2004 年 9 月 24 日 星期五 【晴】

今日好早就醒了,又訓唔番…起身的時候成身酸軟,可能係連踢兩日波的後遺症…
食過野諗住去銀行整野,點知銀行多人到爆,所以最後都係走人了…
返到去再做org chem功課,都唔識做的,麻煩….
下晝返宿執d野,順手還書….
夜晚本來想溫書的,溫溫下見到好似有野電視睇,所以都係頹溫….明日要專心d先得….

>>September 25, 2004 at 2:10:39 PM GMT+8

2004 年 9 月 23 日 星期四 【晴】

今日係美妙而興奮的一天….
今朝本來10點半先上堂ga,但係就要follow lab,要9點幾就起身了……follow lab勁麻煩,係到睇d bacteria有幾多個colonies,嘩,傻ga,有d dish密麻麻ga,睇落去成千個colonies咁掣,睇到眼都盲啦…..
之後上左堂lecture就去assembly了…..堂lecture遲左放,搞到我遲左落去assembly…..本來阿女同我搵左位的,但係我去到時個lecture hall已經關閉了,入唔到去…..無奈地去左隔離個lecture hall啦,重要坐地下tim…..坐地下,又無得訓,唯有聽下個講員講野啦….無mug點訓個,一來個topic幾好聽,二來唔得閒地sms…..assembly從allen得知完來昨日係贏中醫3比2,佢細路derek重入左兩球tim,我終於都後繼有人了……
同阿女食過飯就返文林坐一坐,執下野…..本來gigi同jack話中聚,但好似後來d人無去到,搞唔成…..
要上本部還書,順手問alky同gigi拎番隻office…..返文林休息一陣去左嶺南友賽physics….
之前完全無同physics,又唔知佢地gei戰績,一去到就見到佢地勁多人,d人多到可以出3隊人來踢都得…..無啦,physics咁多男仔,實多人踢波,而且佢地好似好早就來了練波,所以出場的時候都有d驚…..
落到場同佢,知道佢地都唔係太強姐,一開始俾我地係咁攻啦,而且我又見到隻左閘廢廢地,隊友傳個波俾佢都控唔定,我見到利d閘,開心到爆啦,一見人地傳俾佢,即刻弱點攻擊,係咁偷佢波啦^^….就係咁physics自己打到亂哂….我諗係上半場中段吧,祖利亞一個直線交過來,對住隻閘,先推過佢再窄角度左腳tick入,yeah,1:0了….下半場踢左中場,但係我d體能唔好,成日都唔防守,有前鋒踢,我prefer踢前….下半場都係中段到,好似panda一野大腳斬前,個位空哂,心口控前即刻入禁區,look look地咁cup過隻閘,順腳勁射掛網……但係之後就後勁不繼了,無耐就換左歐俊出來踢了….無驚無險贏左physics兩球…..勁開心,因為之前未試過係中大的比賽一場入兩球ga,打破左自己紀錄…..不過有好多野可以改善:
1.我體力太差了,俾林sir講中啦….果然成日坐都唔係一件好事….
2.biochem d組織都係要改善下,如果對d勁野,好似今日咁大就實輸緊…今日d入波最大原因係d閘唔勁,如果勁d的話都未必入到波….
點都好啦,贏了就係贏了,下個星期六中超聯對上年冠軍IE,應該會係硬仗…又可以同勁野踢了,太高興了……
夜晚要做org chem功課…..寫日記的時候兩腳齊抽筋,痛到我死….
下次要快d 碌落山先得…..
今日日記長了些,唔好意思….

>>September 24, 2004 at 12:56:54 PM GMT+8

2004 年 9 月 22 日 星期三 【晴】

今日訓晏左...上10點半堂,遲左成差唔多半堂先入到lecture hall....重要無後門,行正門入,勁核突....不過好左biochem的professor唔會鬧d遲到人,如果唔係,我利3年應該係堂堂俾人鬧咁掣.....
上完堂即刻去pre lab....昨晚只係睇左陣,今日先正式pre lab....不過都無大問題gei.....
去lunch的時候,諗住一個人食,順手可以溫多次個lab....但一出u lib門口無耐,見同阿仔同阿女加了左個biochem yr1係到講緊唔知d mug野,好似好嚴重咁....係過去搭"傘",得知佢地係到講緊個add drop大通gei事.....我都唔知有d咁難頂gei大通,搞到要drop咁大鑊.....就係咁同左阿女同bch yr 1(又唔記得佢叫mug,太無記性了....)食飯....食過飯已經無時間溫了,不過我諗算啦,一個lab quiz得果兩分,是但啦.......個biochem yr 1可能唔知我係邊個,一開始問我係唔係yr 1,哈,我都話個樣後生ga啦,d人都估唔到的^^(講笑)
一開lab就lab quiz....不過好易,如果做得快的話,應該係1分鐘搞掂了....做lab今日都ok快,唔係d mug野難野....做到5點到就走得了.....今日係biochem對中醫的友賽,咁咪去下law,反正文林又係隔離練波.....一落到場,見到我地biochem來左勁多人,由yr 1到yr 3,差唔多全部來哂,多人到...反觀文林人丁單薄,所以我都係過左去文林踢了,諗住俾d細gei去踢啦,反正我利d秘密武器當然要壓軸出ga啦^^.....今日gei對手唔知係國內生定係何宿的人,都ok gei,不過文林足球水平就真係唔多好.....一開始總頂到下,重入波先(我都有好大功勞ga),之後就俾人控制大局了....雖然最後我入多球,打和2比2我就過番biochem果邊了,但係我聽人話我走左次後,文林俾人炒了,証明我係文林gei重要性(講笑)....文林最大問題係中前場唔識點樣搶波,因為係中間搶波唔係見人帶住個波就去的,係要有方法同位置的,利個都係我地成日贏唔到人gei原因,如果唔可以控球在腳,又點進攻呢,我係前面再好波都無用啦.....去左biochem到,佢地都差唔多踢完了.....我出去都係玩下,不過已經有兩次成功殺入去的機會了^^,如果俾我出多d時間,應該可以改寫紀錄.....最後都係2比2打和......合理的比數......
食飯gei時候順手傾下cc fyp.....開始要做下了.....之後去左鄧雁玲到睇星....嘩,勁多人睇ar...dick dick係工作人員,係到整枝鏡,教我地點睇星wor,不過佢到依家都係淨係可以做到focus個月亮,但係睇唔到星星law^^,搞到有人走個去問佢係唔係頹睇,哈哈,俾人串了^^....學左d野,知道少少有關星gei野啦....睇到牛郎同織女星....估唔到係咁易睇的,一望就見到了....有緣的人,總會有一日會見吧.......自然的下去吧.....
返到來好累,唔想讀書,又懶了.....唉......
文林糖水會.....老姜煮左紅色的綠豆沙....我都唔知會咁,但味道都幾好ar,我想食唔死我吧....
明日要贏physics!!!!我好想同d勁人踢ar!!!我諗physics應該唔會令我失望,令我失望就入多佢地幾球啦....

>>September 23, 2004 at 4:08:01 PM GMT+8

2004 年 9 月 21 日 星期二 【晴】

今日如常上10半上堂.....上個星期的test派左返來啦,唔多高分law....鬼咩,之前一晚要去文林食宵,第二朝先溫notes,個professor又真係淨出notes wor,搞到我睇d reference都無mug用,不過算啦,冇左總分gei一分,影響唔大gei,下次溫notes好了,反正我係reference睇的,professor今日教番,所以上堂就輕鬆了些.....不過一定要問下professor 佢notes上堂唔講gei地方,因為佢test會出番law,勁過分....
lunch去左組聚,但唔多齊人,不過都無所謂了....去左潛lib.....但唔知係唔係利兩晚都成3點訓gei關係,無mug精神溫書,成日訓著....最後去到黃昏時候,都係頂唔到返宿休息了.....
休息左一陣,小dick dick同葉展兄話唔去cc canteen食飯,話自己煮飯wor...哈哈,我住左文林成年,都未試過自己煮飯,試下都好.....我同dick dick十年都唔煮一次飯,切野都麻麻煩煩咁,又點會識煎野,炒菜ar....唯有睇住睇住葉展兄做啦.....順手學下野,等下次無野食都唔駛餓死文林.........葉展兄煮飯都有一手,雖然就唔係d mug野菜,但味道都唔錯....有四樣餸,有生菜餐肉,腸仔,火腿蛋,同埋一d牛肉絲....雖然係半頹,但叫食得飽,幾豐富ga啦.....
之後休息一會就溫書了.....都唔知點解成日過左9點就好精神,日頭就訓到天昏地暗.....名符其實的夜鬼...

>>September 22, 2004 at 5:34:05 PM GMT+8

2004 年 9 月 20 日 星期一 【陰】

今日有點傷感.....
昨晚同martin一齊做org chem功課....佢真係幾勁,問親都識識地....我d chem已經俾番哂阿sir了,無奈....不過溫左書會識gei如果我有時間.....做到成3點先訓.....
一早8點半上org chem....諗住今日冇遲到,實冇死啦,坐番我成日坐gei高座......點知一上堂,第一題就問我,"white shirt at the back, answer the question"......跟住重問我明唔明佢問mug野.....真係俾佢玩死,都唔知係唔係特登問我地利d高座人仕gei....雖然答問題有得加分,但唔係major,俾人點相,唔係太好.....
之後去左lib到溫左一陣,就去新港城到整mobile.....個mobile又charge唔到電,都唔知壞左邊....整機的人同我講,話我電話charge電果度有問題,整唔到,不過好在買到個新的adaptor去charge電,總算搞掂了.....
今日係細路出國gei日子,返左屋企送機....一定大細連埋阿婆都送佢.....雖然婆婆都係送到佢去巴士站,但佢見我上左車後都唔走.....我見佢一個人企左係到同我細路揮手拜拜gei時候,有一種說不出的難受.....婆婆都唔細了,細路咁一走,都唔知有冇機會見到佢,諗到利到,我都唔敢再想下去了.....搭車的途中很平靜,都係無mug出聲.....佢走左之後,少左個人同我玩,少左個人同我爭電腦用,少左個人同我食早餐,可能都要一段時間先可以適應了.....去到機場check in,等入閘,冇野好做又係到食野.....食月餅....我諗細路今年要自己過中秋了.......走的時候不知說甚麼,只能說句再見吧,我不太想說拜拜,好似唔知怎樣的......就係咁,佢靜靜地走了,踏上了他的旅途.....我同母親一起回家.....有時我覺得自己是個眼淺的人,雖然唔係喊,但係總是像有沙入眼似的.....可能我平時對人的態度成日俾人玩玩下,唔認真,漫不經心的樣子,但我那有放下其他人的事.....無論係家人,朋友,佢或者佢,只要我識的,我都不能甚麼都不管....可能我是認真的時候,就會比任何人都認真吧,頹的時候,比任何人都要頹吧.....不論學習,踢波,愛情,做事都是這樣........
返左屋企同阿婆同母親食飯......食過後去左新港城.....一來我買左件衫要拎去換,二來dick dick話想買衫wor,咁我咪帶佢去law.....今年睇來都係多d同dick dick玩好了,我想生活會好過點.....之後返左lab....雖然已經唔做lab了,但係返去搵果個同我postgrad wendy....問佢關於d我唔識做gei assay.....好在佢好好人,又好有耐性講我聽,雖然佢講的那個assay,我做都未做過,但佢講左次,我都明了experiment的principle了,我想就算我未做過,都算學了野吧,對我日後都很有幫助.....如果我有時間,我想再搵佢問下點做lit同埋教埋我點做d protein的assay.....不過都係有時間先算啦.........

>>September 21, 2004 at 6:59:23 PM GMT+8

2004 年 9 月 19 日 星期日 【晴】

今日一早又上10點半堂….但係就幾眼訓,可能係昨晚夜訓了…..搞到我都唔知professor講mug…
下晝做lab….嘩,係lib到睇緊d org chem訓著左,一起身就兩點半,遲到咁飛去lab…但係去到我都重未係最遲,重有好多人遲過我….唔知係唔係眼訓的關係,成個lab係到遊雲,又加錯野,又做得慢,組組都走哂,我地係最錯….睇來個lab的result都係死緊了….
返屋企食飯….細路聽日就上機去澳洲了,所以梗係返去睇下佢啦…..唉,係屋企,無人同我玩了…..之後即刻做org chem功課….聽日就交了,做都未做過….今個sem一定要怒摺先得了,org chem已經harsh,加埋d讀到傻gei major同埋兩個fyp….真係自己無聊,無啦啦add左個org chem,真係自己找死….不過算了,一切都太遲….我都要發力了…..
利期係到諗,係唔係應該收心養性呢....dick dick都講得幾arm......都係穩定d好....最少俾個好印象人吧.....

>>September 20, 2004 at 12:45:09 PM GMT+8

2004 年 9 月 18 日 星期六 【乍寒還暖】

今日成日都落雨….係屋企休息…..
成日想溫書,但總是無專心下來….溫左勁小……
下晝去左買衫….係商場到係咁行,行下行下,又買左mouse同洗頭水,愈來愈多野要買….唉,又洗左成幾百蚊…..
夜晚收到jack個電話…..係一個惡夢….佢同我講org chem的功課下星期五交,重要好似無source,要去jorunal搵答案…..今次死了….有d後悔take左org chem….大佬,有10份功課,一星期一份….份份搵journal,我死俾你睇了……

>>September 19, 2004 at 1:11:11 PM GMT+8

2004 年 9 月 17 日 星期五 【晴】

今日係好體力的一日….
晨咁早6點幾起身….係大學火車站食過早餐後就搭車去羅湖了….很久無返大陸拜山了,因為細路要出國,所以返來順手見下d親戚…..
拜山當然唔少得要除草啦,但係就唔駛我地搞,就雇用了當地的村民同我地除草….但其中一個幫我地除草的,竟然只是一個八九歲的小女孩吧…..咁細就出來幫手了,回想我當年咁細,掃地都未必會識啦…..兩樣野我最深刻….一.佢好有禮貌,係非常有禮貌先arm….二.她天真的笑容,我俾左d糖佢,佢真係笑得好開心咁同我講多謝,可能佢成日都冇得食糖吧…..
之後又係食飯,探親咁啦….用d普通話同d親戚講野….好在都尚算聽得明,講到兩句…..全靠暑假成日聽普通話劇集gei關係…..
返到香港都9點幾了….即刻又要出尖東幫阿仔慶祝…..雖然去到冇食野,但係都非常enjoy過程,因為中間非常搞笑….ar him真係幾掂,mug都可以玩一親,成晚就好似佢一個玩哂咁,如果佢做到p,應該係bch gei福氣…重有kennith,應該好開心吧,有咁多禮物收,生日快樂了……
搞到成兩點先返屋企….累到死…..重要冇鎖匙,要人開門俾我,整…..

>>September 19, 2004 at 1:09:24 PM GMT+8

2004 年 9 月 16 日 星期四 【晴】

本來諗住7點幾起身的,但當我醒的時候已經8點了…..去左lib到溫多陣,順手食早餐…..個test就奇奇怪怪啦,出埋d我諗住唔出gei野law,重要最後果題上堂特登唔講,test果時先出law….有冇搞錯…..唔多識law….不過算了,個test計總分的5分,最多咪冇左1分多少少,下次估下個professor點出先,溫熟d notes啦….
之後上埋assembly…..第一次無係assembly到訓覺,因為坐地下…..不過好在阿女係到,都唔覺悶^^
下晝返lab做d野,之後返宿就返屋企了….
聽日要好早起身返大陸,我諗同唔到阿仔慶祝生日了…..點都好,生日快樂啦!!

>>September 17, 2004 at 1:17:15 PM GMT+8

2004 年 9 月 15 日 星期三 【晴】

今日得一堂要上,好快就放學了…..因為聽日要quiz,所以又要潛lib了…..
溫到咁上下,就去左文林的練波….反正聽日test十幾分鐘,應該無大問題gei….同文林踢波,有時都幾無癮,因為原全係快樂足球,亂咁踢,無隊形,好似我利d真係想踢波gei,就真係唔知點好了….不過唯一好gei,就係成日有波入….一開始都係頹踢,懶懶閒咁,但俾人矛左兩野,真係火都來埋,有d興ga,但將佢發洩係martin身上….係認真d gei我之下,可憐gei馬丁就係咁俾我攻入四波了….不過果兩野好應ar,左腳俾佢踢到行都痛,唉,右腳的傷都未好,左腳又傷埋,我真係容易受傷的男人…….
夜晚又怒溫…可能係睇了太多書,竟然悉忽略左冇mug讀notes….唯有聽朝溫啦,因為今晚要文林食宵,費事唔去….又係文林食宵,識左多d文林人了,但都係識唔哂……今年d freshman都唔錯,幾玩得….食gei途中係到玩十五二十,嘩,玩親都輸,都唔知係唔係一個陷阱來ga,不過好在輸左唔駛飲酒,如果唔係聽日個test爆緊……去食宵當然唔少得做人啦,每次都係堂主俾人做,今年班老鬼年下任堂主martin都唔放過,一齊做埋,可憐馬丁得番半條人命….
食得好飽,番到去,兩點幾了,明日要早d起身溫書…..

>>September 17, 2004 at 1:17:01 PM GMT+8