2005 年 10 月 27 日 星期四 【微冷】

星期三晚的 gathering 最後都有五個人, 哈哈哈~~~~~~ 都不枉我同豬豬約左咁耐 !!! (而且我也終於給了豬豬手信, 唔............... 原來我真係好耐冇見豬豬啦, 而家仲欠 freda 未有, 咁要快 d 約 freda 了)

之後大家都同意一起去中國短線的旅行, 但就真係唔知要約到幾時了....................... 努力 !!!

>>October 28, 2005 at 3:12:59 AM GMT+8

2005 年 10 月 24 日 星期一 【微冷】

只有三個人的 gathering 都一改再改, 唔........................ 豬豬, wenlau, 希望我地明天見到啦 !!!

今日在自己中心 in 另一個 post, 經理早一星期便跟我說我的機會不太大, 冇所謂啦, 就當拿一些面試經驗咯 !! 今日又得知聖公會在屯門興建另一個綜合復康中心, 都好, 等一年半截之後去見下先, 哈哈哈............................

>>October 25, 2005 at 2:54:40 PM GMT+8

2005 年 10 月 21 日 星期五 【微冷】

難得一天閒在家中, 雖然早上有點不舒服, 幸好到十一時多已沒事, 沒影響我整甜品的心情, 哈哈~~~~~~~

昨天花了六十多元, 買了忌廉芝士、鮮忌廉及一些靚靚杯仔 !! 這些全都是今天弄檸檬毛士的材料, 弄了兩個小時, 都算成功啦, 雖然味道還是有點酸, 但下次我知個份量應該係點, 會好好多架啦 !!

吃過午餐後, 在家中看了一齣 "蜀山" , 拍了這麼多年, 但仍是很好看 !! 之後又做了下星期四 present 的role play 對白, 唔........ 感覺真好, 舒適得來又充實 !!

>>October 22, 2005 at 9:07:05 AM GMT+8

2005 年 10 月 10 日 星期一 【晴】

今天看了 11:30am 的 "小企鵝大長征", 哇................. 花了 $35 去看 discovery channel, 真是有點無奈, 但還好的是, 我沒有看正價場 !!

"忌廉檸檬批" 得到不是好評, 但我依然係o個句............... "唔知到我自己一個人整時又可唔可以整到咁好味呢 ?? " 妹妹亦叫我教她弄這個批, 而且我也知道了那兒可買正確的 "忌廉", 好, 萬事俱備, 只欠擇日去整批, 哈哈~~~~~~

早前南亞發生大地震, 我也跟爸媽一起捐錢 (但反而自己中心的捐款活動, 我....................... 哎呀.................... !!!)

>>October 11, 2005 at 2:00:32 PM GMT+8

2005 年 10 月 9 日 星期日 【晴】

一波三折................ 十月十一日的聚會始終搞不成 !! 豬豬 ~~~~~~ stephen~~~~~~~ 唉~~~~~~

因為下星期二要 present, 今晚又嘗試到在電腦前趕起自己o個部分既 power point 的滋味, 感覺很不錯, 而且今次的 present 十分容易, 根本冇得同讀書o個陣比, 哈哈 !!

明天的假期, 改為看 "小企鵝大長征"

>>October 10, 2005 at 3:29:16 PM GMT+8

2005 年 10 月 7 日 星期五 【晴】

唉................ 等人, 等了兩個多小時...........................

幾經轉折, 終於在一間書店安坐下來, 而且他們又給了一個可上網的位置給我, 所以我便寫下這個日記, 哈哈哈 ~~~~~~ 第一次在這些地方寫日記, 感覺還不錯, 但總有一種會被人 "盜用密碼"的感覺 (可見我對科技還是不太信任)

只是當我去拿書的時候, 我想看的漫畫在最高一層, 本想拿兩三期, 但其他的也跟住掉下來, 啪啪啪啪......................... 很多人望住我, 十分樣衰 !!! 很想高 d ..........................

>>October 8, 2005 at 8:09:12 AM GMT+8

2005 年 10 月 4 日 星期二 【晴】

mp3 壞了................ 唉, 還未用滿一年, 大陸貨始終較易壞, 而且又不知拿去那兒修理, 煩死了 !!! (定係買一個新的呢 ?? )

今日做家訪時, 跟她談了很久, 知道了一個母親和妻子的辛酸 >.<"" 她為了智障的女兒, 犧牲了大半生的時間, 更甚的是, 她得不到丈夫的體諒 (還幸這幾年丈夫的態度好了許多.................... ) 聽過不少人說, 男人即使跟你結婚, 但他的心還在自己的家, 他的母親的說話猶如聖旨, 他的兄弟姐妹有事, 他比什麼人都著緊, 但太太呢, 除了住在同一間屋內、除了定期給家用外, 在感情上始終是一個外人, 得不到他全部的信任；如果太太有病, 他只會想 "咁大個人, 自己識照顧自己架啦" !!

很恐怖................................. 還是不要想太多了, 想想我短命的 mp3 吧 !!!!!

>>October 5, 2005 at 11:26:20 AM GMT+8

2005 年 10 月 2 日 星期日 【晴】

問了老師, 原來我買錯了忌廉, 怪不得打到出水啦........................ 我要買的不是 "忌廉" , 而是 "植脂奶油" , 唉 , 仲要唔知響邊度買添架 ????

今日得知又有一個同事要走了, 很捨不得, 人生總是這麼多離離合合, 真的有點不開心 !! 我不禁想, 即使我盡力去搞 gathering, 大家是否真的有緣繼續做朋友呢 ?? 連相聚四年的樹仁同學的 gathering 也十分難約, 做同事的........................ 大家又會否出來呢 ?? 而且 , 我還有多少心機和耐性去做這個 "康樂小姐" 呢 ???

還有千千萬萬的 paper work 未做, 但明天也得放假抖一抖, 星期三繼續努力 ~~~~~~~~~~~

>>October 3, 2005 at 3:14:59 PM GMT+8

2005 年 9 月 30 日 星期五 【晴】

十月一日..................... 國慶之餘, 也有一天假期, 真好 !!!

在家一整天, 弄了一個蛋糕, 本來想加忌廉的, 但不知為何忌廉打打下竟然出水, 咁就冇左廿幾蚊了~~~~~~ (打算明天上課時問一問老師) 還好的是, 弄了一個蛋糕, 味道也不錯, 哈哈 !!

很久沒見一些朋友了, 很想約她們出來, 始終約不成, 豬豬說心淡了, 雖然我都覺得約人好煩, 但冇辦法啦, 我唔想大家出來做事一年後便疏離了, 努力 ~~~~~~~~~

>>October 1, 2005 at 10:29:35 AM GMT+8

2005 年 9 月 28 日 星期三 【晴】

第二天上課，感覺還可以啦，好像沒上一節那麼累了............................ 只是臨上課前在 "批 and 撻" 買了一個朱古力鬆餅和鮮奶撻，唔................. 個鬆餅麻麻地者，而且要成 8 元一個，不太抵，反而那個鮮奶撻就幾好食 !!

放學後.................... 有點激氣，真係唔知自己做錯咩，有冇搞錯呀 ~~~~~~~~~~~~~

>>September 29, 2005 at 3:29:30 PM GMT+8