|
2003 年 2 月 1 日 星期六 【晴】
年初二...變左豬(2003-02-02)
今日sleep到成隻豬咁,亞哥整左lunch俾我食呢.上網,五點幾落左街行下.夜晚睇<觸不到的戀人>,仲有呀,佢返左來啦.
>>November 19, 2006 at 5:24:07 AM GMT+8
2003 年 1 月 31 日 星期五 【晴】
年初一...新年快樂(2003-02-01)
今朝mum已經打俾我問我幾點返屋企啦.我真係曳,年初一都唔o係屋企喎.其實sleep得唔係咁好啦,可能唔慣掛.五點幾去食野,食完野佢就返大陸,而我就返屋企啦.夜晚都係咁冇乜特別,最開心就係返到去就收到mum&dad封大利是,呵呵~!!
>>November 19, 2006 at 5:23:54 AM GMT+8
2003 年 1 月 30 日 星期四 【晴】
今日...我好開心呀(2003-01-31)
今日唔洗同mum食野,因為佢出左街啦.我過左去姑媽度拎野,拎完就返屋企食少少野.佢今晚唔返大陸啦喎,聽日先返陪我呀,好開心呀,哈哈.八點倒出到去維園搵佢,跟住就行啦.買左隻狗仔公仔,好得意架.基本上今年好似d野冇上年咁正,冇乜野好買咁,所以好快就行完呢.之後我地去左食dinner,食完去左世貿機鋪玩o個d類似夾公仔o個d遊戲,我地玩到傻左,仲有好多公仔添,好開心呀.一玩就玩到十二點幾.之後去左mongkok,再去TaiPo再行年宵.兩點幾去到佢度,上網睇電視,四點幾就sleep啦.
>>November 19, 2006 at 5:23:40 AM GMT+8
2003 年 1 月 29 日 星期三 【晴】
有得同佢行年宵啦(2003-01-30)
今日同mum去食完野,本來想去整負離子架,但係諗諗下都係唔好啦,因為怕第時返工唔方便啦,所以就打消左個念頭呢.好抵死呀,我尋晚好似發夢見到Kenny呀,超攪笑啦.唔知做乜留下d貓勁嗌,o係度發"x"喎,哈哈,仲要好多隻好大聲添喎,傻左啦.煮野食,睇電視.好開心呀,佢聽晚請假公司批左呀,佢會陪我去行年宵,但佢夜晚要返大陸呢.不過都好過冇啦,有佢陪住我就已經好滿足架啦.
>>November 19, 2006 at 5:23:28 AM GMT+8
2003 年 1 月 28 日 星期二 【晴】
男人係要以事業為重架,咁係好事啦,知道嗎??(2003-01-29)
今日起身睇下VCD(其實最主要係睇Kenny啦),跟住就落街,去左美味屋食lunch.返屋企同d鼠鼠沖涼,同佢地玩下咁.唉~好慘呀,佢病左呀,唔係咁開心添.或者佢同唔到我行年宵啦,因為佢要返夜呀,不過冇辦法啦,男人要以事業為重o麻,冇理由因為我o既任性而迫佢陪我啦,咁樣做咪仲顯得我好幼稚,唔係咩??唔知啦,睇下點啦,乜都唔想諗住啦.
>>November 19, 2006 at 5:23:15 AM GMT+8
2003 年 1 月 27 日 星期一 【晴】
Kenny好正呢~!!(2003-01-28)
今日晏晝mum買左糯米飯俾我食,好味道.之後Ryan去左我度睇下d鼠鼠,點知仲要唔小心整親佢地喎,激死我呀.之後佢就去葬鼠鼠.返到屋企睇下碟,我就落街行一陣,行完就搭車過左ChiLok.買野,睇野,跟住我就上左Winnie屋企.見到我o個時俾佢o既鼠鼠而家仲好健康,而且d毛色都唔錯,由此可見Winnie佢有好好咁對待佢地啦,肥肥白白呀~呵~!!七點幾我就返去,仲租左"英皇三週年VCD"(我第一個租~哈~!!),正呀,有Kenny架,佢跳舞好型仔呀.
>>November 19, 2006 at 5:22:57 AM GMT+8
2003 年 1 月 26 日 星期日 【晴】
至憎俾人煩住晒呀(2003-01-27)
今日同mum食完野就去左做facial啦,之後仲去左租VCD添呀.今晚搵佢唔到喎,唔通失左蹤??後來佢好夜打俾我,原來佢電話冇電,而且岩岩先做完野返屋企咋,真係辛苦佢啦,所以我唔應該亂咁諗野呢,傻瓜~!!凌晨四點倒,俾個好討厭o既人打電話來嘈鬼住我sleep喎,仲要要求多多咁呀,真係好鬼煩呀,攪到我失眠添呀,賤呀.
>>November 19, 2006 at 5:22:02 AM GMT+8
2003 年 1 月 25 日 星期六 【晴】
膚淺o既人生(2003-01-26)
今日起身係喊醒左,因為我發左個夢都係喊緊啦,諗返起個夢我都覺得好傷感呀.或者人生真係有好多野都係好膚淺,只在乎你點去睇點去面對架咋.本來今日同佢出街架,點知...唔知呀,總之唔係咁開心啦.跟住我夜晚就發左癲咁勁食野喎,唔知關唔關我睇"食神"事呢??哈哈.
>>November 19, 2006 at 5:21:27 AM GMT+8
2003 年 1 月 25 日 星期六 【晴】
年齡的差距(2003-01-26)
有時候我會因為"年齡的差距"而感到害怕.
曾幾何時我討厭自己的不成熟而感到與他有所距離,
始終年齡上彼此的距離還有差異,思想與行動並未能一致.
我知道每一個人都是獨立的個體,所作的一切不同乃是正常.
只是我仍記掛著他曾經道出我是"小女孩"這一個事實,
始終他所面對的人與事範疇比我多,經歷也不少於我.
其實我興幸自己能夠與他分擔一切,雖則對於差距我仍感到有所不安,
但我確信只要大家心之距離彼此拉近,所有事情亦會變得無所謂了.
>>November 19, 2006 at 5:20:58 AM GMT+8
2003 年 1 月 24 日 星期五 【晴】
探險~探險~!!(2003-01-25)
今日同mum食完野買少少野我就去左搭車去TaiPo啦.今次我唔係搭去TsuenWan再轉巴士,而係搭小巴去上水再轉KCR.不過我去左太和站落之後先知大埔墟站有小巴去佢度,就係咁我唯有行去佢度啦.由於我唔識行,所以就好似o係度探險咁.不過我都係將五分鐘o既路程行左十幾分鐘 �,唔算太差啦,呵呵!!去到佢度,睇下佢隻狗仔,睇下VCD.我終於睇左"魔女之條件Vol.12"啦,因為我套vcd得呢隻壞左睇唔到,到而家咁多年,終於都俾我睇返啦.跟住仲睇左"貓狗鬥一番"呀.睇完就有飯食啦,佢個妹煮左飯呀.大約十點幾我地就去左一間酒樓搵佢個朋友俾返d野佢喎,坐左陣我地就走啦.佢送左我去上水,跟住我咪搭車返屋企囉.返到去十二點幾啦,好似三點幾四點先sleep咋.
>>November 19, 2006 at 5:20:28 AM GMT+8
|
![]()
| |
年初二...變左豬(2003-02-02)