2005 年 12 月 27 日 星期二 【颳風】

唔經唔覺, 今日已是 28 號了, 咁就過了一個 christmas, 開心既時間真係過得特別快 ~~~~~~~~

今年聖誕, 過得很充實..................
24號晚 : 去冇咁多人既地方, 兩個人行街街, 買了幾份很合心意的禮物 (原來葵芳有咁多好野賣), 又吃了芝士火鍋, 好味 !! 最正係.................... 呵呵呵..................... 收了一份很喜歡的禮物, 嘩 !! ^.^
25 號: 去了 helen 的新屋搞 party , 玩了麻雀、 uno、大富翁, 哈哈 ~~~~ 而家先知原來大富翁可以咁玩, 至於 uno, 我依然係最弱既一個
26號 : 下午自己一個行街, 買了兩個好靚既 file, 之後去了尖沙咀的 "悠悠中華食桌" 與 blcwc 的同學吃飯, 原來尖沙咀都有一間咁正既食肆 wor
27 號 : 早上響屯門搭船船去東涌, 真係好快, 哈哈 ~~~~~ 行了一陣街, 原來東涌都幾好行, 之後看了 king kong (中間有一小時係恐怖片...................... ), 晚飯約了豬豬們在旺角
28 號 : 在家睡到中午 12 時才起床 (有好幾年都未試過了.....................) , 發覺有少許感冒, 吃了一點藥, 晚飯會到上水與 Team G 同事吃 !!
29 號 : 預計會在家休息 (但媽媽要我協助油家中的鐵閘, 唔.............................)

這個聖誕確是很充實, 但代價是................... 極度疲累 !! 又一次証明, 我真的老了 !!!!!

>>December 28, 2005 at 7:48:23 AM GMT+8

2005 年 12 月 21 日 星期三 【乍雨乍晴】

今日是冬至, 人地話 "凍冬暖年", 咁今個新年都唔駛旨意可以穿靚靚大褸了 !!!

今晚................ 心情很差, 是迷失了方向?? 還是我不肯面對現實?? 我不知道, 但似乎................ 我不可過一個快樂的聖誕了.

>>December 22, 2005 at 3:18:20 PM GMT+8

2005 年 12 月 16 日 星期五 【乍雨乍晴】

唔知點解, 部電腦壞完冇幾耐, 而家個 mouse 又壞壞地................ 玩野呀~~~~ 唔好蝦我 wor

今日中心開放日, 好忙, 係咁多次有外人進來的情況下 (包括開幕禮及另一次 open day) 最忙既一次, 感覺充實很多, 哈哈 !!! 我今次負責 "玻璃畫" , 但不是用真玻璃, 而改為用透明 f4 file, 等 d 參觀者可在我們的 counter 畫完後再拿走.

很快又到聖誕節了, 大家都忙於約 gathering, 淨係吃飯同買禮物都唔少錢, wa................. 今個月.................. >.<

>>December 17, 2005 at 12:48:43 PM GMT+8

2005 年 12 月 9 日 星期五 【颳風】

哈哈哈哈~~~~~ 我買了新手機 lu, 係 nokia 6060, 響中原電器買, $960乍, 仲有 hand-free 送添 !! 雖然冇咩功能, 但我就是喜歡它冇咩功能, 而且又係摺機, great !!!!

轉左 team 已有10日了, 但我仲未好知我要做 d 咩, 因為同事好忙, 未有時間 hand-over d 野俾我 (所以呢, 響我地中心做唔可以做太長時間, 如果唔係會死架). 其實個同事都有同我講唔好意思, 但她樣樣野都 urgent, 真係得閒死都唔得閒病, 我都明既, 所以我都唔敢成日問她有咩做, 費事令她難做啦, 希望我地過左今個星期既 open day 會好些啦 !!!

仲有兩星期就係 christmas, 都係時候想想有咩節目 lu

>>December 10, 2005 at 2:32:46 PM GMT+8

2005 年 12 月 6 日 星期二 【乍雨乍晴】

好凍呀................ 屯門同粉嶺都係咁凍, 呢兩日都係得10度倒乍 !!!

轉了新工作已有好幾天了, 我都仲未知自己要做 d 咩, 唉............... 可能下個月就俾人炒架啦 !!! 放完了 sem break, 而家唔係好想返學添, 尤其是咁鬼凍, 唔.................... >.<"" 另外呢, 我亦要開始留意各間大學有咩 part time 課程了, 咁又好快冇十幾萬了 !!

>>December 7, 2005 at 10:01:09 AM GMT+8

2005 年 12 月 1 日 星期四 【颳風】

哇.......... 成二十日冇寫日記啦, 一來是我懶, 二來是我部電腦都壞左好耐, 所以有時間都寫唔到 !!

呢排發生咩事, 我都唔係好記得 lu, 淨係想告訴大家, 我終於都升職成功啦, 而且轉了 team , 雖然仍在同一中心工作, 但工作性質好唔同, 由對 cases 變成 做行政, 12月1日正式開始轉, 我而家仲好努力咁把我既工作交俾接替我岡位的同事, 哈哈哈 !! 至於新工作, 我仲未算開始做, 而家都係開下會, 聽下要做 d 咩咁咯~~~~ 去到新環境, 我會努力架啦, 因為我而家想咩都試下做, 見識多 d 麻 (因為我已經唔年青的了, 唉............................)

係呢, christmas 大家有冇打算去邊呀 ??? 俾 d 意見啦..............................

>>December 2, 2005 at 3:14:45 PM GMT+8

2005 年 11 月 10 日 星期四 【炎熱】

昨日與同事兼同學仔在上學途中, 談了不少我想在中心升職的情況, 聽了之後, 不禁有些心灰, 心灰的並不是我技不如人, 而是經理根本不打算升我, 給我機會見工只是令我心息的方法。其實不能升職也沒所謂, 我只是想爭取每個機會, 及看看自己的競爭力如何, 如果我真的沒機會, 那就不必給我希望呀, 為什麼要說那麼多藉口呢?!

不過不要緊, 我也不會因此而不高興, 反正我現在也工作得很好, 就當給自己上一課吧, 哈哈哈, 如果唔係, 下次又會俾人說我太天真了 !!!

>>November 11, 2005 at 3:13:32 AM GMT+8

2005 年 11 月 7 日 星期一 【炎熱】

這兩天好像又暖了一點, 唔.................... 唔鍾意, 想涼少少 !!!

今天請了 AL, 其實也沒什麼特別事要做, 只是一來有假 ( 費事日後辭職時有太多假唔知點放 ), 二來今日沒有 duty , 不用麻煩其他同事代我工作, 咁就請日大假在家休息下咯 !! 但美中不足的是今天要出九龍灣上課, 唔.........................

明天補上午假, 只需返一點至五點, 又可以訓晏 d, 哈哈哈 ~~~~~~~~

>>November 8, 2005 at 6:49:33 AM GMT+8

2005 年 11 月 4 日 星期五 【晴】

終於又過了一個星期, 自 case review 後積下的工作今天也算做得七七八八, 只欠一兩個訓練 plan、執整 box file及入電腦數, 希望用多一星期就可完成啦, 加油~~~~~~~~

星期二特地申請了 AL, 冇咩原因, 只是想放下假休息, 而且O個日我冇小組, 唔駛找人替我既工作, 放假都放得輕鬆 d !!

今天在整理 box file 時順便替同事安排影印新表格, 費事她們做咁多野, 哈哈哈~~~~~~ 她們竟然讚我, 有人讚當然開心啦, 但開心既係能夠幫到同事, 而且感覺到我們合作愉快 ^.^

>>November 5, 2005 at 3:25:39 PM GMT+8

2005 年 10 月 28 日 星期五 【微冷】

天氣開始清涼, 真好.........................

今天整個部門的同事都去了中環廣場做 "競步上雲霄" 的跑樓梯活動, 中心只淨兩個同事聽電話, 我是其中一個 !! 從未試過中心可以如此靜, 真的很舒服, 與另一同事一邊談天一邊工作, 十分 relax, 哈哈哈~~~~~~~

放工後, 我弄了一個意大利奶絡甜品 (panna cotta), 唔..................... 第一次失敗, 因我忘記了落糖, 激死我 !! 吃過飯後我再弄一次, 結果................ 未知呀..................... 因為而家仲雪緊 !! 希望它不會太難吃啦, 因為我想在星期一送給一位同事, 那天是她的 last day !! 中心走下一個, 走下又一個, 跟我初入職時已很不同了, 唔知幾時又會到我走呢 ?????

>>October 29, 2005 at 3:24:33 PM GMT+8