2006 年 2 月 11 日 星期六 【晴】

再見甘肅友

一早....好多朋友都起左身......而我就死都唔起身....
爭取一分一秒去訓......因為真係好少時間可以訓ma..
星期日都要咁早起身.....真係好唔開心囉.....不過最後都係要起身嫁....
而起身刷牙之後......都有好多時間唔知做咩...
好多甘肅友...唔知點解會咁早起身o既.......又唔知做咩...
因為好多人都好早起身係到傾計.....
而我就好似行忍走肉咁...唔知做咩好......就等食早餐....
最後都有野食........今餐都幾好丫.....
麵包...腸仔....薯餅...正.....
不過因為甘肅老師唔來食....我o地就多左好多空位...
而我就係咁食.....正.......
食完野...d 朋友仔個個閃得好快....最後又係冇人執野...
要我執囉....真係超灰....
食完野...有d 時間多.....好多人就自己走去玩.....
而我就係咁搵佢o地幾個~~比d 野佢o地...
最後就一齊吹波...入水.....
最後準備好了之後.....就開始早上的活動.....
而我們就去沙灘先...咁就一大班人去啦....
不過d 鴨仔呢...就好似未去過沙灘咁....到處走....
真係好似趕羊咁.........用幾多時間先捉得返d 人...
而d男仔更煩......好似d 大少咁....又叫又西咁.....
頂.....最後都唔理佢o地啦...唔玩就算......因為佢o地自己放棄機會就唔關人事...
因為都真係好煩....叫一次....兩次...三次.....好似大爺咁...
又要請......而我見d 組員都冇咩想搵返佢o地過黎...
就決定算啦..唔理佢...第一個game 就係搶野四方城.....
而那兩個男仔就好似一舊飯咁.....好似唔識行咁.....反應勁慢囉....
最後....當然我那組係輸左啦......講到尾四組最細又係我那組....
而且又最多甘肅朋友...佢o地個個都係第一次玩呢d 野....
睇開d 啦大家....
之後又開始其他野...不過佢o地成日都行左唔知去邊...又要捉又要叫...
真係好灰嫁.........第二個game....係跑去20米外, 脫鞋, 再單腳跳回來....
再排隊......單腳跳去拿鞋...跑回來...
因為佢o地真係太細...而且又唔識出術......最後當然係最差啦.....
唉....灰丫.....之後一個就.....搬波....
呢個因為我幫佢o地出千...當然冇問題啦.....
不過輸得太遠啦.......再來就叫佢o地玩坦克車....
講明點玩都好...佢o地都好似一舊飯咁...冇人做野...
最後個個見其他組都做好咁上下先開始...
最後緊係一舊屎咁樣啦......冇計.....
完曬d 遊戲..就堆沙......我咕唔到...佢o地都冇咩創造力...
個個都好是但.....係咁二做d 野做出來...緊係唔得啦....
唉......最後完曬d 野就回去啦.......因為都要食野....
叫佢o地收好d 野....準備走.....而我o地食完野.....
都好快就走啦...因為要上船ma...佢o地又要行得慢呢...
離碼頭都好遠嫁ma......
去到碼頭都有d 時間坐下o既.........
上到船...講下野之後就訓左啦.......
到左香港再開始下午o既活動.....
由於我同大家講...我一個人就夠o既關係....
所以我就係一個冇拍檔o既情況下...帶一組最細o既組員....
一行十人係中環去到灣仔.......而當然我o地由碼頭行去郵局...
由郵局去立法局...再上電車....去灣仔.....
入左條街....比佢o地體會下咩叫人多.....再行左一圈...
帶佢o地買左野食...就回pa 啦....
上到去...等o米d 人...就開始個頒獎.....就完左今次活動啦...
而我今日知道左可以改做pa 做centre 去玩金章...
so...都回家啦........回到家...二話說畢就訓左啦....
到左九點...老父..吹左兩次食飯先去食......
今日先知....弟弟的學校真係好差...因為佢咁屎...都可以係全級考十六...
聽到都o 咀....
回家......打左陣機..睇完木馬屠城之後就訓左啦...因為聽日又要開工呢...

p.s. 今日對拖比我攪定左....

>>February 14, 2006 at 7:58:01 AM GMT+8

2006 年 2 月 10 日 星期五 【晴】

返工, 交流, 死靚仔

今日一早又係要返工....而且放工又要帶交流團.....
真係超爆灰囉....因為日日都好想搵d 時間想訓一訓...
而我又係回到公司遲到囉....
日日都係咁....希望遲d 比d 心機唔遲到啦....
而回到公司都係冇咩野做嫁....因為....我成日都冇咩長期野跟o既...
日日都係做d 碎料......
而我今日都係做d 碎o既工作....成日都係好似白豆人工咁....
感覺都幾唔好...因為又冇咩野做....我又冇計..
o米成日都搵d 野畫下囉....因為呢d 野我都要做.....
而我今日都係做d 碎料文件........
到左中午就閃左啦.....而我就去左飯堂食野.....
食完野就趕住去中環碼頭.......
到左那時佢o地都齊左人啦....而我就趕到係佢o既上船之前到...
而今日d甘肅朋友...比上次o既細好多.....
而香港o既朋友都係比上次細好多....
個個都係中三咁上下.......而我咩都唔知咁上左船....其實我想訓o既...
不過又比佢o地捉左傾野......傾完都就到啦...訓咩丫....
之後落船到地之後......就行過去camp....
都真係好遠.......次次都係行好耐....
而且人多..就好煩嫁啦.....行得好慢囉.....
去到.........上左大堂....
講解完之後....就回房啦....我就分左細房......d 人都好乖o既...
而大房那班人.....就係最o曹那一班.....好彩.......
攪好d 野之後....就等開始下午o既活動.....
不過要等到五點...都有d 時間...佢o地d 死靚仔....就去左籃球場打波...
好野囉...幾個字都要打.......佢o地真係勁得我b feel 囉....
到處走....小朋友就係咁....忘了我那時係唔係咁呢....

>>February 14, 2006 at 8:28:02 AM GMT+8

2006 年 2 月 9 日 星期四 【晴】

返工,返學,返屋企

起身....真係一日開始o既最大掙扎....
次次都同張床......交戰左好多次....
而時間就係最大o既代價.....
簡單d 講....時間就係最大o既爭奪寶藏....
因為如果我早d 走出床單, 走出睡房就可以拿多d 時間做野.....
不過我次次都係輸左比張床....
而我付出左好多時間寶藏........
所以....我日日回到公司都係遲到......
唉.........唔好提啦......
回到公司......見冇咩同事見到我.....
就睇下報紙先........又一路扮做下野.....
不過都有做o既.....久唔久囉........所以....
我做一個Direct Labour Cost都要做到十一點先交到貨...
而阿邦都知道我ｄ　野.....因為佢知道我做小左個step...
所以......就再做多次啦.......不過呢次...
又用左兩個小時做.......做到食午餐..
都未做完.....而我就要食野啦...因為真係勁爆肚餓....
就去左m 記食野....一個人係公園食囉...
睇下d 阿伯係到做咩...睇下d細佬係到玩....
都真係幾開心啦....回到公司.....就玩下自己野先....
到左兩點再做野....
而我都係做返下午d 數....做完十二月..就做一月...
不過因為上面未做好d 數o關係.....
就冇得計下去.....而我就係五點打後都冇咩做...
就add 返d customer detail 上電腦...再等放工...
放工就要回學校上堂....不過如我所想冇咩同學返到...
我返到去...見到阿sir 一早係到....而我就係第二個學生到....
等開始...等左勁耐囉...到開始啦...我就比阿sir 悶到訓左一陣....
到左八點....終於都唔得啦...要走啦...真係勁爆想訓....
去到青衣城..買左d野食....就回家...
食完野...就訓啦....

>>February 10, 2006 at 5:07:44 PM GMT+8

2006 年 2 月 8 日 星期三 【晴】

愛筳,小組, 特洛伊

起身返工........都係好似昨天咁...
都係遲到囉.......不過我都係扮冇野...
回自己位做野.....so...
而我一坐低....都係做昨天阿邦比我攪o既野....
就係我都唔知係咩o既野....
睇呢本簿..再睇呢本...再做落呢本到.,...
勁爆煩囉.......都唔知想點.,....
又怕做錯野喎....就做得勁小心囉....
所以就做得好慢......好慢.....
因為真係唔知做咩.........每一本簿都捉摸左好耐.....
而且用左好多時間理解佢做緊咩......
一本sales books....一本day develop.....一本month develop...
又要咕數....又要作日子......幾煩囉.........
總之....有個位...真係好想唔做下去....
因為都唔知自己做緊咩....最灰係...冇人講您知有冇錯.....
工作就係咁嫁啦.........冇一定o既答案...
咩都自己咕啦.......
中午食野......就出左去同弟兄姊妹去漢福食野....
我都係識amy.......而且見到子麟...不過佢好似認唔到我咁....
就扮冇野啦.....因為我都忘了佢叫咩名.....
不過就一定見過囉.....係大家講名那時....
我先記得佢叫子麟囉......
不過今餐因為好多人都唔識......就冇咩講野啦....
最灰係...今餐勁貴囉.......成五十蚊.....
又好似冇咩食到野....真係灰到爆.....
而下午都係做那d 唔知咩入咩....咩寫去咩o既野囉....
不過我做到五點到就決定唔做啦....
因為已經做完.....不過又有其他野做....
就係那個Direct Labour Cost 囉....
不過因為太耐冇做....又要諗左一陣點做先...
可以開始做......而我做到六點多d 都走啦...
因為夜晚小組.......咁我就去左荃灣啦....見餓餓地...
就去買左個夾餅食啦....
點知超爆難食囉......又超爆乾囉.....勁灰....
去到荃灣聚會地方.....只係得阿詩係到食緊野.....
算啦....吹住水等囉.....之後到左近八點先齊人開始...
因為大家都係好遠來ma.......算啦...今夜都ok 丫.....
之後完左聚會....先回家囉........
回到家....都係做完自己野...就執下野...
執下執下..又比我見到隻特洛伊喎...
不過我買左成年都未睇....依家又搵返出來...
就立刻睇啦.......睇左半小時....我決定....訓啦......

p.s. 今日知道阿君換家族.........唔怪得佢最近語氣好左咁多啦......

>>February 10, 2006 at 6:11:32 AM GMT+8

2006 年 2 月 7 日 星期二 【晴】

印花,金莎,諾心社

今日一早回到公司....當然都係遲到啦.....
基本上日日都遲o既......
回到公司....真係唔知做咩好....
坐左半小時...見冇咩野做...
都唔想係到白坐啦.....
咁就去荃灣印花廠.....
去到都係做花領........不過攪下一陣...就做下自己野....
做下呢d 攪下呢d ....因為印花廠做野...
又冇人睇...可以做咩都得.....
攪到食午餐...我就食麵包算啦...
因為係呢到...一係叫外賣...唔係就冇野食嫁啦...
so...我帶左d 麵包來食囉.....
食完就訓啦...訓得幾爽......
之後兩點幾....做多一陣....都回公司啦...
因為都要睇下回到公司會唔會冇啦啦又有野攪嫁ma...
點知回到去...都係冇咩野做....
燒三隻cd 燒左個半鐘囉...
因為真係冇咩好做...之後四點半到....阿邦比左幾本野我攪...
呢本入呢本...呢本抄去呢本....
總知就多野啦......都唔知點做...
到左六點...都冇咩點做到.....
攪到七點先走...因為約左諾心社d 朋友仔食野...
而且要交換禮物...我就好急咁..買左一盒金莎就算啦...
我睇見都想食.....唔好講笑...
而我早左到..見冇人係到等...就去左行下先...
行下途中....申請左張信用card...應該冇問題o既....
見到佢o地...都唔知去邊....大家講左好耐...
都唔知食咩好.....最後就去左漢福食野啦......
而我o地十一個人......食任食火鍋...
而一班人一路吹一路食.....
而eling 就講....個待應...講...咩呢班人咁食得o既....
最後交換野那時.....我本來拿到馬基那份...不過因為阿剛拿返自己.那份....
so....我就再抽....抽到阿雲那份.....而maggie 就兩次都係抽到我那份....
都真係冇計.....最後...大家比左五蚊...就可以走啦....食阿公o既...
真開心......之後回家....就訓啦...

>>February 10, 2006 at 4:58:14 PM GMT+8

2006 年 2 月 6 日 星期一 【晴】

去抄野.....

回公司.....都不知幾想訓..........又唔知做咩好...
因為都冇野比我做.........
咁我見悶悶地....o米十點鐘到過印花廠囉.......
過去之前...就緊係要買d 野食啦......
外賣係小巴食.......去到印花廠....
今日得兩個人係到..........而ruby 就都係講電話囉....
當奴就應該係到執圖.........so....我都要執圖......
執唔係一張半張..........執到我勁眼訓....
有幾次都真係訓左.......幾想得十二點食飯丫..........
等左好耐.,.....終於到十二點........之前勁想訓...
一到食飯又訓唔著喎.......都冇計啦.........
食完野........等到兩點....又開工......
不過我做到咁上下...三點到都走啦....
回到公司做其他野........點知...一來叫我攪d 布...
數下d 存布.......好彩有兩位師傅幫手....好快攪好.......
四點到....就要做返個文件出來.....計返有幾多碼...幾多磅咁.....
so.........做完...攪o米七月訂場o既野...都收工啦.........
回家.......做左陣自己野.....就回老家食野...
睇完紀三就回家.......冇野做左一陣...就訓啦...

>>February 8, 2006 at 3:05:49 AM GMT+8

2006 年 2 月 5 日 星期日 【晴】

年初九......要返工

今日一早又要起身......不過我真係唔係好想起來....
因為都放左太耐假........好眼訓呢....
不過都係要下床回公司....
好想訓多陣呢........
算啦........係公司附近...見到都有d 公司都未開市...
真係好想.........好似佢o既咁呢...
回到公司...一見就見到個開工利事啦.....
而且之後都有好多結左婚o既同事o既利事......
幾開心.......最後收到總經理那封.......
唔知會有幾多呢.........真係好想....一收到就開黎睇下....
不過都係冇開到o既...醒嫁ma....
而今日回到公司要做o既野呢...就係冇o既....
一黎fax 下野去政府......再睇下個網頁攪成點....
不過今日阿邦講...我之前做左o既packing list 唔得....
比個客彈回來.....唉..我都唔好意思啦......
咁之後.....我都係做返個網頁......
做到咁上下...又係食飯時間啦.....咁我又自己去食......飯堂啦...
不過又比我行行下見到躍星三寶....不過一上一落.....
就冇咩講野啦......而我睇左d vcd 就食野啦.....
食完野...回到公司...又係網頁....
做多兩小時....終於做完中文版.....
四點到就開會啦.......開左一小時.....知道今個星期可能要上內地....
之後.......成個小時都係冇咩做.........等放工....
最多都係睇下攪展覽o既野.......
不過政府放左工.......都係聽日先啦..

>>February 6, 2006 at 9:54:31 AM GMT+8

2006 年 2 月 4 日 星期六 【晴】

年初八

唉.......一早起身.....close左個鐘...再訓....
一醒就發覺....回到去學校都遲到啦...
就彈起身回學校啦....
當然返到去都係遲左啦......
不過miss都係剛剛開始講書冇耐....
都只係介紹咁今個lecture.....
咁我都係坐係平時成日坐那個位....
而老師今日都只係教左個........我唔知佢講咩o既lecture.....
當然佢好多時講野...我都係唔知佢講咩嫁....
成日都只係睇住個鐘..........睇睇時間幾時過..............
最灰係.....有好多野...之前聽左..而且學過....
算啦......樣樣野都係學完又學.........
食lunch 那時.....因為都唔知食咩好....有d 又貴.....
最後都係食左車仔麵喳..........用左半小時食野...
回到房...一個人都冇..我就坐返自己位...
訓啦......到兩點半...老師先回來講書....
而下午呢堂....更灰........成個lecture...都識...
好簡單o既電腦野.......算啦.....到佢講完...我都閃回家啦.....
回到家.....打左陣機...見時間咁上下....
就出去啦.......因為約左行山會d 人....
食野.......不過佢o地唔知點解會選擇係大尾篤囉.....
遠到咩咁........去到都用左個半小時啦......真係勁耐囉.......
落車那時...見到佢o地都等緊我啦......
不過有兩個人唔識呢.......而且唔係個個咁熟嫁喳....
最開心都係見到啤哥.......食盆菜.......都係得九個人...
不過用左半小時多就.......食完啦......真係勁快囉.......
可能大家都好餓啦.......不過我就覺得呢個盆菜就貴左d 囉...
因為都唔係好多咩食.....成八百蚊....
我o地九個人都食左所謂12 個人o既盆菜.......真係連汁都冇曬....
算啦...食完呢個盆...大家就去左食彩虹糖水.....
而我就冇啦啦肚痛....去左攪攪...
再食左個雪香........不過都唔好食O既......
食完野....別了他們...就回家啦......
回家.....都係打左陣機.........就訓啦.....

P.S. 唔知足球經理人點玩呢.....

>>February 6, 2006 at 3:44:03 AM GMT+8

2006 年 2 月 3 日 星期五 【晴】

初七人日

因為今日係難得一日星期六唔洗返工...
所以我就訓到成十一點先起身....
而弟弟又係出面打機囉.........成日都係打機...佢都幾開心丫...
我就攪左一陣自己野....就要回學校啦...
回校之前....就食左個老麥先.....
回到學校...老師都未講書....過左半小時先開始講野....
佢都幾好做丫....成日都搵d 位唔教書....
不過算啦~~佢講幾多..我都係明左一半到喳....
好多時都唔知佢想表達d 咩...因為佢講英國例子...
我都唔知佢想點.....不過都ok 啦~~
不過聽完下午堂就閃啦.....因為今夜弟兄比賽...
我要去踢波...唉...留係到上堂都冇咩用啦...
人在心不在....so....我都係去踢波啦.....
不過我知....走一堂...都應該冇左好多錢呢.....
不過都係決定左去........而我經葵芳再去.....
去到都早左到.......而好多弟兄都冇到......
and 今夜先知......我件衫係billy到囉.....
等到七點多.....見到差唔多開始......
其實我知今場波都係冇咩行嫁啦......
因為原來我o地係踢甲組....我依家先知......
雖然.....正選好多弟兄都好好........而我就係成隊唯一o既缺口...
如我所想.......好快..我o地就失波啦........
不過那球有小小係衝撞龍門嫁.....
而第二球就係個波出界...我同肥雞吹吹水時....
比人執死雞.........之後下半場...
我變左一個龍門...........而我...一守...
就成場波.....失多左三球啦........
三球都係頭........就算弟兄幾努力....
都追唔到........5:2 .....瓜左.........
之後就同肥聲去坐車回家........
回家都食左小小野算啦.........之後文燊冇啦啦打比我.....
叫我去食糖水....最灰係上天水圍囉.......
拿左哥哥張日通........又比我係西鐵到見到阿man....
佢都係咁個look....而知道好多舊公司o既野....
唔知佢o地幾時執呢..........生意一日比一日差......
算啦........係天水圍西鐵轉輕鐵..見到李劍明囉...
而佢又唔黎食野囉....扮疲倦囉..........
唉.....算啦....溫女ma.....
見到佢o既幾開心丫...因為大家都有d 時間冇吹水啦~~
而我o地都係講下盧生o既北京遊...玩下魔術咁囉...
到左咁上下...都0030 就回家啦....同文燊一路吹水....
一路回家....回到家攪左一陣...都訓啦...

>>February 6, 2006 at 4:47:30 AM GMT+8

2006 年 2 月 2 日 星期四 【晴】

初六, 阿mike, 上學去


今日放假ma......就緊係訓到好晚啦........
唔好講笑啦........都係十一點到.......
起身....都冇咩做嫁....哥哥又唔係家........
細佬又未返.........都冇咩好做o既........
咁我o米自己同自己玩囉.........
不過都係打機喳ma......之後見悶悶o地...
o米出左去食野囉.........順便出去行下.....
因為今日要返學......係唔係都要出去........
第一個目的地就係旺角.....睇書先.....
本來想睇下cd....不過又唔想行咁遠.......so 睇書算....
行完書店.....唉..好失望囉........買唔到野......
之後阿mike 打比我講佢係深水步...咁我o米去搵佢囉....
本來我都要去黃金買sound card.......依家更好啦........
咁我收到電話就行去太子......再行去深水步啦.......
路上見到一街都係貼左紅紙o既商鋪....都真係幾型......成街都冇商鋪開門...
應該係得呢幾日先見到.....最攪野係...有一間寫...年二十三先開市....
o米講笑......型丫.......
去到高登....打極...老mike 都冇聽...咁我就自己行左一陣....
佢先搵返我......那時我都睇完啦.,......諗住買完走.....
不過佢搵到我就一齊行左陣.....
佢睇墨水....我睇sound card 同hard dise.....
最後佢買到佢o既野....我又買到我要o既野.....
咁我見時間都差唔多...就同佢去買左薄餅.....
食住等車走啦........佢就等bobo.....我就上堂....
回到學校.....又係上次個外籍女人.........咁佢又係那樣....
未教書....因為同學唔多囉........不過今夜佢....
講左成堂......成晚我都唔知佢上點.......
最後........咩都唔知咁放學......
咩都唔知咁回家.......再訓...

>>February 8, 2006 at 3:23:25 AM GMT+8