
就想係家中休息一陣.....
不過都係八點起左身......
呵拔粒.......之後九點打返公司....
請左個半小時假.....就係家中訓多一陣...
就回公司.....那時剛好慢左半小時....
回到公司.....冇咩野喎....
老闆冇話我.....同事都冇咩理我...
大家好依睇我唔到咁.....我就做返自己野...
打下電話.........攪下事咁....
而且老闆今日收到微軟香港電話..
叫佢開會...佢不知幾開心....
而我...都冇咁驚....之後成個上午都係準備...下午出外o既工作....
佢o地食完野之後....就到我同man, & cathy 出去啦...
我o地今日想左好耐都唔知食咩好....
就決定走去食.....車仔麵....
可以平d ....食完陪左佢o地行左一陣卓悅...
就回去.......我本身可以拿完d野就走....
不過老闆叫我走去換左個風扇就走.....
我就緊係....唔想咁啦....
就係咁....比老闆捉住我成半小時.......
時間就比佢攪到十分之緊逼.......
去到伊中.....那時1545啦..........
點知老師見我換風扇.....就叫我上電腦室搵劉小姐講....
見到佢之後...佢講.....隻野會自己hand 機.....
咁都冇計啦...都係成隻拿走算.....
想走那時......想起要去校務處.......攪o米收貨d 野....
點知...一出......上面有人成盆水.....灑落黎...
成身都濺到下.......
而我因太趕......同門口個校工阿姊講左就算.....
去到伊小那時....足足慢左三個字......
都冇計啦.......好彩老師冇講咩野....
先睇左compaq p3 1g那種機....
再帶左我去睇 server........
去左兩個房......再去睇下d 電腦....
攪左唔係好耐.....老師就指.....如果睇唔到ibm 機就下次啦....
咁我就走左啦....因為今日都真係做唔到.......
日後借一隻比佢啦.......
就回家啦.......那時都係1710到....
我就出左去行下元朗啦..........因為都要睇下電話.......
睇下有咩好......
我行左好多間野.....睇中左nokia o既6020 那種...
而咁多間....最平都係新世界....
晚d 來買一買好.......

p.s. 今日份工請左我.......好野.....恩典夠用...
而且時間夾得剛剛好.

>>November 18, 2005 at 11:52:03 AM GMT+8

2005 年 11 月 16 日 星期三 【晴】

聖類詩中學

今日返工那時....都真係好唔想起身...
最後都係要0820起身出去....
回到公司...剛好慢左5 分鐘....
而且都早過好多同事返工......
不過上午就悶d ...因為都諗住唔做....
都冇咩打電話.....而且知道手上彈藥太小啦.....
都唔係好想做.......因為做又係咁多錢....
唔做都係咁多錢......只係責任上....跟返d 舊單....
睇下開唔開到新單啦.....
回到現實....都係要做o既..........有得唔做咩....
不過今日就要做小小網頁野...
因為好多同事都好似唔係好識做咁.....
其實我都唔係好精嫁喳....只係咁好彩...那d 野我識做...
食午餐之前...老闆就叫左我o地三個sales 開會....
而佢第一句就講......邊個講先丫....
當時...冇人出聲.....
因為冇人知佢想講咩.....
而且唔知佢想聽咩....而我只好講時.....
最後佢總結係........您o地成日七成時間都係做d 無聊野啦....
而我就反問佢一句......"何以見得呢:"
佢諗左一諗....再望一望我.....
耍諗多一諗.....就講....."阿sam , 您覺得點"
當時....我都唔知比咩反應佢.....
佢問左我o地一輪野.........
我得出總結係.........佢咩都冇講.....
而我o地三個........好似咩都唔知咁....出返來......
佢就叫我o地三個去食野先......
最後三個佬去左飯堂.......而angel 同阿man之後到....
成餐飯都幾開心丫......
一班同事....冇咩爭上位....冇咩爭執...
大家咁上下大.....同聲同氣...
而且有共同敵人....老闆....
食完野....回到公司....
執左小小野就出去啦.....
因為要去第三街..........
而我去到先知........之前都黎過......對面o既青年中心...
因為14小時那時到過兩次.....
不過唔知對面係學校喳ma....
而且好舊..........好似入左香港歷史博物館咁......
見到姜生........好快咁做左一次dell gx1 佢睇...
佢睇完都十分滿意........而佢又有野做....
我又想早走o既關係......就好快做完....
係回公司之前....我坐電車.......去左mh 圖書館...
借左d 書...回家睇....
回到公司都1700啦......那時大家都係到忙個網頁.....
我都唔知攪咩好........o米幫下大家手做一做囉.....
做做下...又唔係咁想做...因為我都冇front page.....
咩都做唔到.....
之後大家就講好左今日去食野o既....
經決定之後就去左食韓燒.....
而我o地因為太遲走....
就一齊坐的士啦.........而我因為太肥....
比其他同事拒絕左坐車尾....逼我係車頭....
上到去....一見.....咩咁多人丫...
就知book 位都係廢啦.........
我o地坐係電視位前........成晚都係睇電視......
而我o地之後加左個heidi 個fd....
唔記得咩名小姐.......有六個人..........
雖然唔可以講話有講有笑.......
不過今日o既氣氛都ok o既.....
而我o地睇完阿旺都走啦........
我今日都唔係好食得,........
有d 唔抵.....

>>November 18, 2005 at 3:09:38 PM GMT+8

2005 年 11 月 15 日 星期二 【晴】

元朗真光

今日呢....起身那一下....
真係十萬個唔想起身返工,
不過最後都係死死地起.....爬左起身....
返工......真係辛苦....
最苦係想訓....又要早起身.....
回到公司......都冇咩人....
我算早啦....不過老闆都好早.....
次次都係咁......
上午....我都冇咩野做.....
都係搵返之前做那d 單........
跟o米個尾.......
而且都要睇下d 客人d 貨到未丫咁....
而食飯之前.......老闆都未攪好.....出元朗真光d 貨...
叫我攪咩丫....
今日阿mike 同angel都冇返......
攪到早更食飯o既....得我同heidi.....
而我o地就走左去近近地o既kfc 食野....
今日勁多人囉.....排隊都幾個字....
食完野...回到公司就見到老mike 坐左係到....
而angel 就十分悠閒咁返工.....
我就好急咁準備d 貨.....
so....因為約左1430.....走那時都1400啦....
o米打比個客叫佢等下囉.....
而我就緊係會坐西鐵啦........
去到剛好1500.....而一來就等左一陣....
之後見到林生....就開波.....整機啦.....
而我就唔係好快手咁樣....做左3 部110....
而另一個pb o既機...就真係攪唔到....
之後落左社工房....攪o米個110...
再上圖書館.....不過攪左成九個字都攪唔到....
load 唔到入window.....
算啦......最後都係做唔到....1700左右林生都要收工...
我都走啦....回到家....訓左一陣....
1930到就回老家食野......
之後...行行下...開唔到個手提...
就咁....比我做瓜o米....
又要行返老家....拿住老媽o既舊電話....先...
聽日先算....
回家...打左幾場波....就算了...

>>November 16, 2005 at 3:04:37 PM GMT+8

2005 年 11 月 14 日 星期一 【晴】

陳融

今日回到公司......
都唔係咁想做野.....
因為都唔知做咩好....
日日都係打電話....
日日都係比人拒絕.....
講幾多都冇用....講到底都係睇下佢o地有冇需要.....
而我....最多都係比多樣野佢o地考慮一下.....
今日好攪野....有一間禁區學校打來問野....
之後公司帶住一個好奇o既氣氛....
想知...點會有人係禁區返學嫁...
學校有幾多人丫...
做咩咁都未比人殺校丫....
好多好多野....
最後....係搵唔返個老師問o既.....
而迷題...就等聽日or 以後解決啦.....
而係午餐之前.....我比左張大信封老闆....
佢第一句問點解......
第二句問幾時最後一日.....
第三句再問點解......
而我都係那一句......我幫唔到公司手.....
咁o米走囉.....好多野....好簡單...
您點對人....人點對您....
唔知點解係我講走那一刻....
老闆有一剎那o既無奈, 同憂慮感覺.....
可能係我多心啦.....
唔知佢那一刻諗咩呢.....
佢建立一間公司....請左一班人....
那班人有做得耐o既有做得唔耐o既....
做得耐又走....唔耐o既又走....
最後得返佢一個.....
孤掌難鳴o既感覺.....唔通...真係咁好...
到最後.....成間公司....一個信得過o既人都冇....
咁好咩.....我都真係好想問下佢....
您到底想點.....
老實講.......走......並唔因為佢差....
而係我要知o既野都知道曬....
而且....細公司...冇得上位o既感覺真係好灰....
好似冇咩目標咁.....
咁樣理沒理想.....不如再搵一個大小小o既天空飛好過啦...
食完飯之後.....
我攪左一陣野....就出去啦....
事關要去,....陳融做檢查.....
去到........見佢咩都未set....就知今次死火....
佢個hd 又入唔到nt....
攪左好耐.....發現....問題係出於....
1. os 唔係c:
2. 間太多個
算啦.....我搵到問題,,,.....睇住佢o地試左好耐都唔得...
都係走啦......咁我有排攪...
那時都1730啦...灰爆....
好彩我之前去左交通開左個網上銀行....
都叫冇白行啦....
回到家....都係係老家食完飯之後再回家打機~

>>November 16, 2005 at 3:20:29 PM GMT+8

2005 年 11 月 13 日 星期日 【晴】

老闆唔係公司

今日回到公司....
都係如常...成日都冇咩好做...
又要搵下電話打....
而angel 就成日都問我....
係唔係聽日比信....
佢又想早一日走....
又想我早d 同佢走....
算啦...都係一日喳ma...
今個月都唔做啦....
做到30o米算囉..........而今日老闆11 點多就叫heidi 同cathy 同佢出左去...
去左微軟香港開會....
咁我o地幾隻仔仔女女...就決定....
食飯兩個鐘咩都唔做....
不過又唔想....兩個三個去食野...
就決定買上來公司食....
因為老闆都唔係到...冇人理我o地...
之後cathy 同heidi 開完會回來....
就講....老闆好攪笑...
以為自己係大佬咁......遲到...
而且又坐地鐵去....唔喳車....
而佢最攪笑係...講請佢o地食野.....比100出來...
三個人係coffee shop食野....
老闆一個人都用左60蚊.....還問佢o地做咩唔食野....
呢下死ma...我都少理啦...
係咁send 求職信......
最攪笑係幾小時之後...有人打來叫我見工....
那份工係葵芳那邊....我就別了d 同事...去左見工....
攪笑....如果佢唔係今日打來.....
應該我見唔到工啦....因為老闆日日都係到....
點行開.......
去到那間公司....見到個經理之後......
佢教左我好多制衣o既野.....同公司結構...
再同我傾返我要做咩...如果入左職之後會做咩....
好似....講到我聽日返工咁.....
而佢指....制衣係香港都小啦....
點解公司又會做到呢....係邊到食水呢...
咩都講曬......最攪笑係...我set 左個人工要求...係過我依家做緊o既1.5 倍...
佢講....呢個人工冇問題丫....一個願做....一個願請...
而佢希望...我唔好做做下就走左去....
原來ive 生都有好處~~因為佢指之前有一個科大生...做左一陣都走左...
so 佢唔希望係咁囉....
我就緊係冇所謂啦.....我咁睇...都算係人工高啦....
而且個位都係見習經理....
佢指星期六回我....
最後我就走左回公司啦.....
返到公司都係吹下水咁....就回去了...

>>November 16, 2005 at 3:34:11 PM GMT+8

2005 年 11 月 12 日 星期六 【晴】

我的電郵故事


> 真不可思議？？？
>
> ﹝1﹞ 真不可思議？
> 一張一百元正的鈔票在教堂奉獻時是多麼大的面額，但在行街購物時卻是如此的細
> 小？
>
> ﹝2﹞ 真不可思議？
> 兩小時在教堂過就會感到好長，但看一套好戲就會感到好短？
>
> ﹝3 ﹞ 真不可思議？
> 當禱告時要找一個字都好難，但與朋友傾談時卻口若懸河？
>
> ﹝4 ﹞ 真不可思議？
> 有人覺得讀一章聖經又難又悶，卻很容易地就看完百多頁的小說或故事書？
>
> ﹝5 ﹞ 真不可思議？
> 人人都想在演唱會或在遊戲時坐在前排，但他們無論如何都會在教堂內坐後排？
>
> ﹝6 ﹞ 真不可思議？
> 我們要預先兩三個星期被通知教堂的活動，才能安放在自己的時間表?
> 但我們只需用兩三分鐘就可以安排好參加其他喜好的活動？
>
> ﹝7 ﹞ 真不可思議？
> 我們好困難從神學到真理並與人分享，卻好容就學到講閒話及是非，甚至謠言滿天
> 飛？
>
> ﹝8 ﹞ 真不可思議？
> 我們相信在報紙雜誌中講的每件事，卻懷疑聖經的字眼？
>
> ﹝9 ﹞ 真不可思議？
> 人人都想上天堂，卻不願為進天堂而相信和實踐，或做或講任何東西？
>
> ﹝10 ﹞真不可思議？
> 我們常常將笑話從電郵傳來傳去，但當我們要將主的信息傳給別人時，卻要再三思
> 量？
>
> ﹝11 ﹞真不可思議？
> 你現在已看完這信息，傳給任何一位你認為他是你的朋友。

>>December 24, 2005 at 4:29:46 PM GMT+8