|
2003 年 1 月 2 日 星期四 【晴】
溝通(2003-01-03)
其實人與人之間是需要溝通去維繫彼此的感情，一旦缺乏溝通就難以相處了。行為、動作、舉止、甚至吵鬧同樣也是溝通的一種，沒有溝通等同與外交隔絕罷了。
>>November 19, 2006 at 5:11:42 AM GMT+8
2003 年 1 月 1 日 星期三 【晴】
病左呀(2003-01-02)
今日我都係成日o係屋企啦,好晏先起身,因為我病左呢.夜晚煮左炒麵食,睇電視,講電話,就咁過左一日啦,我當然有乖乖咁食藥啦~喵~!!
>>November 19, 2006 at 5:11:22 AM GMT+8
2002 年 12 月 31 日 星期二 【晴】
新年快樂呀~喵(2003-01-01)
新年快樂呀~新o既一年又開始啦,多多指教呢~!!其實今日成日都冇出街啦,所以就好似平時咁過.夜晚睇"叱吒",睇到d歌手講野好感動呀!!
>>November 19, 2006 at 5:11:04 AM GMT+8
2002 年 12 月 30 日 星期一 【晴】
倒數日呀...(2002-12-31)
嘩~31/12啦,今日又係要出去倒數o既日子呀~!! 同mum食完野就返屋企,之後妝扮下就去車站等Tiffany,出到去Tsuen Wan等Emily,之後再join埋Nicky & Winnie 呢!我地o係mongkok行一陣就落左jordan食米線,食完仲去左M記食雪糕,呵呵~!! 行到去TST一陣就有煙花睇添喎,不過由於係工展會攪o既,所以唔係有好大期望.睇完之後我地就等待2003年o既來臨呀.哈哈~開心開心咁倒數完啦...... 之後就落左mongkok飲野傾計 .等車返屋企就慘啦,等左成個幾鐘先有車,結果返到去已經係五點倒啦,所以六點幾七點幾八點先sleep呢.
>>November 19, 2006 at 5:10:49 AM GMT+8
2002 年 12 月 29 日 星期日 【晴】
勁食..呵呵~!!(2002-12-30)
今朝一早就起左身啦,好累好凍,但冇計我有d野去bank攪,跟住就同mum食野買野.返到屋企睇VCD,一路食飽一路食蛋撻,正呀~發癲咁勁食呀~!! 夜晚都係同平日一樣呢.
>>November 19, 2006 at 5:10:32 AM GMT+8
2002 年 12 月 28 日 星期六 【晴】
貓貓花紙我鐘意~喵(2002-12-29)
今日起身食左牛奶麥片當lunch,之後我就出門啦.終於都睇左< HARRY POTTER 2 > 啦,不過我都係覺得第一集好睇d呀. 今晚o既晚餐係火鍋呀,但係就o係佢屋企啦,好多人呀,好開心呢~喵~!! 我十二點幾返到屋企,第一時間就拆開佢送俾我o既聖誕禮物 ,雖然唔係d乜野貴重野,但係佢有o個份心意我就已經好滿足,而且張花紙仲要係貓貓喎,真係覺得好幸福呀.好開心好開心咁就sleep左啦.
>>November 19, 2006 at 5:10:17 AM GMT+8
2002 年 12 月 27 日 星期五 【晴】
好耐冇食飛碟啦~(2002-12-28)
今日好開心呀,因為唔開心o既野已經過去左,唔洗煩呀. 下晝去左買飛碟當lunch.同mum去左食粥,因為佢病左啦.之後都係煮飯睇電視食飯咁啦,都冇乜特別呢.
>>November 19, 2006 at 5:10:02 AM GMT+8
2002 年 12 月 26 日 星期四 【晴】
今日去左睇<貓之報恩>呢(2002-12-27)
今日都係起身同mum去食野買野,點知有件好驚訝o既事情發生左喎.話說我打開信箱見到有封類似聖誕咭o既物體,點知係寄俾我架喎,咁都冇乜野問題呀.但係寄俾我o個個竟然係Kuen呀,好驚呀~ 驚嚇程度簡直有十級呀~!!之後大約五點我就落街啦,因為我約左Winnie出街呢.出左去Yau Ma Tei o個間百老匯買< 貓之報恩 > o既飛,因為我地要睇原裝版啦.去左食dinner同行左廟街呀,第一次行咋. 跟住就去睇戲,d貓好攪笑呢.之後去左行信和影咭睇下野咁啦,返到屋企已經十二點倒.唉~諗起d野有d唔開心添,不過之後好快就冇事呢.
>>November 19, 2006 at 5:09:49 AM GMT+8
2002 年 12 月 25 日 星期三 【晴】
車仔麵...我鐘意(2002-12-26)
本來今日同mum出 Kwun Tong架,但係由於我累o既關係,所以我冇去啦.今日都係咁,mum四點幾買左車仔麵返來俾我食,佢已經去完街啦.執下野煮飯睇電視食飯,都係咁過啦.
>>November 19, 2006 at 5:09:37 AM GMT+8
2002 年 12 月 24 日 星期二 【晴】
聖誕節(2002-12-25)
今日又係一個平靜o既聖誕節呀.本來今日同Tiffany行下街架,但佢臨時唔得閒,所以我咪好似平時咁同mum一齊囉.返到屋企就執下野,就係咁執左成日呀,咁我都有睇電視o既,睇到JayJay同李雲狄一齊彈琴,好正呀~喵~!! 仲有一件開心事就係RayRay打俾我呀,我地仲傾左好耐添.
>>November 19, 2006 at 5:09:24 AM GMT+8
|
![]()
| |
溝通(2003-01-03)