2004 年 10 月 14 日 星期四 【晴】

今日同dick dick食早餐後就去左上堂了……上左一堂咁大把,assembly都唔去就返左去宿做report…
下晝去左剪髮…..presentation了,修一修會好一點吧….雖然無諗到個師父會同我一修就修咁短……
去左旺角組聚加埋同sandy慶祝生日…..去到都差唔多8點了,遲哂大到….胃部不適的關係,都食唔到d mug….不過大家都很熱充於食利方面,好多時都聽到mug野好食,邊到好食…..可能我對食利方面要求不大,所以都只是聽多講少…..由旺角一路行一路食,最後還是去左m仔到食左個餐,行到尖咀…..中途經過油麻地等地區…..只覺得是一個很複雜的地方,說真的,我真的沒有來過這些地方…..可能我是個不多上街的人吧,一個人來一定唔識路,而且都唔會太留意周圍建築物….不過行個一次我就會知了…..
去到尖咀海旁傾計…..已經是12點幾的事,初頭以為佢地會趕尾班火車的,但一傾就不可收拾了…..組仔him果然係好talk得ar,我想佢唔做p真的會浪費了…..聽到很多野呢,不過很少發言,一來我唔係系會,二來不大舒服呢,我還是喜歡聽人說多過自己講,你叫我講可能什麼都說不出,但叫我聽,我想我有比其他人更好的耐性去聽吧….
走的時候已經忘了是幾多點了…..要返旺角搭小巴返宿…..聽日重要傾presentation,但我搵的資料不多,又未睇,本來諗通頂的了,但身體已經不能使喚,倒頭就訓….但行上文林太熱的關係,訓唔到….不知怎地,腦突然閃過一首歌….是何嘉莉的兩種人吧….還記得有幾句歌詞….
痛著愛 笑著吻 你共我是兩種人
偏偏一抱緊你就比世上情人還吸引
痛著愛 笑著吻
吻盡也沒法令愛發生
即使可以跟你互相開心得痛心
仍可以 不相襯
是否利期聽舊句聽得太多了…..
cc的日出好ma….文林的天台是一直鎖上的,只能在大廳的露台看到出面……身體不聽使喚,不能履約了….

>>October 16, 2004 at 5:21:19 AM GMT+8

2004 年 10 月 13 日 星期三 【晴】

如常去左上堂…雖然遲左差唔多半堂先入到去…之後溫lab quiz,經過上次個lab quiz爆到喊後,今次一定唔爆得ga啦….
下晝去左做lab,但今日係電腦lab,淨係對住電腦做d data的分析…..不過我利個電腦白痴,做得勁慢,成日都跟唔到…..搞到最後都係拎番d野返屋企做…..
返屋企食飯….順手做陣report…..好多report要做ar,加埋d assignment,總共有成4份,下星期要交3份,重要搞presentation,痴ga…..
去左一年一度的shaw lane….雖然我去到已經好遲,但總算睇到胡風…不過佢上到台就係到講廢話,唱左一首歌就想閃人,d人邊肯ar,好在mc係到,如果唔係佢實走唔到….
返到去文林糖水會…..食左個芒果布丁汁,因為根本重係水注汪的…….又要做report了…..

>>October 15, 2004 at 8:22:34 AM GMT+8

2004 年 10 月 12 日 星期二 【晴】

今日又係上得果兩堂就收工了……之後組聚,今日好齊人ar,但就係無左我的ex-同房馬丁,我諗佢那時應該重係宿到訓吧,哈哈……
返左宿到做左陣report就入左馬鞍山了…個鬧鐘壞左,要買個新的……其實壞利個都係用左一個月啦,實在太頹了……原仁突然打來,佢話佢來cu到見professor,因為佢要搞學聯d野,順手入來探我,搵我食tea,但我又要走人wor,真係不幸…
夜晚做左陣report去左踢波……好耐無同廢傑佢地踢啦,雖然未好番得哂,但踢個幾鐘還可以吧……原仁做龍gei時候,玩下玩下咁俾我入左3球,之後佢唔多順,唔keeper,出來踢……咁arm我又係到守緊龍,俾佢入番球……重要俾佢話俾個龍門入波,見我學下做龍wor,哈哈……
返到來又做report了……
有時我就是這樣無聊的了……不過……
玩左過唔知mug野的test,對我有以下的評語
Yellow Fawn is austere and tend to be always quiet.
You are indifferent to how you look.
You dislike wearing branded clothes, and don't try to be strong or vain.
You have a pure heart.
You say things in straight forward way, and this may startle others.
But you yourself don't think it to be offensive, so it won't lead to bad personal relationships.
You are not a double faced person, and because you act honestly, people would trust you, and you can build up good and long personal relationships.
Not many, but you can make few real good friends.
Nevertheless, too optimistic personality can be a trouble.
You may be taken advantage of by others and may be easily deceived.
Although you don't show externally, you are very passionate.
You work hard to make your dreams and hopes come true.
You have a very good luck in business.
You are likely to be very successful once you start your own business.
However, because you don't get too attached, you may just stop before the last step.
You will succeed if you be more persistent.
You wish to build warm personal relationships, and often take over stable businesses

>>October 13, 2004 at 5:54:06 PM GMT+8

2004 年 10 月 11 日 星期一 【晴】

今日又走左org chem…..整…..雖然我係有d唔多鐘意個professor,但為左個grade著想,下星期一定唔走堂….食早餐的時候,諗緊我利個星期的時間應該點用好…因為下個mid term又無咁快來,但又好多野做,所以諗緊點樣又可以做到野,又可以溫到d書….
返左屋企拎d野,所以係屋企食埋lunch先返…..
下晝傾左molecular biology的presentation…..但只是傾左少少….
夜晚傾埋ccfyp d野…….
返到宿,溫下晝,做埋ccfyp d手尾….
要快d搞其他report,功課同我個lit了…..
愈來愈覺我唔鐘意做功課….我prefer去考試,睇好多書,可能我都幾鐘意睇書,你叫我怒睇都唔會有好多野講…..總好過同d report ar, presentation磨命…..
聽日唔”渣灘”了….
Download左首都算係舊歌….
洗剪吹 吳浩康
長嗟或短歎 或者不可給你選 誰若試過戀愛 都必失過戀
留海或鬈發 熱水風筒較剪 平復過去方法 卻是能自選

如果不可改變面型 就換個新髮型 臨場那適應力 叫做年輕

濕了便 吹一吹 你還年細 從沒眼淚與污泥 沒法可清洗
心痛便 剪一剪 那條情感線 無謂縛著掛牽 要看前面

如失戀 未可免 無謂看最壞那邊 越去撥越凌亂
將你煩惱絲一剪 角色已可改變 誰也有責任
好好打理自己 誰說你可嫌棄 嫌棄 自己

如失戀 未可免 無謂看最壞那邊
獲益都算不淺 剪個頭髮變出新人

用事不用怨 期盼理想對像 邂逅在前面
尋到愛戀之前 還未有 漸退的 發線

>>October 12, 2004 at 3:28:34 PM GMT+8

2004 年 10 月 10 日 星期日 【晴】

今日一起身就見血,事關我唔記得拎個鬚刨,問左dick dick借剃鬚刀片來用,一開頭都好似無mug野,但係唔夠一陣就發覺血光之災了……和平日一樣,上左兩堂lecture….好悶,加上尋晚lab quiz溫到好晏,上堂係到勁訓覺…..
下晝做lab同lab quiz…個quiz都麻麻煩煩唔多識,不過ok的,我諗錯到唔至於爆的情度…..個lab超耐,但係唔係做得耐,係等得耐…….等到可以有時間去識tea的….去左NA canteen到食tea,叫左電豆腐花…我先記得我頭先溫lab quiz,連lunch都未食…..勁白痴,我去到佢無人收飛,佢叫我地自己”不”….跟住我諗住拎個湯碗來裝啦,點知d staff即刻勁驚咁樣,快步走過來同我地裝,哈哈…
之後踢超聯對psychology…..今日終於到我坐冷板凳啦,因為對ie整親未好,之前已經叫歐俊搵yr 1的Derek代我踢….排左個新陣,係以yr 1同yr 2的人作骨幹,效果唔錯ar,一開始就咁住psy來攻啦….我想歐俊都係想培育下一代,等biochem下年足球可以踢得更好….所以我利d唔踢都無mug所謂….不過好笑的是,上場ie正選的,今場全都坐冷板凳,哈哈,包括阿安同阿天……
終於見識到八大神射了…..的確佢gei速度又快,有腳頭,轉身靈活….唯一想講就係腳法唔係太勁,扭波gei板斧唔係太多,而且唔高,身位都有d輸蝕…..所以有空位俾佢,佢當然係屈機啦,但係佢好似上身咁係半場到帶波,又點會過得到ar…….上半場我地入左球….後來俾一追番,之後就無記錄了….唔錯啦,和了psy…..重有機會出線…..
返到宿好想做野,但係mid term後都無mug心情做野….唉,成日渣灘,都唔知做mug….

>>October 12, 2004 at 3:06:32 PM GMT+8

2004 年 10 月 9 日 星期六 【晴】

今日係到做d org chem.,又係勁悶人同唔識做…..
明日又要lab quiz了,想夜晚讀的,但無mug心情讀……..
夜晚返到宿的時候,記得上星期五重有一場未打完gei winning,所以返到宿的第一件事就winning,唔係lab quiz…之後gei結果又輸俾dick dick了,已經連輸3場,唔通我真係渣左….
明日超聯對心理系,聽講有個八大神射做前鋒wor…勁ar,又可以同勁人踢波啦….但係我右腳拉傷未好,可能聽日要做坐後備了….
溫lab quiz了….
早知我就出埋去幫你拎啦,費事你拎住咁多野行咁辛苦….唉….

>>October 10, 2004 at 4:53:11 PM GMT+8

2004 年 10 月 8 日 星期五 【晴】

一早起身去左食早餐….很久沒有咁遊閒食野了….本來想做org chem功課的,但係無mug心情,尋晚又買左隻game返來未打過,所以去左打陣機….
下晝幫阿女搬宿….佢隻腳好似無mug事咁,不過還是拎下野啦….就係咁,又整左一個下晝….
回家前返了新港城….拎左個電話去people問下佢可唔可以幫我檢查,佢叫我聽日出去旺角整wor,麻煩….經過cu medicine的exhibition,入左去同canice打個招呼,不過就唔見左阿維,唔知係唔係去左”渣灘”呢,哈哈…..
夜晚返到去做org chem了,不過做得好慢呢….
休息多d先可以快d好,唔好周圍去啦^^

>>October 9, 2004 at 2:21:46 PM GMT+8

2004 年 10 月 7 日 星期四 【晴】

又8點幾起身…..溫多次就去考了…..
雖然有d 野俾我tip中左,但係都係錯了些…..5%的quiz又半爆了….我上次已經半爆的了,今次又來,真係灰灰地,唉….
考完後精神已到達就來行行下都可以訓著gei情度…本來諗住唔去assembly,但阿女話今日講員好似幾好,所以就去了….
Assembly果然十分好…好似係電台的唔知mug野總監…佢勁野ar,講野有point又好笑,有d似黃子華^^…..而且佢之前重係中大,住文林ga!!!勁ar,文林果然多勁人(雖然我唔係),繼我地department的profssor edwin後,又識多個勁人!!講野唔駛稿,就係咁隨口up,太勁啦….
之後返左宿休息一陣就去左上cc fyp…..今日係第一組present,題目係安樂死…佢地俾人插到瘋,因為有一組好似好有料ga,不停出貨係插,重要係有point又有sense的不留餘地….我諗到我present都係一樣的了….
夜晚本來係返屋企食飯,但係要傾cc fyp,無返去食…..諗住打電話返屋企啦,點知個電話唔知做mug,打通左聽唔到聲….搞到我返到去俾人鬧,都傻gei,關我mug野事wor,個mobile唔知做mug鬼jar ma,話我玩電話,無野ma,我重未無聊到玩屋企電話,老爸都唔知發mug神經….唉,明日拎電話去檢查下先啦….
終於可以返來休息了……這幾天真的累壞了….重未試過溫書係咁辛苦的…..重慘過高考….
唔好口不擇言…..有時我覺得自己總是太專心做野,不理其他人,唉,我就是這樣的人,從不想其他人,不論是家人定係friends…
要快d好番ar…..休息多d,唔好周去^^….

>>October 8, 2004 at 4:44:11 PM GMT+8

2004 年 10 月 6 日 星期三 【晴】

今日成9點就起身了….去左成日去gei蛇吧食早餐….都係坐番同一個位….但係就一坐低唔係食野先,係拎notes出來睇…
mid term得50分鐘左右,但係份卷應該係做兩句鐘的….professor癲ga,50分鐘,9題長題目,有成7題係10-20分的,點寫俾你ar大佬….自問已經係摩打手ga啦,都答唔到d mug俾佢law….不過算啦,我諗大家都係咁,我都應該唔會太差gei,因為一齊死gei姐…..不過始終都係有d擔心個mid term會爆….講真,我都無諗過yr 3 d course會係咁瘋狂的…..
下晝又要lab quiz的關係,又去潛lib pre lab….一坐低,睇左一陣,d字多到我睇頭暈…而且坐左一陣重胃痛…..嘩,真係超痛,完全溫唔到…強忍左一陣同dick dick食飯….食完之後更痛….本來想去clinic睇醫生,順手同lab果到請假,好在dick dick佢有d 必理痛,食左又真係無咁痛,我先可以做lab….
Lab quiz,唔駛講啦,爆到喊….應該係我咁多次quiz最低分的,4答問題, arm得一答,就係咁,我又豪左2%俾人了…..
返到宿就訓了,但都係唔係好舒服…葉展兄同dick dick話今晚煮飯,叫我休息多d,佢地搞掂wor….真係唔該我兩個同房…..一訓訓到8點….落到去等左陣就食得了….今晚好多人一齊煮飯食,除左我兩個同房,還有allen,阿維,許景同珅少….好耐無試過在hall咁熱鬧了,咁先似番上年熱鬧gei文林堂ga ma……雖然都係d好簡單gei野,但係都食飽了….mug都唔做,當然係洗碗啦…..沖過涼後差唔多10點了….明日immune又quiz了…有成130張powerpoint,溫都未溫過…..之後又同d notes苦戰…..雖然訓醒左,但係都係好好累,集中力去到新低,溫完d野一陣就唔記得了…..就係咁,好不容易先睇左六七十張…..之後果d頹睇了….同埋開始諗tip下題目…..
又衝到3點先訓….已經唔知連續第幾晚3點了….

>>October 8, 2004 at 4:43:57 PM GMT+8

2004 年 10 月 5 日 星期二 【晴】

今日係瘋狂的一日…聽日就molecular biology的mid term了….雖然我上星期已經讀左一次,但係利幾日成日趕功課,昨日又去左溫immune,搞到我幾日無睇過明日mid term d野了….
上左兩堂同組仔him同kennith食飯…..之後去左lib潛水…..昨晚都訓得唔錯,今日溫書都無mug合眼訓….d野有d唔多記得了,好多野要重新溫,而且成打reference都未睇完,所以又要狂讀….
讀到嘔電….出左lib講左兩句電話,順手透下氣……同文林食過飯後又讀過….多得martin同我周圍張,搞到我食飯gei時候俾我親愛gei野豬同學問到口啞啞….
就係咁,讀到差唔多3點….今日由下晝兩點幾讀到半夜….差唔多十二個鐘….天阿,mid term唔駛咁玩我ma….我幾乎係今日一口氣讀哂個mid term佢law….讀完之後,一見到張床,一訓就熟睡了…..

>>October 8, 2004 at 4:43:31 PM GMT+8