2007 年 5 月 31 日 星期四 【酷熱】

熱呀............. 已經 33度了 !! 咁 8月點算呢 ??

今天放工後到大埔一間青少年中心, 出席一個 "短片比賽" 的小小頒獎禮, 感覺............... 被騙 !! 騙我的人不是 irene, 而是一位男同事, 估唔到 3年後的今天, 他仍然係一 d 進化都無 !! 今日大家出席頒獎禮的身分都係義工, 我無資格叫佢做 d 咩, 但................. 既然帶了學員出街, 咁唔該俾番少少責任心 >.<"" (唯一安慰的是............... 我不需與他在同一部門合作, 很好 ^0^ )

今天老人院的總監 email 回覆, 說已把証明信寄了給我 !! 真希望今次係最後一次既行政工作, 好煩呀............... 點解要為難我的實習呢 ??

>>June 1, 2007 at 2:55:00 PM GMT+8

2007 年 5 月 28 日 星期一 【酷熱】

難得一天的 LW, 感覺真好 !! 放工後先到銅鑼灣 Mc Cafe 吃了一個藍莓芝士蛋糕, 唔............. 藍莓醬太少, 而芝士味又不夠, 麻麻地者 !! 之後到商務買了本實習用的教科書, 唉............. 又無硬皮, 內文又無彩印, 紙質 just ok, 咁就 $300, 真係好貴 (其實 counseling 呢行都幾呃錢 >.<)

剛想 check email 時, 無意中看到 yahoo 介紹了幾間 cake shop, 而唯一一間我估自己識去的, 係響銅鑼灣開平道 6號--- Zoe cake shop. 講真, 喜歡了整蛋糕一段日子, 但仍沒去過一間 cake shop 吃上一件蛋糕 (普通 cafe 除外), 也算是一種遺憾吧 !! 好, 有空 (但未來一年要出實習, 都幾難有時間) + 有錢 (唉............. 仲有成十萬多債務) 就去試下啦 ~~~~~~

>>May 29, 2007 at 10:37:04 AM GMT+8

2007 年 5 月 25 日 星期五 【酷熱】

呢兩日好熱................... 真想問句 : 咁7-9月點算呀 ?????

昨日妹妹來中心做義務導師, 教一些輔助就業的學員整奶油多士、凍熱檸茶，食品會免費送給 A 座地下的同事品嚐，目的是給他們嘗試做茶餐廳的工作。點知................. 意外發生了 !! 妹妹在教切檸檬時切到自己的手指, 唉 !!! 傷口都幾深下, 去到護士室搞左成分幾鐘都止唔到血, 咁都算了, 當護士幫佢止血時, 佢竟然暈左, oh............. 天呀 !! (她並不是完全不省人事, 只係失去了重心, 需要坐下休息) 清醒後第一句話是 : sorry 呀, 可能係未食午餐 (o個陣 4:45pm) !! 小姐, 咁你做咩唔食午餐先得架 (因為懶煮麵 wor............... )

之後, 梗係唔敢俾佢再返去廚藝室教班啦, 咪鎖住佢響圖書館, 迫佢吃餅同飲維他奶, 真係激死我, 邊有人做義工做到暈左架 ??!!

>>May 26, 2007 at 1:14:04 PM GMT+8

2007 年 5 月 22 日 星期二 【乍寒還暖】

今日一早就要到柴灣觀課, 仲要係一個家長太極班, 唉............ 都唔知去黎做咩 ??? 導師已教了幾堂, 算是熟悉了環境, 而家長又唔會有咩情緒 or 問題行為需要幫忙, 咁就唔好浪費員工 d 時間啦, 我仲有好多野未做架 !! 不過算吧, 已暗示了兩三次, 亦無謂再說了, 總之.............. 你知我有好多時間外出, 就唔好追我 d paper work 了 !!

本來可在柴灣直接放工 (因今日補 LW, 放 12PM), 但我竟然仲要返中心做野, 照樣放 5:30PM, 搞錯呀 >.<""

好彩, 約了豬豬在觀塘一起吃午飯, 算是我忙碌中的一點安慰吧 !!整頓飯的感覺很好, 唔怪得豬豬咁鍾意找朋友吃飯啦, 哈哈, 原來一餐午飯都可以傾好多野架 WOR (如果我下次順路響觀塘轉小巴, 我都會再找你吃飯架...................... )

>>May 23, 2007 at 1:56:19 PM GMT+8

2007 年 5 月 19 日 星期六 【颱風】

昨日要編定 (初步地) 6月的工作, 嘩................... 超多野做 !! 接著我便跟同事說 : 希望大家在 6月不要請大假 >.<"" 因為每日都有班, 6月中要完成交俾匯豐銀行的 report, 但有好多資料未整理, 唉 !!

唔知呀............. 好迷茫............... 工作好多、實習又未完全落實、自己又.................. 唉 !!

>>May 20, 2007 at 1:04:47 PM GMT+8

2007 年 5 月 13 日 星期日 【晴】

唉.......... 好黑仔 !! 人生的第一次............. 抹尿濕左的地面................. 天呀 >.<"" 我咁大個女, 家務都唔多駛做, 居然要抹尿, 嗚嗚嗚嗚 !! 扭地拖的一剎真係有 d 嘔心, 而且我去洗地拖及桶時又見到老鼠............... 嘩, 咩事呀, 老天爺唔駛咁玩我呀麻 !!!! (不過諗深一層, 做呢行就預左啦, 無人做你就要落水做, 咁至 pro 麻 )

呢兩日, 真係唔知點面對一位同事, 在家長面前就踩我 (踩我買的東西 only), 但對住我又好似好 friend 咁, 真搞笑 !! 其實呢件事並不影響我的心情或工作, 因為都幾了解呢位同事的為人, 只係........... 當佢同我講野時, 我覺得扮咩事都無既自己有 d 虛偽者

實習開始有曙光, 好驚會被校方搞亂................. 唉................ !!

>>May 14, 2007 at 2:40:03 PM GMT+8

2007 年 4 月 30 日 星期一 【晴】

勞動節快樂~~~~~~

未來呢幾個月, 沒有連續幾天的假期了, oh................. 有一日假期也不錯吧 (人就是這麼貪心的 !!!) 這星期有兩個同事的 gathering, 一個係今日在屯門蝴蝶灣 bbq, 另一個係星期六的 farewell dinner, 這兩個 gathering 我都不想去, hm.............. 因為以前熟絡的同事都走了很多, 而且這些聚會中又有一些不想見到的人, 唉 !! 唔去啦, 唔想放假都咁眼冤

昨日臨放工前, 發現 15號前有很多工作要處理好, 唉.................. 死啦今次 !! 曾有一個今日返中心工作的念頭, 不過好快消失左, 唔想搞到咁辛苦 !! 有假放, 應該好好在家找一些出實習的資料, 又或吃喝玩樂一下才對, 哈 @.@

係呢, 昨日翻開煮食書, 發覺 "草莓芝士蛋糕" 好似不錯, 也好似幾易整, 呵呵呵 !! 一於咁話啦, 下次試下呢款, 但.................. 唔知邊度有得賣草莓汁 !!

>>May 1, 2007 at 3:56:03 AM GMT+8

2007 年 4 月 28 日 星期六 【晴】

終於又有一天假期, 在家吃喝玩樂了整天, 哈哈, 真開心 !!!

在 youtube 看了整天 sailormoon, 雖然好白痴, 但呢套卡通比起而家的好看多了, 而且又可以唔駛用腦看, 十分適合假期做呢 !! 除此之外, 我整左一個 cheese cake 及少許綿花糖, 唔.................. 兩樣野都不太成功 ; cheese cake 的餅底厚左 d, 綿花糖又太甜, oh >.<""

但不要緊啦, 也是一個經驗麻, 知道錯響邊, 下次會好的了 !! 加油 !!

>>April 29, 2007 at 3:01:45 PM GMT+8

2007 年 4 月 27 日 星期五 【晴】

咩事呀............ 係咪在辦公室做得太耐, 唔知前線員工的苦況呢 ?? 話說今日是匡智會新界區賣旗日, 我負責的 17名義工會到上水天平村賣旗, 點知在 9:10am, 義工代表致電給我, 說天平村的管理員不准許他們一眾人在村內任何地方賣旗, 理由是.............. 事前沒收到匡智會的通知 !! oh.............. 我當然好驚啦, 立即打電話去問, 而籌募部的答覆是 : "以往天平村都俾我地個會賣旗, 以為今年都得, 所以就無向天平村申請咯" oh............... 天呀 ~~~~~~~~ 你係咪傻架, 你都唔申請, 人地點俾你賣旗呀, 而且你無申請又唔同我地講, 仲要好老定咁叫我地去入面賣旗, 義工不但會覺得我地內部溝通不足, 而且以為我玩野添呀, 咁出年我點叫人幫手呀

好彩 d 義工唔介意響村外的地方賣, 件事才平息了 !!!!

真係激氣....................... 如果有一天, 我升了職, 只需坐在辦公室中統籌事務, 我一定要想下辦法同前線的員工有溝通, 因為我唔想做野做到咁白痴 ~~~~~~

>>April 28, 2007 at 11:04:19 AM GMT+8

2007 年 4 月 22 日 星期日 【微冷】

又完成一份功課了, 鬆一口氣................. 做這份功課的效率不錯, 因我不再像從前那樣先寫一次才打入電腦, 而是直接在電腦面前工作, 發覺比以前快了不少, 哈 (原來我以前是那麼笨的 !!!! ) 直接打入電腦的好處是有 grammer 錯會立即知道, 有字唔識又可以查 yahoo 字典, great ~~~~ 但係, 家中必須清靜, 一定不可以是媽媽看電視的時間 !!

距離下一份功課還有一個月, 又進入另一個倒數了................... 唉............... 為咩 ??

但最讓我擔心的......... 仍是未找到實習機構.................. 點算呀 ?? 我係咪要 extention 畢業呢 ?? 真係好煩 !!!

>>April 23, 2007 at 9:35:23 AM GMT+8