2004 年 10 月 4 日 星期一 【晴】

5/10 晴
今日又自動day off了,無上到org chem.,但都早起來了做report….
做到下晝先交得….下次report一定寫少d野,浪費我勁多時間…..之後同dick dick食過午餐就同佢去左u lib溫書…dick dick利期傻傻地,昨日拎左我鎖匙,鎖左我係房唔俾我出來,今日溫溫下書,佢勁無聊係咁打電話俾我…由於我聽緊歌,都唔知電話響…跟住佢見我無mug反應,竟然直接同我講,叫我聽電話….一睇之下,見到係10分鐘入面有成19個未接來電….破左我用咁耐電話gei紀錄,真係傻ga…..
佢梗係溫書溫到癩左^^
之後都係摺lib,但冇溫到星期四個mid term,走去溫下星期五個quiz….雖然mid term d野溫左一次,但係都唔多記得,又有d唔明,所以都驚驚地….
拎番份org chem功課,錯到死人,雖然個個d分都差唔多…..但係真係俾個professor d 問題陰死,都未見d問題個咁卑鄙,下次一定短答俾佢,唔識就費事理佢了….
Appeal到有宿真係好彩啦,祝你搵番個好同房啦^^

>>October 5, 2004 at 4:36:21 PM GMT+8

2004 年 10 月 3 日 星期日 【晴】

今日係一場惡夢….
早上如常上堂…..但係俾我知道左兩樣野….
一.份lab report聽日交….
二.星期五major要quiz….
知道左之後,人都癲,星期四mid term都未搞掂,點溫到quiz ar…..再說份report我以為係星期四交的,我只係做左好少….
有reserved的書遲左還,罸左我成十幾蚊,真係傻ga…..罸到我窮…
做完lab摺埋做report….重要搞埋聽日org chem的手尾….我諗聽日兩堂org chem都係上唔到ga啦….
今日明白兩樣野:
一.有時d野低調的好,唔好太串…
二.唔好口不擇言亂up野….

>>October 4, 2004 at 6:38:06 PM GMT+8

2004 年 10 月 2 日 星期六 【晴】

3/10 晴
今日又係做功課日….d org chem唔識做,又唔係好想抄人,係到諗左成日….但總是有一題唔多知點搞,睇左書同notes都唔知想點,最後是但寫d野就算啦….唔通走左堂真係咁嚴重,連功課都唔識do….
買左電話了…..終於有新電話用啦….不過由於去左買電話,結果無去reserved lib到還書,一蚊一個鐘,聽日會好’come’計……
浪費了太多時間在org chem搞到我夜晚先做report…..做gei時候mandy走來問我physical chem…..邊識wor,我先己org chem都未掂,又那有能力搞人地的physical chem…..
做report無mug心情….成日都做野,搞到人都呆呆地….
細路過到澳洲好似幾好,佢話係悶左d….希望佢真的收心養性吧…..

>>October 3, 2004 at 4:16:27 PM GMT+8

2004 年 10 月 1 日 星期五 【晴】

今日一大早就要比賽了…..11點biochem對ie….ie好似係上年的亞軍,我諗都應該幾強ma……但係由於今朝要去lib到還書,所以遲左去到嶺南場,不過都總算係開波前去到….去lib的途中撞到cc院隊又係ie的jimmy仔,問下佢ie的踢法,佢同我講佢地全隊都係院隊,而且係好進攻型的球隊,反觀我地biochem就得山雞一個係院隊law(但我覺得佢又唔係太高level),兩隊實力的確有分野……好耐未咁早踢波了,有d未訓醒gei感覺,而且有d腳軟,開波前心知不妙…..
開波就俾ie咁著來攻,而我就好似未訓醒,去左漫遊太虛,完全唔知自己係到做d mug….上半場輸左球….其實有一半係martin的責任,而另一半就係球証,因為我見到ie個前鋒有撞martin的……同埋我都睇到ie的人是好撞得,腳法不是特別好,只是體力充沛,同埋成日亂咁射波搏混亂,但係就完全唔中龍….如果唔係點會射左咁多,上半場入埋球fu lo波…..下半場有d回魂gei情況….不過都係無用,雖然在前面單對單對住ie的後防完全可以突破,但係中場支援太少了,完全顯示出對physics的問題,急攻,無組織…..panada同阿天都是太主攻了,踢中場經驗尚淺…..贏physics明顯就是physics的後防根本就是差,兩次俾我射入時,後衛都完全阻唔到我,但ie的後衛ma,有個是我識的院隊,無左中場的幫助,下下要我對著數個院隊人,真是有點吃力….
之後老明一個失誤,又輸多球…..那時我才訓醒吧…之後的時間就主動好多了,反擊ie…..雖然未能入波,但已經好多了…. 對著亞軍隊伍二比零的比數唔太差吧,不過同組重有psychology都好似幾強,睇來我們要練多d先得了…
返到屋企,拎左細路d書去賣….之後做org chem的功課….好難做ar,走左堂的後果…
利期拎左隻范特西來聽....又聽番兩首我都好鐘意的歌....安靜同簡單愛......每次我聽和咁安靜的時候,都會有很深的感覺吧,總會諗起某些事情.....簡單愛ma,輕快d歌....是簡單的愛情,我想都是很多人的願望吧.....希望你都會得閒聽下....

>>October 2, 2004 at 5:26:17 PM GMT+8

2004 年 9 月 30 日 星期四 【晴】

昨晚做完cc fyp之後,諗住同dick dick玩一陣….點知佢玩到傻左,成3點都唔眼訓wor…之後又傾左陣計,搞到成4點先訓咁掣….

今日一醒已經係中午時份…..dick dick已經走左了,佢好似返左大陸…

我都返屋企了…..但係溫溫下書,老爸又叫我整利樣,整果樣,都溫唔到書…最後都係同佢去左新港城睇電話…..

夜晚好精神地溫書,efficiency大增,我諗係昨日訓得太耐,d 野睇哂一次,但係有d地方唔係咁知係到做mug,要快d搵人問先得….d org chem同lab report重未做ar!!!要快d做完溫mid term…

>>October 2, 2004 at 4:10:31 PM GMT+8

2004 年 9 月 29 日 星期三 【晴】

今朝上十點半堂,但係無啦啦兩個鬧鐘都唔響,搞到我又無醒到,成十點二先起身,唯有飛番學校….不過都好,都係遲左三個字….

之後去左lib…無mug特別….

食lunch的時候見到阿女同兩個bch yr1食飯…..好在佢見唔到我坐係邊….

夜晚無返屋企,因為要傾cc fyp,雖然我頹頹地,但都交到貸gei….我咁放心咁遲先做,其實係我熟個topic同埋淨係set question,應該可以好快搞掂姐^^

傾gei時候都唔多頹gei,諗左d ideal都幾好….其實如果可以搵d theory去支持下我地個分析就更好,可以俾個人pro d 的感覺….

搞完fyp,到dick dick去左新港城買衫同睇電話….dick dick好鬼搞笑,同佢去超市買野gei時候,成日拎起d野話買,之後行兩步又放番低…我都未見過d人咁買野…

返到去打埋d ccfyp的野….又溫唔哂d major了….

生日快樂了!!!

係做cc fyp gei時候,搵到個搞笑的心理測驗,這是link: http://www.my3q.com/home/prelude/novel.phtml

這是我的結果….

楊過 \
個性執著，會努力的守候著自己心儀的人。 \
有時可能會不敢明明白白地表達愛意，但專情的你，會使盡全力去挽回愛情，受壓力愈大反彈愈大，是永遠不服輸的人。

俾左dick dick玩,佢竟然係

小龍女 \
內熱外冷，清純善良 \
較自閉、內向的性格，不習慣以言語直接說明，但會以行動不經意地流露愛意。
熱情澎湃而又沉穩，和你一起會感到安心自在

果真完全亂來,一d都唔準….

>>October 2, 2004 at 4:10:00 PM GMT+8

2004 年 9 月 28 日 星期二 【晴】

昨晚食埋宵,去左to屋企玩到成兩點幾先返屋企….一返來arm arm好皇馬對羅馬…睇左上半場,好眼訓,而且諗住皇馬輸緊,就去左訓了…

今朝起身就開始讀下書了….

睇新聞知道皇馬贏左,嚇到我死…原來有士氣的時候,d人踢波真係踢到會識飛ga….可以突然變到咁勁….

之後的時間都係睇書….悶到傻,全部都係gene……溫到悶悶地去左新港城去睇電話….電話壞左,想換個部,但又唔知邊個好….

夜晚….都係睇書……雖然全日都唔係好專心…..

>>October 2, 2004 at 4:09:25 PM GMT+8

2004 年 9 月 27 日 星期一 【晴】

今朝要8點半堂,但係鬧鐘又整唔醒我…..後來dick dick叫醒左我,但已經成8點幾了,記得果個professor上佢堂,遲到要記名,所以都係唔上了,再訓過….就係咁,中秋節就真係變左day off,唔駛上堂了….

10點記起來就去左lib了….突然醒起今日要交番份org chem功課,由於今朝走左堂,要自己直接交去professor office….我又唔知頭唔知路,拎左份野去佢office,一入到去,見到成班人…講明左來gei原因,佢竟然同我講”你新來ga,來利到交功課”…整佢,我真係好想同佢講我新來law….好唔容易係個非常隱蔽的位置搵到個交功課的公文袋……之後就返lib了….

Lunch組聚,但唔人齊……

阿女來左u lib溫書,去左3樓那個超摺位…..我諗都果到應該係u lib環境最清靜的地方吧,希望佢mid term考好d啦….

無耐就返宿,因為dick dick約左我去買野,點知返到宿佢已經走左lu….

無奈下歸家…家中做節….但細路同老爸果d唔係到,很冷清的….溫左陣書就出左去同d friend玩了….中秋都係無心情溫ga啦……

在地球的另一邊,見到月亮ma…..我想佢睇到的那個應該同我睇的一樣吧……在異國的人,中秋快樂了……

>>October 2, 2004 at 4:08:30 PM GMT+8

2004 年 9 月 26 日 星期日 【晴】

尋晚睇到個lab manual的字多到唔想睇,又悶wor,所以9點幾鐘就去左樓下踢幾腳啦….今晚廢傑佢地練波勁認真,唔知係唔係食錯野,我一心諗住落去玩下就算ga啦,所以頹踢啦,就俾廢傑講左幾句了….早知唔來啦….
返到去沖埋涼成11點幾了,我先開始有d心情溫明日gei lab quiz….見到d procedure都唔開胃了,長到傻,appendix的字更加係長到好似永遠都唔會有完gei一日……愈睇愈煩,所以最後都係放棄唔睇procedure住,明日先睇,依家溫下d principle算了….就係咁,差唔多兩點幾先訓….
一早起身溫繼續溫lab quiz….上左兩堂無無聊聊gei lecture後去左lib到溫多次啦…見到阿仔frankie,佢叫我去lunch ga,但無奈有quiz….
Lab quiz原來好無聊….我想都識答哂,差在會唔會arm哂……個lab好快做完,4點就走得了,開心到爆…..返到宿坐左陣,見到有d野未交去office,忽然記得梁正同allen都好似俾左我,叫我幫佢地交的,今日重要係deadline tim!!!唯有飛番去本部gei office….一去到,office已經關門了,但好在d人arm arm走出office,所有即刻唔理三七廿十一俾左張野佢地先….
係本部見到阿女….佢想去咁錢wor,但原來佢連自己係想去銀行定係櫃員機到拎錢都唔多清楚law^^…..
返左宿坐多陣就去左生化的o nite….o nite好多人,都幾好玩,最開心當然唔係我玩啦,係睇d freshman玩先係main point….經過利次後,我得到以下結論:
1. 阿女的英文發音十分準確
2. 阿仔做左系草完全係靠實力,以我昨晚所見,biochem的yr 1應該唔會有人可以爭贏佢做下屆的 p
3. 原來我係唔認得d yr 1,由樣到名,我好多都係唔多知…..
就係咁,我地為左同慶祝阿仔做左系草,就去左飲野….不過我深知自己聽日要交org chem功課,所以同kennith走先了…..
返到宿就問下d chem major點做份assignment,佢地一個未做,一個頹做…..由於dick dick同葉展兄都唔係房,搞到我悶悶地,所以走左去canice到做功課….開始發覺我係個唔悶得gei人….順手同canice係到吹水….
到最後我都係靠自己做好d功課,反過來d chem人走來問我點做….martin食完宵返來的時候,我同佢研究左一陣點搞d org chem….3點幾就訓了…..

>>September 28, 2004 at 9:20:20 AM GMT+8

2004 年 9 月 25 日 星期六 【晴】

今日係到溫書…就來major有個course mid term了,但d野唔識,又散,都唔知想點…
下晝溫到悶悶地出去行個圈啦….後來先發現原來今日溫得唔多…
夜晚想溫明日的lab quiz,但唔多想溫….kuen又叫我去踢波wor,所以都係踢左一個鐘先溫….
點解弗羅里達又打風ga…..前排先打完….我想佢無野ma….

>>September 28, 2004 at 8:58:04 AM GMT+8