|
2002 年 11 月 24 日 星期日 【晴】
今日勁食野喎,傻左(2002-11-25)
今日返工,都係咁啦,冇乜特別呢.嘩~發現太子o個頭有間士多d腸粉好正架,即整架,又香又滑,又好味,哈哈.
Chung同Crystal上左來我屋企打機呀,仲買左好多野食來喎.之後點幾時,又話要食,所以我就同佢(Chung走左啦)去左買野食.條街超凍呀,好凍呀~!!返到屋企兩點啦,又食.今日真係食左好多野呀,都唔知做乜會有咁多野食架.
>>November 19, 2006 at 5:00:39 AM GMT+8
2002 年 11 月 23 日 星期六 【晴】
好想去大埔呀~喵!!(2002-11-24)
今日同mum食完野就返屋企啦.成日就唔知做乜咁喎,仲係好唔舒服呀.得知Winnie尋日去左TaiPo,唉~我尋日本來都諗住過TaiPo架,但係...結果係o係屋企啦.好想去呀,好想去呀,好想去TaiPo呀~喵(=>.<=).
煮飯,食飯,電視又冇野好睇喎,所以就做下自己野,好悠閒??就咁就過左一日啦.
>>November 19, 2006 at 5:00:24 AM GMT+8
2002 年 11 月 22 日 星期五 【晴】
豆豆今次真係走左啦(2002-11-23)
今朝起身餵完豆豆食野就同mum去食野啦.返到來Crystal執緊野準備帶豆豆走,因為我屋企其實都唔俾養貓架,而且有幾樣因素咁啦,所以就帶走佢.
夜晚我自己煮,煮左炒公仔麵,好好味,哈哈~!!冇乜野做就過左一日啦.
>>November 19, 2006 at 5:00:07 AM GMT+8
2002 年 11 月 21 日 星期四 【晴】
豆豆又返??(2002-11-22)
今朝七點幾起身,因為我今日有份part-time做呀.聽到"喵~喵~"叫,原來豆豆又返左來呀,Crystal屋企人始終都唔俾佢養.
唉~好唔舒服呀,都唔知做乜鬼野.做左成日野,食埋晚飯就返屋企啦.同豆豆玩左一陣,好早我就sleep左啦,可能因為累&唔舒服掛.
>>November 19, 2006 at 4:59:52 AM GMT+8
2002 年 11 月 20 日 星期三 【晴】
豆豆走左啦(2002-11-21)
今日同mum食完野買埋野就返屋企啦.豆豆唔o係度喎,因為Crystal帶左佢去修爪兼且諗住帶返佢返屋企.四點幾Ryan來左我度,因為我有野要俾佢.今日都冇乜特別咁,係夜晚o個時有d唔開心啦,仲要撞親添.
>>November 19, 2006 at 4:59:37 AM GMT+8
2002 年 11 月 19 日 星期二 【晴】
隻貓貓叫"豆豆"呀(2002-11-20)
本來今日我去見工架,但結果我係冇去到呀.點解??因為要去到HengFaChuen見啦,而且份工...唔知點講啦.
原來我手提用爆晒啦,就連我自己都唔知喎,可能係因為之前有太多冇謂人打來,而我又唔識得打發佢地掛,攪到而家都唔敢點打電話俾人呀...慘~!!
今日同mum食完野,就去惠康入貨,跟住就返屋企.休息下,我就出左去mongkok啦,因為今日我要去接隻貓仔去我度呀.食完dinner,傾下,遊下,大約一點幾就返到屋企.餵隻貓仔(隻貓叫豆豆)食野,傾下電話,再同豆豆玩,玩左好耐,結果成四點幾先sleep啦.
>>November 19, 2006 at 4:59:23 AM GMT+8
2002 年 11 月 19 日 星期二 【晴】
膚淺的友情(2002-11-20)
原來有時候友情係一樣好膚淺o既東西,即使識得再耐都可以冇啦啦變喎.雖然我同佢好少聯絡,但都話晒識左幾年有多啦.原來呢排日日按時打俾我,一日幾廿個電話,就係因為佢想同我有除左友情之外o既發展.我並唔想啦,即使我冇男朋友我都係唔想,因為我只當佢係朋友.但估唔到佢一知道同我係冇可能o既時候就冇再搵我啦.原來所謂o既友情就係咁,雖然唔會一齊,但都唔洗咁架,做朋友o既都可以打俾我,但真係最好唔好再提o個件事.不過算啦,佢咁樣我都冇計,只係唔知第時見到佢好似唔知咁啦.
>>November 19, 2006 at 4:59:06 AM GMT+8
2002 年 11 月 18 日 星期一 【晴】
流星雨??(2002-11-19)
本來今日我係出去同Tiffany&Emily出去石澳睇流星雨架 ,因為想睇,再加上今日係Emily生日 .不過我最後係冇去,因為我要留o係屋企呀,同埋今日唔係咁舒服.今日成日都冇乜特別咁就過左一日啦.夜晚同佢傾電話傾得好開心呀~!!
>>November 19, 2006 at 4:58:48 AM GMT+8
2002 年 11 月 17 日 星期日 【晴】
貓狗鬥一番呀(2002-11-18)
今日係Ryan生日 ,我好大方咁打個電話同佢講左句"生日快樂",我諗我都算係唔話得啦,唔係咩??
今日起身我仲係有d唔開心呀,我怕佢嬲左我呀,因為佢尋日冇搵我同埋我又搵佢唔到啦,不過好彩佢後來都有搵我呢.同mum去食完野買完野就返屋企,睇下JayVCD.夜晚出左去mongkok,因為Crystal佢訂左隻貓仔今日去拎.佢諗住將隻貓寄養o係我度先,因為佢屋企人唔俾佢養呀,所以睇下呢幾日勸唔勸得成啦.隻貓好Q架,兩隻眼都唔同色,一隻藍一隻綠,而且仲要係白色,嘩~正呀(不過就有d百厭呢!)~!!我仲有抱下d狗仔玩,有一隻又係好Q架,好癡身,爬落我度,哈哈.最後Crystal都係決定過幾日先拎隻貓,因為想試下呢兩日攪唔攪得掂d屋企人啦.睇完貓狗(貓狗鬥一番??),亞哥撞到個friend(Hing),佢叫我地去將軍澳玩甩尾,結果係...亞哥推左我上Hing架車,佢地就o係將軍澳工業村集合.Hing架車原來係叫做S13,一到左目的地佢就玩住先.我o係冇帶安全帶之下玩甩尾,真係嚇鬼死我呀 ,不過有d刺激呢.過左陣佢地就到,玩左陣,傾下計,食下野,跟住就返屋企.大約五點幾就sleep啦~!!
>>November 19, 2006 at 4:58:30 AM GMT+8
2002 年 11 月 16 日 星期六 【晴】
今日唔係咁開心(2002-11-17)
今日好累呀,因為我尋晚sleep得唔係咁好啦,可能我好期待今日希望可以早d見到佢掛. 我同mum去食完野行一陣就返屋企啦.大約四點幾我就搭車出去mongkok,而佢就o係出面等我啦.周圍行下咁啦,我去左信和買左Jay o個隻TheOneVCD啦,不過我冇買旗艦版啦,因為好似話唔係咁值得買喎,再加上我又唔係好有錢呢,所以買隻普通版就算啦.Dinner去左吉野家食,食完都係行下,九點幾我就搭車返屋企啦.
今日我好唔開心,因為我竟然做左樣好唔成熟o既事兼且發脾氣.錯o個個係我自己呀,但係我仲任性喎,覺得自己好唔掂呀,點解我會咁傻架??或者呢個先至係我本身o既性格,但係我知道我唔可以咁啦,我要為左佢而一一咁改過呀,唔係就好難維繫到我地兩者o既關係啦(我係咁覺得).
>>November 19, 2006 at 4:58:02 AM GMT+8
|
![]()
| |
今日勁食野喎,傻左(2002-11-25)