|
2003 年 1 月 23 日 星期四 【晴】
死因不明,傷感呀.(2003-01-24)
今日超懶呀,sleep到癲左,因為冇人理我啦.當我餵鼠鼠食野o個時,好不幸,發現有隻鼠鼠升左天呀.死因不明,因為從佢身上並冇打鬥o既痕跡,佢又唔係冇水冇野食,又唔係凍親喎,所以佢o既死因真係......今晚o個集"戇夫成龍"個結局真係太...唉~!!今日又係冇乜同佢溝通呀,因為佢今日返工忙,而且佢放左工去左個朋友度玩,所以講左陣就收線啦.不過唔知點解我都好開心喎,點解呢??(其實本來佢今日諗住請假陪我架,但係請唔到啦.唔緊要,因為佢聽日陪我呢~!!)
>>November 19, 2006 at 5:20:13 AM GMT+8
2003 年 1 月 22 日 星期三 【晴】
笑中有淚(2003-01-23)
今日mum唔洗我陪佢食野,所以就買左車仔麵俾我食啦.食完野之後我就出左去,因為我要返新公司o個度傾d野呀.傾完我就o係附近行左陣,跟住我就落左去TsuenWan啦.哈哈~一去親我個心就諗住d米線(其實我尋日已經o係度諗架啦),就係咁我就自己走左去食呢~正呀!!再行左陣我就返屋企.今晚o個集"戇夫成龍"依然係好感人呀.呢晚,我終於體會到乜野叫做"笑中有淚"啦,我並唔係講首歌o既歌詞呀,而係我今晚做左樣咁o既事啦,仲要得我自己先知係乜野事.
>>November 19, 2006 at 5:19:59 AM GMT+8
2003 年 1 月 21 日 星期二 【晴】
what is...叮叮竹筒飯??(2003-01-22)
今日起身整少少野食(叮叮竹筒飯)就睇VCR啦,睇返尋日o個集"雲海玉弓緣"&"戇夫成龍".夜晚都係咁過啦,不過今晚o個集"戇夫成龍"好感人呀,差d想喊添呢.
>>November 19, 2006 at 5:19:44 AM GMT+8
2003 年 1 月 20 日 星期一 【晴】
終於可以見佢啦(2003-01-21)
今日契細佬生日呀,祝佢生日快樂呀.起身食少少野,打俾佢叫佢起身,之後過左陣就出去mongkok啦.見到佢之後就行街街,夜晚去左吉野家食我至愛o既牛肉飯.行下行下十點幾就返到屋企啦.今日好開心呀,哈哈~原來佢著牛仔褸好型架~~~~~~~~~~
>>November 19, 2006 at 5:19:30 AM GMT+8
2003 年 1 月 19 日 星期日 【晴】
熱切期待明天(2003-01-20)
今日冇乜特別咁過啦.同鼠鼠沖過涼,上網....etc.佢今晚返夜,不過佢都有趁空檔時打電話俾我同我傾計呢,好開心.(聽日可以見佢,因為佢放假呀.)
>>November 19, 2006 at 5:19:11 AM GMT+8
2003 年 1 月 18 日 星期六 【晴】
有得見??唔去見...傻左呀(2003-01-19)
今日sleep到好晏先起身,食少少野,之後佢就打俾我啦.依今日佢o既行程,我係可以去見佢架,但係...因為我今日已經約左Winnie啦,所以...(有異性冇人性都要睇時候o麻,係咪?).還完漫畫就搭車過市中心,佢陪我去拎完野,就去實惠睇野,行下行下,過左OnTing食dinner.我地由19:00坐到22:00先走喎,不過好彩冇人趕我地走咋,哈哈,傾到癲左呀.跟住我就搭車返屋企,經過悅湖買野食,又增肥啦,痴線架.今晚好早就sleep啦.
>>November 19, 2006 at 5:18:59 AM GMT+8
2003 年 1 月 17 日 星期五 【晴】
生日快樂~Jay(2003-01-18)
好開心,因為今日係JayJay生日呀(其實亦都係Carols生日)~!!寂寞o既早上,一心諗住今日可以見佢,點知係空歡喜一場.不過我知佢因為陪親戚先唔陪得我 �,我唔應該咁樣架,如果唔係就做成左佢o既困擾啦,我要成熟d先得.同mum食野時,冇啦啦有條友勁望住我喎,食都食得我唔安樂呀.之後mum出左去拎野食,佢行左過來,仲以為做乜鬼,原來係o個d直銷美容產品o既人,無聊呀,仲要我打俾佢,我睬佢都傻啦,攪到我食野唔安樂,仲要趁mum行左先走過來,都唔知佢有乜野居心呀.今晚佢返夜呀,本來我諗住佢唔得閒打俾我架啦,點知佢打左幾次俾我,而且仲講左好耐,所以我好開心呀,由今朝o既唔開心變到夜晚o既開心,真係好啦.
>>November 19, 2006 at 5:18:44 AM GMT+8
2003 年 1 月 16 日 星期四 【晴】
想見他...可以嗎??(2003-01-17)
今朝俾Tiffany個電話嘈醒左,但唔緊要啦,因為佢話今日同我過市中心買野呢.同mum食完野就join Tiffany,過到去買野周圍行,我地仲去左買Q餅食呀,好正.佢仲勁,之後仲可以買雞翼食,幾拆得呀,呵呵!本來仲諗住搵Winnie架,但係佢唔得閒啦,唯有下次吧~!返到屋企七點倒,好開心呀,可能聽日有得見佢啦,不過希望唔會臨時唔得,因為佢有親戚去左佢度住,呢個week已經冇乜同佢溝通架啦,而我亦知道佢聽日要陪佢地,所以佢要抽到時間先陪到我,但願......
>>November 19, 2006 at 5:18:29 AM GMT+8
2003 年 1 月 15 日 星期三 【晴】
好想見佢呀(2003-01-16)
今日又係一朝早起身,因為我要去見工~喵.見完工落左PrinceEdward諗住睇下魚魚,點知d鋪頭仲未開,咁又係咁早都未到十點,哈哈.之後我就去左茶樓搵位,而mum同亞姨就來搵我.食完野我地就行mongkok,行到肚餓我地就去左吉野家食下午茶.返到屋企都唔係好晏,食完飯睇電視...咁又過左一日啦.我今日最失敗o既就係唔知佢原來今日放假呀,如果我一早知就同佢去街街啦,成個week冇見佢呢.
>>November 19, 2006 at 5:18:17 AM GMT+8
2003 年 1 月 14 日 星期二 【晴】
型到跌渣呀(2003-01-15)
今日一早起身啦,因為要幫親戚搬野.去左TsingYi.跟住我地成班就落左KwaiFong食lunch,好正呀,去左食素,我勁鐘意食,不過就係佢o個間野d食物好油膩呀.買左部新電話,哈哈,就係咁我同Tiffany&Winnie用同一款但又唔同色o既電話,型到爆呀~呵~!!跟住再落左TsuenWan行左陣就返屋企.今日係幾開心o既一日啦.
>>November 19, 2006 at 5:18:00 AM GMT+8
|
![]()
| |
死因不明,傷感呀.(2003-01-24)