2006 年 2 月 21 日 星期二 【晴】

無奈返工....

因為昨天訓得唔好....又夜..又遲遲都訓唔著...
就好唔開心咁返工啦.....唉.....
今日係68m 又比我見到肥豬肉丸.....真係邪囉....
唉.......都唔知點解佢可以咁肥....
回到公司都唔知點解會遲o既...因為我比平時早左成十分鐘...
而且又唔洗點等車....
真係唔知點解.....
不過都係要做野.........今日都係做返個stock list...
計返個一月數....因為之前未做...而其他野都要做d 咁啦...
最緊要都係要做自己野......
到放午餐那時...本來好快閃左...不過又忘了帶錢...
就要回公司拿野囉........真係好唔開心...
冇啦啦又小左六分鐘.......而我又要去匯豐銀行拿野....
不過都要等左一d 時間...拿完野......就去吉野家食野算....
食完野....就寄o米信...就回公司啦.....
回公司都係做呢d野.....
三點那時...老闆先回來....
佢就好啦.....我返佛山....佢都係...
佢依家先返....做老闆真開心....

p.s. 今日去食飯同回公司....都見到躍星雙寶喎....

>>February 22, 2006 at 7:32:24 AM GMT+8

2006 年 2 月 20 日 星期一 【晴】

跟老闆上佛山

今日因為耍同老闆上佛山, 所以比平時早左起身...
因為對手係老闆....唔多唔少都要早少少返去...
而我今日都係第一次係返工時間上276....真係多人到爆...
比人逼左一邊...最灰我係車頭企....囉...都比人逼到...
真係好唔開心......去到上水...
老闆都未上火車...
so.. 我去買左d 野食先....再去囉....
不過都係要等囉....足足等左半小時...
早知..就訓多一陣啦......上車...去到羅湖過關...
今日只不過係閒日.......不過唔知點解都好多人過關...
不過就唔係用左好多時間過關....不過足夠令我o地上唔到最快那班車....
就等多半小時...再上火車....
上到車上都係訓囉.........到左廣州東.....
都十一點十分啦....而個客間公司o既職員就帶我o地去佢o地公司...
緊係的士點.....最後上到佢o地到....又要等個經理開完會先...
等左都有20分鐘......而同佢o地公司傾o既時候....
我都冇咩點講野....因為咩都唔識....就費事錯啦....
之後見完佢o地都走啦.....就等佢o地個職員帶左我o地去地鐵站...
而我o地再坐地鐵去坑口........唔知點解....廣州o既地鐵好似香港...
不過當然冇咁好啦......因為佢d 廣播好差o既....
係車箱那到都聽唔到廣播o既.......因為佢o地行車o既o曹音太大啦...
去到坑口...就等那邊o既人來接我o地/.....
最後有個姓林o既廠長來接我o地....
我o地先去佢間洗水廠........因為佢那到有個外國買家係到....
去到先知....佢o地有d 野要攪......林廠長借左個場比佢o地試野...
而我成日都係睇野...行同企....基本上冇咩野做過....
最多都係影下相....唔......對客又唔洗我啦....
同d 廠家應酬又唔洗我啦....
我成日就係on 居居咁囉.......不過開左眼間就真o既.....
不過就好悶囉......本來五點都想走嫁啦...
最後因為唔知點走....又唔知點行...又怕....
最後都係食完晚飯先走.......由張廠長送我去坑口....
那時.....剛好係尾二那班地鐵......遲d 都冇車....
去到廣州東又要等半小時先有車......回到深圳...剛好十一點....
過關都冇咩人....不過就唔知點解今次就比人捉左去check 野....
到左上水都十一點半啦....回到家...剛剛好十二點.....
攪o米d 野...一點都訓啦......

p.s. 今夜食飯o既地方...好似廣州交流團那時去過.....

>>February 22, 2006 at 7:17:42 AM GMT+8

2006 年 2 月 19 日 星期日 【晴】

Sad Monday

今日真係唔係好開心...因為又要起身返工囉....
真係好唔想返囉....
因為真係好想訓.......算啦...
最後都係返左公司..做野...
而我做o既都係做返個sales report.....
入data.....check data.....睇下個數有冇出入...
公司有冇利潤.........真係好多野入囉...
因為好多細數囉....真係入死我......
之後就出左去食野....同阿汝阿man 同yuki食野...
地點係紅樹林......而我去到那時佢o地都食完野啦....
而我就以好快o既時間食野啦......
而yuki 就早走左...因為佢要返工...而阿man 都係要o既..
不過佢就同我o地吹水吹到兩點先返工..
我o地o既主題都係諗下家族可以去邊到玩....
山藝丫...足球教練丫.....攀石丫....咁樣囉.....
最後回到公司...都係做返個sales report...
而做完所有單之後呢....
就開始做返個sales analysis 啦......
做完之後.....等放工啦.....
放工那時...總經理叫我聽日一同去廣州....去見左個客先...
再去佛山睇廠.....聽日8:45到上水囉....真係好唔開心....
最後就回家啦....回家那時...坐巴士搵左阿mike 吹吹水...
願主比份好工佢啦.....最後回到家之後....
就要搬野啦......而我執左d 野回舊家之後....
一個人行.....背住支低音結他.......最後行一大輪先到....
唉....搬屋真係辛苦.///回到去...就要將d 書放返上架......
就係咁樣放上去.....連食飯.....用左成三小時......
唉......真係十分疲倦呢.......回到家...真係咩都唔想做...

>>February 20, 2006 at 2:31:08 PM GMT+8

2006 年 2 月 18 日 星期六 【晴】

聚會, 搬屋, 辛苦命

起身那時....一睇九點四十分...
心想...死啦又遲......那時有d 想再訓....
不過想想下係時候聚會...就起左身閃啦...
因為唔返就遲到啦....
最後起左身....都好冇遲....時間剛剛好....
一坐低...東成就開始分享啦.....唔...
講真好多野...都知啦......佢o既分享.....知道了...
不過好開心...佢都出頭做大佬啦.......
唔..掰餅聚會...唔知好似比平時長左.....
成個半小時呢.....而我數過比利佢開左四次聲......因為佢係我右邊呢...
算啦..完左聚會..我都閃左啦...回家......
本身想訓一訓o既...不過一訓...老爸又打來...講佢推車黎緊...
我就唔可以訓啦.......就起身收好d 書呢....
等父親來囉........最後我o地攪左成個小時...
先開始推車回去........推車......真係好煩...又怕d 野冇啦啦走左出黎...
回到老家....就起左之前張床....
張床都十幾年啦...我一年級訓到依家.......應該都好多年啦...
十多年啦....今日...終於搬左佢去垃圾場啦...
而我就放好拿來的書.........再回家啦.....回到家都五點幾...
最灰係....哥哥同弟弟好開心咁係到睇電影囉.....咩都唔做...
之後我就訓左一陣.....倉仔就搵我.....去左食野.....
食完野就捉左佢陪我推野回家.....
真係辛苦曬......邊個叫佢食左我一餐呢...
有權利有義務ma...哈...

p.s. 今日推o既書.....應該都係一小角.......有冇一千本呢...應該都有...

>>February 20, 2006 at 2:46:16 PM GMT+8

2006 年 2 月 17 日 星期五 【晴】

返工...休息....搬家

今日一早冇啦啦覺得凍左....就著多件衫回公司....
最後當然係因為唔想起身....就訓多左一陣啦.....
回到去就緊係遲左啦......
而我今日o既公作都係做分析sales o既情況...
而我就做返好早之前未做o既分析.....
都真係好耐之前......成年前都未做....
咁我見冇咩做都要做嫁.....
而阿邦佢o地真係會係總經理未回來o既時間....
會同師傅佢o地去品茶....咁我就緊係係呢d 時間做自己野啦....
係anna 先做野嫁喳ma......
最後總經理都返左黎.....
而成個上午....我都係做sales report...
不過又比我搵到幾個唔對路o既情況.....
so.....等一點放工....之後就回家啦...就唔同佢o地食野啦...
而我就回家搬野...不過回到去...
見到佢o地都唔做野...而我做就好似好傻仔咁....
咁我就唔做住啦....等一陣先算.....
之後gary 問我夜晚食唔食野...我都唔去啦...
都唔知佢o地想幾時搬野.....之後...訓左陣....
起身那時想起....文燊講去yoho...不過最後就冇左回事..
而又唔洗去踢波....最後回左家食野算.....
白行左一次添......

>>February 18, 2006 at 2:12:28 PM GMT+8

2006 年 2 月 16 日 星期四 【晴】

一日都係sales report

今日一早回到公司...雖然都係遲左....
不過都唔係差好多喳ma.....
之後就開始做野啦.....唔知係唔係佢o地有個習慣呢...
就係九點半左右.....總經理又未返o既時間...
佢o地幾個人都會出左工廠那邊品茶o既....
我就係呢d 冇人睇到o既時間...睇報紙囉....
等到佢o地入來先再做野....
而且.....我做咩都冇咩人睇o既....
而我今日一個上午都係好比心機做呢個sales report...
咁我就可以了解公司o既行政情況...財政o既收入...
做到一點左右...就留係公司食野啦....因為都未做完...
又唔想行太遠....都推左弟兄姊妹o既聚會啦....
而我就搵左小小時間係公司訓覺啦.......
到左兩點又開始做......啦....
不過唔知點解今日總經理特別早走....
平時好遲走....不過今日午餐時間就走左啦.....
咁我都冇咩理.....又做返自己野.......
不過唔知點解.....越來越多sales report 未做分析囉....
o god......真係多野啦......
而因為總經理唔係到....個個同事都慢慢做野....
冇咁有火...而最後放工那時....美寶叫anne 去拿野...
就早走左三個字啦....我就得個恨字囉....

>>February 17, 2006 at 9:51:52 AM GMT+8

2006 年 2 月 15 日 星期三 【晴】

見客, 遲食飯, sales report

今日起身...都係唔想起身....咁我又回愎遲到本色..
回到公司...都係冇咩野做嫁...都係check 下公司mail 丫...
睇下報紙丫.....攪下自己野丫.....好多野攪嫁....
之後有個客打來....就問點上公司...
因為總經理約左個客上來.....而佢又未返...
我就吹吹佢啦......因為費事..d 客上來...佢又唔係到啦...
我都唔知點招呼佢o地.....而今日小有的有海關上來....
好彩佢o地都走左先....唔係都唔知點招呼d 客....
那時我先想....點解公司得一個會客室呢...
之後d 客上來...佢o地有四個人.....
而佢o地係想睇下有冇機會合作o既..
而且佢o地係想知道我o地公司做d 咩o既....
先係佢o地介紹左公司係做咩o既...
而佢o地o既總部係尖沙咀......門市都係......
之後佢O地就主動問我O地.....而我當然就冇咩野好講啦...
因為我咩都唔識MA.....最後佢O地SHOW左佢O地想要O既野出來...
又SHOW左佢O地做緊O既品牌.....
而且佢講曬佢O地O既計劃出來......再帶佢O地行左一圈工廠...
再針O米D 野....而我就好似上堂咁....
見住佢O地個主管..同總經理互相交火...
講好多野.....我都唔知講咩.....
呢D O米專業囉........最後大家都好開心咁走...
不過....我就要等佢O地交火完之後先有得去食飯囉.....
超灰.......最後就買左本雜誌......去左飯堂食野....
食完野都係要回公司o既.....回到公司又要開始做野囉....
真係好多野做....而我就由頭做一次個sales report...
不過因為真係之前好多都冇做分析....
所以我都要真係慢慢做啦.....
而且......一個又一個case做分析...
又要打d data 入電腦....
最後到左六點就回家啦......
回到家......就執野去倒垃圾....再回老家...
本來係想拿車仔o既....不過唔知點解就唔見左囉...
最後就回左家....等到八點到就出去啦...
因為約左凱琪去方生到睇相....
當然我遲左小小啦.....而amy 同凱琪都係到啦...
不過唔知點解...佢o地兩個都好似肥左....
唔知係唔係睇錯呢.....由佢啦....
去到佢o地到....只係見到方老夫人....同個下人係到.....
而我o地就坐低....等amy 拿相囉...
不過唔知點解佢o地又派利事呢....我o地都好唔好意思...
最後我就教左amy 點用數碼機過相.....
而我o地最後等左方生回來...食完飯就走啦....
又比我係西鐵到見到雙兒.........佢係唔知點解上上下堂...比有線照左嫁....
o......算啦......
回家...攪左一陣野就訓啦...

>>February 17, 2006 at 9:04:12 AM GMT+8

2006 年 2 月 14 日 星期二 【晴】

見客, 開會, 發呆

一早起身.........彈起已經唔見左大佬啦...
咁我又要好唔想返工o既情況下返工啦....
今日我決定試下去到荃灣先轉車....
因為今日難得有位坐ma.......
又比我係荃灣見到袁志成......佢就睇我唔到囉....
回到公司....又冇遲到喎...真係時候剛好.....
係公司....一開始都冇咩野做....
不過九點半有個客搵總經理.....所以佢今日都早左好多回公司...
見到個客....我就開始唔知點算啦....
因為我都唔知可以做咩....就一路聽佢O地兩個人講野....
而我......成個時間都係聽囉.....
比佢睇左小小貨,,,,睇左個衣架上O既衫....
再行左一次工場.........咁佢就指我O地應該SHOW多D 野出來...
可以比多D 野D 客睇囉....咁就係D 倉位....搵返D 上年O既版比佢睇囉....
攪左好耐....又比D 布版佢睇....
攪左勁多野囉.......最後佢想我O地下星期都上一上佢那邊睇睇...
大家了解多D.....而我就等佢走左之後.....執野啦.....
勁多野執......那時都十一點幾啦.......
見客都真係幾灰..............之後我又開始冇咩野做....
攪左小小野....就係到發呆.........呆到一點...
就可以去食野啦...我去左買壽司食.....
再回公司......食野.....到左兩點.....就又要開始做野啦...
不過就超眼訓.....攪左一陣野....總經理就叫三點開會....
而開會那時....我真係悶到就訓左....真係超灰囉.....
到最後.....總經理叫我下星期同佢去個客到囉......
開完會...我就問阿邦有冇野攪....
最後比左d sales report 我做.......
咁我就要研究一下點做啦....
真係要花d 時間去想想....因為之前都冇攪過....
最後到左放工...就好快閃左啦...
回家算啦....回到家中...都七點啦...
坐左一陣就回老家食野.....而我知道左今次搬屋o既地方...
唔係上水而係老家.....算啦....
不過咁多野...點放丫....死未...
依家都唔知點攪....
食完野....回到家.....就係到執雜誌...
因為唔cut 低d 有用o既野...就冇用嫁啦...
搬那時會唔要囉.....最後攪完啦....終於....
不過家中都有好多野要執囉.......
最後就訓啦....今日十一點幾就上左床訓啦......

p.s. 最後都係一點訓到.....點解.....唔知呢....
p.s. 今日又比人罵.......算啦...

>>February 16, 2006 at 9:30:48 AM GMT+8

2006 年 2 月 13 日 星期一 【晴】

情人節, 生日快樂

一早回到公司......好似大家都有d 唔同...
唔知呢....個感覺怪怪的.....
而我係街上,....又唔係好見有咩情悄塔塔位...
可能係一早o既關係啦....
係公司......開始都冇咩野做.....
只係..想下點樣做個direct cost.....
而我用左成個上午時間...先計得那十五日....
好彩公司做野......都冇咩人吹...
大家都唔知大家做緊咩......咁都係一個好處....
而下午....一個人出去食野......
點知...都冇咩人有花收.....唔通葵芳冇人知道有情人節...
真係一d 都feel 唔到......
算啦.....食完野都回公司啦.....再做個cost....
好彩...係回家之前都做完一月個cost....
唔係都唔知點交代....
之後回家之前...總經理就比左d 野我做...
就係跟那d ....新客...因為個客叫我o地做版...
我就要做版單同要了解做咩...
咁我就用多左20分鐘先放工.....回家....
走那時.....只係走到唔到五個人....而工廠那邊...
個個工人都閃得好快....我終於知道...情人節係有嫁啦...
因為......連d 上左年紀o既工人...都閃得好快...
回家陪老公....唉......小有小有丫.....
而我回到家...就整左d 野食...
又試左昨天整出來o既巧克力糕.....
試左試都ok 丫........唔錯...
冇做成年...都係咁好手細.....不過d 料就貴d 囉....
食完野之後....就要出去啦~~因為約好左天水圍弟兄姊妹一同去~~
去幫係情人節生日又冇情人o既德怡慶祝生日....
我去到那時.....唔知佢o地攪咩....個個都係廚房....
而我都係入o米去啦...因為要比個驚喜德怡.....
最後佢同幾個姊妹一同上到巴基家中...
我o地成十個人係個廚房到.....準備....當然...
最後我o地走出來那時...真係比左好多人都有驚喜啦....
今日呢一次.....個個都係陪自己成長o既弟兄姊妹~~
雖然依家個個都係唔同家族聚會....不過都好開心...
一齊就好開心嫁啦.....攪到我真係好想回去天水圍...
因為好似係山景浪費時間咁........而且心態上成日都唔想做野...
我咕我係時間走一走.......回到過去...再起身啦....
今夜生日會....有華傑做o既芝士蛋糕.....
有姊妹做o既金莎花.......有巴基o既糖水......
最重要係有弟兄姊妹o既感情係到.....
而最唔開心係......位位50蚊.......
最後我就要送德怡回家....我再回家訓了...

p.s. 冇啦啦....又比人話左一輪

>>February 18, 2006 at 2:02:08 PM GMT+8

2006 年 2 月 12 日 星期日 【晴】

Sad Monday

今日好sad 囉.....因為又要返工....
一個星期....日日都好似冇得休息咁...
返工就係咁灰啦.....一早會聽到一個您唔想聽到o既鈴聲....
由一個唔想起身的一刻開始....就注定您今日都係sad 嫁啦....
事關今日係星期一.......又要返工啦老友....
真係好想依家都係學生...因為可以咩都唔做...
係家中休息...日日都係玩.....
不過學生最慘係冇錢.......我都係like 個個月有錢o既感覺....
講起學業....就知道我好耐都冇做過fyp 同report 啦...
因為日日回家都咩都唔想做....
最後就冇做啦....
回到公司...今日算好啦....遲小左....因為早左出門...
之後成個小時都唔知做咩好...因為我真係冇咩野做...
就開個photo shop設計下d 新野......扮下野..算...
最後都有野做...就係做packet list 啦...
今日成個上年都係做呢樣野.......又要做invoice....
咁都好.......咁公司有錢收......証明公司財政冇問題....
最後....食午餐......去左m 記食野...
食完野就回公司...睇下ayp o既資料....
唔知點解依家勁爆想完成個金章....
下午二時.....又要開始工作......又係packing list 同invoice...
今日一日做左成三張list......都算係多嫁啦....
之後攪完d 文件...又要做一樣野啦...
因為都字放工....冇野做..點攪丫....
就開始做Direct Labour cost 啦....
不過今日都做唔完啦....就留低聽日做啦....
之後都回家啦......
回到去就要準備出去......因為有弟兄姊妹搵我食野....
而我就要去交通搵佢囉....不過佢勁早到囉....
就逼左我早左出去啦.......
去到都係吹水囉.....不過大家都好耐冇見啦......
食完野...就行左陣元朗....就回家啦....
最後去左惠康買野.....個收銀做錯野囉...
攪到我冇左八達通日日賞o既積分囉~~
最後回家攪少少野就訓啦~

>>February 16, 2006 at 9:34:38 AM GMT+8