2007 年 4 月 21 日 星期六 【晴】

明愛總部已向我回覆..................... 它們未能提供實習的機會給我 >.<"" 搞錯呀, 咁大間機構, 一個實習位都無 !!! 真係好唔開心, 點解要咁對我 ???

唉.............. 算啦............... 今日咩都唔好諗, 努力做埋份 assignment 先, 聽日交完功課再找吧 !!

>>April 22, 2007 at 2:35:20 AM GMT+8

2007 年 4 月 16 日 星期一 【炎熱】

唉............. 好唏噓.................... 實習仍未有任何消息, 點解要咁對我 ?? 今日又寄出 7封信及 sent 了 2個 email 去不同的 NGO, 寄信的途中腦袋一片空白, 覺得前路茫茫

23號要交的功課, 一隻字都未寫, 前途暗淡....................

>>April 17, 2007 at 10:32:07 AM GMT+8

2007 年 4 月 12 日 星期四 【微冷】

今日用一條新的上班路線, 感覺不錯, 就像回到鄉外地方上班似的 !! 話說上水有一個北區公園 (其面積有九龍公園咁大架), 此公園有多個出入口, 其中一個在我中心附近, 只是我一直不發覺............ 原來我下車的地方都有一個入口架 !! 嘩, 今日行公園上班 (雖然差點迷路................... 不過唔駛擔心, 我對迷路好有經驗, 不會有事的 !!! ) 一路行都遠離馬路和汽車, 四周都是花草樹木, 嘩................. 感覺唔同晒 !! great !! 以後我都會用呢條路線上班

講開又講, 我仲未開始實習, 亦都未有機構回覆我, 唉........................ 每次打電話去問, 職員都會說 : "實習是由校方及總會安排, 我地唔話到事..............." 大哥大姐, 如果學校會替我安排, 我做咩打黎問你先得架, 玩咩 >.<""

>>April 12, 2007 at 4:31:49 PM GMT+8

2007 年 4 月 9 日 星期一 【颳風】

唔知係咪因為病呢, 我今日真係覺得幾凍................... 復活節後的第一個上班日, 要埋財政年度既數, 真係做到想死 !! 仲要我病病地, 唉, 由 9:03am 做到 8:00pm 才放工, 搞錯呀, 人地病緊架 ma, 而且部門得番兩個人做野 ( full team有 4人, 即我們今日少了 50% man power ), 下次我都學 "精" d, 揀下呢 d 會做死人既日子拎 AL !!!

仲未埋完數, 唯有今晚早 d 休息, 明天繼續朝 9晚 8吧 !!

不過, 突然又想起................ 我仲未找到實習機構................. oh !!

>>April 10, 2007 at 1:47:03 PM GMT+8

2007 年 4 月 8 日 星期日 【晴】

呵呵呵呵.............. 各位, 呢個日記係我用新電腦打架, yeah ~~~~~

我幾經辛苦, 由一部咩都既電腦, 變成而家有 office, 有得上網既電腦啦, 好感動啊 !! 不過, 我上網時的網絡好像不太穩定, 常常斷線又重撥, 唔知想點...................... >.<""

過埋今日, 五天的復活節假期便完了, 唉................ 好唔想返工 !! 實習又未有著落, 好灰 !!

>>April 9, 2007 at 1:23:41 PM GMT+8

2007 年 3 月 31 日 星期六 【微冷】

愚人節快樂呀 !!!!

今日天氣幾好, 功課又交左 (但距離下一份功課的繳交日期又進入倒數了..................), 心情本來幾好, 只可惜.............. 唉................ 妹妹變左了 (其實佢本身都係咁霸道, 只是變本加厲左好多). 從心理學的角度來看, 她對媽媽的不滿演變成對家中所有東西的不滿, 使自己進入了時常與家人對抗的心情, 她便可告訴自己和友人在家生活不開心, 好換來日後搬出去住的藉口 !!

喂, 小姐............ 問心o個句, 我無得罪你 wor, 你這是什麼態度同我講野呀 ?? 你要換新電腦桌, 媽媽出錢買俾你 ; 你的新電腦桌頂住了我的書桌, 我移位遷就你 ; 現在我只是想把我書桌下面的鞋架棄掉, 然後把房中另一個鞋架讓給你, 我知咁會令你少左一至兩對鞋的擺放位置. 但係如果唔係你的電腦桌頂住我, 我做咩要搞咁多野者, 大家住同一間房, 遷就下協調下 law, 駛唔駛咁同我講野呀 !! 好......... 我而家讓晒 d 鞋架位俾你, 我的鞋不多, 我會自己想辦法...................... 只係我想講 : "頂你個肺"

>>April 1, 2007 at 7:33:55 AM GMT+8

2007 年 3 月 29 日 星期四 【微冷】

今日終於都交左功課了............. 好感動呀 !! 今次之所以做得晒, 完全係因為利用左工作時間去做, 唉, 一次就得者, 下次唔能夠再係咁, 所以呢 (雖然呢句說話講左好多次 ) 下次要早 d 開工 !!

今日去柴灣一間學校觀課, 遠就遠 d, 不過真係好欣賞那位老師對智障人士的態度............. "以人為本" 講就容易, 試問有幾多人真的做到, 所以這兩次放學後我都與她一起走去地鐵站, 與她討論班中學生的行為問題, 順便偷下師 !! 一班 10個學生, 4個無語言能力, 3個有行為問題, 但她也能好好地教 2小時的課, 真不簡單~~~~~~~ 才醒覺我的功力差太遠了 (不過也比現在中心的某幾位同事好得多..................)

之後又與她討論了 "社區教育學院" 的理念, 原來係可以咁偉大架 wor (如果真的可行的話) !! 智障人士在成年後便得不到持續進修的機會, 他們有的也只是上下興趣班, 學下 "與人溝通" 和 "獨立生活", 那麼他們其他方面的發展, 則被人埋沒了. 學習除了是學懂一些技能外, 也是學習思考、擴闊視野的地方, 如果 "社區教育學院" 真的可以實踐其理念, 對整個香港的復康界來說會是一個突破 !! 因為我們不是智齡大學, 為表演而去培養他們; 我們也不是為申請更多的 donation 而發展; 我們為的是-- 智障人士也可享有 "全人發展、持續進修" 的機會 . (可惜既係............... 我們仍在追數, quantity 大過 quality )

>>March 30, 2007 at 1:52:41 PM GMT+8

2007 年 3 月 27 日 星期二 【微冷】

星期五便要交的 assignment, 2500字................ 我才寫了 150字 !!! 今次真係死梗啦 !!!

加油加油 !!

>>March 28, 2007 at 1:44:05 PM GMT+8

2007 年 3 月 22 日 星期四 【微冷】

幾經申苦才找到的實習機會, 因為某些原因而沒有了 (而這個原因亦是我不能控制的 ~~~~) 在我收到這消息的一刻, 我哭了出來................. >.<

睡了兩天覺, 心情好多了, 收拾心情再去找實習, 我要加油啊 !!

家中的電腦壞了, 成了我不做功課的藉口, 但眼見 3月30日 (即交功課的死期) 越來越近, 我真的要開工啦, 如果唔係, 真係 "肥佬" 梗 !!! (我現在是借用妹妹的電腦寫日記, 我o個部................ 唉.............. 我唔知呀 !!)

>>March 23, 2007 at 1:48:50 PM GMT+8

2007 年 3 月 18 日 星期日 【颳風】

明天開始出實習, 好緊張呀 !! 知道中心主任是一個幾惡的人, 所以都有心理準備俾佢 "炳", 希望我捱得住啦 !! 就當是少林寺的 "木人行" 吧 !!

加油~~~~~~~

>>March 19, 2007 at 3:09:57 PM GMT+8