2006 年 2 月 1 日 星期三 【晴】

初五...在家...冇野做...

初五呢一日...我都係放假係家.
冇咩野攪....所以都係訓到好晚先起身.....
起身那時都十一點幾啦....都係自己一個人...
因為老哥返工....老弟未回來...
而我一個人都冇咩好做....就係到打下機....
攪下自己野....睇下電影咁......
睇左一套....係香港拍o既電影叫av 女郎..
而我一路都好欣賞個導演.....彭浩翔先生....
咁我都想睇下佢攪咩o既.....
咁就睇左啦.........個名叫av 女郎....
但如果您係未睇過簡介同評論o既.....好多人都會覺得係咸野......
如果您睇過...就知佢係一個好有味道o既電影...
而且應該幾攪笑........當中搵左好多名人....客串....
都真係幾攪野....好多位都係攪gap o既...
不過睇完....見餓啦...就去街買左d 野食....再回家睇vcd 啦...
睇左一集mvp 情人啦....同都係打機啦....
放假就係咁嫁啦....冇咩攪....
就算有野...都唔想做....因為都想...真係放下假...
咩都唔理...咩都唔想....休息下ma...
夜晚都係回老家食野.....就算啦....

>>February 9, 2006 at 3:01:52 PM GMT+8

2006 年 1 月 31 日 星期二 【晴】

年初四

今日係年初四, 而我又唔洗返工...
咁就可以好開心咁訓到十二點幾先起身啦....
之後起身都唔知做咩好...
就走左去睇風雲漫畫啦.......
見時間都咁上下...就落左街食野啦.....
今日條街都小左好多人....
可能好多人都去左返工啦.........
食完野.........就回家休息左一陣...
四點多再拿d 野回老家洗........
再行一行書店.........就回家啦....
而我回家後.......都係睇風雲...
見時間都咁上下...就回家曬衫啦...
之後不久父親都回家了......而佢指電話出左問題..
我就幫佢用媽媽o既舊電話換左佢用住先啦....
曬完衫....就同父親吹吹下水...
佢指今夜有人來家中賀年...and 要換煤氣爐...
不過聽日先換.......而我執執下衫.....
勇叔一家都到左啦......而我同父親又等哥哥食野....而冇整野食...
咁哥哥係呢個時間先回來.....就問幾時去食野....
so.....點答丫....唔通趕人走咩....
咁我就同哥哥回去先....而父親就係一個未食野o既情況...
接呼佢o地........又會咁早到o既.....
算啦......回家....都係打左陣winning 9 就睇左幾隻vcd 都訓啦...

>>February 2, 2006 at 4:36:00 AM GMT+8

2006 年 1 月 30 日 星期一 【晴】

年初三

早上我係床到聽到......老爸叫去飲茶...
而婆婆就講等o米我起身先...
而我在床上都唔等太多...一彈就起身...
因為免得冇野食...那時都係九點半...
到大家可以行得...到左酒樓都十點啦...
而我o地四個人...都唔係食左好多野...
都係十樣野到....而我o地都係食左五十蚊喳....
真係抵到爆....食完野...佢o地三個人就行回家...
而我就自己一個...行下....因為好難得返深圳.....
目的地...當然係書城啦........不過係酒樓行過去...
都要d時間.......而我就腳痛...真係好灰.....
去到書城...先睇software先...不過又見急急地...
就去完廁所先再睇啦........而當中好多software 我都o岩用...
不過最後都係買左六十蚊野....因為簡體...又睇唔到多...
就只係買左小小野....之後去睇藝術野......
行左一陣都走啦...因為都真係唔知可以睇咩....
就上左去睇音像啦..........又比我見到mvp 情人o既碟買...
就唔理太多....行完一圈就買左啦......而我係樂譜那到又搵唔到我想要o既幾本書...
就放棄左搵啦..買左幾套碟就走啦.....
之後就開始行書城買書那d 位啦...
書就真係好多....而且好多我都有興趣.......不過我最想搵o既數獨書...
就唔係好o岩睇.......又想搵製衣書...有就有啦...又係唔o岩...
當然我本科o既電腦書...因為太多啦...都冇咩心機睇....
最後兩點多...就離開左書城啦...行返去東門.....
不過到左東門....都係想睇書....可惜個書店執左.....
咁我就行左入個商場睇野...那到勁多女仔野囉....
鮮有男仔野睇....不過就勁多老番囉...
我幾想買丫....最後都係冇買....
四點到....回到婆婆到.......一坐低....
兩位阿姨一家都到啦...咁人多..就熱鬧左好多....
本身我都想搵d 時間同婆婆單獨傾下...
算啦....人多我都訓下先....點知...父親...又同細佬係洪哥那到賀年回來...
就更多人啦......之後又要等大姨同大姨丈行完街回來...
先食野......今夜去水庫食野.....
去到都知今日貴啦.......因為包左房....and....食左十三碟野....
唔知係唔係又係媽媽比呢....次次呢d 時候...
都係搵媽媽笨嫁啦............算啦....我就同大姨丈回香港...冇理太多...
去到羅湖...又勁多人......行左好多路囉.......
又等左好耐囉....而我又唔可以自動過關...要大姨丈等囉....
最後係車站別了他...就一個人回家啦....
回到家....收好d 野....就睇左圓回來的vcd 就訓啦.....

>>February 1, 2006 at 9:51:21 AM GMT+8

2006 年 1 月 29 日 星期日 【晴】

年初二

唔知點解...一放假就好想訓...
so...今日一訓就到左十二點啦....
下到樓下都見到人齊and 食緊野啦...
咁我都攪太多野.....扮冇野咁...食野囉...
食完野....同d 親戚講左幾句...見有人開始打機...
就去跟隊啦........不過今日早上...三佰娘那妹一家都過左黎食野....
初時我都不以為意...之後先知佢o地一家都幾cheap....
當然唔關那對子女事啦......只係兩老攪野....
佢派利事......夠勇......夠面皮厚....又唔係好親...
三佰一家....都係大家念骨肉之情先可以係到食野.....
佢d 親戚我o地大可唔理.......好野比一封五蚊利事....
十個兄弟姊妹未結婚...佢o地比左一百蚊....係到食野....
四個人....都係25一位....最灰係...我老父都比左八十蚊利事出去.....
真係肥過肥仔.....最灰係佢o地一家係大地主.......有幾十層樓收租...
比咁少都算....好似比乞丐咁....呢下我真係唔係好順....
您唔好比好過........算啦...我諗起都火.....
食完野......一班係鄉下悶到嘔o既年青人...
就係架ps2 前面以波會友.....
大戰winning 9啦,\....而我就係空閒未到我打o既時間....
玩一玩數獨.......最後....五點幾...我上去叫父親....起程回婆婆到啦...
而我o地一家四個....同銀姐夫...坐的士回深圳...
初初個司機都唔比我o地上...最後加多十蚊佢先車我o地...
真係好鬼現實.....不過四個男人逼係後面....
都幾灰....之後銀姐夫下車.....我先好小小....回到婆婆到...
婆婆又堅持係家食野.......而我o地只好聽佢講...
等婆婆攪好先......而我都好耐冇食過婆婆整野.....
而食完野...我就同哥哥出左東門行左一個小時到....
都係睇cd 多....因為到到都係衫and 女仔野...都唔知睇咩好....
之後我就早哥哥一步點去...因為好急....
so....攪完...就係到睇電視...唔知點解...
個劇冇啦啦睇左兩小時...攪到我十一點半先去洗白白...
之後就同弟弟訓下架床....父親上面.....
當然佢o地兩個比我早左入睡.....
上下聲道.....二重合奏........真係灰到爆....
總知就係訓得唔好啦......

p.s. 係訓唔到o既時間...想左好多童年o既回憶....
唔知當年係附近一齊玩o既小朋友...依家點呢.....
p.s. 想想下門口o既雀籠都冇左雀仔好多年啦....都應該冇左十幾年啦...
p.s. 想想下...公公同祖母都死左有十年啦.....
p.s. 睇返相先記得公公咩樣......好多野.....好似都好耐啦.....

忘記左好多野....攪到....好多野都好似理所當然....
唔知....我可以孝順婆婆幾多年呢.......唔知可唔可以年年比錢佢洗呢....
今夜真係好想.......回到童年時......

>>February 1, 2006 at 10:16:12 AM GMT+8

2006 年 1 月 28 日 星期六 【晴】

年初一

年初一....又係新年可以收利事o既好日子...
不過人越大...都唔係太想收....
因為好似好唔要面咁......
不過我今日起身都十二點啦....
大家都準備食飯那d 野.....而我就冇咩野好攪...
都係等食....而我o地都係好似平時一樣...
年年都係咁o既情況食野.....只係冇左好多人.....
冇左外嫁o既兩位姐姐...冇左姑媽一家咁啦...
而最重要係....冇左爺爺......
大年;初一...好似小左d 野咁....爺爺年年都坐o既位...
今年再冇佢老人家o既身影........而係我o地家工作o既工人....
完左個新年就會回鄉......而我o地當然都好似冇咩野咁....
食野啦...食完野...我就同一班悶到想死o既年青人...
當中有win 有輸......我因為之前低咕表弟.......輸左一場三比零....
而我之後都好睇重次次同佢打都用自己隊波...拿返小小面子...不過都有意外輸左一比零o既時候......當然我都有大勝佢一次啦....
都幾開心嫁........不過信哥就好似學極都唔識咁...有場上半場都勝佢四球...
打多一陣.......輸到第5 球....我就唔玩啦......因為都冇咩意思了....
最開心都係...我勝過哥哥........不過有次佢都勝左3 比2 ....最後一分鐘比佢踢入...真係激死..
成個下午....大家都係車輪戰......
好彩係四點幾.....姑媽叫左我o地出去買野....叫做可以行下....
唔係就真係日日係家...都幾冇引.....
不過都係開車去百佳啦....您叫我行去....就真係唔知點行啦...
途中...去左大哥o既餐廳睇.......一個客都冇......真係灰....
到食晚餐.......食完野都係打機.....最後十一點幾...大家比人趕先走左去訓....
而我都係訓返我o既地下....今日唔用...有蚊帳...
而我o地三父子...就係呢個訓o既時間....吹水....

p.s. 上水件事...都定左啦...唔好講太多好了....

>>February 2, 2006 at 4:46:27 AM GMT+8

2006 年 1 月 27 日 星期五 【晴】

年二十九

因為今年係冇年三十......so...今日係全年最後一天了...
而且今日又係公假....唔洗返工.....
咁我就係家訓酊十一點先起身....
其實之前都醒過...不過係想訓到十一回先起身.....
都比父親打電話來...叫左幾次....
一次係問洗唔洗衫....
一次係問食唔食飯...
一次係叫我o地快回去食飯.......
最後回到去都一點啦.....佢同弟弟都食緊野.....
之後等佢o地收好d 野....哥哥又因為冇拿d野．．．就回左家拿...
我o地只好係巴士站等.....終於等到277啦...又勁多人上唔到車....
就算啦...比多d 錢....去坐火車啦.......
過到火車站.....都好多人過關.......
都冇計啦....最灰係內地那到多d 人喳.....
到左深圳就入左新o既地鐵站坐的士回鄉啦.....
去到平湖都係六十蚊唔洗......幾好......
不過今日祖屋那到都冇咩人.....就係得大佰一家.....
而三佰就係自己那邊.....其他人都未回來....
今夜好似大哥o既餐廳有人book左十圍....所以都冇計....
冇咩人係家中.....不過算啦...今日都係知道會悶.....
好彩有ps2 .......唔係一定悶到想死....
而今日大勝弟弟5:2.....攪到佢咩聲都冇....
平時勁串.......似家冇野講;.....
哈.......夜晚......訓地下囉......
唔知係唔係多蚊呢.........訓得唔好...
而我一早十點都訓啦...因為太悶啦...

>>February 2, 2006 at 4:44:33 AM GMT+8

2006 年 1 月 26 日 星期四 【晴】

年二十八....

今日唔知係唔係好多公司都唔洗返工呢....
又可能係我平時係去過工業區....好多工廠今日都唔開工....
巴士上冇咩人.....而且265m 就勁爆多位囉...
好似平時回下午四點幾那d 巴士咁...冇咩人坐.....
下車回公司....都見平時勁多人o既街上都冇咩人啦..
d 貨車同搬運工人都唔見曬........
咁我回到公司都係遲左小小......
不過又冇咩人理我....回到坐位.......其實冇咩野攪嫁....
因為好多野都做完啦........今日都係做返個網頁.......
而我上午都有小小文件野攪o既......
不過好多野都好快做完喳ma......
今日真係返工好辛苦...冇咩野做....又要扮忙.....
食午餐那時.....又係總經理請....今次就係喜筷那到食....
不過係叫點心.....係隔離漢福o既野.....
而今餐就勁多人囉.........成張野都有成二十人呢......
最後大家食完野.......有d 就唔回公司.....
有d 就回左去....我就係回去那個......
而我係公司那時......見佢o地又扮曬野佈置...
就知....大家都冇咩野做...係到扮做野咁.....
而我都冇咩幫手....因為我要扮好多野做...係個位坐住....
不過好多同事都係選擇早走........我就算啦....
坐到六點......那時都算最後那幾個走啦.......
成日都係攪個網頁喳ma........
回家.......都係做返平時會做o既野......就咁訓啦...聽日回內地了...

p.s. 今日早過美寶...勁小有.......因為佢去左飲茶....

>>February 2, 2006 at 4:54:16 AM GMT+8

2006 年 1 月 25 日 星期三 【乍雨乍晴】

唔..........

起身那時...都真係小小凍........
不過都係要返工o既.....回公司......
都係做返昨天未做完o既野..........
改返之前那d　packing list.......
做完print 左出黎....等總經理返來睇囉....
之後就冇咩野做啦.....上網睇下有咩料可以有idea 比到我...
改一改公司o既網頁........
又好彩比我睇到個幾得o既idea....就決定用佢那個版...
做個底.....之後再改啦.........
直到食飯之前.....總經理都ok 可以咁做...
咁我就慢慢改改佢啦.......
之後一支弓去食野.........都係去飯堂...
睇住雜誌食野都幾閒....真係正.....
回公司那時係天橋到比我見到阿舜喎...
吹左兩咀就閃啦.....
回到公司見之前好多文件都做完...
而且都冇咩野做...就開始改改個網頁啦~~
用左一個新idea 做過個網頁.......
攪左成個下午都係得小成.....
upload左算啦.........之後放工....去買左d 麵包食之後...
就坐車去山景啦.......回到聚會地方....都冇咩人...
幾個咁啦......我排好椅子之後...
就算啦....等開始聚會.........
不過d 弟兄姊妹都係慢慢到...到聚會那時都唔多人....
不過完場就好多人啦.......但今夜好似特別長咁......可能因為太多感受..
之後完聚會.....家族清潔......做完就走啦.....
回到家.......都好夜了...
睇左幾集.風雲就訓啦~~

>>January 27, 2006 at 4:55:44 AM GMT+8

2006 年 1 月 24 日 星期二 【乍雨乍晴】

搬來搬去.....

起身......太懶啦.....所以係床上訓多一陣.....
到左八點半到先起身返工.....
so....回到公司就緊係遲左好多啦.......
不過回到公司....坐低左....
唔知點解個電腦....幾唔聽話...
開左三個字機都唔ok....就決定去左做其他野先啦....
因為有好多貨都未執.......so.....
冇計啦......今日希望可以執曬啦.....
因為都好多野執.....又要做返張stock list比總經理睇....
執下執下....美寶就叫我攪左其他文件野先........
咁我執左一箱之後就做文件野.......
之後攪返個船貨packing list 同發票之後.....
都食野啦.......咁我就一支弓去左食飯堂....
so.....都係睇住書......一路食....又幾好丫....
食完野都回公司啦....時間剛剛好.....
攪好小小文件野........都出去執貨啦....
用左成兩小時間.......終於都收好d 衫入箱.....
再回電腦做好個packing list.....不過因為之前係jpg file...
咁我就要用ps 改啦.....改左好耐都未做完....
最後都放工啦..........就冇做啦....
回到家中.....拿左d 衫回家洗....再出元朗行下.....
食完晚餐就回家啦......
那時都好夜了.....睇o米刑三....就訓啦.....

p.s. 那日睇樓那個人想買我o地個單位..........好丫....

>>January 26, 2006 at 6:26:55 AM GMT+8

2006 年 1 月 23 日 星期一 【晴】

交牌費

今日因為一早知道唔洗返公司先...
就好慢先起身.......足足比平時慢左半小時....
去到深水步都九點半啦....
唔知點解咁早都好多人係運輸處....都唔知攪咩...
真係咁多人咁得閒嫁咩.....
真係唔去都唔知.....不過都唔係排左好耐隊....
都係半小時喳ma.......不過都等左好耐先收錢.....
回到公司都十點半啦....冇人講我回去遲喎...
因為可能一向都冇咩人會理呢d 野....
算啦~~我都食完早餐先回公司.....不過就一路行一路食...
都幾開心...因為平時唔食野回去呢.....而我今日都係執返d 貨入箱...
數下佢...分下碼咁....久唔久又打下文件...
因為經常打錯野....so....要再小心d .....
午餐都係去左買麵包...因為腳痛...又食左早餐...
都唔想行太遠.......食完野都係打下日記...睇下報紙...
等兩點再做野囉.....
如事者....日日都係咁......到放工...都要扮多野做....
不過今日因為要去pa 開會.....所以就準時六點閃.....
去到旺角.....再搵佢o地開會....
不過我去到那時...當然佢o地講左一陣啦...
我入到去都唔知佢o地講咩....都係聽多...
冇咩比到意見........之後最後終於都知佢要做咩...
不過那時都八點幾啦...攪我咩節目....
我又到唔到....不過我又唔知可以做咩喎....
最後個網頁決定比左我攪....
我唔知咩事之後......就要做呢家野啦....
到左九點半....大家決定去行花市...
因為我都唔知點推....就一同去左啦...
點知....個花市....好遠囉.....係旺角行去太子...
都就行到去城大先見到個花市....而且冇咩野好睇喎...
最攪野係...咁都比我見到細fiona 同佢男友...
我都唔阻佢o地開心啦~~~
之後佢o地原來好多朋友都約左等.....
不過最後都走走下冇咩人留囉....
而我去到太子都別了他們就回家啦.......
回到家...都十二點幾啦....

>>February 2, 2006 at 9:51:29 AM GMT+8